Монголын тамирчид даамын ДАШТ-д нийлбэр дүнгээр тэргүүллээ
Манай улсаас хөвгүүдийн 5-8 насны ангилалд “Монгени” цогцолбор сургуулийн сурагч Н.Хангай, охидын 5-8 насныхад Архангай аймгийн тамирчин Б.Эрмүүнзаяа нар ДАШТ-д түрүүллээ. Мөн хөвгүүдийн 9-10 насны ангилалд “Шинэ Монгол” сургуулийн сурагч Г.Санчир, охидын 11-13 насанд “Ирээдүй” клубийн тамирчин Э.Даариймаа нар ДАШТ-ий алтан медаль хүртсэн аж. Охидын 14-16 насны ангилалд “Монгени” сургуулийн сурагч, олон улсын мастер Б.Есүй, 17-19 насныханд МУИС-ийн оюутан, Дэлхийн даамын холбооны мастер Б.Мөнхжин нар дэлхийн аварга болсон юм.
2023-11-06
Ардчиллаа ойлгодоггүй эрдэмтэд ардын хүүхдийн ирээдүйг баллаж байна
Зурган дүрслэлийн 60 гаруй хувийг эрэгтэй, 30 орчим хувийг эмэгтэй дүр эзэлжээ. Текстийн хувьд ч ялгаагүй эрэгтэй дүр, тайлбар дийлэнх хувийг нь бүрдүүлсэн байна. Эрэгтэй хүн, эрэгтэй хүүхдийг ухаалаг, тууштай, хөдөлмөрч байдлаар, харин эмэгтэй хүн, охин хүүхдийг халамжлагч, уян зөөлөн сэтгэлтэй гэсэн жендерийн хэвшмэл байдлаар дүрсэлжээ. Цаашлаад нийгмийн цөөнх бүлэг, ялгаатай байдлыг огт дүрслээгүй. Хөгжлийн бэрхшээл, үндэс угсаа, жендер, бэлгийн цөөнх бүлгийг дүрсэлсэн зураглал, текст, жишээ байхгүй” гэж Бүх нийт боловсролын төлөө” иргэний нийгмийн үндэсний эвслийнхэн дүгнэсэн байна.
2023-11-06
Хөдөлмөрийн насны хөгжлийн бэрхшээлтэй иргэдийн 14 хувь нь л ажил эрхэлдэг
Хөдөлмөрийн насны 90 мянга орчим хөгжлийн бэрхшээлтэй иргэнээс 13 мянга гаруй нь л ажил хийж буй тоо байгааг УИХ дахь АН-ын бүлгийн санал, дүгнэлтэд дурджээ. Зөвхөн халамжлах биш, хөдөлмөр эрхлэх боломжийг бүрдүүлэх ёстойг тэд сануулсан. Мөн “Хөгжлийн бэрхшээлтэй иргэдийн сар бүр авдаг тэтгэвэр 325 000 төгрөг, тэднийг байнга асарч буй иргэнд олгох тэтгэмжийн хэмжээ 275 000 төгрөг байна. Хүнсний бараа, бүтээгдэхүүний үнэ 2-3 дахин нэмэгдсэн энэ үед наад захын хэрэгцээгээ хангаж чадахгүй, шаардлагатай эм, тариагаа авч хүрэлцэхгүй, тухайн айлын амьдрал маш хүнд, эмзэг буюу шууд хэлэхэд ядуурлын түвшинд очиж байна” гэв.
