Өнөөдөр гадаа -10 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Хоёрдугаар сарын 22-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 53 дахь өдөр бөгөөд он дуусахад 312 хоног үлдлээ.
- Цаг агаар өдөртөө -10 хэмийн хүйтэн бол шөнөдөө -20 градус хүйтэн байх нь ээ.
- Билгийн тооллын 13, Найралт эх одтой, улаан луу өдөр. Бархасбадь гараг. Өдрийн наран 7 цаг 48 минутад мандан, 18 цаг 24 минутад жаргана. Тухайн өдөр хулгана, бич жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах, лус тахих, хур оруулах, зэтгэрийг номхотгох, хөгжмийн зэмсэг урлах, дархны үйлд сайн. Гүүр тавих, газар ухах, цөөрөм байгуулахад муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод зүүн зүгт мөрөө гаргавал зохистой. Үс шинээр үргээлгэх буюу засуулбал жаргал ирнэ.
- Валют арилжааны төвд ам.долларын авах ханш 3391.00 төгрөг, зарах нь 3395.00 төгрөг байна. Харин рублийн авах ханш 36.60, зарах ханш 36.80, юанийн авах ханш 468.70, зарах ханш 473.10, вонийн авах ханш 2.53, зарах ханш 2.55 төгрөг байна.
Өнөөдөр болох онцлох үйл явдлууд:
- Хэвлэлийн Хүрээлэнгийн Мэдээллийн төвд 10.00 цагаас Сонгуулийн Ерөнхий Хороотой хамтран УИХ сонгуулийн тухай болон Улс төрийн намын тухай хуульд орсон нэмэлт өөрчлөлт, 2024 оны УИХ-ын сонгуулийн онцлог, үйл явц, 2020 оны сонгуулийн үеэр хэвлэл мэдээллийнхэн хэрхэн ажилласан тухай болон энэ удаагийн сонгуулийн үеэр анхаарах зүйлсийн талаар сэтгүүлчдэд мэдээлэл хийнэ.
Энэ өдөр дэлхийн түүхэнд:
- 1632 онд Алдарт одон оронч Галилео Галилейн "Хоёр ертөнцийн хоорон дахь харилцан яриа" ном хэвлэгдэн гарчээ.
- 1821 онд Грекийн хувьсгал: Александер Ипсилантис Прут голыг өгсөн Дунайн ванлигуудад хүрчээ.
- 1872 онд Америкийн "Хуурай нам"-ын үндэсний зөвлөлдөх хорооны анхны хуралдаан Охайо мужийн Колумбус хотод болж, улмаар ерөнхийлөгчийн сонгуульд Жеймс Блекын нэрийг дэвшүүлэв.
- 1915 онд Дэлхийн нэгдүгээр дайн: Германы эзэн хааны арми анх удаагаа усан доогуур аялах хөлөг бүтээж, түүнийгээ дайнд ашиглав.
- 1924 онд АНУ-ын Ерөнхийлөгч Калвин Күүлидж "Цагаан ордон"-оос радиогоор үг хэлсэн анхны ерөнхийлөгч болжээ.
- 1943 онд Дэлхийн хоёрдугаар дайн: Гитлерийн амь насыг хороох зорилго бүхий "Цагаан сарнай" ажиллагааг зохион байгуулсан гэх үндэслэлээр Софи Шолл, Ханс Шолл, Кристоф Пробст нарыг Нацистын Германы удирдлагууд цаазаар авав.
- 1958 онд Бүгд найрамдах Арабын нэгдсэн улсын бүрэлдэхүүнд Египет, Сири нэгдэж байгаагаа зарлав.
- 1980 онд Мөсөн дээрх ид шид: АНУ-ын Нью-Йорк хотын Лейк Пласид хотод болсон өвлийн олимпийн шайбтай хоккейн төрөлд АНУ-ын шигшээ ЗХУ-ын хүчирхэг шигшээг 4-3 онооны харьцаагаар хожиж гайхамшигт ялалт байгуулжээ.
- 2006 онд Зэвсэглэж, нүүрээ нуусан зургаан этгээд Кент мужийн Тонбридж хотод байрлах нэгэн агуулахад халдаж 53 сая фунтын эд зүйлс хулгайлав. Энэ нь Британийн түүхэн дэх хамгийн том хохирол учруулсан дээрэм болсон юм.
- 2014 онд Европын холбоонд элсэх Украйны засгийн газрыг эсэргүүцсэн бослогын үр дүнгээр Украйны "Верхово Рада" буюу парламентын 100 хувийн саналаар ерөнхийлөгч Виктор Януковичийг албан тушаалаас нь огцруулах шийдвэр гаргажээ.
