Оюутан тамирчид Дэлхийн универсиад наадамд оролцоно
Монголын оюутан тамирчид нь Дэлхийн оюутны универсиад наадамд оролцсоны 60 жилийн ой энэ жил тохиож буй. Унгарын Будапешт хотод 1965 онд болсон дэлхийн оюутны IV наадамд Монгол Улс эмэгтэй, эрэгтэйчүүдийн волейболын багийг анх илгээсэн түүхтэй. Тэгвэл энэ удаагийн наадам ХБНГУ-ын Берлин хотод болох нь. Универсиад наадмын бэлэгдэл нь “Ванда”.
2025-07-03
Гэмт хэргийн шалтгаан болсон нийгмийн суурь асуудлуудад анхаарч ажиллахыг үүрэгдэв
Бусдын амь, эрүүл мэндэд зэрлэгээр халдсан хэрэг сүүлийн үед шил шилээ даран гарч, үүнтэй холбоотой айдас түгшүүр, болгоомжлол нийгэмд үүсээд байна. Ерөнхий сайд Г.Занданшатар энэ бүхний суурь шалтгааныг тэгш бус байдал, ёс суртахууны уналт, сэтгэцийн хямралтай холбоотой хэмээн үзэж буйгаа илэрхийлээд, боловсрол, эрүүл мэнд, хууль, эрх зүй, соёл, нийгмийн хамгааллын асуудал хариуцсан төрийн захиргааны байгууллагынханд гэмт хэрэг, зөрчлөөс урьдчилан сэргийлэх, ёс суртахуун, хариуцлагын боловсролыг нэмэгдүүлэх, иргэд, олон нийтэд сэтгэл зүйн дэмжлэг үзүүлэх чиглэлд анхаарч ажиллахыг үүрэг болгосноо мэдэгдэв. Энэ чиглэлээр хэрэгжүүлэх цогц арга хэмжээний төлөвлөгөө гаргаж танилцуулахыг ч салбарын сайд нарт даалгажээ.
2025-07-03
Өвөрхангай, Дундговь аймагт газар хөдөлжээ
Өвөрхангай аймгийн Богд сумын Өлзийт хошуу багийн “Хайрлахын-Ам”, “Чулуутын-Ам” гэдэг газар /аймгийн төвөөс баруун урд зүгт 168 км-т, сумын төвөөс баруун хойд зүгт 32 км-т/ 07.02-ны өдрийн 22:17:48 цагт 4.5 магнитудын хүчтэй газар хөдөлсөн тухай мэдээллийг мөн өдрийн 22:25 цагт ООГХ-ээс цахим шуудангаар ирүүлсэн байна. Богд сумын дарга, Засаг даргын орлогч, Өлзийт хошуу багийн Засаг дарга болон тухайн газар нутагладаг малчдаас тодруулахад иргэдэд газар хөдлөлтийн чичирхийлэл мэдрэгдсэн, учирсан хохиролгүй гэж мэдэгдлээ.
2025-07-03
Монгол эмэгтэйн санаачилга Азийн шилдэг нөлөөллийн төслөөр шалгарчээ
Технологийн салбар дахь эмэгтэйчүүдийг дэмжих, тэдний хийсэн ажлыг сурталчлан таниулах зорилгоор “Women in tech” олон улсын байгууллагаас зохион байгуулдаг шилдэг старт-ап, төсөл, хөтөлбөр шалгаруулах уралдаанд Л.Бадамцэцэг хэмээх монгол эмэгтэйн санаачилга Азийн бүс нутгаас тэргүүн байр эзэлжээ.
2025-07-03
Хүчтэй салхины улмаас Төв талбайн асар нурж, гурван хүн гэмтэв
Нийслэлд өчигдөр 18.40 цагийн орчимд хүчтэй салхилсны улмаас Сүхбаатарын талбайд байрлуулсан төмөр асар нурж, гурван иргэн гэмтсэн харамсалтай хэрэг гарлаа. Хүчтэй салхины улмаас асар нурж, хоёр том хүн, нэг хүүхэд гэмтсэн тухай мэдээлэл цагдаагийн байгууллагад ирсэн бөгөөд хэргийг шалгаж байна.
2025-07-03
Засгийн газрын агентлаг, төрийн өмчит үйлдвэрийн газар, компанийн чиг үүрэг, бүтэц, орон тоог цөөлнө
Төрийн байгууллагын чиг үүргийн давхардал, хийдлийг арилгах, хүнд суртлыг багасгаж, шат дамжлагыг цөөлөх, иргэдэд үзүүлэх үйлчилгээг шуурхай, чанартай болгох зорилгоор Засгийн газрын агентлаг, төрийн өмчит үйлдвэрийн газар, компанийн чиг үүрэг, бүтэц, орон тоог оновчтой тогтоохчиглэлээр дараах арга хэмжээг авч ажиллахыг Засгийн газрын гишүүдэд даалгалаа.
2025-07-02
NBA-ийн “халуурал” эхэллээ
Дэлхийн хамгийн хүчирхэг сагсан бөмбөгийн лиг болох NBA-ийн энэ зуны солилцоо наймааны цонх өнгөрсөн даваа гарагт нээгдлээ. Ийнхүү багууд бүрэлдэхүүнээ зузаатгах, ашиггүй тоглогчдоо явуулах, бүтээн байгуулалтаа эхлүүлэх зорилгоор солилцоо наймаа хийх эрхтэй болж байна. Солилцооны цонх албан ёсоор нээгдэхээс ч өмнө зарим баг, тоглогч чухал нүүдлээ хийгээд амжив. Тухайлбал, Л.Жэймс, Ж.Харден одоогийн багтаа үлдэх шийдвэр гаргасан бол супер од К.Дюрант багаа сольж, “Хьюстон”-д ирсэн билээ.