2023-11-06
Ерөнхийлөгч У.Хүрэлсүх шүүхийг “шүүр”-дэхэд оролцох цаг болжээ
ШЕЗ-өөс “захиа” иржээ. Түүнд “Дээд шүүхээс 2018, 2019 онд “Монгол Ураниум Ресурс” ХХК-ийн нэхэмжлэлтэй АМГ-т холбогдох захиргааны хэргийг хяналтын журмаар хянан шийдвэрлэсэнтэй холбогдуулан “Дээд шүүхийн таван шүүгч нэг нэхэмжлэлийг хоёр хянаж “Монгол Ураниум Ресурс”-д ашигтай шийдвэр гаргахдаа авлигад өртсөн үү”, “Дээд шүүхийн таван шүүгч “Монгол Ураниум Ресурс”-д тогтоолоороо зөвлөгөө өгсөн үү”, “Ураны тусгай зөвшөөрлийг нүүрснийх болгож “хөрвүүлсэн” шүүгч нар тайлбар хийлээ” гэсэн гарчигтай мэдээлэл цувралаар нийтэлжээ. Шүүх эрх мэдлийг Үндсэн хууль бусад хуульд заасны дагуу байгуулагдсан шүүх хэрэгжүүлэх, ямар ч нөхцөлд хуулиас гадуурх шүүх байгуулах, шүүх эрх мэдлийг өөр байгууллага эрхлэн хэрэгжүүлэхийг хориглох талаар Үндсэн хуульд заасныг нийтээр дагаж мөрддөг.
2023-11-06
Ц.Анандбазарын хэрэгт нэмэлт мөрдөн шалгах ажиллагаа хийлгэх шаардлагатай гэв
Шүүх рүү тэргэнцэртэй хүргүүлж, дохио зангаагаар хуралдаа тайлбар өгч байсан Т.Бадамжунай болон тэдний өмгөөлөгч нар гүйцэтгэх ажиллагааны талаар ярих учир шүүх хурлыг хаалттай хийх хүсэлт гаргасныг нь хүлээн авсан байна. Улмаар хэрэгт нэмэлт мөрдөн шалгах ажиллагаа хийлгэх шаардлагатай гэж үзэн НПГ-ын хяналтад буцаах шийдвэр гаргалаа. Т.Бадамжунайтай хамт түүний хүргэн, ХХААХҮЯ-нд удирдах албан тушаал хашиж байсан Э.Жаргалсайхан, 87 байртай гэх дуулианы эзэн, авлигын хэргээр ял авсан “Улаанбаатар дулааны сүлжээ” ТӨХК-ийн захирал асан, Төрийн шагналт Д.Бямба-Очир болон Д.Баярсайхан нарыг яллагдагчаар татсан билээ.
2023-11-06
Галт тэрэгний тасалбараа хэдийд ч буцаах боломжтой
Буцаасан тасалбарын үнийн дүнгээс 10 хувийг суутган, ажлын тав хоногийн дотор зорчигчийн дансанд шилжүүлэх гэнэ. Насанд хүрээгүй хүүхдийн тасалбарыг эцэг, эх болон асран хамгаалагчийн хүсэлтээр буцаах нь. Цахим тасалбарын буцаалттай холбоотой дэлгэрэнгүй мэдээллийг 21-242472 дугаарын утсаар аваарай. Түүнчлэн олон улс, орон нутгийн зорчигчийн галт тэрэгний гуравдугаар тасалгааны суудлын тасалбарыг ганцаараа явж буй эмэгтэй зорчигчдод зориулан худалдахаар программ хангамждаа нэмэлт, өөрчлөлт оруулсныг “Улаанбаатар төмөр зам”-аас мэдээлжээ. Уг зохицуулалтыг өнгөрсөн сарын 18- наас эхлэн мөрдөж буй гэнэ.
