Боловсон хүчний дүрвэлтийг бохир аргаар зогсоож чадахгүй
Өнгөрсөн оны намар зохион байгуулсан нэгэн чуулганы индэр дээр “Залуучууд та бүхний санаачилга, шийдэл, мөрөөдөл, тэмүүлэл, эрэл хайгуулыг амжилтад хүргэхийн төлөө хамтран ажиллахаа илэрхийлье” хэмээн сайхан үгс урсгаж байсан Хөдөлмөр, нийгмийн хамгааллын сайд Х.Булгантуяа “Гадаадад байгаа монголчуудаа эх оронд нь авчрах, залуусыг Монголоос явуулахгүй байх арга хэмжээ хэрэгжүүлэхээр ажлын хэсэг байгуулсан” гэж мэдэгдэн олон нийтийг эгдүүцүүллээ. Залуучуудыг дэмжиж, тэдэнд ээлтэй орчин бүрдүүлэхийн төлөө гар нийлж ажиллана хэмээн хагас жил орчмын өмнө ярьж байсан сайд шилжилт хөдөлгөөнийг хязгаарлах мэргэн арга бодож олсон бололтой
2024-04-17
“Байгалиа хамгаалъя” нэгдсэн арга хэмжээг эхлүүллээ
Дэлхийн байгаль хамгаалах сан (WWF)-гийн Монгол дахь хөтөлбөрийн газар, ЦЕГ-ын Экологийн цагдаагийн алба, нийслэлийн Байгаль орчны газар, Гэмт хэргээс урьдчилан сэргийлэх ажлыг зохицуулах салбар зөвлөл хамтран “Байгалиа хамгаалъя” нэгдсэн арга хэмжээг долоо дахь жилдээ хэрэгжүүлж эхэллээ.
2024-04-16
Уур амьсгалын өөрчлөлт, цаг агаарын хавсарсан хямрал нүүрлэж байна гэв
Хүчтэй шороон шуурганы улмаас говийн аймгуудад үзэгдэх орчин хязгаарлагдаж, гадаа удаан явах аргагүй болсныг ч орон нутгийн иргэд хэлж байлаа. Түүнчлэн зарим иргэн их шуурганы дараа энд тэндгүй хуурай сайр, элсэн манхан үүссэнийг гэрчлэх зургийг цахим сүлжээнд нийтэлсэн юм. Тэгвэл энэ нь манай оронд, ялангуяа говийн бүс нутагт цөлжилт, газрын доройтол гаарсны “тэмдэг” гэдгийг судлаачид хэлж байна. Хөрс доройтож, ургамлын бүрхэвч багасан, газрын гадаргад их хэмжээний сул тоос, шороо хуримтлагдсанаар хүчтэй салхилах үед ойр орчмын зүйлс харагдахгүй болтол улаанаар эргэлдэх нөхцөл бүрддэг гэнэ. Өөрөөр хэлбэл, хөрсний өнгөн хэсэг дэх тоос, шороог “барьж тогтоодог” ургамал сийрэгжсэнээс ийм үзэгдэл болдог аж.
2024-04-16
Байгаль орчны удирдах ажилтны зөвлөгөөнд 250 гаруй хүн оролцлоо
БОАЖЯ-наас өчигдөр зохион байгуулсан Байгаль орчны удирдах ажилтны зөвлөгөөнд нийслэл, орон нутгаас 250 гаруй хүн оролцлоо. Салбарын эрх зүйн орчныг сайжруулж, судалгаа шинжилгээг өргөжүүлэн, байгаль хамгааллын үр ашигтай менежментийг нэвтрүүлж, олон улсын сайн туршлагыг түгээн дэлгэрүүлэх зорилгоор уг зөвлөгөөнийг санаачилсан. Тиймээс нэгдсэн зөвшилцөлд хүргэх, байгууллага хоорондын уялдаа холбоог сайжруулах, олон талт хамтын ажиллагааг өргөжүүлэх үүднээс сав газрын, тусгай хамгаалалттай газрын захиргаа, сум дундын ойн анги, ус, цаг уурын алба гээд байгаль орчны бүх салбарын удирдах албан тушаалтныг үүнд хамруулжээ.
