“Алжаал тайлах хүүхнүүд”-ийн асуудлыг ярилцав

Японы Гадаад хэргийн яамны Ази, далайн орнуудын газрын захи­рал Кими­хиро Исикоэ, Өмнөд Солон­го­сын Гадаад хэргийн яамны Зүүн хойд Азийн газрын тэргүүн Ли Сан Док нар “алжаал тайлах хүүхнүүд”-ийн асуудлаар Сөүлд яриа хэлэлцээ хийжээ. Дэлхийн II дайны үед эзлэгдсэн орнууддаа Японы хэрэгжүүлж байсан хүчээр биеийг нь үнэлүүлэх тог­толцоо Токио, Сөүл хоёрын харилцаанд хурц­хан асуудлын нэг болдог аж. Хохир­сон эмэгтэйчүүдийн нэр төрийг сэр­гээх чиглэлээр Японыг нэмэлт арга хэмжээ авахыг Өмнөд Солонгос шаарддаг юм бай­на. Түүнээс гадна 1965 оны хэлэлцээрээр Өм­нөд Солонгост Япон 500 сая ам.доллар төлс­нөөр өнгөрсөн үеийн харилцаанд то­хиолд­­с­он бүх түвэг бэрхшээлийг ший­дэ­хээр хоёр тал тохиролцсон юм байна. Энэ сарын 2-нд Японы Ерөнхий сайд Шинзо Абэ, Өмнөд Солонгосын Ерөн­хийлөгч Пак Гын Хэ нар уулзаад дээр өгүүлсэн асуудлаар яриа хэлэлцээ хий­хээр тохиролцжээ. Уг асуудлаар хоёр тал нэгдсэн шийдвэрт хүрвэл цаашдаа ха­рил­­цахдаа түүнийг сөхөөд байхгүй гэх батал­гааг Сөүлээс Токио авах бодолтой байгаа аж. Бас Сөүл дэх Японы ЭСЯ-ын эсрэг талд байдаг Японы армийн “хөлд өрт­сөн” эмэгтэйчүүдэд зориулсан хөшөөг буул­гахыг шаардахаар төлөвлөж буй юм байна.