“Төрийн байгууллага хувийн хэвшилтэй өрсөлдөхгүйгээр менежментээ зөв хийх хэрэгтэй”
Өнөөдрийн байдлаар манай улсын цахим ур чадварын үзүүлэлт 48.3 хувь байна. “E-Mongolia 4.0” системийн хүрээнд төлбөрийн нэгдсэн шийдлийг ирэх онд нэвтрүүлэхээр ажиллаж байгаа” гэв. Ерөнхий сайд системийн дараагийн шинэчлэлийг иргэдийн саналд тулгуурлаж хийх, эрүүл мэндийн салбарын цахим шилжилтэд онцгой анхаарахыг үүрэг болгов. Мөн нийтийн тээвэр, төрийн үйлчилгээ зэрэг хотын асуудлыг шийдвэрлэх чиглэлээр нийслэлийн Засаг даргын Тамгын газартай хамтран ажиллах хэрэгтэй гэлээ. Монгол Улсын нэгдсэн вэбтэй болох, төлбөрийн систем нэвтрүүлэх, хиймэл оюун ухааныг “E-Mongolia 4.0”-ташиглах зэрэг санал дэвшүүллээ.
2023-11-15
МУИС-ийн III байрыг нурааж эхэлжээ
Тус сургууль “МУИС кампус” төслийг хэрэгжүүлэх ажлын хүрээнд хичээлийн III байраа нураахаар төлөвлөснөө мэдээлж байв. Тиймээс оюутнуудаа “Улаанбаатар” сургууль, Худалдаа үйлдвэрлэлийн их сургуулийн байранд хичээллүүлэх болсон юм. Оюутнууд өөр байранд хичээллэхэд тохиромжгүй байгаа талаар олон удаа сургуулийнхаа удирдлагуудад хандсан ч тусыг ололгүй өдий хүрчээ.
2023-11-15
Хувийн хэвшилд шилжүүлсэн хог ачих үйлчилгээ жигдрээгүй байна
Засгийн газраас төр бүх ажил, үйлчилгээг хийж, өөртөө ачаа үүрүүлэх шаардлагагүй гэж үзэн, заримыг нь хувийн хэвшлийн компани, мэргэжлийн холбоодод шилжүүлж эхэлсэн. Үүний нэгэн жишээ нь Баянзүрх дүүргийн хог тээврийн үйлчилгээг хувийн хэвшилд өнгөрсөн сард шилжүүлсэн нь юм. Нийслэлд анх удаа хог ачих үйлчилгээг хувийн байгууллагад шилжүүлснээр ямар үр дүн гарч байгааг сурвалжиллаа.
2023-11-15
Хязаалан гунан үхрийн үнэ 1.72 сая төгрөгт хүрчээ
Мөн эр хонины үнэ 219 500 төгрөг болсон нь 25 400, эр ямааных 145 900 төгрөгт хүрсэн нь 7500-гаар нэмэгдсэн дүн гэнэ. Тэгвэл үхрийн хоёр метрээс дээш урттай шир аравдугаар сард 4900 төгрөг болсон нь өмнөх жилийн мөн үеийнхээс 1000- аар буурсан гэсэн үг. Харин цагаан ноолуур кг нь дунджаар 96 000 төгрөгт хүрсэн нь 2022 оныхтой харьцуулахад 5000-аар дээшилсэн үзүүлэлт юм. Эл бүтээгдэхүүн өнгөрсөн сард Улаанбаатарт хамгийн өндөр буюу кг нь 125 000, Булган, Хөвсгөл аймагт хамгийн бага буюу 80 000 төгрөгийн ханштай байв. Сонирхуулахад, хоёр метрээс дээш урттай, үхрийн ширний үнэ 2020 оны аравдугаар сард 6900, дараа жилийнх нь мөн үед 6100 төгрөг байсан дүн бий. Тэгвэл цагаан ноолуур кг нь 2020 оны аравдугаар сард дунджаар 52 000, 2021 онд 110 000 төгрөг байсан юм.