2023-11-03
Дуутын хадны бичээсийг хамгаалах төслийг 105 000 ам.доллароор санхүүжүүлнэ
Мөн хадны бичээсийг хадгалан хамгаалах, сурталчлах стратеги боловсруулахаар төлөвлөжээ. Цогт хунтайжийн хадны бичээс нь XVII зууны үеийн Монголын яруу найргийн хосгүй бүтээлд тооцогддог. Лигдэн хутагт хааны үед Манжийн эзлэн түрэмгийлэх бодлогыг эсэргүүцэн тэмцсэн монголчуудын эв нэгдлийг уг бичээст дүрслэн харуулсан билээ. Ташрамд дурдахад, ЮНЕСКО-гийн “Дэлхийн дурсамж” хөтөлбөрийн Олон улсын зөвлөлдөх хороо өнгөрсөн тавдугаар сард хуралдаж, баримтат өвийн олон улсын жагсаалтад Халхын Цогт хунтайжийн хадны бичээсийг бүртгэхээр шийдвэрлэж байв. Дэлхийн түүх, хүн төрөлхтний соёл иргэншилд онцгой бөгөөд үлэмж нөлөө үзүүлсэн өвүүдийг уг жагсаалтад бүртгэдэг билээ.
2023-11-03
Сурагчид амралтаа хэрхэн өнгөрөөх вэ
Ч.Галсангийн “Аянгат цагийн тууж” бүтээлийн номын тэмдэглэл, гэрэл зургийн уралдааныг “Book and travel”, “Nojo рublishing”-аас хамтран зохион байгуулж байна. Тус уралдаанд оролцохын тулд номын тэмдэглэл, гэрэл зургаа “Bookcafe Mongolia” бүлгэмд #аянгат цагийн тууж хаш тагтай нийтлэх ёстой. Шагналын сан нь дөрвөн сая төгрөг гэнэ. Номын тэмдэглэлд тэргүүн байр эзэлсэн оролцогчид мөнгөн шагнал, Хагийн хар нуур луу аялах эрхийн бичиг гардуулах аж. Бүтээлийг шалгаруулахдаа олон нийтийн хандалт, бичлэгийн хэлбэр, ур чадвар, зохиолын үндсэн агуулгыг оновчтой уран илэрхийлсэн байдал зэргийг харгалзах гэнэ. Хүлээн авах хугацаа нь энэ сарын 15.
2023-11-03
М.Ундрам улсын хошой аваргаар тодорчээ
Монголын ширээний теннисний холбоо, Дундговь аймгийн Засаг даргын Тамгын газар, Биеийн тамир, спортын газартай хамтран улсын аварга шалгаруулах 58 дахь удаагийн тэмцээнийг Мандалговь сумд зохион байгуулж, шилдгүүдээ шалгарууллаа. Тус тэмцээнд өрсөлдсөн эмэгтэйчүүдээс ганцаарчилсан төрөлд үндэсний шигшээ багийн тамирчин М.Ундрам тэргүүлснээр улсын хошой аварга болсон юм. Жил бүр шигшээ дөрөвт шалгаран, тэмцээнийг өрсөлдөөнтэй болгодог тоглогчдоос Б.Должинзуу удаалж мөнгө, Б.Болор-Эрдэнэ, Г.Сэлэнгэмөрөн нар хүрэл медаль хүртэв.
2023-11-02
М.ЦОГТБААТАР: Хүүхдийн төлөө сангаас санхүүжүүлэх төслийн шалгуурт өөрчлөлт оруулна
-Монгол Улс 2021 оны дөрөвдүгээр сард Засгийн газрын тусгай сангийн, Хүүхэд хамгааллын, Авто тээврийн тухай зэрэг холбогдох хуульд нэмэлт, өөрчлөлт оруулсны үндсэн дээр Хүүхдийн төлөө санг сэргээн байгуулсан. Энэ сангийн хөрөнгийг үндсэн гурван чиглэлээр зарцуулахаар журамд тусгасан. Тодруулбал, бүтээн байгуулалтыг санхүүжилтээр дэмжих, олон улс, тив, дэлхийн чанартай тэмцээн, уралдаанд амжилт гаргасан сурагчдыг шагнаж урамшуулах, мөн ийм арга хэмжээнд оролцох эрх авсан хөгжлийн бэрхшээлтэй хүүхдэд дэмжлэг үзүүлэхэд зарцуулна хэмээн журамласан. Бид үүний дагуу л тус сангийн хөрөнгийг зарцуулж ирсэн. Ялангуяа сүүлийн хоёр чиглэл буюу амжилт гаргасан сурагчдыг урамшуулах, хөгжлийн бэрхшээлтэй хүүхдүүдэд дэмжлэг үзүүлэх чиглэлээр тодорхой хэмжээний хөрөнгийг зарцуулаад буй. Харин хамгийн эхний чиглэл болох хүүхдэд зориулсан бүтээн байгуулалтыг санхүүжүүлэхэд хөрөнгө оруулаагүй байна.
