Тонн зэсийн үнэ 7886 ам.долларт хүрэв
Өнгөрсөн сард үйлдвэрлэлийн идэвх нь сүүлийн хагас жилд анх удаа өссөнийг “Reuters” уламжиллаа. Түүнчлэн зэс хайлуулах үйлдвэрүүд дэх нөөц нь багасаад буй гэнэ
2023-10-09
Төрийн нууцын цаадах улс дамнасан хулгай
“Тэнүүн-Огоо”, “Zyle daewoo bus” компанийн удирдлага өчигдөр хэвлэлийн хурал хийхдээ үйлдвэрлэлийн шатанд чанарын асуудал гаргаснаа хүлээн зөвшөөрч, Монголын ард түмнээс уучлал гуйна лээ. Гэхдээ тэд эцсээ хүртэл “Эдгээр нь 2023 онд үйлдвэрлэсэн цоо шинэ автобус” хэмээн гүрийж, “Арлын дугаараар нь шүүж үзэхэд 30 жилийн өмнөхтэй ижил тэмдэглэгээ гарч ирсэнд бид өөрсдөө ч цочирдсон” гэж үлгэр ярив
2023-10-02
Хүртээмжтэй хөдөлмөрийн өдөрлөг зохион байгуулахаар болжээ
Хөгжлийн бэрхшээлтэй иргэд болон ажил олгогч нарыг холбох “Хүртээмжтэй хөдөлмөрийн өдөрлөг-2023” арга хэмжээ ирэх сарын 17-нд болох нь. Европын Холбооны санхүүжилтээр НҮБ-ын Хөгжлийн хөтөлбөрөөс хамтран хэрэгжүүлж буй “Монгол Улсад тогтвортой хөгжлийн зорилттой уялдсан төсвийн төлөвлөлтөөр хөдөлмөр эрхлэлтийн шинэчлэлийг дэмжих нь” төслөөс уг арга хэмжээг зохион байгуулах аж. Энэ нь хөгжлийн бэрхшээлтэй иргэн, ажил олгогч нарыг холбоод зогсохгүй аль алинд нь техникийн дэмжлэг үзүүлэх арга хэмжээ гэдгээрээ онцлогтой гэнэ. Түүнчлэн найман аж ахуйн нэгжийн 300 орчим ажлын байрыг иргэдэд санал болгохоор төлөвлөжээ.
2023-09-29
Ноён хутагтын хэрэглэж байсан эд зүйлсийг танилцуулах нь
Соён гэгээрүүлэгч, говийн ноён хутагт Дулдуйтын Данзанравжаагийн мэлмий гийсний 220 жилийн ойд зориулсан “Адистэд хурсан гайхамшиг” тусгай үзэсгэлэнг өнөөдөр 12.00 цагаас “Чингис хаан” музейд нээнэ. Соёлын яам, “Чингис хаан” музей, Дорноговь аймгийн ЗДТГ болон Говийн ноён хутагтын музейгээс хамтран зохион байгуулж буй тус үзэсгэлэнд нэрт соён гэгээрүүлэгчийн хэрэглэж байсан эд зүйлс, шашин, соёлын дурсгалууд, уран бүтээлтэй нь холбогдолтой 130 орчим үзмэр дэглэх аж. Тухайлбал, “Саран хөхөөний намтар” жүжгийн зохиолын гар бичмэл, есөн эрдэнийн шигтгээтэй гавал эрих, мөнгөн дотортой гавал аяга зэрэг хосгүй үнэт дурсгалыг багтаажээ. Говийн ноён хутагтын музейгээс эдгээр үзмэрийг авчирсан байна. Үзэсгэлэн ирэх арваннэгдүгээр сарын 5 хүртэл үргэлжилнэ.
2023-09-29
Зүрх, судасны эмч нар цахимаар зөвлөгөө өгнө
Ташрамд дурдахад, манай улсын хүн амын эндэгдлийн шалтгаануудыг 1990 оноос хойш зүрх, судасны өвчин тасралтгүй тэргүүлж байна. Энэ төрлийн өвчлөлийн улмаас өдөрт 15-17, жилд 5500-6000 хүн нас бардаг аж. Зүрх, судасны өвчний шалтгаант нас баралтын дийлэнх хувийг артерийн даралт ихсэх, зүрхний шигдээс, тархины цус харвалт эзэлдэг.
2023-09-29
Ахмадын баяр биш, тэдний эрхийг хамгаалах өдөр
Үндэсний статистикийн хорооноос мэдээлснээр өдгөө манай улсын хүн амын 8.6 хувийг ахмадууд эзэлж байна. Ахмадуудын дотор эмэгтэйчүүд 59.6, эрэгтэйчүүд 59.6 хувийг эзэлж буй аж. Улсын хэмжээнд 100-гаас дээш настай 109 иргэн бий гэнэ. Тэднээс хамгийн ахмад нь 121 настай. Өнгөрсөн сарын эцсийн дүнгээр улсын хэмжээнд 382 821 гаруй хүн өндөр настны тэтгэвэр авч байжээ. Тэтгэврийн доод хэмжээ өдгөө 550 000 төгрөг. Нийт ахмадын 60 хувь нь ийм хэмжээний тэтгэвэр авдаг. Түүнчлэн өндөр настнуудын 20.7 хувь нь өдгөө хөдөлмөр эрхэлж байна.