2023-11-15
Тодорхой байршлуудад эрчим хүч хязгаарлаж байна
Монгол Улсын эрчим хүчний системийн хамгийн оргил ачаалал өнгөрсөн долоо хоногийн хугацаанд энэ сарын 12-ны 21.00 цагт 1416 МВт-д хүрч, өмнөх жилийн мөн үеийнхээс 144 МВт-аар өссөн дүн гарсныг ЭХЗХ-ноос мэдээлэв. Оргил ачаалалтай холбоотойгоор “Дархан, Сэлэнгийн цахилгаан түгээх сүлжээ” ХК-иас мэдэгдэл гаргасан байна. Тодруулбал, “Монгол Улсын эрчим хүчний салбар өвлийн их ачааллын хугацаанд эрчим хүчний хэрэглээний өсөлтийг хангахад хүндрэл үүсэж, чадлын дутагдалд орсноор тодорхой байршлуудад хязгаарлалт хийгдэж байна. Иймээс хэрэглэгч та бүхэн 17.00-21.00 цагт эрчим хүчний хэрэглээгээ бууруулж, хэмнэлт хийхийг уриалж байна. Хэзээ, хаана хязгаарлалт хийхийг тухай бүрт Диспетчерийн үндэсний төвөөс шийдвэрлэх тул урьдчилан мэдээлэх боломжгүй байна” гэжээ.
2023-11-15
Л.ОДГЭРЭЛ: Өргөн цар хүрээтэй, үндэсний үйлдвэрлэлийн цогц төслүүд ажлын байрыг нэмэгдүүлнэ
Ганц сар ч өмсөөгүй байтал даавуу нь бөөстөөд, цахилгаанжаад хэрэг алга. II ангийн хүү формоо шохой, шавартай хутгаад иржээ, угаасан чинь агшчихлаа, бас их чийг даах юм. Өмдний цахилгаантай хэсгийн оёдол нь их хатуу юм. Хүүхэд цавиа маажаад байна гэхчлэн дүрэмт хувцасны “зовлон”-гийн талаар тоочжээ. Харин манай хөрш айлын бүсгүй охиныхоо формыг “Ёстой дажгүй” гэж магтлаа. Тэднийх энэ жил сурагч болсон охиндоо эгчийнх нь I ангийн формыг өмсүүлсэн гэнэ. Хэдэн жилийн өмнө том охиноо сурагч болоход хоёр янзын форм авч өгсний нэг нь шүүгээний “мухарт мартагдсан”-ыг олсон тухайгаа ярьсан ээж “Монголд үйлдвэрлэсэн форм нь азаар үлдчихсэн байна. Угааж цэвэрлэсэнгүй, сайхан сэгсрээд индүүдсэн чинь шинэ болчихсон” гэв.
2023-11-15
Хүнсний бүтээгдэхүүн борлуулж буй газруудаас 2151 зөрчил илэрчээ
ХХААХҮЯ-ны Салбарын улсын ерөнхий байцаагчийн баталсан удирдамжийн дагуу хүнсний худалдааны газруудад төлөвлөгөөт бус хяналт шалгалт хийжээ. Тодруулбал, улсын хэмжээнд 1131 газрыг үүнд хамруулсан аж. Тэдгээрийн 509 нь Улаанбаатар, 42 нь Баян-Өлгий, 14 нь Увс, 62 нь Ховд, 60 нь Завхан, 47 нь Говь-Алтай, 55 нь Хөвсгөлийнх гэнэ. Мөн Архангайн 59, Баянхонгорын 36, Булганы 38, Өвөрхангайн 18, Өмнөговийн 13, Дундговийн 31, Дорноговийн 18, Сэлэнгэ, Сүхбаатарын тус бүр ес, Дархан-Уулын 21, Хэнтийн 60, Дорнодын 20 газрыг хяналт шалтгалтад хамруулсан юм байна. Шалгалтын явцад 2151 зөрчил дутагдал илрүүлж, 1532 буюу 71.2 хувийг нь газар нь дээр нь арилгуулсныг ХХААХҮЯ-наас мэдээлэв.
