Ц.ЦОЛМОНБУД: “Ла ла лэнд” бүтээлийг балетын хэлбэрээр анх удаа тоглоно
Олон улсын эмэгтэйчүүдийн эрхийг хамгаалах өдрийг тохиолдуулан ирэх сарын 10-нд “Ла ла лэнд” энтертайнмент балетын жүжгийг “Корпорэйт конвэшн центр”-т толилуулах гэж буй юм. Тус бүтээлийг Монголд анх удаа балетын хэлбэрт хувирган хүргэж буйгаараа онцлог аж. Энэ тухай “Элит” балет компанийн үүсгэн байгуулагч, балетмейстер Ц.Цолмонбудтай цөөн хором ярилцлаа.
2024-02-28
Хугацаа нь дууссан сүү авна
Хаваржилт хүндэрсэн үед нялх төлийг нэмэлтээр тэжээхийн тулд малчид чихэртэй цай, хуурай сүүгээр угждаг. Үүнтэй холбоотойгоор хүнсний инженер О.Гал-Очир хугацаа нь дууссан, хүүхдийн сүү авах хандивын аян эхлүүлсэн байна. Тэрбээр “Хүүхдийн сүү төлд шим тэжээл болдог учраас хандивын аян эхлүүлж байна” гэлээ. Иргэд, аж ахуйн нэгжүүд сүү хандивлахыг хүсвэл “Амгалан” захын 327, “Чухаг-2” хотхоны 70, “Сандэй-2” худалдааны төвийн 72 тоот лангуунд аваачиж өгч болох аж
2024-02-28
Хөрсгүй технологиор тэжээл тариалах технологи нэвтрүүлэв
УИХ-ын дарга Г.Занданшатар Баянхонгор аймгийн Онцгой комисст 875 тонн тэжээлийн улаан буудайг хүлээлгэн өгсөн. Энэхүү тэжээлийн улаан буудайг ашиглан гидропоник буюу хүлэмж, гэр, тасалгааны нөхцөлд, хөрсгүй технологийн дагуу ногоон тэжээлийг тариалах юм байна. Ингэж тариалсан ногоон тэжээл нь ядарсан малаа онд оруулахад нэн тустай гэнэ. УИХ-ын дарга Г.Занданшатарын санаачилгаар Баянхонгор аймагт 2021 онд энэ технологийг ашиглан ногоон тэжээл тариалж, малчид малдаа өгч онд оруулж байсан сайн туршлага бий аж. Тэжээлийн улаан буудайн соёолжийг тав хоног ургуулаад, хөрстэй нь хурааж авна
2024-02-28
Улсын хэмжээнд 2.1 сая гаруй мал хорогдлоо
Улсын хэмжээнд өнгөрсөн долоо хоногийн пүрэв гараг хүртэл зудын улмаас 1.5 сая мал хорогдоод байсан. Тэгвэл өчигдрийн байдлаар тэрхүү тоо600 000- аар нэмэгдсэнийг УОК-оос мэдээлэв. Мөн 58 сумд төмөр, 139 нь цагаан зудад өртжээ. Түүнчлэн нийслэлийн хоёр дүүрэгт өвөлжилт хүндэрсэн аж. Малын зүй бус хорогдол Архангай, Баянхонгор, Булган, Дорнод, Дундговь аймагт хамгийн их байгааг албаныхан хэллээ. Хорогдол цаашид ч нэмэгдэх хандлагатай байгаа тулсэг зэмийг стандартын дагуу устгах ажлыг ч эхлүүлжээ. Үүний дүнд устгалын 1336 цэгт мэргэжлийн 6004 хүн ажиллуулахаар төлөвлөсөн байна
2024-02-28
Зудад өртсөн хүүхдүүдэд туслах хандивын аян өрнүүлж эхэллээ
НҮБ-ын Хүүхдийн сан зудад өртсөн малчин айлуудын хүүхдэд туслах зорилготой хандивын аян өрнүүлж байна. Монгол орны газар нутгийн 90 орчим хувьд зуд нүүрлэж, зам, даваа хаагдсанаас малчдын хүүхдүүд эрүүл мэнд, боловсрол, нийгмийн бусад үйлчилгээг авч чадахгүй байгааг тус байгууллагынхан хөндлөө.