2023-11-02
Лхаарамба Д.Жавзандоржийг Гандантэгчэнлин хийдийн тэргүүн их хамбаар томилов
Монголын бурхан шашинтны төв Гандантэгчэнлин хийдийн тэргүүн их хамба лам, хичээнгүй зүтгэлт XXIX Хамба номун хан, Соёлын гавьяат зүтгэлтэн, гавж Д.Чойжамцын үүрэгт албанаас чөлөөлөгдөх хүсэлтийг өчигдөр хийдийн Захиргааны өргөтгөсөн хурлаар хэлэлцэв. Д.Чойжамц ламын үүрэгт албанаас чөлөөлөгдөх хүсэлтийг ёсоор болгохоор уг хурлаас шийдвэрлэжээ. Мөн түүний нэр дэвшүүлсэн, Бурхан шашны дээд сургуулийн багш, лхаарамба Д.Жавзандоржийг Гандантэгчэнлин хийдийн тэргүүн их хамба лам, XXX Хамба номун ханы үүрэгт албанд томилов. Д.Жавзандорж нь Захиргааны өргөтгөсөн хурлын нийт гишүүний олонхын дэмжлэг буюу 85.7 хувийн саналаар ийнхүү хамбаар өргөмжлөгдлөө. Захиргааны тэргүүлэгчдийн өргөтгөсөн хурал нийт 55 гишүүний 89 хувийн ирцтэйгээр хуралдсан байна. Тэргүүн их хамба лам, лхаарамба Д.Жавзандоржийг ширээнд залах ёслолыг билгийн тооллын өлзийт сайн өдөр товлон гүйцэлдүүлэхээр тогтжээ.
2023-11-02
Сүхбаатар дүүргийн эмнэлгийн барилгын ажил 90 хувьтай байна
Орон нутгийн хөгжлийн сангийн хөрөнгө оруулалтаар тус ажлын зураг төслийг “Дукат” компанийнхан боловсруулжээ. Барилгын ажлын ерөнхий гүйцэтгэгчээр “Ванхүү” компанийнхан ажиллаж буй юм байна. Уг ажлыг 2021 оны наймдугаар сард эхлүүлсэн бөгөөд ирэх жилийн хоёр дугаар улиралд багтаан ашиглалтад оруулах аж. Эмнэлэгт шаардлагатай 149 нэр, төрлийн 652 тоног төхөөрөмжийг одоогоор худалдан авчээ. Үлдсэн тоног төхөөрөмжийг авах санхүүжилтийг дүүргийн 2024 оны төсөвт тусгахаар төлөвлөсөн гэнэ.
2023-11-02
Б.НАЦАГСҮРЭН: Өөртөө итгэлтэй байх нь архинд донтох эмгэгээс хамгаалдаг
СЭМҮТ-ийн амиа хорлолтын асуудал хариуцсан мэргэжилтэн Б.Нацагсүрэнтэй ярилцлаа. Тэрбээр мөн “Бидний мэдрэмж сэтгэл зүйн төв” НҮТББ-ын судалгаа хариуцсан мэргэжилтнээр ажилладаг бөгөөд “Сэтгэцийн эрүүл мэнд-2023” олон улсын эрдэм шинжилгээний хуралд “Согтууруулах ундааны хэрэглээ ба сэтгэцийн тулгамдсан асуудлуудын хамаарлыг илрүүлэх судалгаа” өгүүллээрээ оролцсон юм.
