Цэнгэг усны нүүдэллэдэг загасны төрөл, зүйл 65 хувиар буурчээ
Дэлхийн хэмжээнд судлагдсан, цэнгэг усны нүүдэллэдэг загасны төрөл, зүйл сүүлийн 50 жилийн хугацаанд 65, түгээмэл тархацтайд тооцогддог байсан 80 зүйлийн тоо толгой 80-аас дээш хувиар буурсан гэж “The nature con-servancy” олон улсын байгууллагаас мэдээлэв. 70 гаруй оронд байгаль хамгааллын чиглэлээр үйл ажиллагаа явуулдаг тус байгууллага олон улсын судлаачидтай хамтран хийсэн “Цэнгэг усны нүүдэллэдэг загас-Амьд ертөнцийн индекс” судалгааныхаа үр дүнг энэ сарын 25-нд тохиосон Дэлхийн нүүдэллэдэг загасны өдрөөр танилцуулахдаа ийм статистик дурдлаа.
2024-05-28
Зүүн бүсийг тарьц, суулгацаар хангах мод үржүүлгийн газартай болно
Энэхүү төслийн хүрээнд Монгол орны зүүн бүсэд тарьц, суулгацын нөөц их хэмжээгээр бүрдүүлж, нийлүүлэх мод үржүүлгийн газар байгуулахаар төлөвлөсөн юм. Үүний эхлэл болгож төслийн нээлтийн өдөр иргэд, аж ахуйн нэгж, байгууллагуудын төлөөлөл, эко клубийн сурагчид үржүүлгийн талбайд 1000 ширхэг нарс тарив. Цаашид тухайн газарт олон төрлийн мод, сөөгийг үрээр болон мөчрөөр үржүүлж, үүндээ тулгуурлан доройтсон ойг нөхөн сэргээх, ойн салбарын хүний нөөц бэлтгэх ажлыг хэрэгжүүлэх нь.
2024-05-27
“Улаанбаатар трэвэл экспо” үзэсгэлэнг 10 дахь удаагаа зохион байгуулав
“Монголд зочлох жил” санаачилгатай холбоотойгоор 10 дахь удаагийн “Улаанбаатар трэвэл экспо”-гийн цар хүрээг өргөжүүлж, зуучлалын компани, зочид буудал, жуулчны баазуудаас гадна мото, авто машин түрээс, аяны хэрэгслийн худалдаа, даатгалын үйлчилгээ эрхлэгч, нислэгийн тийзийн агент, аяллын клубүүд, музей, үзмэрийн газар, цахим платформ хөгжүүлэгчдийг оролцуулсныг зохион байгуулагчид дурдав. Тусгай сонирхлын аяллын хөтөлбөрийг жуулчдад санал болгодог “Терра адвентур турс”, технологид суурилсан нэгдсэн үйлчилгээ үзүүлдэг “Тапатрип”, автомашины аяллын тоноглолоор дагнадаг “Wild land Mongolia” зэрэг шинэлэг, содон үйлчилгээ үзүүлдэг компанийг энэ үеэр үйлчлүүлэгчдэд онцгойлон танилцуулжээ.
2024-05-27
Манай улс аялал жуулчлалын хөгжлөөр 119 орноос 85 дугаарт эрэмбэлэгдэв
Дэлхийн эдийн засгийн форум (WEF)-аас “Аялал жуулчлалын хөгжлийн индекс-2024” тайланг гаргаснаа танилцууллаа. Цар тахлын өмнөх үе буюу 2019 оны аялал жуулчлалын үзүүлэлтийг одоогийнхтой харьцуулсан уг судалгаанд 119 улсыг хамруулснаас Монгол 85 дугаарт эрэмбэлэгджээ. Таван жилийн өмнө манай улс эл үнэлгээгээр 79 дүгээрт жагсаж байсан бол өдгөө зургаан байраар хойшилж, Ямайка, Камбожтой “зуузай холбожээ”.
2024-05-27
Цагаан зээрийн асуудлаарх хэлэлцүүлэгт эко клубийн 500 гаруй сурагч оролцжээ
Байгаль, зэрлэг амьтдыг хамгаалах нийгэмлэгийн судлаач Б.Бүүвэйбаатар тэргүүтэй экологичид дэлхий дээрх нийт цагаан зээрийн 99 хувь нь (2.1 сая) Монголд нутагладгийг тогтоож, манай улс эл амьтныг хамгаалж, тоо толгойнх нь тогтвортой өсөлтийг хангах чиглэлд илүү санаачилгатай, хариуцлагатай ажиллах шаардлагатайг анхааруулсан. Тэгвэл цагаан зээрийн гол тархац нутаг болсон Сүхбаатар аймгийнхан “Хайрлая, хамгаалъя, хамтаръя” уриан дор хэлэлцүүлэг зохион байгуулж, олон улсын хэмжээнд ховор, хязгаарлагдмал тархацтай уг амьтны хамгааллын асуудалд орон нутгийн иргэд, судлаач, мэргэжилтнүүдийн анхаарлыг хандуулав.
