Өнөөдөр гадаа -11 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Хоёрдугаар сарын 28-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 59 дахь өдөр бөгөөд он дуусахад 308 хоног үлдлээ.
- Цаг агаар өдөртөө -11 хэмийн хүйтэн бол шөнөдөө -26 градус хүйтэн байх нь ээ.
- Билгийн тооллын 18, Тугчин одтой, цагаагчин тахиа өдөр. Өдрийн наран мандах, жаргах цаг нь 7:38-18:32. Тухайн өдөр үхэр, могой жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах, гарагийг тахих, хагалгаа хийлгэх, буг дарах, газрын ам бооход сайн. Улаа гаргах, хиншүү хярвас гаргах, мод суулгах, нарийн зөвлөгөөн хийх, байшингийн суурь тавих, угаал үйлдэхэд муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод баруун хойд зүгт мөрөө гаргавал зохистой. Үс шинээр үргээлгэх буюу засуулахад тохиромжгүй
- Валют арилжааны төвд ам.долларын авах ханш 3387.00 төгрөг, зарах нь 3394.00 төгрөг байна. Харин рублийн авах ханш 36.10, зарах ханш 36.60, юанийн авах ханш 473.00, зарах ханш 473.80, вонийн авах ханш 2.54, зарах ханш 2.56 төгрөг байна.
Өнөөдөр болох онцлох үйл явдлууд:
- 11.00 цагт: ОБЕГ-т: УОК-оос ээлжит мэдээлэл хийнэ.
- 11.00 цагт: Нийслэлийн иргэний танхимд "School Police" эцэг эхийн эргүүлийн үйл ажиллагааны хэлэлцүүлэг болно.
- 11.30 цагт “Зууны мэдээ” сонины “Үндэсний мэдээллийн төв”-д Албан хаагчдын гүйцэтгэлийн үнэлгээ QR кодын талаар мэдээлэл хийнэ.
- 12:00 цагт Үндэсний мэдээллийн төвд “Олуулаа клуб”-ээс Зудад нэрвэгдсэн 21 аймгийн малчдад хаврын төлжилтийг даван туулахад туслах зорилготой “Олуулаа олон төл аваръя” аяны танилцуулгын талаар мэдээлэл өгнө.
- Засгийн газрын ээлжит хуралдаан болно.
Энэ өдөр дэлхийн түүхэнд:
- МЭӨ 202 - Хятадын эзэн хаан Лиу Банг суудлаасаа бууж, улмаар дөрвөн зууны турш Хятадыг захирсан Хан гүрэн байгуулагджээ.
- 1525 - Ацтекын хаан Куахтемок Испанийн эзлэн түрэмгийлэгч Эрнан Кортесийг цаазлах зарлиг буулгав.
- 1700 - Шведийн засгийн газар Шведийн нэгдсэн он тоололд шилжих шийд гаргав.
- 1827 - Америк улсад худалдааны төмөр замын анхны сүлжээ байгуулагджээ. Анхны арилжааны төмөр зам Балтимор-Охайогийн чиглэлд тавигдсан гэдэг.
- 1885 - Беллийн телефон компани дээр үндэслэн "Америкийн холбоо, цахилгаан мэдээний компани"-ийг байгуулжээ.
- 1897 - Мадагаскар улсын сүүлчийн хатан хаан III Ранавалонагийн хаанчлал эхлэв. Удалгүй Францчууд тус улсыг булаан эзлэсэн юм.
- 1935 - Америкийн эрдэмтэн Уоллос Каротерс "нийлэг" материалыг нээжээ.
- 1940 - Сагсанбөмбөгийн тоглолтыг анх удаагаа телевизээр дамжуулав. Тухайн үед учраа таарсан Фордхемийн их сургууль, Питтсбургийн их сургуулийн хооронд болсон тоглолтыг ийнхүү телевизээр нэвтрүүлжээ.
- 1953 - Эрдэмтэн Жеймс Ватсон, Френцис Кирк нар ДНК-гийн бүтцийг анх удаагаа нээн илрүүлэв.
- 1954 - Телевизийг өнгөтөөр нэвтрүүлэх анхны технологиуд худалдаанд гарч, үүнийг NTSC худалдан авчээ.
- 1959 - АНУ тагнуулын зориулалттай "Дисковерэр 1" хиймэл дагуулыг хөөргөв. Гэвч мэдээллийн сигнал таараагүй тул энэ хөтөлбөрийг албан ёсоор зогсоожээ.
- 1980 - Испанийн Андалузи мужид болон олон нийтийн санал асуулгаар тус муж автономи эрхтэй болов.
- 1986 - Шведийн 26 дахь Ерөнхий сайд Олоф Палме Стокхольм хотод халдлагад өртөн амь насаа алджээ.
- 1995 - Австралийн Либерал намын дарга Жон Хьюсон сонгуульд ялагдал хүлээж, нэр хүндээ алдсан явдалд өөрийгөө буруутган албан тушаалаа өөрийн хүсэлтээр өгчээ.
- 1997 - Ираны хойд хэсэгт газар хөдлөсний улмаас 3 000 хүн амь насаа алдав.
- 1998 - Дэлхийд анх удаагаа нисгэгчгүй онгоцыг хөөргөжээ.
- Косовогийн дайн: Сербийн цагдаагийн ажилтнууд Косовогийн чөлөөлөх армийн эсрэг ажиллагаа зохион байгуулав.
- 2004 - Монгол хэлний анхны википедиа нээгджээ.
- 2013 - Ромын пап XVI Бенедикт өөрийн хүсэлтээр эрх ямбаасаа татгалзав. Ингэснээр Католик шашны түүхэнд 1415 оноос хойшхи анхны тохиолдол болсон юм.
