Фунтийн ханш 4300 төгрөгтэй тэнцэв
Валют арилжааны “Найман шарга” захын ченжүүд өчигдөр фунт стерлингийг 4230 төгрөгөөр худалдан авч, 4300-гаар зарж байлаа. Энэ нь өнгөрсөн ням гаргийнхтай харьцуулахад авах, худалдах ханш нь тус бүр 30 төгрөгөөр чангарсан гэсэн үг. Эргэн сануулахад, дээрх захад энэ оны эхэнд ченжүүд фунтийг 4130 төгрөгөөр аваад, 4230-аар борлуулж байсантай харьцуулахад өдгөө 2.4, 1.7 хувиар өсөөд буй нь энэ. Тус захад өнгөрсөн наймдугаар сарын 20-нд Британийн мөнгөн тэмдэгтийг 4400 төгрөгөөр авч, 4430-аар худалдаж байсан билээ.
2023-10-19
Женев хотод Европ дахь салбар холбоо байгуулагдав
Хилийн чанадад суугаа монголчууд олон зуунаас уламжлагдан ирсэн спортоос үндэсний бөхийг түгээн дэлгэрүүлж, гадаадад амьдарч буй хүүхэд, залууст сурталчлан өвлүүлэх зорилготой арга хэмжээ зохион байгуулсаар байна. Үүний хүрээнд Швейцарын Женев хотод МҮБХ-ны Европ дахь салбар холбоог байгууллаа. Тус холбоо нь Франц, Герман, Чех, Швед, Бельги, Польш, Унгар, Британи, Австри, Итали зэрэг улсад амьдран суугаа монголчуудад болон гадаадын иргэдийг оролцуулан үндэсний бөхийн барилдаан зохион байгуулах аж. Европ дахь салбар холбооны тэргүүнээр аймгийн начин О.Пүрэвбаяр, дэд тэргүүнээр Д.Дамдин, гүйцэтгэх удирдлагаар Б.Саран нарыг сонгожээ.
2023-10-19
МҮДЭБ ноцтой таван зөрчлөө арилгах үүрэг хүлээжээ
Үүнтэй холбоотойгоор ДДЭБ-аас гаргасан Үндэсний допингийн эсрэг байгууллагын үйл ажиллагааны хараат бус байдлын талаарх зааврын дагуу МҮДЭБ-ын дүрмийг шинэчлэн, зохих дэмжлэг үзүүлж, хамтран ажиллахыг Олимп, нийтийн биеийн тамир, спортын үндэсний хорооны дарга, сайд Б.Бат-Эрдэнэд даалгажээ. Ингэхдээ тус байгууллагын үүсгэн байгуулагчаас хамааралтай байдлыг арилгах, Удирдах зөвлөл, гүйцэтгэх удирдлага болон дэргэдэх хороодын бүтцийг бий болгож, эрх хэмжээг тодорхойлох аж. Мөн МҮДЭБ-ын Удирдах зөвлөлөөс Ц.Уугангэрэлийг тус байгууллагын ерөнхийлөгчөөр томилсон байна.
2023-10-19
Нобелийн шагнал хүртсэн хоригдол
Энд ор, цагаан хэрэглэл гэж байхгүй, хоригдлууд бетонон шалан дээр хажуулна. Эр, эм ялгаагүй бэлгийн хүчирхийлэл үйлдэхийг шоронгийн хуяг, ажилтнуудад зөвшөөрдөг нь “Эвин” хорих газрын нэрийн хуудас аж. 2020 онд Наргес Мохаммади суллагдаж, энэ чөлөөг “Эвин” шоронгийн тухай үнэнийг илчлэхэд зориулжээ. Шорон дахь бэлгийн хүчирхийллийн тухай, түүнд өөрөө өртсөнөө ч ярьсан байна. 2021 оны эцсээр Мохаммади дахин шоронд орж, одоо “Эвин”-д “аж төрж” байна.