2025-07-02
Иргэдийн бухимдлыг төрүүлээд байсан Зайсангийн эцсийн буудлыг хуучин хэвэнд нь оруулахаар болжээ
Хан-Уул дүүргийн 11 дүгээр хороо, Зайсангийн эцсийн автобусны буудлыг Хан-Уул дүүргийн төсвийн хөрөнгө оруулалтаар тохижуулах ажлыг өнгөрсөн долоо хоногт эхлүүлсэн. Энэ хүрээнд тус уулзвар замд авто замын арал хийсэн бөгөөд энэ шинэчлэл нь иргэдийн бухимдлыг төрүүлж, хуучин хэвээр байлгахыг хүссэн юм. Иймд Замын хөгжлийн газрын дарга Б.Одбаяр болон бусад албаныхан байршил дээр нь ажиллалаа.
2025-07-02
“Playtime 2025” технологийн шинэчлэл, байгальд ээлтэй шийдлээр ялгарна
Азийн шилдэг хөгжмийн наадмын нэгд тооцогддог “Playtime 2025” наадам долоодугаар сарын 3-6-нд “Плэйтайм” хүрээлэнд болох гэж байна. Энэ удаагийн хөгжмийн наадам өмнөх 23 жилийнхээсээ илүү өргөн цар хүрээтэй, шинэлэг технологи, олон улсын стандарт бүхий шинэчлэлүүдийг багтааснаараа онцлогтой гэнэ.
2025-07-02
Түймрийн эрсдэлтэй улирлын хугацаа 20-50 хоногоор уртасжээ
Extreme wildfire activity буюу хэт эрчимт түймрийн давтамж дэлхий даяар сүүлийн 20 жилд хоёр дахин нэмэгдэж, хуурайшилт өндөр, эрсдэлт улирлын хугацаа нэг сараар уртассаныг Цаг уур, орчны шинжилгээний газрын дарга Э.Баттулга Америкийн сансар судлалын агентлаг (НАСА)-гийн тоон мэдээллээс эш татан дурдлаа. Өөрөөр хэлбэл, уур амьсгалын өөрчлөлтийн нөлөөгөөр түймрийн давтамж, үргэлжлэх хугацаа ньжилээс жилд нэмэгдэж буй гэнэ. Үүнийг харгалзан хуурайшилтын улирлын хугацааг шинэчлэн тогтоох, аюулгүй, бэлэн байдлаа хангах, урьдчилан сэргийлэх арга хэмжээг эрчимжүүлэх шаардлагатайг тэрбээр хэлсэн юм.
2025-07-02
10 мянгаас дээш хөрөнгө оруулагчтай хувьцаат компани 15 байна
Манай улсад хөрөнгийн зах зээл эрчимтэй хөгжиж, үнэлгээ нь сүүлийн 10 жилд гэхэд 8.7, 2020 оноос хойш 4.7 дахин өсөөд буйг “Монголын хөрөнгийн бирж”-ээс мэдээлсэн. Үүнийг дагаад үнэт цаас сонирхох, худалдаж авах, хөрөнгө оруулах иргэдийн тоо ч эрс нэмэгдэж буйг хувьцаат компаниудын тайлан харуулж байна.
2025-07-02
А.Болормаа Дэлхийн банкны Пакистан дахь суурин төлөөлөгчөөр ажиллах нь
Дэлхийн банкны Пакистан улс дахь суурин төлөөлөгчөөр монгол хүнажиллахаар болжээ. Тодруулбал, олон улсын хөгжлийн төсөл, хөтөлбөрт 20 гаруй жил ажилласан туршлагатай Амгаабазарын Болормааг 2020 оноос хойш энэ албыг хашсан Нажи Бенхассиний оронд томилон, өчигдрөөс ажилдаа оржээ. “Дэлхийн банк болон Пакистаны урт хугацааны түншлэл сая сая хүний амьдралд үр өгөөжөө өгсөн.
2025-07-02
Эрчим хүчний салбарт “мега” хулгай хийх зорилготой хуулийн төсөл санаачилсан гэв
Эрчим хүчний тухай хуульд нэмэлт, өөрчлөлт оруулах тухай хуулийн төслийг анхдагч шаардлага хангаагүй гэдэг үндэслэлээр Эдийн засгийн байнгын хорооны хэлэлцэх асуудлаас хасжээ. Тодруулбал, эл хуулийн төслийг олон нийтэд танилцуулж, нийгмийн салбар бүрийн төлөөллийг хамруулсан хэлэлцүүлэг өргөн хүрээнд зохион байгуулаагүй, эрх ашиг нь хөндөгдөх талууд буюу холбогдох төрийн захиргааны байгууллага, аж ахуйн нэгжүүдээс санал аваагүй нь байнгын хороо, чуулганы хуралдаанаар хэлэлцүүлэхэд зөрчилтэй, шаардлага хангахгүй гэж үзсэн байна.
2025-07-02
