Ирвэс нутагладаг газруудад туруутан амьтны судалгаа хийнэ
Дэлхийн байгаль хамгаалах сангийн Монгол дахь хөтөлбөрийн газар “Ирвэстэй нутгийн ирээдүй” төслийнхөө хүрээнд Баян-Өлгий аймгийн Сайр, Хатуугийн, Говь-Алтайн Хасагтхайрхан, Дарвийн, Увсын Хархираа, Түргэн, Цагаан шувуутын нуруунд туруутан амьтдын тоо толгой, тархац, байршил нутгийн судалгаа хийхээр болжээ.
2024-03-13
“Тэрбум мод” сан 15 төсөлд 800 хүртэлх сая төгрөгийн санхүүжилт олгоно
Ерөнхийлөгчийн санаачилсан мод тарих үндэсний хөдөлгөөнийг дэмжих зорилгоор Монголбанк, Монголын банкны холбооны гишүүдийн хамтран байгуулсан “Тэрбум мод” сан энэ онд 15 төсөлд 800 хүртэлх сая төгрөгийн санхүүжилт олгохоор шийдвэрлэжээ. Тодруулбал, нийслэл дэх сургууль, цэцэрлэг, эмнэлэг, асрамжийн газрын ногоон байгууламжийг нэмэгдүүлэх чиглэлийн 10 төсөл тус бүрд 30, олон нийтийн оролцоонд суурилсан ойжуулалт, нөхөн сэргээлтийн таван ажилд 500 хүртэлх сая төгрөгийн хөрөнгө оруулахаар төлөвлөсөн байна.
2024-03-13
Увсад 464 бөхөн бүртгэжээ
Одоогоос 70 гаруй жилийн өмнө буюу 1950-иад оны үед Увс аймгийн Завхан сумд цөөн тооны бөхөн бүртгэгдсэн ч үүнээс хойших 60 орчим жилд эл амьтан үзэгдээгүй, энэ талаар тодорхой бүртгэл, судалгаа ч байгаагүй аж. Харин 2009 онд Увсын хязгаарт есөн бөхөн нутагшсаныг судлаач, мэргэжилтнүүд баталгаажуулж, олон нийтэд мэдээлж байжээ. Тэгвэл өдгөө эл ховор амьтны тоо толгой 15 жилийн өмнөхөөс 51.5 дахин өсөөд байна. Бөхөн тархац нутгаа тэлж байгаа нь нэг талаараа байгаль, цаг уурын тогтворгүй байдал, бэлчээрийн доройтол, хоол тэжээлийн хомсдол зэрэгтэй шууд холбоотой ч нөгөөтээгүүр, тухайн бүсэд хамгааллын арга хэмжээг тууштай хэрэгжүүлсний үр дүн хэмээн Дэлхийн байгаль хамгаалах сангийнхан дүгнэв.