Наргес Мохаммадид Нобелийн шагнал хүртээсэн тухай мэдээлэлд Ираны эрх баригчид ямар нэг хариу үйлдэл үзүүлэхгүй байна. Ираны эрх баригчдад ойр байдаг шинжээч Мохаммад Маранди “Манай дэглэмийг халах гэсэн үйл ажиллагаандаа Өрнөд ялагдал хүлээсэн, тэр юуг ч өөрчилж чадахгүй. Өрнөдөд хэчнээн янзын бүтэц өөр хоорондоо холбоотой байдгийг л харуулж буй юм” гэж сайтдаа бичсэн байх аж.
2023-10-19
Гэр бүлийн хүчирхийллээс сэргийлэх “Жаргалтай гэр бүл” аяныг эхлүүллээ
Нийслэлийн Гэмт хэргээс урьдчилан сэргийлэх ажлыг зохицуулах салбар зөвлөлийн нарийн бичгийн дарга Б.Батбямба “Гэмт хэрэг, зөрчлөөс урьдчилан сэргийлэх, гэр бүлийн хүчирхийллээс хамгаалах, хүүхдийн эрхийг хангахтай холбоотойгоор УИХ-аас эрх зүйн орчныг сайжруулж, хариуцлагын тогтолцоог нэмэгдүүлэхээр ажиллаж байна. Энэ цаг үед иргэдийн эрх зүйн мэдлэгийг дээшлүүлж, гэмт хэргээс урьдчилан сэргийлэх ажилд иргэд, олон нийтийг татан оролцуулах нь чухал” гэв.
2023-10-19
Эрүүл мэндийн даатгалын сангийн алдагдал 255.4 тэрбум төгрөгт хүрчээ
Тухайлбал, Эрүүл мэндийн даатгалын сан (ЭМДС)-гийн орлогыг бодит тооцоололд үндэслэн төлөвлөөгүйгээс алдагдал үүссэн байна. Санд өнгөрсөн онд 1.4 их наяд төгрөгийн орлого төвлөрүүлэх төлөвлөгөө гаргасан ч гүйцэтгэл нь 1.2 их наяд байжээ. Харин зардал нь үүнээс давж, 1.4 их наядад хүрсний улмаас 255.4 тэрбум төгрөгийн алдагдал үүссэн аж. Алдагдлын шалтгаан нь төсөвт байгууллага, аж ахуйн нэгж болон ажилчдын төлөх шимтгэлийн орлогын бүрдүүлэлт төлөвлөсөн хэмжээнд хүрээгүйтэй холбоотой гэнэ. Түүнчлэн зардлын хэмжээ 2020 оныхоос нэг их наяд гаруй төгрөгөөр давсныг аудитын байгууллагаас онцлов.
2023-10-19
Газрын наймаачдын балаг Бага тойрууг тойрсонгүй
Эзэмшлийн газраасаа хумслуулсаар өндөр барилгад бүчүүлсэн, тэр хэрээр үзэгдэх орчин, орон зайгаа хязгаарлуулсан аж ахуйн нэгж, байгууллага нийслэлд цөөнгүй. Ялангуяа хотын А зэрэглэлийн бүсэд хамаардаг Бага тойруу орчимд бусдын орон зай, эзэмшилд халдсан ийм нүсэр барилга сүүлийн үед дэндүү олширлоо. Хэзээ, хэн босгосон, юу болох нь тодорхойгүй барилгын “араг яс” ч хаа сайгүй.
2023-10-19
Хил зөрчсөн Тувагийн иргэн буудуулж амиа алдлаа
Гэвч хил зөрчигчид анхааруулгыг үл ойшоож, Сагил сумын нутгийн гүн рүү зугтсан учраас хилчид буудахад хүрсэн байна. Зугтсан хоёр иргэнийг эрэн сурвалжлах ажиллагаа явуулж, морьдынх нь мөрөөр мөшгөхөд өөр газраар дамжин явсаар Тувагийнхаа нутагт орсон байсныгорон нутгийн эх сурвалжууд мэдээллээ. Хил дээр хүний амь хохирсон хэрэг гарсан учраас Увс аймаг дахь агдаагийн газрынхан Сагил сумын нутагт ирж мөрдөн шалгах ажиллагаа явуулж эхэлснийг ч эх сурвалж хэлсэн юм. Хилийн тухай хуулийн 48 дугаар зүйлд улсын хил хамгаалах байгууллагын хамгаалалтад байгаа объектод хүч хэрэглэн халдсан, халдахыг завдсан, улсын хил дээр үүссэн өдөөн хатгалга, хил зөрчигчийн үйлдлийг өөр арга, хэрэгслээр зогсоох боломжгүй үед галт зэвсэг хэрэглэхийг зөвшөөрсөн байдаг билээ.