2023-11-02
Туркээс дахиад нэг “Шувуу” авчирч шалгаж байна
Засгийн газраас хэрэгжүүлж буй 5Ш ажиллагааны нэг “Шувуу”-ны хүрээнд авлигын хэргийн нэг яллагдагчийг өнгөрсөн долоо хоногт Туркээс хүлээн авчээ. Эл ажиллагааны хүрээнд өнгөрсөн зургаадугаар сард тус улсаас бүлэглэн олон нийтийн амгалан тайван байдлыг алдагдуулсан, хүний эрүүл мэндэд хүндэвтэр хохирол учруулсан, хүч хэрэглэн бусдын эд хөрөнгийг дээрэмдсэн үндэслэлээр Эрүүгийн хуулийн 20.16-1, 11.4-2.1, 17.2-2 дахь заалтын дагуу яллагдагчаар татагдсан Ж.Отгонбаатар гэдэг хүнийг авчирч байсан.
2023-11-02
Нийслэлд анх удаа гэрэлтүүлэгчтэй замын тэмдэглэгээ хийжээ
Сүхбаатар дүүргийн нутаг дэвсгэрт байрладаг II сургуулийн урд гэрэлтүүлэгчтэй замын тэмдэглэгээ хийжээ. Нийслэлд анх удаа ийм тэмдэглэгээ хийсэн аж. Сургуульд орчмын бүсэд явган зорчигчийг зам, тээврийн ослоос урьдчилан сэргийлэх ажлын хүрээнд дүүргийн Засаг даргын Тамгын газраас уг арга хэмжээг санаачлан, ЦЕГ-ын Урьдчилан сэргийлэх хэлтэстэй хамтран хэрэгжүүлсэн юм байна. Цаашид тус дүүргийн сургууль орчмын бүх бүсэд ийм гэрэлтүүлэгч бүхий замын тэмдэглэгээг үе шаттайгаар байршуулахаар төлөвлөжээ. Тухайлбал, гэр хороололд байрладаг 35, 58 дугаар сургуулийн ойр орчмын гарцыг ийнхүү өөрчлөхөөр төлөвлөсөн байна. Гэр хороололд хяналт шалгалт тааруугаас автомашинтай иргэд хурд хэтрүүлэх, улмаар явган зорчигчид аюул осолд өртөх эрсдэл өндөр тул эхний ээлжид авто замын гарцуудыг нь гэрэлтүүлэхээр болсон аж.
2023-11-02
Нийслэлийн Засаг дарга асан Ц.Батбаяр, НТГ-ын дарга байсан Ч.Сайханбаяр нарыг саатууллаа
УИХ-ын гишүүн, нийслэлийн Засаг дарга бөгөөд Улаанбаатар хотын захирагч зэрэг өндөр албан тушаал хашиж байсан Ц.Батбаяр, нийслэлийн Нийтийн тээврийн газар (НТГ)-ын дарга асан Ч.Сайханбаяр нарыг АТГ-ынхан хойшлуулшгүй ажиллагааны хүрээнд аравдугаар сарын 31-ний шөнө ШШГЕГ-ын харьяа Цагдан хорих 461 дүгээр ангид албадан саатууллаа. Зарим мэдээллийн хэрэгслээр түүнийг газартай холбоотой үйлдэлд холбогдуулсан хэмээж буй. Харин баттай эх сурвалжууд нийтийн тээвэртэй холбоотой үйлдэлд Эрүүгийн хуулийн 22.1 дэх хэсгийн эрх мэдлээ урвуулан ашиглаж, өөртөө болон бусдад давуу байдал олгосон гэх үндэслэлээр хэрэг бүртгэлтийн хэрэг нээж шалгаж байгааг хэлэв.