2024-03-13
Хятад, Тайландын инфлүүнсэрүүд манай улсад 10 хоног аялна
Манай улс “Монголд зочлох жил” санаачилгын хүрээнд нийгмийн сүлжээнд олон сая дагагчтай, гадаадын инфлүүнсэрүүдийг эх орондоо урьж авчран, аялал жуулчлалаа сурталчилж буй. Хамгийн сүүлд Хятад, Вьетнам, Өмнөд Солонгосын инфлүүнсэрүүд өнгөрсөн оны арванхоёрдугаар сард Монголд аялж, энэ талаараа богино хэмжээний бичлэг, контент бэлтгэн цахимаар түгээсэн. Тэгвэл үүний дараагийн ээлжийн зочдыг тун удахгүй хүлээж авахаар бэлтгэж буйгаа Аялал жуулчлалын мэргэжлийн холбооноос мэдээлэв
2024-03-01
Усны сав газрын ган, цөлжилтийн асуудлаар хуралдав
Швейцарын Женев хот дахь НҮБ-ын төв байранд энэ сарын 26-27-нд болсон “Хил дамнасан сав газруудын ган, цөлжилтийн асуудлууд” сэдэвт олон улсын хуралд Засгийн газрын хэрэгжүүлэгч агентлаг Усны газрын дарга З.Батбаяр манай улсаас оролцжээ. Эл хуралд 60 гаруй орны 300-гаад байгууллагын төлөөлөл бүхий албан тушаалтан, судлаач, мэргэжилтнүүд танхимаар болон цахимаар оролцсон аж
2024-02-29
Усыг зохистой ашиглах шийдэл нэвтрүүлсэн иргэн, аж ахуйн нэгжийг шалгаруулна
Ирэх сарын 22-нд тохиох Дэлхийн усны өдрийн хүрээнд зохион байгуулах арга хэмжээнүүдийг холбогдох байгууллагуудаас зарласаар байна. БОАЖЯ, УУХҮЯ, Засгийн газрын хэрэгжүүлэгч агентлаг Усны газар, “Дэлхийн усны түншлэл” олон улсын сүлжээ байгууллага, ШУТИС хамтран “Ус хөгжлийн түлхүүр” оюутны эрдэм шинжилгээ, онол, практикийн хурлыг тухайн өдөр хийхээр төлөвлөжээ. Үүнд улсын болон хувийн их, дээд сургуулийн бакалаврын түвшний болон коллежийн оюутнууд оролцож, усны нөөцийн хүртээмж, зохистой ашиглалт, хамгаалалт, үнэ цэн, чанартай холбоотой асуудлыг шийдвэрлэх арга зам, гарц гаргалгааг дэвшүүлэх боломжтой гэнэ.
2024-02-28
“Нобельд хүрэх зам”-ыг залуу судлаачдад заана
Шинжлэх ухаан, технологийн сангаас шинжлэх ухааны салбарын судлаач, мэргэжилтнүүд, эдийн засагчдад зориулж “Нобельд хүрэх зам” онлайн уулзалт, хэлэлцүүлгийг өнөөдөр зохион байгуулах аж. ХБНГУ-д болдог, Нобелийн шагналтнуудын Линдаугийн уулзалтын эдийн засгийн салбарын VII олон улсын хуралд төлөөлөгчөөр оролцсон, МУИС-ийн ахлах багш, доктор Л.Гүнбилэг уг арга хэмжээний гол зочин байх нь. Харин хурлын модератороор Линдаугийн Нобелийн шагналтнуудын 65 дугаар нэгдсэн уулзалтад эх орноо төлөөлөн оролцсон докторант Б.Отгонсувд ажиллах гэнэ.
2024-02-27
Ирвэстэй нутгаас шилдэг 19 байгаль хамгаалагч шалгаруулна
