Нураасан гараашийн оронд хашаа барьсныг буулгахаар боллоо
Энэ талаар нэгэн иргэн нийгмийн сүлжээнд “Сонгинохайрхан дүүргийн 19 дүгээр хороонд байрлах гараашуудыг зогсоол буюу нийтийн эзэмшлийн талбай болгоно гээд буулгасан. Гэтэл хашаа татаад, барилга барих нь ээ. Хувийн өмчийг нураачихаад, хэн энэ газрыг нь аваад зарчихав аа” гэсэн байв. Тус хорооны Засаг дарга Д.Отгонбурамаас энэ талаар тодруулахад “Уг газарт манай оршин суугч иргэн зөвшөөрөлгүй хашаа бариад үйл ажиллагаа явуулах гэж байсан. Тухайн хүнд өчигдөр шаардах бичиг хүргүүлж, хашааг нь буулгахаар болсон” гэв.
2023-03-31
Багшийн дээдийн уулзвараас Цэцэг төв хүртэлх дулааны шугам нь 26 жилийн настай
УБЗАА-ны Хотын инженерийн байгууламжийн хэлтсийн ахлах мэргэжилтэн М.Балдандорж мэдээлэл өглөө. Тэрбээр "Нийслэлийн 2023-2024 оны өвөлжилтийн бэлтгэл ажлыг хангах, зуны их болон урсгал засвар, хөрөнгө оруулалтын ажлын нэгдсэн төлөвлөгөөг боловсруулж байна. Энэ хүрээнд нийт 29 байгууллагаас төсөл, арга хэмжээний саналыг хүлээн авахаас одоогийн байдлаар 24 байгууллагаас 615 төсөл, арга хэмжээний санал ирсэн" гэв.
2023-03-31
АХБ-ны баг гэр хорооллыг хөгжүүлэх, хөрөнгө оруулалтыг дэмжих хөтөлбөрийг хэрэгжилтийг хянажээ
Улаанбаатар хотын захиргаа төслийг дэмжин ажиллавал Азийн хөгжлийн банкны зүгээс төслийн хэрэгжилтийг эрчимчүүлж, илүү нягт хамтран ажиллахыг уулзалтад ирсэн төлөөлөгчид илэрхийллээ. Улаанбаатар хотыг 2030 он хүртэл хөгжүүлэх ерөнхий төлөвлөгөөг хэрэгжүүлэх, нэг төвт хотоос олон төвт хот болгон хөгжүүлэх хүрээнд “Гэр хорооллыг хөгжүүлэх, хөрөнгө оруулалтыг дэмжих хөтөлбөр” төсөл 2013 оноос эхлэн, гурван үе шаттайгаар хэрэгжиж байна. Азийн хөгжлийн банк болон Европын хөрөнгө оруулалтын банкны хөнгөлөлттэй зээлээр хэрэгжиж буй уг төслийн хугацаа энэ онд дуусах тул талууд ийнхүү санал солилцож, харилцан дэмжиж ажиллахаар болсон юм.
2023-03-31
Түгжрэл бууруулах чиглэлээр салбар бүрт төлөвлөлт хийн ажиллаж байна
2023-2024 онд эдгээр ажил үргэлжлэх бөгөөд Улаанбаатар хотын авто замын сүлжээг өргөтгөх, их багтаамжийн авто зогсоолуудыг шинээр барих, зогсоолын менежментийг сайжруулах, нийтийн тээвэрт парк шинэчлэл хийж, олон тулгуурт нийтийн тээврийг хөгжүүлэн, замын хөдөлгөөний ухаалаг нэгдсэн системийг нэвтрүүлж, түгжрэлийг бууруулах арга хэмжээнүүдийг шат дараатай хэрэгжүүлнэ.
2023-03-31
Харвардын их сургуульд Монгол судлалыг дэмжих зорилгоор 70 000 ам доллар олгожээ
Монгол Америк 2 улс боловсрол, шинжлэх ухааны салбарт тэр дундаа дээд боловсролын чиглэлээр өргөн хамтын ажиллагаатай. Өнгөрсөн хугацаанд Фулбрайтын тэтгэлэгт хамрагдагчдыг зээлийн барьцаагүй явуулдаг болсон нь бидний хувьд нэг алхам урагшилж, Монгол Улсын Засгийн газрын санхүүжилтээр суралцагчдын оролцоо, идэвх ихэссэн гэнэ
2023-03-31
“Дотоод орчны агаарын бохирдол гаднахаасаа ч аюултай”
Дотоод орчны бохирдлын улмаас хүүхдүүд олон төрлийн өвчлөлд өртөж байгаа талаар мэргэжлийн эмч, судлаач нар өчигдөр уулзаж, мэдээлэл солилцлоо. Монголын сэтгүүлчдийн нэгдсэн эвлэлээс уг арга хэмжээг санаачилсан юм. Элуулзалтаар сургууль, цэцэрлэгийн засварын ажлыг голчлон хөндлөө. “Хүүхэд өдрийн ихэнх цагийг өнгөрөөдөг цэцэрлэг, сургуулийг засахдаа хамгийн хямд, муу материал ашиглаж байна. Наймдугаар сард засвар эхлүүлээд, есдүгээр сард будаг нь ханхалсан танхимд хүүхдүүдийг хүлээн авдаг. Үүнээс болж хэчнээн хүүхэд хордож, хүндээр өвчлөхийг бид мэдэхгүй.
2023-03-31
Баянзүрх дүүргийн Газар зохион байгуулалтын албаныхан авлигын хэрэгт холбогджээ
Нийслэлийн Газар зохион байгуулалтын албаны харьяа дүүргүүд дэх албаныхан байсхийгээд л албан тушаалаа урвуулан ашигласан, хээл хахууль авсан хэрэгт холбогдон АТГ-т шалгуулдаг. Баянгол дүүргийн Газар зохион байгуулалтын албаныхны холбогдсон, 2018 оны Газар зохион байгуулалтын төлөвлөгөөнд иргэн, аж ахуйн нэгжид эзэмшүүлэхээр тусгаагүй, голын онцгой хамгаалалтын болон дулаан, цахилгааны шугамын хамгаалалтын бүстэй давхaцсан, ундны усны эх мужид орсон иргэн, аж ахуйн нэгжид эзэмшүүлэх боломжгүй хэсэгт 4000 га газар хүний бичиг баримт ашиглан олгож, худалдах гэж байсан хэрэгт прокурор яллах дүгнэлт үйлдэхээр хянаж буй.
2023-03-31
Монголд автомашин үйлдвэрлэх эрх зүйн орчинг бүрдүүллээ
УИХ-ын чуулганаар Женев хотноо 1958 онд баталсан “Дугуйт тээврийн хэрэгслүүд, тэдгээрт суурилуулан ашиглаж болох тоног төхөөрөмж, эд ангид зориулсан НҮБ-ын уялдуулан тохируулсан техникийн дүрмийг хэрэглэх болон эдгээр дүрэмд үндэслэн олгосон баталгааг харилцан хүлээн зөвшөөрөх нөхцөлийн тухай хэлэлцээр”-ийг соёрхон баталлаа. Хэлэлцээр соёрхон батлагдсанаар:
2023-03-31