2023-11-15
Эвлэрэл, зохицлыг эрхэмлэдэг Энтони Албаниз
Австралийн лейбористуудын тэргүүн Ерөнхий сайд болоод хоёр улсын харилцааг тогтвортой болгох амлалт өгсөн юм. Үнэхээр ч талууд бие биеийнхээ өөдөөс хэд хэдэн алхам хийснээр тууштай эвлэрч байна гэж шинжээчид үзэхэд хүрэв. Канберра, Бээжин хоёр өндөр түвшинд хэлхээ холбоог сэргээсэн нь харилцаа сайжрах эхлэл болсон гэж хэлж болно. Нэг жилийн өмнө Индонезийн Бали аралд болсон “Их-20”-ийн дээд хэмжээний уулзалтын үеэр Энтони Албаниз анх удаа Ши Жиньпинтэй нүүр тулан уулзаж, хоёр улсын үндэсний эрх ашигт нийцүүлэн ажиллахаа илэрхийлжээ
2023-11-13
Шатар сонирхогчдын ДАШТ-ий дөрвөн аваргатай боллоо
Шатар сонирхогчдын дэлхийн аварга шалгаруулах тэмцээн Оман улсын Мускат хотод энэ сарын 1-11-нд боллоо. Тус тэмцээнд манай улсын тамирчид эрэгтэй, эмэгтэйчүүдийн тус бүр гурван ангилалд оюунаа сорьсон байна. Оролцогчдыг олон улсын чансааны оноогоор нь ангилан өрсөлдүүлсэн аж. Тэднээс манай дөрвөн тамирчин дэлхийн аварга болж, түүхэн амжилт үзүүлжээ. Мөн эмэгтэйчүүдийн 1700 оноо хүртэлх ангилалд монгол шатарчид эхний гурван байрыг эзэлсэн байна. Тухайлбал, уг ангилалд “Монгени” сургуулийн сурагч Б.Анужин алт, Сүхбаатар аймгийн Ц.Анударь мөнгө, “Ласкер” клубийн тамирчин Б.Хүслэнзаяа хүрэл медаль хүртжээ. 1700 оноо хүртэлх эрэгтэйчүүдийн ангилалд “Монгени” сургуулийн сурагч Г.Данзанжунай дэлхийн аварга болжээ. Түүнчлэн эрэгтэйчүүдийн 2000 оноо хүртэлх ангилалд “Монгени” сургуулийн Д.Амарсайхан, эмэгтэйчүүдийнхэд Н.Бадамханд нар алтан медаль хүртсэн аж.
2023-11-13
“Хүний эрхийн ойлголтгүй улс төрч, төрийн албан хаагчдаас шалтгаалж хуулийн хэрэгжилт сул байна”
Мөн Хүний эрхийн үндэсний комиссын дарга Ж.Хунан “Сүүлийн 30 жилд НҮБ-аас хүний эрхийг хамгаалах чиглэлээр найман тусгай илтгэгч, хоёр ажлын хэсэг, бие даасан шинжээчид ажиллаж, зөвлөмж гаргажээ. Манай улсын хувьд хүний эрхийг хангах чиглэлд нэгдэж орсон олон улсын гэрээ конвенцын хэрэгжилт зохих түвшинд хүрсэн. Гэвч монгол хүний амьдралын чанар сайжрахгүй байна. Энэ нь хуулийн хэрэгжилт сул, төрийн байгууллагуудын хүнд суртал их, уялдаа холбоогүй ажилладаг, төсвийн хуваарилалт оновчтой биш байгаатай холбоотой.