Ирвэс хамгаалах сан Олон улсын ирвэс хамгаалах сан (SLT)-гийн дэмжлэгтэйгээр хэрэгжүүлж буй “Байгаль хамгаалал-зэрлэг амьтны хамгаалалд” хөтөлбөрийнхөө хүрээнд шилдэг 19 байгаль хамгаалагчийг шалгаруулахаар болжээ. Тодруулбал, ирвэс хамгаалах чиглэлээр үр дүнтэй ажилласан, “цоохор дээлт”, түүний идэш тэжээл бологч амьтдын хууль бус ан, худалдааг бууруулахад хувь нэмэр оруулсан байгаль хамгаалагчдыг тодруулах юм байна. Шалгаруулалтыг цоохор ирвэсийн тархац нутгийн хүрээнд буюу Монгол Алтай, Хархираа, Түргэн голын сав газар, Хан Хөхийн, Хангайн нуруу, Алтай Соёны бүс, Говийн бага дархан цаазат газрыг хамгаалдаг байгаль хамгаалагчдын дунд явуулах аж. “Ирвэстэй нутгийн шилдэг байгаль хамгаалагч”-д нэр дэвшигчдийн материалыг ирэх дөрөвдүгээр сарын 1 хүртэл Ирвэс хамгаалах сангийн цахим хаягаар хүлээн авч, дөрөвдүгээр сарын 22-нд тохиодог Эх дэлхийн өдрөөр шилдгүүдийг зарлах нь
2024-02-27
Эзнээ олоогүй дэм буюу бакалаврын тэтгэлгийн балаг
“Боловсролд оруулж буй хөрөнгө оруулалт хамгийн үр өгөөжтэйгөөр буцаж ирдэг. Гэхдээ энэ нь хамгийн шударга, оновчтой байж чадсан тохиолдолд ийм үр дүн үзүүлнэ. Харин чадахгүй аваас хэдэн арван жилээр нөхөж барамгүй гарз хохирол амсах уршигтай. Үүнийг дан ганц мөнгөн дүнгээр хэмжих боломжгүй” хэмээдэг юм билээ. Боловсролын хамгийн сайн тогтолцоо, сургалтын арга зүйтэй хэмээн дэлхий дахинд үнэлэгддэг Австрали, Америк, Британи, Герман тэргүүтэй орон энэ чиглэлд гойд анхаардаг гэнэ. Тодруулбал, боловсролын салбарт хуваарилж буй хөрөнгө, нөөц хамгийн үр дүнтэй, оновчтой байх ёстой гэсэн зарчмыг чанд баримталдаг аж
2024-02-26
“Аялал жуулчлалын долоо хоног” арга хэмжээг энэ сарын 26-наас эхлүүлэх нь
“Монголд зочлох жил” санаачилгын хүрээнд БОАЖЯ, Аялал жуулчлалын мэргэжлийн холбоо хамтран энэ сарын 26-наас ирэх сарын 3-нд “Аялал жуулчлалын долоо хоног” арга хэмжээг зохион байгуулах гэж байна. Үүний хүрээнд аялал жуулчлалын салбарынхны нэгдсэн чуулган, хөрөнгө оруулагчдын зөвлөгөөн, бизнес өдөрлөг, тур оператор компаниудын удирдлага, менежер, стартапуудад зориулсан уулзалт, сургалт зэргийг явуулахаар төлөвлөжээ.
2024-02-23
Идэш тэжээлээр хомсодсон зээрийн сүрэг суурьшлын бүсийн ойролцоо нутагшив
Өвөлжилт хүндэрсэнтэй холбоотойгоор Дархан-Уул аймгийн нутаг дэвсгэрт цагаан зээр шилжин байршаад буйг Байгаль орчин, аялал жуулчлалын газраас нь мэдээллээ. Тиймээс тус газрын мэргэжилтэн, байгаль хамгаалагчид тухайн байршлуудыг хяналтдаа аван, тандалт судалгаа хийж, шаардлагатай тохиолдолд биотехникийн арга хэмжээ зохион байгуулахаар бэлтгэж буй гэнэ
2024-02-23
Ч.БАЯРМАА: Бөхөнгийн цөм популяцыг устахаас сэргийлэхийн тулд түүхэн тархцынх нь хүрээнд сэргээн нутагшуулах хэрэгтэй
Узбекистан улсын Самарканд хотод болсон Зэрлэг амьтны нүүдлийн зүйлүүдийг хамгаалах конвенцын талуудын 14 дүгээр бага хурал (CMS COP14)-ын бөхөн хамгааллын салбар хуралдаанд бусад судлаач, албаны хүний хамт эх орноо төлөөлөн оролцоод ирсэн, Зэрлэг амьтан судлах, хамгаалах төвийн экологич, МУИС-ийн экологийн хөтөлбөрийн магистрант Ч.Баярмаатай ярилцлаа. Тэрбээр уг олон улсын хурлын үеэр Бөхөн хамгаалах холбоо (Saiga conservation alliance)-ны нэрэмжит грантын эзэн болсон юм.