2024-04-12
Инфляц өсөхөд хүнсний бараа, бүтээгдэхүүний үнэ голлон нөлөөлжээ
Монголбанк инфляцыг дунд хугацаанд жилийн зургаан (±2) хувьд “барих” бодлого баримталж буй. Тэгвэл энэ онд инфляцын түвшин Төвбанкны зорилтот дээд интервал буюу 6-8 хувь орчимд хэлбэлзсээр, 2026 оны сүүлийн хагаст зорилтын голчид хүрэх төлөвтэй гэж тус банкныхан төсөөлжээ. Дэлгэрүүлбэл, 2024 оны эцэст 8.4, ирэх жилийн төгсгөлд 7.3, түүний дараа оны сүүлчээр зургаан хувьд хүрнэ гэж тооцсон байна. Тус банкнаас өчигдөр танилцуулсан, энэ оны гуравдугаар сарын байдлаарх инфляцын тайланд ийнхүү дурдсан байв. Гэхдээ цаг агаарын хүндрэлээс улбаатай зудын нөхцөл байдал, цалин, тэтгэврийн өсөлт, ногдол ашиг хуваарилалт зэрэг хүчин зүйлээс шалтгаалан инфляц суурь төсөөлөлд авч үзсэнээс нэмэгдэх эрсдэлтэй гэж тооцжээ.
2024-04-12
Мотоциклчин бүсгүйчүүд холын зайн аялалд гарахаар болжээ
Н.Оргилмаа, Э.Эрдэнэчимэг хэмээх хоёр бүсгүй мотоциклд дурлагч монгол бүсгүйчүүдийг төлөөлөн олон улсын анхны холын зайн аяллаа эхлүүлэхээр төлөвлөж байна. Тэд энэ сарын 19-ний баасан гаргийн 08.00 цагт нийслэлийн төв талбайгаас аяллаа эхлүүлэх бөгөөд Баян-Өлгий-Орос-Казахстан-Киргиз-Тажикистан-Азербайжан-Армени-Гүрж-Турк-Москва-Алтанбулаг-Улаанбаатар гэсэн маршрутаар явахаар тооцоолжээ. Үүнд ойролцоогоор хоёр сарын хугацаа зарцуулж, цардмал, сайжруулсан нийлсэн 30 мянга гаруй км замыг туулах гэнэ.
2024-04-12
Орон сууцын үнэ 9.1 хувиар өсжээ
Энэ оны гуравдугаар сард Улаанбаатар хотод орон сууцын үнэ өмнөх жилийн мөн үеийнхээс 9.1 хувиар өсөж, өмнөх сарынхаасаа 0.6 хувиар буурсныг Үндэсний статистикийн хорооноос өчигдөр мэдээллээ. Тодруулбал, хуучин орон сууцын нэг ам метр талбайн дундаж үнэ өнгөрсөн сард 3.7, шинийнх нь 3.9 саяд хүрсэн байна. Энэ нь өнгөрсөн оны мөн үеийнхтэй харьцуулахад 8.7-9.6 хувиар өссөн үзүүлэлт аж.