2024-02-28
БНЭУ-ын парламентаас туршлага судалж байна
УИХ-ын ерөнхий нарийн бичгийн дарга Д.Энхбат Бүгд Найрамдах Энэтхэг Улсад ажиллаж буй аж. Манай улс Үндсэн хуульдаа өөрчлөлт оруулж, парламент 126 гишүүнтэй байхаар хуульчилсан. Удахгүй болох сонгуулийг холимог тогтолцоогоор зохион байгуулж, тойргоос 78, намын жагсаалаар 48 гишүүн сонгоно. Түүхэнд анх удаа ийм өөрчлөлт хийж буй тул 126 гишүүний суух өрөө тасалгааг бэлдэхээс эхлээд УИХ-ын дэгийн тухай хуульд өөрчлөлт оруулах зэрэг бэлтгэл хангахаар Тамгын газрынхан ажиллаж байгаа юм. Улмаар тэд энэ талаар олон улсаас туршлага судалж буй бөгөөд ээлжит улс нь Энэтхэг болжээ
2024-02-28
Ургамал хамгааллын эрдэм шинжилгээний хүрээлэнгийнхэн ажлын байртай болов
Ургамал хамгааллын эрдэм шинжилгээний хүрээлэнгийнхэн судалгааны лабораторийн зориулалттай шинэ ажлын байраа өчигдөр нээлээ. Энэхүү барилга нь судалгааны лабораториуд, оффис, спорт заал бүхий цогцолбор юм байна. Уг барилгыг Шинжлэх ухааны судалгааны лаборатори, спорт танхим нэртэйгээр БШУЯ, ШУА-иас санаачлан бариулж эхэлжээ. Харин 2021 онд БШУ-ы сайд Л.Энх-Амгалангийн шийдвэрээр Ургамал хамгааллын эрдэм шинжилгээний хүрээлэнд шилжүүлсэн байна. Мөн тухайн онд уг хүрээлэнд ажиллах судлаачдын тоог 80 болгон баталсан нь судалгаа, шинжилгээгээ тогтвортой, чанартай хийхэд түлхэц болсныг удирдлагууд нь онцоллоо
2024-02-28
Компаниудын ногдол ашиг тараах хугацааг тогтоолоо
СЗХ-ны өчигдрийн ээлжит хуралдаанаар тус хорооны 2020 оны нэгдүгээр сарын 29-ний өдрийн Ногдол ашиг тараах ажиллагааг нарийвчлан тогтоох тухай 28 дугаар тогтоолд өөрчлөлт оруулж, компаниудын ногдол ашиг тараах хугацааг нарийвчлан тогтоолоо. Тодруулбал, ногдол ашиг олгохоор шийдвэрлэсэн компаниуд санхүүгийн жил дууссанаас хойш дөрвөн сарын дотор буюу дөрөвдүгээр сарын 30-наас өмнө үүнийг хуваарилж дуусган, тайлангаа СЗХ-нд ирүүлж байх үүргийг ХК-иуд хүлээх нь. Энэ нь хувьцаа эзэмшигчид ногдол ашгаа хугацаанд нь түргэн шуурхай авахын сацуу хөрөнгө оруулагчдын зах зээлд итгэх итгэл, идэвхийг нэмэгдүүлж, тэдгээрийн эрх ашгийг хамгаалахад ач холбогдолтой гэнэ.
2024-02-28
АРАЙ Ч ДЭЭ!!!: 45.6 тэрбум төгрөгөөр хотын төвийн явган хүний замыг солихыг эсэргүүцлээ
Нийслэлийн энэ оны төсвийг тодотгохоор ИТХ-аар эхний хэлэлцүүлгийг хийгээд буй билээ. Төсвийн тодотголын төсөлд хотын төв хэсгийн явган хүний замуудыг 45.6 тэрбум төгрөгөөр солихоор тусгажээ. Энэ олон хүний шүүмжлэлтэй тулгарч, иргэд цахим орчноор дамжуулан эсэргүүцлээ илэрхийлсээр байна. Тухайлбал, нийслэлийн ИТХ-ын төлөөлөгч П.Наранбаяр “Хотын төвийн явган хүний замыг бүгдийг нь ховхолж аваад, оронд нь байгалийн чулуугаар зам засах юм байна. Нийслэлийн иргэд ийм ажил хүсээгүй. Энэ бол яаралтай хийх шаардлагатай ч ажил биш. Үүнийхээ оронд 3-4 сургууль, цэцэрлэг барья” хэмээсэн юм.
