Үүнээс гадна IATA Казахстаны тогтмол нислэгийн сүлжээ 2015-2025 онд 48 хувиар өргөжин, нийт 295 чиглэлд хүрснийг дурдсан юм. Одоогийн байдлаар тус улсын агаарын тээврийн зах зээлд 42 авиа компани 22 нисэх буудал руу тогтмол нислэг үйлдэж буй бөгөөд эдгээрийн 82 хувь нь бүс нутгийнх гэнэ. Төв Ази ийнхүү хурдацтай хөгжих болсон шалтгаан нь газар зүйн ашигтай байрлал, дэд бүтцийн зөв бодлоготой холбоотойг мэргэжилтнүүд онцолсон. Ташрамд, олон улсын мөргөлдөөн, хориг арга хэмжээнүүдийн улмаас агаарын зарим орон зайд хязгаарлалт үүссэн нь тив хоорондын тээврийн сүлжээг шинэчлэхэд хүргэж байв.