2024-04-11
Ойн сан бүхий дүүргүүдэд хамтарсан эргүүл гаргана
Ой, хээрийн түймрээс урьдчилан сэргийлэх, тэмцэх ажлыг эрчимжүүлэх тухай тушаалыг нийслэлийн Байгаль орчны газрын дарга гаргажээ. Үүний дагуу нийслэлийн Онцгой байдлын болон Цагдаагийн удирдах газрынхан хамтран ойн сан бүхий дүүргүүдэд эргүүл, шалгалт хийхээр болжээ. Өөрөөр хэлбэл, шаардлагатай газарт ой, хээрийн түймрээс урьдчилан сэргийлэх самбар, хаалт, хашилт байршуулах гэнэ
2024-04-10
Монгол компаниудын бүтээгдэхүүн, үйлчилгээг шилдгээр шалгаруулжээ
Вьетнам улсад энэ сарын4-6-нд болсон Хо Ши Миний аялал жуулчлалын фестивальд манай улсаас МИАТ, “Централ Ази Монгол” тэргүүтэй төр, хувийн хэвшлийн аж ахуйн нэгж оролцож, Засгийн газрын бодлого, үйл ажиллагаа болон өөрсдийн бүтээгдэхүүн, үйлчилгээг танилцуулсан билээ. Тэгвэл 20 дахь удаагийн фестивальд оролцсон 57 багаас монгол компаниудын үзэсгэлэнгийн талбай, олон нийтэд толилуулсан бүтээгдэхүүн, үйлчилгээг шилдгээр шалгаруулжээ
2024-04-09
Аюулт үзэгдэл, ослын улмаас долоо хоногт 13 хүн нас баржээ
Өнгөрсөн долоо хоногт буюу энэ сарын 1-7-нд нийслэлийн есөн дүүрэг, 19 аймгийн 47 сумд аюулт үзэгдэл, ослын 124 тохиолдол бүртгэгджээ. Энэ нь өмнөх долоо хоногийнхоос 23-аар өссөн үзүүлэлт аж. Тодруулбал, энэ хугацаанд ус, цаг уурын гаралтай аюулт үзэгдэл нэг, геологийнх 24, хүний үйл ажиллагаатай холбоотой осол 17, гал түймэр 82 удаа бүртгэгдсэн байна. Ахуйн хүрээний болон ой, хээрийн түймэр өмнөх долоо хоногийнхоос 31-ээр нэмэгдсэн бол шар усны үерээс үүдэлтэй аюулт үзэгдэл хоёроор өсжээ.
2024-04-09
Хууль бусаар бэлтгэсэн 350 шоо метр модыг хураан авчээ
ЦЕГ-ын Экологийн цагдаагийн албанаас Сэлэнгэ аймгийн нутаг дэвсгэрт хяналт шалгалт хийгээд ойн чиглэлээр үйл ажиллагаа явуулдаг есөн аж ахуйн нэгж зөвшөөрөгдсөн талбайгаас хэтрүүлэн, хууль бусаар их хэмжээний мод бэлтгэсэн байж болзошгүй үйлдлийг илрүүлжээ. Эдгээр аж ахуйн нэгжээс 29 ширхэг “ЗиЛ-131” маркийн автомашин бүхий 350 шоо метр модыг эд мөрийн баримтаар хураан авч битүүмжлэн, мөрдөн шалгах ажиллагаа явуулж буй гэнэ.
2024-04-09
“Хоосон хот”-ын эзэнтэй хууль
Хууль олшрохын хэрээр хийдэл, гажуудал, цоорхой үүсдэг. Тиймээс ч зарим судлаач, мэргэжилтэн үүнд шүүмжлэлтэй хандаж байгаа. Хуулийн төслийн хэлэлцүүлгийн үеэр нь энэ талаар тодорхой саналуудыг дэвшүүлжээ. Бий болгоогүй, бүтээн байгуулалтынх нь ажил ч шуудраагүй, газар чөлөөлөлтөөс эхлээд өчнөөн асуудалтай байгаа “хоосон хот”-д зориулж тусгай хууль яаран сандран боловсруулна гэдэг нь бүр ч “но”-той. Үүний цаана хэн нэгний эрх ашгаас үүдэлтэй тусгай сонирхол, санаархал байхыг ч үгүйсгэхгүй. Ингэж хардах шалтгаан нь нийтлэлийн эхэнд дурдсан, онцгой эрх бүхий зөвлөл байгуулахтай холбоотой зохицуулалт юм.