2024-02-28
“Би монгол хүүхэд” ёс заншлын наадам боллоо
“Би монгол хүүхэд” ёс заншлын наадмыг өчигдөр зохион байгууллаа. Нийслэлийн ерөнхий боловсролын 163 дугаар сургуульд болсон энэ наадамд Хан-Уул дүүргийн 19 сургуулийн бага ангийн 200 гаруй сурагч оролцсон юм. Уламжлалт аж төрөх ёс, үндэсний өв соёл, бахархлын талаарх ойлголтыг хүүхдүүдэд өгч, тэдгээрээс суралцах сонирхлыг бий болгоx нь уг наадмын зорилго аж.
2024-02-27
Британи, Герман, Ирланд улс дээд боловсролын үзүүлэлтээр тэргүүлэв
Дээд боловсролын систем, их, дээд сургууль, коллежийн сургалтын чанартай холбоотой судалгаа, үнэлгээг тогтмол хийж, оюутан, залууст зөв сонголт хийхэд нь хөтөч болдог “Campus advisor” олон улсын сүлжээ байгууллагаас 2024 оны Европын шилдэг 15 улсыг нэрлэжээ. Дээд боловсролын тогтолцоо, сургалт хамгийн сайтай, оюутанд ээлтэй орнуудын жагсаалтыг Британи тэргүүлсэн бол удаах байрт Герман, Ирланд, Швейцар, Дани улс орсон байна. Харин 5-10 дугаар байрыг Нидерланд, Франц, Чех, Австри, Швед эзэлж, сүүлийн тавд Португал, Бельги, Финланд, Норвег, Испани жагсжээ
2024-02-27
Улаанбаатар хотын музейн үзмэрүүд усанд автахад ойрхон байна
“Улаанбаатар хотын музей гэж часхийсэн үзмэртэй ч жижигхэн, ихэд хуучирч муудсан байшин бий. Гурван мянга гаруй үзмэртэй ч 100 гаруйхныг нь дэлгэдэг. Ноднин засварын зардалд нь зориулж 100 сая төгрөгийг нийслэлийн ерөнхий менежерийн багцаас гаргах болсон ч нэг түшмэлийн хүнд суртлын улмаас өнөөдрийг хүртэл ажил хийгээгүй байх юм. Жорлон нь өвлийн хүйтэнд мөсөн зоорь мэт байна. Музейгээ тордож чадахгүй бол хотын аялал жуулчлал яаж хөгжих вэ” хэмээн нийслэлийн ИТХ-ын төлөөлөгч П.Наранбаяр цахим хуудсандаа бичсэн байв. Нийслэл өнөөгийн өнгө төрхөө олох хүртлээ ямар замыг туулсныг Улаанбаатар хотын музейгээс үзэж болно. Гэвч холбогдох байгууллагынхан нь музейд ер анхаардаггүйгээс үзмэрүүд нь устах аюул нүүрлээд байна. Баянзүрх дүүргийн нутаг, Бөхийн өргөөний дэргэд байрлах уг музейн нөхцөл байдлыг сурвалжиллаа
2024-02-27
“Хөх баавгай” мөсний марафон зохион байгуулах нь
Хөвсгөл аймаг аялал жуулчлалын жишиг бүс болох зорилгоор “Хөх баавгай” хөтөлбөр хэрэгжүүлж эхэлсэн. Үүний хүрээнд олон улсын, үндэсний, орон нутгийн хэмжээнд соёл, спорт, бизнесийн арга хэмжээ зохион байгуулахаар төлөвлөсний эхнийх нь гуравдугаар 2-4-нд товтой “Хөх сувд” мөсний баяр бол удаах нь дөрөвдүгээр сарын 6-7-нд болох мөсний марафон аж. “Хөх баавгай” нэртэй уг экстрим уралдааныг унадаг дугуй, тэшүүрчдийн дунд тусад нь явуулах бөгөөд оролцогчид Ханх-Модон хүй-Тойлогт-Хатгал гэсэн маршрутаар, нуурын уртын дагуу 130 км замыг туулан уралдах нь
2024-02-27
АНУ-тай уул уурхайн салбарт хамтран ажиллах санамж бичиг байгуулав