2023-11-02
Агаарын тээврийн компаниуд хүүхдэд зориулсан урамшуулал зарлалаа
МИАТ ТӨХК энэ сарын 11-нээс ирэх сарын 31-ний хооронд хүүхэд багачуудад зориулсан урамшууллын хөтөлбөр хэрэгжүүлэхээр болсноо зарласан. Энэ хугацаанд Бээжин чиглэлд гэр бүлээрээ зорчих хүмүүс 0-11 насны нэг хүүхдээ тийзийн төлбөрөөс чөлөөлөх боломжтой болж буй. Тэгвэл “Хүннү эйр” компани Улаанбаатар-Алматы чиглэлийн нислэгээр нэг айлын хоёр хүүхдийг үнэгүй тээвэрлэх хөтөлбөр хэрэгжүүлж эхэлжээ. Сурагчдын амралт угтан зарласан уг урамшууллаа тэд ирэх оны гуравдугаар сар дуустал үргэлжлүүлэх нь. Эдгээр хөтөлбөр нь тухайн чиглэлүүдэд эцэг, эх, асран хамгаалагчтайгаа зорчих хүүхдүүдэд л хамаатай юм.
2023-11-01
Хүний эрхийн боловсролыг бүх түвшинд сайжруулах шаардлагатайг онцлов
Монгол Улсын Хүний эрхийн комиссын тухай хуулийн 6.2-т “Комиссын төсөв үйл ажиллагаагаа хараат бусаар хэрэгжүүлэх шаардлагыг хангасан байх бөгөөд хүний эрх, эрх чөлөөг хангах, хамгаалах, зөрчигдөхөөс урьдчилан сэргийлэх, хүний эрхийн боловсролыг олон нийтэд түгээх, дэмжих, эрүү шүүлтээс урьдчилан сэргийлэх ажиллагааг хэрэгжүүлэх, шинжээч томилон ажиллуулахад шаардагдах зардал болон бусад зардлыг санхүүжүүлэхэд зарцуулна” хэмээн заажээ. Тиймээс тус комисс энэ чиглэлээр тодорхой арга хэмжээ авах, ялангуяа салбар дундын оролцоог хангах шаардлага байгааг ч хөндлөө.
2023-11-01
Ходоодны хавдрын эмчилгээнд дурангийн мэс заслын шинэ арга нэвтрүүлжээ
Үүний үр дүнд өнгөрсөн сард анхны мэс заслаа амжилттай хийсэн бөгөөд өвчтөний биеийн байдал сайжирч, эмнэлгээс гарсан гэнэ. Энэ нь нээлттэй мэс засал хийснээс илүү үр дүнтэй, өвчтөнд хүндрэл багатай, ил шарх үлдээхгүй, зовуурь багатай эмчилгээ гэдгээрээ онцлогтой аж. УНТЭ-ийнхэн цаашид эл аргаараа бүдүүн гэдэсний салстын доорх хавдартай хүмүүст ч мэс засал хийхээр төлөвлөсөн байна. Ташрамд дурдахад, дурангийн тусламжтайгаар хийдэг уг мэс заслыг дэлхий дахинд анх 2008 онд нэвтрүүлжээ.
2023-11-01
Сурагчдыг гэрийн даалгавраар “дарах” нь зөв үү
“VI ангийн хүүхэд шөнийн 00.00 цагт даалгавраа хийж дуусахгүй байна. Хичээлээ тараад 19.00 цагт гэртээ ирдэг. Гэр сургуулийн хажууд тулдаа 19.00 цагт ирдэг. Холоос явдаг хүүхдүүд нь 20.00 цагт, зарим нь түүнээс оройтож гэртээ харьж байгаа. Дөнгөж 11 настай хүүхдүүд шүү дээ. Орж ирэнгүүтээ гар, нүүрээ угааж хоолоо хурдан идчхээд, хичээлээ хийгээд сууна. Даалгавраа хийсээр шөнө 00.00 цаг өнгөрөөж унтаж байна. Өглөө босож үлдсэн даалгавраа хийнэ. Бүх багш даалгавраар булна. Ингэтэл хүүхдийг ядрааж, залхааж сургах нь байж боломгүй”.
2023-11-01