2024-04-08
“Мод үржүүлгийн бизнес эрхлэх аж ахуйн нэгжүүд л тусгай зөвшөөрөл зайлшгүй авах ёстой”
Аж ахуйн нэгж, байгууллага төдийгүй иргэд БОАЖЯ-ны зөвшөөрөлгүйгээр мод үрслүүлж, үржүүлэх хориотой, ийм зохицуулалт саяхнаас үйлчилж эхэлсэн гэсэн мэдээлэл олон нийтийн сүлжээнд тархаад буй. Тэгвэл Засгийн газрын хэрэгжүүлэгч агентлаг Ойн газрын дарга Б.Оюунсанаа үүнийг ташаа мэдээлэл хэмээн үгүйсгэлээ. Тэрбээр “Аж ахуйн нэгж, байгууллагууд, айл өрхүүд хашаагаа, орчин тойрноо “ногооруулах” зорилгоор мод, бут тарьж, үрслүүлэхэд зөвшөөрөл авах шаардлагагүй. Харин мод үржүүлгийн чиглэлээр дагнан үйл ажиллагаа явуулж, бизнес эрхлэх сонирхолтой, төрөөс зарлаж буй тендер, худалдан авах ажиллагаанд оролцох, тарьц, суулгац их хэмжээгээр нийлүүлэх аж ахуйн нэгжүүд зайлшгүй тусгай зөвшөөрөл авах шаардлагатай
2024-04-05
Ж.ЗОЛЗАЯА: Гадаадад эрдмийн зэрэг хамгаалахад тулгардаг гол бэрхшээл нь суурь судалгааны туршлага дутмаг байдал
Тайванийн үндэсний их сургуульд саяхан докторын зэргээ хамгаалсан Ж.Золзаяатай ярилцлаа. Тэрбээр докторын судалгаагаараа 2022 онд Остеоинтеграцын Азийн академийн 12 дахь удаагийн их хуралд II байр эзэлж, эх орныхоо нэрийг гаргасан билээ. Тухайн үед түүнтэй ярилцах санал тавихад “Судалгаагаа дөнгөж дуусгаад, бичих шатандаа явж байна. Хэвлүүлэхээсээ өмнө ярьж болдоггүй юм. Ажлынхаа ард гарсны дараа ярилцъя” хэмээн хойшлуулж байв. Харин өнгөрсөн сарын эхээр түүнээс баяртай мэдээ бүхий зурвас хүлээн авсан нь сургуулиа амжилттай төгсөж, эрдмийн зэргээ хамгаалсан тухай байлаа. Шинэхэн доктор юу өгүүлснийг уншигчидтайгаа хуваалцъя.
2024-04-04
Энэ оны эхний улиралд 100 170 жуулчин хүлээн авчээ
Засгийн газар “Монголд зочлох жил” хөтөлбөрөөр аялал жуулчлалыг идэвхжүүлж, энэ онд нэг сая, жилийн эхний улиралд 200 мянган жуулчин хүлээж авах зорилт дэвшүүлээд буй. Тэгвэл одоогийн байдлаар 2024 оны зорилтыг10.02, улирлын төлөвлөгөөгөө 50.09 хувьтай биелүүлээд байна. Оны эхний улиралд хүлээн авсан нийт жуулчдын 41.8 хувь буюу 41 968 нь өнгөрсөн сард манай оронд иржээ. Жуулчлалын улирал эхэлж буйтай холбоотойгоор энэ сараас гадаадын аялагчийн тоо эрс нэмэгдэх хандлагатайг дээрх холбооныхон онцлов.
2024-04-04
“Рапид харш” хотхоны 2800 өрхийн хэрэглээний усыг гурав хоног хязгаарлалаа
Ус, дулааны төлбөрөө хугацаанд нь төлдөггүй хариуцлагагүй зарим айлаас болж “Рапид харш” хотхоны бүх өрх хэрэглээгээ хязгаарлуулж, хохирч буй талаар оршин суугчид нь мэдээллээ. Тус хотхонд амьдардаг нэгэн иргэн “Манай хорооллыг хариуцаж буй “Цэнгэлдэх ОСНААК” ХХК ус, дулааны төлбөрөө төлсөн, төлөөгүй бүх айлын хэрэглээг гурав хоног хязгаарласан. Зарим орон сууцын конторынхон зөвхөн төлбөрөө төлөөгүй өрхийн хэрэглээг хязгаарладаг. Гэтэл манай байрыг хариуцсан компани хариуцлагагүй айлуудыг хашраах гэхдээ хоморгод нь биднийг хохироож байна” гэв.