УУХҮ-ийн дэд сайд Б.Уянга, Салбарын хяналтын газрын дарга, Улсын ерөнхий байцаагч Б.Мөнхдөл болон АНУ-ын Хөдөлмөрийн яамны Туслах төрийн нарийн бичгийн даргын орлогч Патрисиа Силви нар хоёр орны геологи, уул уурхай, газрын тос, хийн салбарын техник, технологийн горимын мөрдөлт, геотехник, уурхайн аюулгүй ажиллагаа, эрүүл ахуйн чиглэлээр тулгарч буй асуудал, түүнд тавих хяналтын тогтолцоог сайжруулах талаар хамтран ажиллах санамж бичгийг өчигдөр байгуулжээ. Энэ үеэр салбарын дэд сайд эдгээр салбарт тулгамдсан асуудлуудыг шийдвэрлэхийн тулд олон улсын стандарт, дүрэм, журам, шилдэг туршлагыг Монгол Улсад нутагшуулах, мэргэжилтэн солилцож туршлага хуримтлуулах, тэргүүний шилдэг техник, технологи нэвтрүүлэх боломжийг судлах зэргээр хамтран ажиллах нь зүйтэйг дурдсан байна. Мөн геологи, уул уурхай, газрын тос, хийн салбарын үйл ажиллагааг аливаа эрсдэлгүй, үр дүнтэй явуулах нь чухал болохыг тодотгожээ
2024-02-27
“S’outlet” дэлгүүрийн ойр орчмын бургасыг устгахаас өөр аргагүй гэв
Сэлбэ голын голдирлыг өөрчлөн барьсан гэх “S’outlet” дэлгүүрийг буулгах ажлын хүрээнд ойр орчмынх нь бургасыг булгалж буй дүрс бичлэг нийгмийн сүлжээнд өчигдөр тархаж, олон хүний шүүмжлэлд өртлөө. Уг асуудалтай холбогдуулан Улаанбаатар хотын ерөнхий менежер Ц.Төрхүү мэдээлэл өгөв. Тэрбээр “S’оutlet” дэлгүүрийн ойр орчмын үерийн даланг тэлж, хүчитгээгүй, бас дотор нь бургас ургаж, шороо асгаснаас болж өнгөрсөн зун үерт өртсөн. Тиймээс дэлгүүрийн хажуугийн үерийн далангийн сувагчлалыг нээхээр ажиллаж байгаа. Дөрөвдүгээр сарын дунд үед шар усны үер болох магадлалтай. Барилгуудыг буулгасны дараа үерийн далан сувгийг ухаж, хогийг цэвэрлэнэ. Ингэснээр ус нэвтрүүлэх чадвар нь сайжирдаг.
2024-02-27
Элчин сайдын яамдгүй байгааг онцолжээ
УИХ-ын Аюулгүй байдал, гадаад бодлогын байнгын хорооны гишүүд Румынд айлчилжээ. Энэ үеэр гишүүд тус улсын парламентын Сенатын танхимын ерөнхийлөгч Николае-Ионел Чукад бараалхан, улс төрийн яриа хэлэлцээ, тэр дундаа хууль тогтоох байгууллагын хоорондох харилцаа, хамтын ажиллагааг эрчимжүүлэх эрмэлзэлтэй байгаагаа илэрхийлсэн аж. Ирэх онд хоёр улсын хооронд дипломат харилцаа тогтоосны 75 жилийн ой тохиох бөгөөд үүнийг тэмдэглэн өнгөрүүлэх арга хэмжээний бэлтгэлийг хангах, зохион байгуулах ажлын хэсгийг Гадаад харилцааны яамд болон парламентын бүлгүүдийн түвшинд ажиллуулах саналыг Сенатын танхимын ерөнхийлөгч дэмжихээ илэрхийлжээ. Үүний сацуу хоёр улс Элчин сайдын яамаа харилцан нээхгүйгээр найрсаг харилцаагаа гүнзгийрүүлэх боломж хязгаарлагдмал болохыг онцолсон байна
2024-02-27
Нийтийн тээврийн жолооч нар нийслэлийн ИТХ-д шаардлага хүргүүллээ