2023-10-19
2368 өрхөд “Нүүдэлчин” зуух олгох нь
Тус зуух нь угаасан коксжих нүүрс түлэх зориулалттай, давхар шаталттай, хаягдал үнс, утаа тортог, угаарын хий бага ялгаруулдаг, түлшинд хэмнэлттэй зэрэг олон давуу талтай учир агаар, орчны бохирдол, эрчим хүчний хэрэглээг бууруулахад чухал хувь нэмэр оруулна гэж тооцоолсон байна. Эл хөтөлбөрийн хүрээнд шинэ техник, технологи, инновац шингэсэн дэвшилт шийдлүүд нэвтрүүлэхээр төлөвлөсний нэг нь “Нүүдэлчин” зуух гэнэ. Үүнийг орон нутгийн засаг захиргааны байгууллага зах зээлийнх нь үнээс 10 дахин бага ханшаар тооцож, 100 мянган төгрөгөөр айлуудад олгож буй аж. Тус аймаг ирэх жилд багтаан гэр хорооллынхоо бүх айлыг ийм зуухаар хангахаар төлөвлөжээ.
2023-10-18
Өвлийн олимпоос ямар спортын төрлүүд хасагдах вэ
2026 онд Италид болох өвлийн олимпын наадам эхлэхэд гурван жил гаруйн хугацаа үлдээд байгаа ч зохион байгуулагчид үүрэгт ажлаа дийлэхгүйд хүрчээ. Италичууд бобслей, скелетон, чарганы спортын тэмцээнийг зохион явуулах боломжгүй болсон учир өөр улсад явуулах магадлалтай гэнэ. Ийм явдал өвлийн олимпын түүхэнд анх удаа тохиолдож буй юм.
2023-10-18
Дорнодчууд спортын V их наадмаа зохион байгууллаа
Спортын их наадмыг шатар, ширээний теннис, волейбол, сагсан бөмбөг гэсэн дөрвөн төрлөөр 18-51 насны эрэгтэй, эмэгтэй ангиллаар нийт 150 баг, 1700 орчим тамирчин, 1200 гаруй хөгжөөн дэмжигчийг оролцуулан зохион байгуулсан аж.
“Дорнод-2023” спортын V их наадмын волейболын тэмцээний эрэгтэй, эмэгтэйчүүдийн төрлийн дөрвөн насны ангилалд тэргүүн байрыг Баян-Уул сум, “Ононгийн мянган мөчир”, 2005, 2002, 1999 оны төгсөлт, “Happy 98”, “Цоглог 90” багийн тамирчид эзэлсэн байна. Харин сагсан бөмбөгийн тэмцээнд “Цог”, “Hoops”, 1986, 1990, 1996, 1998, 2006, 2010 оны төгсөлтийн эрэгтэй, эмэгтэй баг тамирчид шалгарч алтан медаль хүртлээ. Ширээний теннисний төрөлд Э.Алтантогос, С.Билгүүнтамир, Б.Угтахбаяр, Б.Гэрэлмаа, Ч.Түвшинтөгс, К.Оюунчимэг, Ц.Баярцогт нарын тамирчин нэгдүгээр байрт шалгарч, алтан медалийн эзэн болжээ.
2023-10-18
Дээд шүүхийн таван шүүгч “Монгол ураниум ресурс”-т тогтоолоороо зөвлөгөө өгсөн үү
Дээд шүүхийн Захиргааны хэргийн танхимын тэргүүн М.Батсуурь, шүүгч Ч.Тунгалаг, Д.Мөнхтуяа, Б.Мөнхтуяа, П.Соёл-Эрдэнэ нар 2018-2019 онд “Монгол Ураниум Ресурс” ХХК-ийн бараг л нэг нэхэмжлэлийг хоёр удаа хянаад хоёр өөр шийдвэрийг гаргасан байдаг. Хоёр дахь нь “Монгол Ураниум Ресурс” ХХК-ийн эрх ашгийг хангаж чадсан. Өөрөөр хэлбэл, Сүхбаатар аймгийн Эрдэнэцагаан сумын нутаг дахь ураны хайгуулын лицензээ хүрэн нүүрсний ашиглалтын лиценз болгож авсан. Шүүх ингэж шийдсэний дараа “Эрээн толгой” ХХК-ийг байгуулж, түүн рүү дээрх лицензээ шилжүүлсэн.