2023-11-13
ОПЕК-ийн хурлаар газрын тосны нийлүүлэлтийн талаар хэлэлцэх нь
Эл байгууллагын болон ОХУ зэрэг зарим үйлдвэрлэгч орны уулзалт энэ сарын 26-нд болох бөгөөд олборлолтын хэмжээний талаар хэлэлцэх юм. “Price futures group”-ийн шинжээч Фил Флинн “Саудын Араб, ОХУ газрын тосны олборлолтоо энэ оныг дуустал бууруулна гэдгээ баталгаажуулсан” хэмээн өгүүлснийг “Reuters” дамжуулав. Мөн АНУ-ын компаниуд газрын тосны цооногийнхоо тоог 2022 оны нэгдүгээр сараас хойших доод түвшинд хүргэжээ. Баасан гарагт “Brent” маркийн нефтийн ханш 1.8 хувиар өсөж баррель нь 81.43 ам.доллартой тэнцсэн байна.
2023-11-13
Татварын буцаалт, шимтгэлтэй холбоотой тогтоол батлав
УИХ-ын Төсвийн байнгын хорооны өнгөрсөн баасан гаргийн хуралдаанаар 100 мянга гаруй иргэнээс ирүүлсэн, нийгмийн даатгалын болон хувь хүний орлогын албан татварын шимтгэлийг 50 хувиар бууруулах өргөдлийг хэлэлцэв. Үүнээс НӨАТ-ын буцаан олголтын хоёр хувийг тав болгож нэмэгдүүлэх талаар иргэдээс ирүүлсэн саналтай холбоотойгоор татварын орчныг сайжруулах, тооцоо судалгаа, дүн шинжилгээ хийж, санал боловсруулах үүрэг бүхий ажлын хэсгийг байгуулаад буй. Тус ажлын хэсгийнхэн эдгээр өргөдлийг хамтатган судалж, санал, дүгнэлт бэлтгэхээр боллоо.
2023-11-13
Дэлхийн банкны санхүүжилтээр 311 км авто зам, төмөр бетон гүүрүүдэд их засвар хийх нь
Зам, тээврийн хөгжлийн сайд өнгөрсөн баасан гарагт Дэлхийн банкны Зүүн Ази, Номхон далайн тээврийн асуудал хариуцсан захирал Бенедикт Еижбергентэй уулзаж, тус банкны санхүүжилтээр хэрэгжүүлэх авто замын төсөл, хөтөлбөрүүдийн ажлыг эрчимжүүлэхээр тохирчээ. Энэ үеэр сайд С.Бямбацогт Дэлхийн банкны санхүүжилтээр хэрэгжүүлэх “Монгол Улсын тээврийн холболт ба ложистикийг сайжруулах төсөл”-ийн санхүүжилтийн хэлэлцээрийг УИХ-ын 2023 оны намрын чуулганаар хэлэлцэн батлуулна гэдгийг дурдсан байна. Уг төслийн хүрээнд Хэнтий, Дундговь, Өмнөговь, Төв, Өвөрхангай, Баянхонгор, Архангай, Хөвсгөл, Булган зэрэг аймгийн эвдрэл ихтэй 311 км зам, найман байршил дахь төмөр бетон гүүрэнд ээлжит болон их засвар хийх аж.
2023-11-13
Ирэх онд мазаалай хамгаалахад нэг тэрбум төгрөг зарцуулна
Мазаалайг хамгаалахад судлаачдын оролцоог хангаж, энэ чиглэлээр хийсэн судалгаа, статистик мэдээллийг нэгтгэх нь чухал. Ингэж байж хамгааллын төлөвлөгөөг шинжлэх ухааны үндэслэлтэй боловсруулах нөхцөл бүрдэнэ хэмээн талууд санал нэгдэв. Ташрамд дурдахад, говийн баавгайн хамгааллыг сайжруулах чиглэлд анхаарч буйтай холбогдуулан АНУ-ын Бойсе мужийн их сургуулийн зочин судлаач, доктор Т.Одбаярыг Монголд ажиллуулж байгаа аж.
