Төрийн хэмнэлтийн тухай хуулиар татагдсан хөрөнгөө нийслэл дахин хуваарилж, төсвөө тодотгох нь 

Нийслэлийн 2026 оны төсөвт нэмэлт, өөрч­ лөлт оруулах тухай тогтоолын төслийн эхний хэлэлцүүлгийг уржигдар нийслэлийн ИТХын ээлжит бус XIII хуралдаанаар хийсэн бол хоёр дахийг нь ирэх даваа гарагт хэлэлцэх нь. Нийслэлийн Засаг дарга бөгөөд Улаанбаатар хотын захирагч Б.Пүрэвдагва төслийг танилцуу­лахдаа “Нефтийн бүтээгдэхүүний үнэ өссөн нь нийтийн тээвэр, хог хаягдлын менежмент, ногоон байгууламжийн арчилгаа зэрэг суурь үйл­чил­гээний зардалд нөлөөлж байгаа учраас шаард­лагатай нэмэлт сан­хүү­жилтийг шийдвэрлэх хэрэгтэй болсон. Мөн 2006-2027 оны өвөлжилтийн бэлтгэл хангах, агаарын бохирд­лыг бууруулах арга хэмжээний хү­ рээнд 280 мянган тонн хагас коксжсон, 150 мян­ган тонн сайжруулсан шахмал түлш­ний мидлинг худалдан авч хэрэглэгчид ний­лүүлэх шаардлагатай нэмэлт эх үүсвэрийг шийдвэрлэх хэрэгцээ байна. Төсвийн орлогын хүлээг­дэж буй гүйцэтгэл болон он дамжин зар­цуулагдах мөнгөн хөрөнгийн үлдэгдэл анхны төсөөллөөс өөрч­лөгдсөн. Тиймээс төс­вийн орлого сан­хүү­­ жил­тийн эх үүсвэрийн тооцооллыг бо­дит нөх­­ цөл байдалд нийцүүлэн шинэчлэх шаард­лагатай” хэмээв. 

Нийслэлийн төсвөөр 2025-2026 он дамжин санхүүжих хөрөнгө оруулалтын төсөл, арга хэмжээний зардлыг 49.3 тэрбум төгрөгөөр бууруулж, Орон нутгийн хөгжлийн сангаас сан­­ хүү­жих дүнг 2.9, Нийтийн тээврийг хөг­жүүлэх сангийн хөрөнгөөр хэрэгжүүлэх төсөл, арга хэмжээг 30.6 тэрбум төгрөгөөр тус тус нэмэг­дүүлэхээр тусгажээ. Хэлэлцүүлгийн үеэр Ү.Оюунзул зэрэг нийслэлийн ИТХ-ын тө­лөөлөгч 2026 оны төсвийг өнгөрсөн гуравдугаар сарын эхээр тодотгосон атлаа дахиад гурван сарын дараа нэмэлт, өөрчлөлт оруулж байгаа нь ямар учиртай, зорилго нь юу болох талаар асуув. Үүнд хотын мээр “COP17”-г зохион байгуулахтай холбоотойгоор нийслэлийн төсвийг гуравду­гаар сард тодотгосон. Харин энэ удаагийн тодот­голоор өвөлжилтийн бэлт­гэл хангах, түлш бэлтгэх, шатахууны үнийн өсөлттэй хол­боо­той нэмэгдсэн нийтийн тээвэр, хот тохижилтын зард­лыг ахин тооцох шаардлага үүсээд байна. Мөн Төрийн хэмнэлтийн тухай хуулиар тавдугаар сарын 31-ний дотор гэрээг бай­гуу­лаа­гүй хө­рөнгө оруулалтын төслийн сан­хүү­жилт буцаан татагдсаныг нэн шаард­лага­тай, тул­гамд­сан асуудалдаа дахин хуваарилсан” гэж хариулав. 

Хугацаандаа гэрээ байгуулаагүй, төсвийн хөрөнгөөр сан­хүү­жүү­лэхээр батлагдсан төсөл, арга хэмжээний зардлыг 443.2 тэрбум төгрөгөөр бууруулсан ч ажлын гүйцэтгэлтэй уял­дуу­лан уг зардлыг 25.3 тэрбум, урсгал зардлыг 404, орон нутгийн сангийн зардлыг 52.3 тэрбум төгрөгөөр нэмэгдүүлжээ.

Г.Сансар