2024-04-04
Нуурын эрэгт боогдсоноос болж олон тооны сугас, хадран үхсэн гэв
Хамгаалалтын захиргааны байгаль хамгаалагч, мэргэжилтэн, судлаачаас бүрдсэн зургаан хүнтэй баг тухайн газарт ажиллаад, загаснууд гаднын ямар нэг нөлөөгүй, хүчилтөрөгчийн дутагдалд орж үхсэн гэж дүгнэлээ. Гол, нуур хөлдөх, гэсэх үед ийм явдал тохиох нь бий. Гэхдээ ШУА-ийн Биологийн хүрээлэнд нарийвчилсан шинжилгээ хийлгэхээр дээж авсан. Одоо үхсэн загаснуудыг нуураас гаргах, устгах, ойр орчмыг нь ариутгах ажлыг зохион байгуулж байна. Хорогдсон загаснуудын 90 орчим хувь нь Алтайн сугас, үлдсэн нь хадран байсан” гэв.
2024-04-03
Байгаль хамгаалагчдыг мэргэшүүлэх сургалтын нэгдсэн хөтөлбөртэй боллоо
Байгаль хамгаалагчдыг чадавхжуулах хөтөлбөрийг боловсруулахад Дэлхийн байгаль хамгаалах сан, “Дэ нэйче консерванси”, Байгаль, зэрлэг амьтдыг хамгаалах нийгэмлэг, Ханнс-Зайделийн сан зэрэг олон улсын байгууллагын Монгол дахь салбар нэгж, “Зэрлэг амьтан, ургамлын эсрэг гэмт хэрэгтэй тэмцэх үндэсний чадавхыг бэхжүүлэх төсөл”, “Биологийн олон янз байдлыг хамгаалах, уур амьсгалын өөрчлөлтөд дасан зохицох төсөл”-ийн судлаач, мэргэжилтнүүд оролцжээ.
2024-04-02
Зэрлэг амьтдад зориулсан гарц, гарам байгуулахыг уриалав
Манай улс дэд бүтцийг байгаль, зэрлэг амьтдад ээлтэйгээр төлөвлөх, байгуулах асуудлыг сүүлийн жилүүдэд эрчимтэй ярьж буй ч энэ чиглэлээр дорвитой алхам хийхгүй, ахиц дэвшил гаргахгүй байгаа. БОАЖЯ, ЗТХЯ зэрэг холбогдох яам, судалгааны байгууллагынхан хамтран 2019 оноос хойш зэрлэг амьтдад зориулсан, авто болон төмөр зам дагуух гарц, гармын хоёр ч стандартыг баталсан ч хэрэгжилт нь муу, үүний дагуу хийсэн ажил ховор буй. Тэгвэл Дэлхийн байгаль хамгаалах сан (WWF)-гийн Монгол дахь хөтөлбөрийн газрынхан үүнтэй холбоотойгоор “Зэрлэг амьтдад зориулсан гарц, гарамтай болъё” хэмээн уриалга дэвшүүлээд байна.
2024-04-02
“Жуулчдаа дайлах монгол зоог”-ийн эрэлд гарах нь
Зочлох үйлчилгээ, аялал жуулчлал, хоол үйлдвэрлэл, ханган нийлүүлэх салбарынхныг нэг дор цуглуулдаг “HoReCa Mongolia” чуулга уулзалт ирэх сарын 5-нд болох тов гарчээ. Зургаа дахь удаагийн чуулганыг “Монголд зочлох жил” санаачилгыг дэмжин, “Жуулчдаа дайлах монгол зоог” сэдвийн хүрээнд зохион байгуулахаар болсон аж. Манай улс энэ онд “Go Mongolia” уриан дор олон улсад аялал жуулчлалаа сурталчилж, “Mongolia-Always moving” кампанит ажил өрнүүлэхээр төлөвлөсөн. Үүнтэй холбоотойгоор уг чуулганы үеэр хөндөх гол сэдвүүдийн тэргүүнд бүтээгдэхүүн, үйлчилгээний чанар, төрөл, өрсөлдөөн, тэр дундаа, хоол үйлдвэрлэлийн салбарын хөгжлийн асуудлыг эрэмбэлжээ.
2024-03-29