2023-11-13
Бельги улсад “Хурдан” цэг нээв
Төрийн цахим үйлчилгээг иргэдэд шуурхай хүргэх “Хурдан” цэгийг Монгол Улсаас Бельгийн Хаант Улсад суугаа Элчин сайдын яаманд өчигдөр нээлээ. Ингэснээр Бельгийн улсад амьдарч буй 3000 гаруй монгол иргэн төрийн үйлчилгээ саадгүй авах боломж бүрджээ. Энэ онд багтаан 55 байгууллагын 800 орчим үйлчилгээг төрийн цахим үйлчилгээний “Хурдан” цэгээр дамжуулан иргэдэд хүргэхээр төлөвлөөд байгаа. Үүнээс гадна дипломат төлөөлөгчийн 40 гаруй газраар дамжуулан төрийн үйлчилгээг гадаад улсад амьдарч буй иргэддээ ойртуулахаар төлөвлөснийг Төрийн цахим үйлчилгээний зохицуулалтын газраас мэдээлэв. Өнөөдрийн байдлаар Монгол Улсын хэмжээнд “Хурдан” 126 цэг нээжээ. Тэгвэл хилийн чанадын 12 дахь улсын 16 дахь цэг нь Бельгийнх боллоо.
2023-11-10
“Эрүүл шүд, эрүүл ирээдүй” аяныг эхлүүллээ
“Эрүүл шүд, эрүүл ирээдүй” аяныг АШУҮИС-ийн Нүүр, ам судлалын сургуулийхан өчигдрөөс хэрэгжүүлж эхэллээ. Аяны хүрээнд АШУҮИС оюутнуудаа Нүүр, ам судлалын болон“АШУҮИС дент” эмнэлэгтээ амны хөндийн эрүүл ахуйн үзлэгт хамруулж, эмчилгээний зардлаас 30 хувийг нь хөнгөлнө. Түүнчлэн ажилчдынхаа төлбөрийн 15 хувийг чөлөөлөх нь. Мөн сургуульдаа шүд угаах өрөөтэй болсон байна. Цаашид салбар сургуулиуддаа ч ийм өрөө нээх нь. Улсын хэмжээнд ирэх оноос хэрэгжүүлэх “Эрүүл шүд” арга хэмжээний хүрээнд тус сургууль дээрх аяныг санаачилсан гэнэ. Энэхүү аяныг өчигдрөөс эхлээд цаашид тогтмол хэрэгжүүлэх аж.
2023-11-10
“Чингис хаан” музейд виртуал өрөө нээнэ
“Чингис хаан” үндэсний музейн VIII давхарт Монголын анхны панарома дэлгэц бүхий виртуал өрөө нээхэд бэлэн болжээ. Тус музейнхэн “Глобал смарт сольюшн” компанийнхантай хамтран виртуал өрөөг дэлхийн стандартад нийцүүлэн тохижуулсан аж. Үүнд Япон, Герман улсын хамгийн сүүлийн үеийн дэвшилтэт техник, технологийг ашигласан байна. Виртуал өрөөний нээлтээр “Жаргал продакшн” компанийнхны бүтээсэн “Их Монгол Улсын эзэн хаан: Чингис” контентыг үзэгчдэд анх удаа толилуулахаар болжээ. Энэ нь Чингис хааны дүр төрхийг синематик анимейшн зураглалаар бодит мэт бүтээсэн контент аж. Үүнд Чингис хааны мэндэлсэн 1162 оны өвлийн тэргүүн сараас 1206 онд Их Монгол Улсыг байгуулсан үе хүртэлх амьдрал, үйл хэргийн түүхийг нь 15 минутад багтаасан гэнэ. Виртуал өрөөг их эзэн Чингис мэндэлсэн буюу Монгол бахархлын өдрийг тохиолдуулан энэ сарын 14-нд нээх нь.