2023-10-18
МУИС-ийн байр ор сураггүй алга болсон түүх давтагдах вий
МУИС нь найман бүрэлдэхүүн сургуультай. Нийслэлд хичээлийн мөн тооны байртай, олон жилийн түүхтэй сургууль. Гэвч хичээлийн байрнууд нь нэг нэгээрээ “алга болсоор” байна. Тухайлбал, тус сургуулийн Газар зүй, геологийн сургуулийн барилгыг 2019 онд нураасан бөгөөд өдий хүртэл шинэчлэн бариагүй. Сургуулийн барилга “алга болдог” хэрэг ингээд зогссонгүй. Өдгөө хичээлийн III байраа нураахаар зэхээд буй билээ. Түүхийн дурсгал, соёлын өвд багтах барилгаа ийнхүү нураах болсон нь олон нийтийн дургүйцлийг хүргээд байна.
2023-10-18
Малчид бэлтгэхээр төлөвлөсөн өвс, тэжээлийнхээ 63 хувийг зэхжээ
Улсын хэмжээнд энэ онд 18.1 сая төл хүлээн авч, 5.1 сая малыг дотоодын хэрэгцээнд, 12.1 сая малыг эдийн засгийн эргэлтэд оруулан 62.8 сая мал өвөлжиж, хаваржих урьдчилсан тооцоо гарчээ. Энэ жил отор, нүүдлийг бүс дотроо босоо чиглэлд зохицуулах шийдвэр гаргаад буй бөгөөд Аймаг дундын отрын бэлчээр ашиглалтын захиргаа аймгуудаас захиалга авч Орон тооны бус зөвлөлийн хурлыг хийж эхлээд байгааг ХХААХҮЯ-наас мэдээлэв.
2023-10-18
ПАРИСЫН ОЛИМПЫГ 100,000 ТӨГРӨГӨӨР ҮЗЭЭРЭЙ
Олон зууны түүх, архитектурын гайхамшиг болсон үзэсгэлэнт Парис хотын зуны үдэш Сена мөрний эргээр зугаалж, алдарт Луврын музейд зочилж, Эйфелийн цамхгийг хэрхэн гэрэлтэхийг хармаар байна уу? Мөн та Парис хотноо зохиогдох хүн төрөлхтний хүсэн хүлээсэн олимпын наадмыг үзэж, эх орныхоо төрийн далбааг олимпын тэнгэрт мандаж буй гайхалтай түүхэн мөчийн гэрч болохыг хүсэж байна уу? Тэгвэл энэ боломжийг ХААН Банк танд олгож, харилцагчдаа Парис хотод хүргэх хадгаламжийн урамшуулалт аяныг зарлаж байна.
2023-10-17
Нийслэлийн хэмжээнд цэрэг татлага зохион байгуулна
Нийслэлийн ЗДТГ-ын Цэргийн штабын дарга Г.Ялалт “Бид батлан хамгаалах төрийн үйлчилгээг иргэдэд чирэгдэлгүй, хүнд сурталгүй, түргэн шуурхай хүргэхээр бэлтгэл ажлыг хангаад байна. Иргэд эрүүл мэндийн үзлэг, шинжилгээнд хамрагдсан бичиг баримт, цэргийн үүрэгтний үнэмлэхтэйгээ Цэрэг татлагын товчоонд ирэх шаардлагатай. Мөн цэрэгт татагдах боломжгүй хувийн шалтгаанаа өргөдлөөр бичиж, цэргийн байранд очиж шийдүүлнэ. Санаатай болон санаандгүйгээр тогтоосон газар, заасан цагт очоогүй тохиолдолд Зөрчлийн тухай хуулийн дагуу арга хэмжээ авдаг. Энэ нь коронавирусийн нөхцөл байдалтай холбоотойгоор 2020, 2021 онд хэрэгжээгүй. Харин өнгөрсөн жилийн хавраас хариуцлага ногдуулж эхэлсэн” хэмээлээ. Цэрэг татлагыг дүүрэг бүрд нэг байршилд зохион байгуулах нь.