2024-05-24
Олон улсын эко цэцэрлэгт хүрээлэн төгөл, цөөрөмтэй болно
Нийслэлийн иргэдэд амарч зугаалах, чөлөөт цагаа зөв боловсон өнгөрүүлэх таатай орчин бүрдүүлж, ногоон байгууламжийн хүртээмжийг сайжруулах зорилгоор Олон улсын эко цэцэрлэгт хүрээлэн байгуулах төслийг хэрэгжүүлж буй. Цэцэрлэгт хүрээлэнгийн 300 га талбайд 2036 он хүртэл тохижилт, бүтээн байгуулалтын ажил хийхээр төлөвлөсөн билээ. Үүний дагуу жил бүрийн хавар, намар нийслэлийн иргэд, аж ахуйн нэгжүүдээр тухайн бүсэд мод тариулах болсон. Тэгвэл “Тэрбум мод” сан уг цэцэрлэгт хүрээлэнгийн 14 га-д тохижилт, ногоон байгууламжийн ажил хийх нь.
2024-05-22
Түймэр унтраах сайн дурын бүлэг байгуулжээ
“Ногоон хэрэм” төслийн I, II үе шатыг 2006- 2021 онд хэрэгжүүлж, 20.8 сая ам.долларын санхүүжилтээр 3000 орчим га талбайг ойжуулж, улсын ойн санд хүлээлгэж өгсөн бол III шатанд цөлжилтийг бууруулах, түймрийн менежментийг сайжруулахад анхаарахаар талууд зөвшилцсөн байна. Түүнчлэн Өвөрхангай аймагт 15 га талбайд агро ой байгуулж, ойн мэдээлэл, сурталчилгаа, сургалтын төв байгуулахаар төлөвлөжээ.
2024-05-22
“Рийверстөүн пропертис” ХХК Засгийн газрыг шүүхэд өгчээ
Ус, цаг уур, орчны судалгаа, мэдээллийн хүрээлэнгийн уулзвар орчимд буюу өмнө нь Худалдаа, хөгжлийн банк байсан газарт шинээр барилга барьж буй “Хурд пропертийз”, түүний туслан гүйцэтгэгч “Рийверстөүн пропертис” ХХК сүүлийн хоёр жил орчмын хугацаанд их хэмжээний хөрсний усыг борооны ус зайлуулах шугам хоолойгоор урсган хаяж, байгалийн нөөцийг үнэгүйдүүлж байгааг Усны газраас энэ оны эхээр мэдээлсэн билээ.
2024-05-22
Химич О.Алтантуяа олон улсын төслийн уралдаанаас 25 мянган еврогийн грант хүртэв
Шинжлэх ухааны өгүүлэл, бүтээл дагнан хэвлэдэг дэлхийн томоохон компани “Elsevier” болон түүний нэрэмжит сангаас зарласан “Уур амьсгалын өөрчлөлтийн хими” сэдэвт төслийн уралдаанд манай улсын ШУА-ийн Хими, химийн технологийн хүрээлэнгийн эрдэм шинжилгээний дэд ажилтан, доктор О.Алтантуяа амжилттай оролцож, 25 мянган еврогийн дэмжлэг авах эрхээр шагнуулжээ.
2024-05-21
“Энэ зун гэнэтийн, ус ихтэй аадрын давтамж олширно”
Энэ зуны цаг агаарын урьдчилсан төлөвийг Цаг уур, орчны шинжилгээний газраас танилцууллаа. Агаарын температур зургаадугаар сард баруун бүсийн нийт нутаг буюу Баян-Өлгий, Баянхонгор, Говь-Алтай, Завхан, Увс, Ховд аймагт олон жилийн дунджаас дулаан, төв, зүүн бүсэд дунджийн орчим байх нь. Харин хур тунадасны хувьд үүний эсрэг буюу баруун аймгуудад олон жилийн дунджийн орчим, төв, зүүн бүсийн нутгаар ахиу орох төлөв гарчээ.
2024-05-21
Орон сууцын үнэ 10.2 хувиар өсжээ
Энэ оны дөрөвдүгээр сарын байдлаар Улаанбаатар хотод орон сууцын үнэ өмнөх оны мөн үеийнхээс 10.2, өнгөрөгч сарынхаас 1.3 хувиар өссөнийг Үндэсний статистикийн хорооноос мэдээлэв. Хуучин орон сууцын нэг ам.метр талбайн дундаж үнэ 3.8, шинийнх нь 4.03 саяд хүрсэн нь 2023 оны дөрөвдүгээр сарынхаас 10.1-10.8 хувиар өссөн үзүүлэлт болжээ.