2023-11-10
Амгалангийн дулааны станцыг өргөтгөх ажлыг ирэх сард дуусгах нь
Эрчим хүчний дэд сайдаар ахлуулсан ажлын хэсэг “ДЦС-3”, “Амгалангийн дулааны станц” ТӨХК-ийн өргөтгөлийн барилга угсралтын талбайд ажиллав. “ДЦС-3”-ын өвлийн бэлтгэл хангах ажил өдгөө 96 хувийн гүйцэтгэлтэй байгаа аж. Авлага, өглөг нь сүүлийн жилүүдтэй харьцуулахад буурсныг тус станцынхан дурджээ. 2023-2024 оны өвлийн оргил ачааллын үед нөөц тоноглолгүй ажиллах бөгөөд дулааны эрчим хүчний түгээлт суурилагдсан хүчин чадлаас давах, зарим үндсэн тоноглол хэт өндөр насжилттай болсон тул зайлшгүй шинэчлэх шаардлага үүссэн аж. Мөн ОХУ, Украины дайнаас шалтгаалж тоног төхөөрөмжийн сэлбэг материалын хомсдол үүсэн, үнэ нь нэмэгдсэн зэрэг асуудал тулгамдаж байгаа гэнэ.
2023-11-10
Сүхбаатар боомтоор орж ирсэн шатахуунтай вагоны тоо өсжээ
Үүний дагуу дээрх өдрөөс аравдугаар сарын 6-ны хооронд хойд хөршөөс Монгол Улсад түлш, шатахуун нийлүүлээгүй, импорт саатсанаас шалтгаалж дотоодын зах зээлд шатахууны хангамж, нийлүүлэлт доголдсоныг АМГТГ-аас мэдээлэв. Шуурхай арга хэмжээ авсны дүнд өнгөрсөн сарын 6-наас эхлэн ОХУ-аас Наушки-Сүхбаатар төмөр замын боомтоор манайд газрын тосны бүтээгдэхүүн нийлүүлэх экспортын үйл ажиллагааг сэргээсэн ч нийлүүлэлт, эрэлтийн зөрүүнээс шалтгаалж дотоодын зах зээлд шатахууны хангамж тогтворжиж чадахгүй байгаа аж. Нийлүүлэгч талаас аравдугаар сарын захиалгыг бүрэн биелүүлэх хүрээнд шатахууны ачилт, тээвэрлэлтийн хэмжээг нэмэгдүүлсэнтэй холбоотойгоор Сүхбаатар боомтоор оруулж ирэх газрын тосны бүтээгдэхүүнтэй вагоны тоо ихсээд байгаа гэнэ.
2023-11-10
Улаанбаатар-Мөрөн чиглэлийн нислэгт урамшуулал зарлажээ
Хөвсгөл аймгийн ЗДТГ, МИАТ ТӨХК орон нутгийн аялал жуулчлалыг дэмжиж, зорчигчдын урсгалыг нэмэгдүүлэх зорилгоор “Хөх сувдын орноор аялах сар” урамшууллын хөтөлбөр зарлажээ. Үүний хүрээнд МИАТ ТӨХК Монгол орны хоймор нутаг руу энэ сард зорчих иргэдэд хоёр төрлийн урамшуулал санал болгож буйаж. Найз нөхөд, хамт олноороо явж буй хүмүүсийг “3+1” хөтөлбөрт хамруулж, дөрвөн хүн тутмын нэгийг нь тийзийн үнээс чөлөөлөх гэнэ. Мөн насанд хүрсэн хоёр хүнтэй хамт зорчих 1-2 хүүхдийг үнэгүй явуулахаар болжээ. Урамшуулалд хамрагдсан хүмүүс зөвхөн үйлчилгээний такс буюу нисэх буудлын хураамж төлөх нь. Улаанбаатар-Мөрөн чиглэлийн нислэгээр нэг талдаа зорчих үнэ өдгөө 194 000 төгрөг буй бол хоёр талынх нь 381 500 байна.
2023-11-09
