Угаартаж нас барсан гэр бүлийнхний мэдээллийг задруулсан үйлдэлд 4-5 хүнийг шалгаж эхэлсэн гэв

Баянгол дүүргийн 22 дугаар хороонд амь­дар­даг нэгэн гэр бүлийн зургаан хүн өн­гөрсөн са­рын 23-24-нд шилжих шөнө угаартаж нас бар­сан харамсалтай хэрэг гарсан нь олны ан­хааралд өртөөд буй билээ. Цагдаагийн бай­гууллагаас амиа алдсан иргэдийн нас бар­сан шалтгааныг угаарын хийн хордлого гэж урьдчилсан байдлаар дүгнэж буй талаараа ч мэдээлсэн. Энэ үеэр тухайн амиа алдсан иргэд болон хугацаат цэргийн алба хааж бай­гаад, ирж хэвлэлийнхэнд мэдээлэл өг­сөн хүүгийн хувийн мэдээллийг ташаа байд­лаар олон нийтийн сүлжээнд цацсан нь иргэдийн дургүйцлийг төрүүлээд буй юм. Тэг­вэл Хууль зүй, дотоод хэргийн сайд О.Ал­тан­гэрэл өчигдөр сэтгүүлчдэд мэдээлэл өгөх­дөө төрийн байгууллагынхны дундах вай­бер группээс задарсан гэдгийг хэллээ. Тэр­бээр “Агаарын бохирдлын асуудалд хяналт тавих үүрэгтэй яамд, нийслэлийн ЗДТГ зэрэг салбар бүрийн мэргэжилтнүүд дундаа мэдээлэл солилцдог вайбер групп байна. Утааны нөхцөл байдлын талаарх мэдээл­лийг солилцдог юм билээ. Тэр груп­пэд байгууллагууд чиглэл, чиглэлийнхээ хү­рээнд мэдээлэл тавьдаг. Тухайлбал, үзлэг шалгалт хийсэн, утаа мэдрэгч суурилуулсан зэрэг мэдээлэл цагдаагийн байгууллагаас өгсөн. Танилцуулга хэлбэрээр олон ний­тийн сүлжээнд цацагдсан мэдээлэл нь ту­хайн группийн мэдээллүүдийг нэгт­гэн бо­ловс­руулж цацсан болох нь урьд­чил­сан байд­лаар тогтоогдсон. Энэ хэ­рэгт хол­богдуулж нэр бүхий 4-5 хүнийг шал­гаж эхэлж байгаа. Үүнд холбогдсон иргэн Б нь төрийн ямар нэг байгууллагад харь­яа­лагд­даггүй. Мөрдөн шалгах ажиллагаа явуулж, эрүүгийн хэрэг үүс­гэсэн. Тухайн иргэдийг гэм буруутай, эсэхийг шүүх тогтооно. Хувь хүний нууцыг зад­руулсан бол Эрүүгийн хуулийн ха­риуц­лага хү­лээдэг” гэв.
Мөн “Тавантолгой түлш” компанийн ТУЗ болон гүйцэтгэх удирдлагаар ажиллаж бай­сан хүмүүсийг багагүй хугацаанд АТГ, цаг­даагийн байгууллагад шалгаж буйг дурдлаа.

Г.Орчлон