2024-05-20
“Чингис хаан” олон улсын нисэх буудлыг өргөтгөнө гэвүү
“Чингис хаан” олон улсын нисэх буудлыг өргөтгөх, хүчин чадлыг нь сайжруулах судалгааг эхлүүлэхээр төлөвлөж буйгаа Зам, тээврийн хөгжлийн яамнаас мэдээллээ. Тодруулбал, тус яамны Төрийн нарийн бичгийн дарга С.Батболд Японы олон улсын хамтын ажиллагааны байгууллага болон нисэх буудлын үйл ажиллагаа, удирдлага, зохион байгуулалт хариуцсан “Нью Улаанбаатар интернэйшнл эйрпорт” ХХК-ийн төлөөллийг хүлээн авч уулзахдаа энэ талаар танилцуулж, талууд зөвшилцсөн гэх. Энэхүү судалгаа, тооцооллыг ирэх сараас эхлүүлж, 2024 оны нэгдүгээр сард дуусгахаар төлөвлөжээ.
2024-05-20
Ногоон байгууламжийг нэмэгдүүлэх болзолт уралдаан зарлав
БОАЖЯ-наас уур амьсгалын өөрчлөлтийн үр нөлөөг бууруулах, хуурай газрын экосистемийг хамгаалах НҮБ-ын тогтвортой хөгжлийн зорилтыг хангаж, “Тэрбум мод” үндэсний хөдөлгөөнийг эрчимжүүлэх үүднээс Улаанбаатар хот болон Дархан-Уул, Орхон аймаг дахь төр, хувийн хэвшлийн байгууллага, иргэд, олон нийтийн дунд ногоон байгууламжийг нэмэгдүүлэх болзолт уралдаан зарлалаа. Үүний хүрээнд ойр орчмынхоо нийтийн эзэмшлийн газрыг үлгэр жишээ цэцэрлэгжүүлсэн, тохижуулахаар ажлын зураг, төлөвлөгөө гаргасан аж ахуйн нэгж, иргэдийг шалгаруулах юм байна
2024-05-17
Цахилгаан дамжуулах агаарын шугамын 39 хувийнх нь ашиглалтын хугацаа дуусжээ
Эрчим хүч хэрэглэгчийн тоо сүүлийн хоёр жилд эрс өссөнийг “Улаанбаатар цахилгаан түгээх сүлжээ” ТӨХК-иас мэдээлэв. 2017-2021 онд цахилгаан хэрэглэгчийн тоо жилд дунджаар 2.1-5.2 хувиар өссөн бол 2022 онд өнгөрсөн жилийнхээс 11.8, 2023 онд 9.9 хувиар нэмэгджээ. 2023 оны эцэс гэхэд нийт 487 938 хэрэглэгч бүртгэлтэй байсан нь өмнөх жилийнхээс 20 442-оор нэмэгдсэн үзүүлэлт болжээ. Нийт хэрэглэгчийн 50 хувь нь орон сууц, 44 хувь нь гэр хорооллын өрх бол зургаан хувь нь аж ахуйн нэгж аж.
2024-05-17
“Нэг сум, нэг нуур” санаачилгыг дэмжихийг уриалав
Засгийн газрын хэрэгжүүлэгч агентлаг Усны газраас гадаргын ус хуримтлуулах, гүний нөөцийн хэрэглээг бууруулах зорилгоор “Нэг сум, нэг нуур” санаачилга гаргаад буй. Сум бүр нэг хиймэл нуур, хөв цөөрөм байгуулснаар Монгол орны хэмжээнд 333 усан сан бий болж, тэр хэрээр байгалийн нөөцийг хамгаалах, зохистой ашиглах боломж бүрдэнэ гэж тус байгууллагынхан үзэж байгаа юм. Тэрчлэн ус их хэмжээгээр ашигладаг уул уурхайн компаниуд, байгаль, зэрлэг амьтан хамгааллын чиглэлээр үйл ажиллагаа явуулдаг байгууллагуудыг нийгмийн хариуцлагын хүрээнд, бусдад үлгэрлэж энэ чиглэлээр идэвх санаачилгатай ажиллахыг уриалж буй.