2023-10-17
Хайнань руу “Хүннү эйр” тогтмол нислэг үйлдэх нь
БНХАУ-ын Хайнань руу “Хүннү эйр” компани ирэх сараас эхлэн тогтмол нислэг үйлдэхээр болжээ. Тус компанийн гүйцэтгэх захирал П.Мөнхжаргал Хайнань арлын Хайкоу хотын нисэх буудлын захиргаа болон холбогдох албан тушаалтнуудтай хэлэлцээр хийн ийнхүү нислэг үйлдэхээр тохиролцсоныг ЗТХЯ-наас мэдээлэв. “Хүннү эйр”-ийн зүгээс Улаанбаатар-Хайкоу Мейлан-Улаанбаатар чиглэлийн нислэгийн бэлтгэл ажлыг эхлүүлжээ.
2023-10-17
Хүн амын тоо ирэх сард 3.5 саяд хүрэх нь
Манай улсын хүн амын тоо энэ сарын 14-нд 3.5 саяд хүрсэн тухай иргэд цахим орчинд бичиж байв. Урд хөршийн цахим мэдээллийн хэрэгслүүдэд ийнхүү мэдээлснийг иргэд уламжилсан юм. Гэтэл хүн амын тоо хараахан дээрх хэмжээнд хүрээгүй гэнэ. Тодруулбал, Үндэсний статистикийн хорооны дарга Б.Батдаваагийн мэдээлснээр Монгол Улсын хүн ам өнгөрсөн сарын эцэст 3 493 660 болжээ. Улмаар ирэх сард 3.5 саяд хүрэх төлөвтэйг тэр бээр дурдсан байна. Манайд сард 5400 хүүхэд төрж, 1400 хүн нас барж байгаа гэсэн тооцоололд үндэслэн дээрх хугацааг тогтоосон гэнэ. Ташрамд дурдахад, тус хорооноос гаргасан хүн амын хэтийн төлөвийн тооцооллоор бол манай улс 2030 он гэхэд дөрвөн сая хүн амтай болох нь. Тэгвэл 2045 онд хүн амын тоо таван саяд хүрэх төлөвтэй юм байна.
2023-10-17
Эгэл нарсны үр түүх талбайг тусгаарлав
Хэнтий аймгийн Биндэр сум дахь “Биндэр ой” сум дундын ойн ангийнхан орон нутгийнхаа Байгаль орчин, аялал жуулчлалын газартай хамтран Баян-Адрага сумын Дуурлиг хэмээх газарт эгэл нарсны үр түүх талбай тусгаарлах ажил гүйцэтгэжээ. Ингэснээр энэ төрлийн мөнх ногоон мод тарихад шаардлагатай үрийн нөөцийг тус цэгээс түүх, хангах боломж бүрдэж байна.
2023-10-17
Жирэмсэн эмэгтэйчүүдийн 15.9 хувь нь сэтгэл гутралтай гэсэн судалгаа гарчээ
Тэгвэл хоёр дахь өдөр нь олон нийтэд сэтгэл зүйн боловсрол олгох зорилготой арга хэмжээнүүдийг зохион байгуулахаар хөтөлбөрөө боловсруулжээ. Энэхүү үйл ажиллагааны үндсэн зохион байгуулагч Сэтгэцийн эрүүл мэндийн үндэсний төвийн дэд захирал, анагаах ухааны доктор Н.Алтанзул “Сэтгэл зүйч нарын ажиллах орчин, тусламж, үйлчилгээг сайжруулах чиглэлээр хууль, эрх зүйн зохицуулалт хийх нь зүйтэй. Жил бүр сэтгэцийн эрүүл мэндийн байгууллагуудаа нэгтгэсэн, эрдмийн чуулганыг Олон улсын сэтгэцийн эрүүл мэндийн өдрөөр зохион байгуулж, салбарынхаа хөгжлийн талаар ярилцах хэрэгтэй байна” хэмээн нээлтийн үеэр онцолж байлаа.
2023-10-16