2024-02-22
Сураггүй болоод тав хоносон иргэнийг хоёр дахь өдрөө хайв
Цаг агаарын хүндрэлийн улмаас иргэд төөрөх, осгох, осол аваарт өртөх, цасан нурангид дарагдах зэргээр амь, эрүүл мэндээрээ хохирох тохиолдол сүүлийн үед цөөнгүй гарч байна. Баян-Өлгий аймгийн Дэлүүн сумын хоёр малчин уулын цасан нурангид дарагдсанаас нэг нь нас барсан тохиолдол 12-нд болсон. Аврагчид түүний цогцсыг таван өдрийн дараа олсон юм. Үүнээс тав хоногийн дараа Ховд аймгийн Алтай сумд нэгэн малчин эмэгтэй цасан шуурганд төөрснөөс осгож амиа алдсан. Тэгвэл орон нутгийн онцгой байдлын алба хаагчид төөрч, сураггүй болсон нэгэн иргэнийг эрэх ажиллагааг өчигдөр дахин эхлүүлж, хоёр дахь өдрөө хайлаа
2024-02-22
1962 оноос хойших хамгийн хүйтэн шөнө тохиожээ
Энэ өвөл 1975 оноос хойших цаг агаарын үнэмлэхүй их, бага утгыг эвдсэн, онцгой их цастай, зудтай, зутруу улирал болж байгааг Цаг уур, орчны шинжилгээний газраас мэдээлээд буй. Тухайлбал, манай оронд орсон хур тунадасны нийлбэр дүн өдгөө 9.6 мм байгаа нь олон жилийн дунджийг 1.6 дахин давсан бөгөөд сүүлийн 50 жил дэх хамгийн цас ихтэй өвөл болсон юм
2024-02-22
Жуулчдыг гэмт хэрэг, зөрчлөөс хамгаалах “Аюулгүй Улаанбаатар” төсөл хэрэгжүүлнэ
БОАЖЯ, Монголын аялал жуулчлалын холбоо, Монголын аюулгүй байдал, хамгаалалтын нэгдсэн холбоо, нийслэлийн Аялал жуулчлалын болон Цагдаагийн удирдах газар хамтран “Монголд зочлох жил” санаачилгын хүрээнд гадаадын иргэдийг гэмт хэрэг, зөрчлөөс хамгаалах “Аюулгүй Улаанбаатар” төсөл хэрэгжүүлэхээр болжээ. Үүний хүрээнд гадаадын иргэн олноор зорчдог газруудыг камержуулах, эргүүл, хяналтын үйл ажиллагааг сайжруулах, “жуулчин цагдаа” ажиллуулах, гэмт хэргийн хохирогч болсон иргэд шаардлагатай тусламж, үйлчилгээг шуурхай үзүүлэх нөхцөл бүрдүүлэх ажлуудыг хийхээр төлөвлөсөн байна.