2024-05-16
Агаарын температур олон жилийн дунджаас 2.2-7.9 градусаар дулаарчээ
Ус, цаг уур, орчны судалгаа, мэдээллийн хүрээлэнгийн Хөдөө аж ахуйн цаг уурын судалгааны хэлтсээс энэ сарын 10-ны байдлаарх бэлчээрийн ургамлын төлөв байдлыг танилцууллаа. Энэхүү үнэлгээгээр Хэнтий, Дархан-Уул, Дорнод, Хөвсгөлийн нийт, Булган, Сэлэнгэ, Төв аймгийн ихэнх нутагт бэлчээрийн ургамлын гарц хэвийн, бусдад нь муу болон дунд гарчээ. Тодруулбал, Дундговийн нийт, Баян-Өлгий, Ховд, Говь-Алтай, Дорноговь, Өмнөговийн ихэнх, Баянхонгор, Завханы зарим нутгаар өвс ургамал муу буюу мал бэлчээх боломжгүй байгаа гэнэ.
2024-05-14
Бүх нийтээрээ дөрвөн сая мод тарихаар нэгдлээ
Жил бүрийн тав, аравдугаар сарын хоёр дахь долоо хоногийн бямба гарагт тэмдэглэдэг уламжлалтай Бүх нийтээр мод тарих үндэсний өдөр өнгөрсөн амралтын өдөр буюу энэ сарын 11-нд тохиолоо. Манай улс “Тэрбум мод” үндэсний хөдөлгөөнийг хэрэгжүүлж эхэлсэн 2021 оноос хавар, намрын мод тарих өдрүүдийг урьдынхаас өргөн хүрээг хамруулан, 7-14 хоногт зохион байгуулах болсон юм
2024-05-13
Бага оврын онгоц нэг цаг түрээслэх дундаж үнэ 1650-1800 ам.доллар байна
Монгол Улсын хэмжээнд гадаад, дотоодод нислэг үйлддэг 50 гаруй агаарын хөлөг буйгаас 30-аад нь ерөнхий зориулалтынх буюу бага оврын онгоц гэнэ. Үүний тав нь ИНЕГ-ын харьяа Иргэний нисэхийн үндэсний төвийн дэргэдэх “Mongolian airways cargo” компанид харьяалагддаг бол бусад нь хувийн хэвшлийн аж ахуйн нэгжийнх аж. Ерөнхий зориулалтын буюу хуваарьт бус, захиалгат нислэгийг өдгөө манай улсад “Скай жет”, “Геосан”, “Тэнгэрийн улаач шинэ”, “Мөнх трэйвэл”, “Хүннү эйр”, “Опен скай” зэрэг компани тогтмол үйлдэж байгааг Иргэний нисэхийн үндэсний төвийн мэргэжилтнүүд хэллээ.
2024-05-10
Агаарын тээврээр зорчигчийн тоо 34.3 хувиар өсжээ
Улсын хэмжээнд энэ оны эхний дөрвөн сард 38.9, дөрөвдүгээр сард 10.5 сая тонн ачаа тээвэрлэсэн нь өнгөрсөн оны мөн үеийнхээс 20.9-25.7 хувиар өссөн үзүүлэлт болсныг Зам, тээврийн хөгжлийн яамнаас мэдээлэв. Харин нэгдүгээр сараас дөрөвдүгээр сар хүртэлх хугацаанд бүх төрлийн тээврийн хэрэгслээр давхардсан тоогоор 48.9 сая хүн зорчсон нь өмнөх жилийн мөн үеийнхээс 6.6 хувиар өсжээ. Үүний 27 хувь буюу 14.2 сая нь өнгөрсөн сард зорчсон байна. Дөрөвдүгээр сард авто тээврээр зорчигчдын тоо 2023 оныхоос 6.7 хувиар өсөж 13.9 сая, агаарынх 34.3 хувиар нэмэгдэн 138.7 мянгад хүрэв. Авто замын боомтоор ачаатай 11 222 тээврийн хэрэгсэл нэвтэрсэн нь өнгөрөгч жилийнхээс 31.1, 61 976 машин гарсан нь 5.6 хувиар өссөн дүн гэнэ.
2024-05-10
“Европт сурч буй оюутнуудын амьжиргааны зардлыг нэмж, Хятадынхыг хэвээр нь үлдээсэн”
Монгол Улсын Ерөнхийлөгчийн нэрэмжит “Илгээлт-2100” тэтгэлэгт хөтөлбөрийн эхний жилийн шалгаруулалтад тэнцэн гадаадад суралцаж буй оюутнуудад амьжиргааны зардал буюу стипендийг нь цаг тухайд нь олгохгүй байгаагаас залуус санхүүгийн хүнд байдалд ороод буйг “Өнөөдөр” сонин 2023 оны дөрөвдүгээр сарын 14-ний өдрийн дугаар дахь “Ерөнхийлөгчийн тэтгэлгийн үнэн буюу шилдэг сургуульгүй, стипендгүй оюутнууд” нийтлэлээрээ хөндсөн билээ
2024-05-09
