Өнөөдөр гадаа 4 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Гуравдугаар сарын 21-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 80 дахь өдөр бөгөөд он дуусахад 285 хоног үлдлээ.
- Цаг агаар өдөртөө 4 хэмийн дулаан бол шөнөдөө -10 градус хүйтэн байх нь ээ.
- Билгийн тооллын 12, Үнэг одтой, хөх бич өдөр. Өдрийн наран мандах, жаргах цаг нь 6:52-19:06. Тухайн өдөр хулгана жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба хараал, жатхыг буцаах, бүжиг наадам хийх, цэцэрлэг байгуулах, урлан бүтээхэд сайн. Хувцас эсгэх, шинэ хувцас өмсөх, зөвлөгөө хийхэд муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод зүүн урагш мөрөө гаргавал зохистой. Үс шинээр үргээлгэх буюу засуулахад тохиромжгүй.
- Валют арилжааны төвд ам.долларын авах ханш 3375.00 төгрөг, зарах нь 3379.00 төгрөг байна. Харин рублийн авах ханш 35.90, зарах ханш 36.30, юанийн авах ханш 470.00, зарах ханш 472.50, вонын авах ханш 2.50, зарах ханш 2.52 төгрөг байна.
Өнөөдөр болох онцлох үйл явдлууд:
- 11:00 цагт Монголын улаан загалмай нийгэмлэгийн төв байранд Зудын хариу арга хэмжээний талаар хэвлэлийн бага хурал болно.
- 11:00 цагт “Зууны мэдээ” сонины “Үндэсний мэдээллийн төв”-д Боловсролын салбар дахь эмч нарын эрүүл ирээдүй холбооноос "Орон нутгийн сургуулийн эмч нарыг олноор ажлаас халж байгаа” талаар мэдээлэл хийнэ.
- 11:00 цагт ХЭҮК-оос авч хэрэгжүүлж буй үйл ажиллагааны талаар сэтгүүлчдэд ХЭҮК-ын байранд нээлттэй мэдээлэл хийнэ.
- 11:00 цагт STEPPE ARENA-д “Дэлхийн цирк Монголд-2024” Олон Улсын шилдэг циркийн тоглолтын Хэвлэлийн бага хурал болно.
- 11:30 цагт “Зууны мэдээ” сонины “Үндэсний мэдээллийн төв”-д "СОНГУУЛИЙН ЛУЙВАР ИЛЧЛЭХ" ТББ-аас мэдээлэл хийнэ.
- 19:00 цагт Дэлхий дахиныг шуугиулсан хүчирхэг хашхираан бүхий Жорж Оруэлын "1984" оюун сэтгэлгээний бүтээлийг Мягмарнарангийн Батболдын найруулснаар “Орфей” театрын хамт олон постдрамын жүжиг болгон тавих гэж байна. Тус жүжиг өнөөдрөөс эхлэн “Улаанбаатар” зочид буудлын ИХ ТАНХИМЫН тайзнаа тоглогдоно.
Энэ өдөр дэлхийн түүхэнд:
- 1152 - Францын хаан VII Луи Акүйтанын гүн Элеанортой гэрлэжээ.
- 1188 - Японы хаан ширээнд Антокү суув.
- 1800 - Ромын пап ламаар VII Пиус сонгогджээ.
- 1801 - Британи болон Францын цэргүүд Египетийн Никрополисийн балгасын орчим тулалдав.
- 1804 - Франц улсад "Наполеоны кодекс"-ыг хэрэгжүүлж эхлэв. Уг кодекс ёсоор Францын жирийн иргэн болон олон нийтийн газар, барааны тэмдэгт, газар нутгийг Наполеон гэсэн нэрээр нэрлэхгүй байхаар тусгажээ.
- 1919 - Оросод өрнөсөн Октябърын хувьсгалын дараа Унгар улс Зөвлөлийн засгаар замнахаар болов. Ингэснээр европ тивд Оросоос гадна анхны коммунист улс бий болсон түүхтэй юм.
- 1921 - Оросын большевик нам шинэ эдийн засгийн бодлого боловсрууллаа.
- Бүгд найрамдах Солонгос улсын захирагч буюу Ерөнхийлөгч Синман Рий ажлаасаа халагджээ.
- 1937 - Пуерто Риког захирч байсан АНУ-ын ерөнхийлөн захирагч Блантон К.Виншипийн тушаалаар Понче хотын 19 хүнийг шалтгаангүйгээр буудан хороожээ. Тухайн үед Блантон К.Виншип ерөнхийлөн захирагчийн үүргийг орлон гүйцэтгэгч байсан юм.
- 1946 - Америкийн үндэсний хөлбөмбөгийн баг Лос Анжелес Рамс баг хар арьст тоглогч Кенни Вашингтонтой гэрээ байгуулав. Ингэснээр Америкийн үндэсний хөлбөмбөгийн лигийн түүхэнд хар арьст тоглогчтой гэрээ хийсэн анхны баг болсон юм.
- 1960 - Өмнөд Африкад арьс өнгөрөөр ялгаварлан гадуурхах үзлийг эсэргүүцсэн тайван жагсаалыг цагдаагийн газар хүч хэрэглэн тарааж 69 хүн амиа алдан, 180 хүн шархаджээ.
- 1965 - АНУ-ын Сансар судлалын агентлаг Рейнжер хөтөлбөрийн сүүлийн хөлөг болох "Рейнжер 9" хөлгийг хөөргөжээ.
- Өнгөт арьстануудын эрх, хүний эрхийн төлөө тэмцэгч Др. Мартин Лютер Кинг сүүлийн томоохон жагсаалаа зохион байгууллаа. АНУ-ын Алабам мужийн Монтгомери болон Селма хотуудад болсон жагсаалд 3,200 хүн оролцсон байна.
- 1983 - Израйль Палестины хооронд Баруун эргийн төлөөх хурцадмал байдал эхэлжээ. Хоёр талын аль, аль нь хорт хий ашигласан байна.
- 1986 - Дэлхийн уран гулгалтын аварга шалгаруулах тэмцээнд АНУ-ын уран гулгагч Деби Томас түрүүлэв. Ингэснээр тус тэмцээний түүхэнд түрүүлсэн анхны хар арьст тамирчин болжээ.
- 1990 - Өмнөд Африкын захиргаанд 75 жил оршин тогтносон Намиби улс тусгаар тогтнов.
- 1994 - НҮБ цаг уурын өөрчлөлттэй тэмцэх бодлогын баримт бичгийг боловсруулж эхэлжээ.
- 1999 - Бертран Пиккард болон Брайн Жонес нар дэлхийг агаарын бөмбөлөгтэй тойрсон анхны хүмүүс болов.
- 2002 – Ромын Пап II Ион Павел Израйль улсад айлчиллаа. Энэ нь Ромын папын түүхэнд тус улсад айлчилсан анхны тохиолдол болсон юм.
- 2006 - Нийгмийн сүлжээний алдарт Твиттер албан ёсоор байгуулагджээ.
- 2019 - БНХАУ-ын Жаньсу мужийн Химийн үйлдвэр дэлбэрсний улмаас 47 хүн амиа алдан 640 гаруй хүн бэртэж, гэмтэв.