2024-02-21
Хотын удирдлагууд халаагуур тараах хуумгай шийдвэрээсээ буцав
Одоогоос гурван сар орчмын өмнө буюу Х.Нямбаатар хотын даргын үүрэгт ажлыг хүлээж аваад удаагүй байхад түүний багийнхан нийслэлчүүдийн толгойн өвчин болсон агаар, орчны бохирдлыг бууруулах чиглэлээр хэрэгжүүлэх бодлого, төлөвлөгөөгөө танилцуулсан юм. Энэ төлөвлөгөөнийх нь “гол цөмд” орон сууцжуулах хөтөлбөр, зуух, цахилгаан халаагуур тараах ажил багтсан. Тэд утааг бууруулах чиглэлээр богино хугацаанд хэрэгжүүлэх хамгийн оновчтой шийдэл нь зуух, халаагуур олгох гэж тухайн үед ярьж байлаа. Хотын дарга ч “Гэр хорооллын айлуудад олгох зуухны стандартыг ШУА-ийн Хими, химийн технологийн хүрээлэн зэрэг байгууллагаас бичгээр авахаар хүсэлтээ илгээсэн
2024-02-21
“Хөх сувд” мөсний баярын өдрүүдэд МИАТ нэмэлтээр нислэг үйлдэх нь
“Монголд зочлох жил” санаачилгын хүрээнд, аялал жуулчлалыг дэмжих зорилгоор БОАЖЯ, Аялал жуулчлалын мэргэжлийн холбоо орон нутгийн холбогдох байгууллагуудтай хамтран ирэх сарын2-3-нд Хатгалд зохион байгуулах “Хөх сувд-2024” олон улсын мөсний баярын хөтөлбөрийг баталжээ. Өнөө жилийн арга хэмжээг байгалийн аялал жуулчлалыг дэмжих зорилготой “Хөх баавгай” төслийг олон нийтэд сурталчлан таниулахад чиглүүлэх бөгөөд тусгайлан бэлтгэсэн талбай, мөсөн хотхонд спорт, урлаг, соёлын олон үйл ажиллагаа явуулахаар төлөвлөсөн байна
2024-02-20
“Хорогдсон малаа ч тоолж хүчрэхгүй хүнд нөхцөл орон нутагт үүсээд байна”
Увс, Өвөрхангай, Сүхбаатар, Дундговь, Дорноговь аймгийн 21 сумд төмөр буюу шилэн зуд нүүрлэсэн, нийт нутгийн 80 гаруй хувьд нь цасан бүрхүүл тогтсон, зарим хэсгээрээ 100 см орчим зузаан хунгартай, мал бэлчээх байтугай хүн зорчих аргагүй байгааг Улсын онцгой комисс (УОК)-оос өчигдөр мэдээлэв. Улсын хэмжээнд энэ сарын 18-ны байдлаар 667 841 мал хорогдсон гэж урьдчилан тогтоосны дийлэнх хувийг Сүхбаатар, Хэнтий, Дорноговь, Архангай, Дорнод аймгийнх эзэлснийг дурдсан юм. Тодруулбал, энэ оны эхний үзүүлэлттэй харьцуулахад малын хорогдол улсын хэмжээнд нэг хувьтай байгаа бол Сүхбаатарт хамгийн өндөр буюу 5.3, Дорноговьд 3.6, Хэнтийд 2.8 хувьтай гарчээ
2024-02-20
Хулангийн тархац нутагт уул уурхай, дэд бүтцийн нөлөө их байгааг хөнджээ
Узбекистан улсын Самарканд хотод үргэлжилж буй Зэрлэг амьтны нүүдлийн зүйлүүдийг хамгаалах конвенцын талуудын 14 дүгээр бага хурлаар хулангийн судалгаа, хамгааллын асуудлыг онцгойлон хэлэлцжээ. Олон улсын байгаль хамгаалах холбооны адууны зүйлүүдийг хамгаалах зөвлөлөөс зохион байгуулсан салбар хуралдаанд Казахстан, Узбекистан, Туркменистан, Америк зэрэг улсын судлаачид оролцсон бөгөөд доктор, профессор Б.Бүүвэйбаатар манай орныг төлөөлж, “Монголын хулангийн популяцын төлөв байдал, хамгааллын асуудлууд” сэдэвт илтгэл тавьжээ
2024-02-19
Хоёр байршил дахь экологийн гарцыг тусгай хамгаалалтад авна
Хотын ногоон бүс дэх зэрлэг амьтдыг идэш тэжээл, нүүдэл, шилжилт хөдөлгөөн чөлөөтэй хийх боломжоор хангах ажлуудыг тогтмол хийж байгааг нийслэлийн Байгаль орчны газраас мэдээллээ. Хөр цас ихтэй, амьтад зорчих, хоолоо олж идэх боломжгүй дөрвөн байршлын найман цэгт байгаль хамгаалагчид өвс, тэжээл, хужир мараа байнга тавьж, биотехникийн арга хэмжээ авч буй аж
2024-02-16