2023-09-29
“Мөнгө зарцуулахаас болгоомжилж байгаа бол энэ хууль цаасан дээрээ л үлдэнэ”
Хэлэлцүүлэгт ХЗДХЯ-ны Хууль зүйн бодлогын газрын шинжээч, Гэр бүлийн тухай хуулийн төсөл боловсруулах ажлын хэсгийн нарийн бичгийн дарга М.Цолмон, ХНХЯ-ны Гэр бүлийн бодлогын хэрэгжилтийг зохицуулах газрын ахлах шинжээч, хуулийн төслийг боловсруулах ажлын хэсгийн гишүүн Ч.Эрдэнэчимэг, Олон улсын Улаанбаатарын их сургуулийн Гэр бүл, сэтгэл судлалын тэнхимийн багш, доктор Х.Баавгай, “Хүүхдийн эрхийн сургалт, судалгааны хүрээлэн” ТББ-ын судлаач, доктор Б.Жавзанхүү, “Өнөр бүл” төвийн захирал М.Өлзийчимэг, Цагдаагийн ерөнхий газрын Гэр бүлийн хүчирхийлэл, хүүхдийн эсрэг гэмт хэрэгтэй тэмцэх хэлтсийн ахлах мэргэжилтэн, дэд хурандаа А.Мөнхсувд нар оролцлоо.
2023-09-29
“Хуучин автобус оруулж ирж байгаа гэх мэдээлэл ташаа”
-Шинэ ногоон автобуснууд нь БНСУ-ын “Daewoo” компанийнх. Тус компани нь дэлхийн долоон оронд салбар үйлдвэртэй. Энэ бол “Daewoo” компанийн Вьетнамд угсарсан автобус. Шинэ автобус, техник хэрэгсэл ямар байдаг, түүний дагуу бүгд шинэ, бас хуулгатай, бичиг баримттай. Автобусны гэрэл нь лед, таван паартай, дулаалгын тусгай материал ашигласан. Өмнө нь бол дулаалгад хөөсөнцөр ашигладаг байсан. Үйлдвэрлэлийн явцын бичлэгүүдийг манайд ирүүлээд байгаа. Суудал бүрт агааржуулагчтай. Мөн дөрвөн дэлгэц, утасны USB холбогчтой, цонх нь цантдаггүй. Манайх техникийн нөхцөлөө өгч хүлээж авч байгаа учраас хуучин автобус гэдэг нь ташаа мэдээлэл. Тоног төхөөрөмж, мотор гээд бүх зүйл нь шинэ. “Евро 5” дизель хөдөлгүүртэй, утаа бага ялгаруулах төхөөрөмж суурилуулсан. Зэвний хамгаалалтыг замаск, тос гэж андуурсан мэдээлэл гараад байгаа.
2023-09-29
Нийслэлийн хөгжлийн 2024 оны төлөвлөгөөг баталлаа
Төлөвлөгөөний төсөлд нийслэлийн нутгийн захиргааны 82 байгууллага, нэгжээс 734 арга хэмжээний санал ирүүлжээ. Тэдгээрийг бодлого, төлөвлөлтийн баримт бичгийн уялдаа холбоог хангаж, нийгэм, эдийн засагт оруулах ач холбогдол, нэн тэргүүний хэрэгцээ шаардлага болон урьдчилсан нөхцөл, бэлтгэл хангасан байдал, санхүүгийн эх үүсвэрийн баталгаа зэргийг харгалзан эрэмбэлж, төсөлд тусгажээ. Төслийг үр дүнд суурилсан буюу тодорхой байх, хэмжиж, хүрч болохуйц, бодитой, цаг хугацаатай байх гэсэн төлөвлөлтийн үндсэн шаардлагыг баримталж, цогц байдлаар боловсруулсан аж.
2023-09-29
“Эрчим хүчний салбарынхан эрсдэлтэй нөхцөлд ажиллаж байна”
“Тэвчээрийн тог тасарлаа” эрчим хүчний салбарын ажилтнуудын анхдугаар зөвлөгөөнийг Монголын эрчим хүч, геологи, уул уурхайн үйлдвэрчний эвлэлийн холбооноос өчигдөр зохион байгууллаа. Энэ үеэр эрчим хүчний салбарын ажилтнуудад тулгамдаж буй асуудлуудыг шийдвэрлэх гарц хайж, салбарын төрийн болон орон нутгийн өмчит компани, хувийн хэвшлийнхний удирдлага, ажилтнууд, түншлэгч талууд хэлэлцүүлэг өрнүүлэв. Эл салбарын ажилтнуудын аюулгүй орчинд хөдөлмөрлөх эрхийн хэрэгжилтийг хангуулж, цалинг нэмэгдүүлэх, улмаар тасралтгүй, найдвартай үйл ажиллагаа явуулахад бодитой дэмжлэг үзүүлэх зорилгоор дээрх зөвлөгөөнийг зохион байгуулсан юм.
2023-09-29
Футзалын шигшээ багийнхан Бангкокт бэлтгэл хийж байна
Хөлбөмбөгтэй холбоотой өөр нэгэн мэдээ дуулгахад, МХБХ-ны А, В зэрэглэлтэй шүүгчдэд ОУХБХ-ны шүүгчийн сургалтыг тав хоног явуулж, шалгалт авчээ. 2010 оноос хойш Монголд олон улсын шүүгчийн сургалт зохион байгуулж буй техникийн сургагч багш Мохаммед Родзали оролцогчдын мэдлэг чадвар ахиж байгааг онцолсон. Тэгвэл фитнесийн сургагч багш Рави бие бялдрын бэлтгэлжилтийг үнэлж, анализ хийн, шилдэг аргуудыг заасан байна. Хаалтын үйл ажиллагааны үеэр Мохаммед Родзалигийн монгол шүүгчдэд зааж сургасан мэдлэг чадвар, оюуны хөрөнгө оруулалтыг үнэлж, МХБХ-ны “Алтан титэм” шагналыг гардуулжээ.
2023-09-28