Нийтийн тээврийн жолооч нар нийслэлийн ИТХ-д шаардлага хүргүүлж буйгаа өчигдөр мэдээлэв. Юуны өмнө тэд нийтийн тээврийн жолооч нарын үндсэн найман цагийн цалинг бүтнээр нь олгохыг шаардлаа. Мөн өнгөрсөн нэгдүгээр сараас автобусны жолооч нарын цалинг 3.5 сая төгрөг болгохоо дарга нар мэдэгдсэн. Гэвч өдий хүртэл үгээ үйлдэл болгож хэрэгжүүлээгүйг жолооч нар онцлов. Гуравдугаарт, хувийн автобус компани болон орон нутгийн өмчит “Зорчигч тээврийн нэгтгэл”-ийн удирдлагад нийтийн тээврийн салбарт ажилласан жолооч нарыг тэтгэвэрт гарах үед нь 24 сарын цалинтай нь тэнцэх хэмжээний урамшуулал олгох зэрэг шаардлагыг хүргүүлэхээ мэдэгдэв
2024-02-27
Энэ сард эрчим хүчний оргил ачаалал хамгийн өндөртөө 1529 МВт-д хүрэв
Монгол Улсын эрчим хүчний оргил ачаалал энэ сарын 25-ны 19.00 цагт 1461 МВт-д хүрснийг ЭХЗХ-ноос өчигдөр мэдээллээ. Энэ нь өнгөрсөн жилийн мөн үеийнхээс 347, импорт 230 МВт-аар өссөн үзүүлэлт аж. Тус хорооноос танилцуулсан статистикаас харвал эрчим хүчний оргил ачаалал энэ сарын 20-ны дээрх цагт 1529 МВт-д хүрсэн нь хоёрдугаар сар гарснаас хойших хамгийн өндөр дүн юм. Эл өдөр уг ачаалал 2023 оны мөн үеийнхээс 254, импорт 143 МВт-аар илүү байсан гэнэ. Харин хоёрдугаар сарын 12-ны 21.00 цагт оргил ачаалал 1228 МВт-д хүрсэн нь өмнөх оны мөн үеийнхээс 117, импорт 138 МВт-аар буурсан үзүүлэлт болов
2024-02-27
321 эмчийг орон нутагт ажиллуулахаар боллоо
Зудад өртсөн аймаг, сумын иргэдэд эмнэлгийн тусламж, үйлчилгээг тасралтгүй хүргэх зорилгоор 321 эмчийг орон нутагт томилолтоор ажиллуулах шийдвэрийг Эрүүл мэндийн сайд өчигдөр гаргажээ. ЭМЯ-ны Нийтийн эрүүл мэндийн газрын дарга Д.Баярболд “ЭМЯ-ны харьяа, төгсөлтийн дараах сургалт эрхлэх байгууллагуудад суралцаж байгаа, Эрүүл мэндийн хөгжлийн төвд бүртгэлтэй 321 резидент эмчийг гамшгаас хамгаалах өндөржүүлсэн бэлэн байдлын зэргийг цуцлах хүртэлх хугацаанд орон нутгийн эрүүл мэндийн байгууллагуудад ажиллуулахаар шийдвэрлэсэн. Зудад өртсөн, эрүүл мэндийн ажилтан дутагдалтай байгаа сумуудад тэд ажиллана. Зарим сумд эмч дутагдаж, иргэд тусламж, үйлчилгээ авч чадахгүй байсан асуудлыг ийнхүү шийдвэрлэж байна. Харин өдгөө тулгарч буй нэг асуудал нь хөдөөний эмнэлгүүдэд түргэн тусламжийн, туулах чадвар сайтай машин дутагдаж байгаа нь юм” гэв
2024-02-27
Урт цагааны газрыг урт гартнууд авчих вий
Урт цагааны барилгыг нураах шийдвэр нийслэлчүүдийн хувьд шинэ биш байв. Учир нь 2020 онд С.Амарсайхан хотын даргаар ажиллаж байх үедээ ч ийнхүү шийдвэрлэсэн байдаг. Гэвч тухайн үед барилгад түрээсээр үйл ажиллагаа явуулдаг иргэдийн эсэргүүцэлтэй тулгаснаар дээрх шийдвэр нь ажил хэрэг бололгүй, тэгсхийгээд намжсан юм. Нэг онцлох зүйл нь, тухайн үед Урт цагааныг нурааж, орчин үеийн шийдэл бүхий барилга барихаар архитекторуудын дунд уралдаан зарлаж байсанюмдаг. Үүгээр дамжуулан архитекторуудад 30 сая төгрөгийн шагнал ч амласан.
2024-02-27
