МАН-ын ЕНБ-ийн даргаар Я.Содбаатарыг улираан ажиллуулахаар болжээ
Монгол Ардын намын 31 дүгээр Их хурлаас байгуулсан Бага хурлын анхдугаар хуралдаан өчигдөр /2025.11.18/ Тусгаар тогтнолын ордонд боллоо. Монгол Ардын намын дарга, УИХ-ын гишүүн, Тэргүүн шадар сайд бөгөөд Эдийн засаг, хөгжлийн сайд Н.Учрал дараах албан тушаалд нэр дэвшигчдээ танилцуулж, Бага хурлын гишүүдийн дунд санал хураалтыг явуулж, олонхын саналаар сонгож баталлаа.
2025-11-19
207 дугаар байрыг буулгах ажил 70 хувьтай үргэлжилж байна
Өнгөрсөн оны нэгдүгээр сард хий тээвэрлэж явсан автомашин шатсаны улмаас Баянзүрх дүүргийн 26 дугаар хороо, Дүнжингарав худалдааны төвийн урд байрлах 207 дугаар байр дэлбэрэлтэд өртсөн. Тухайн үед тус байрыг дахин засварлахгүйгээр нурааж, шинээр барих шаардлагатай гэсэн улсын байцаагчийн дүгнэлтэд үндэслэн нийслэлийн Засаг дарга захирамж гаргаж байв. Ингээд "Барилгын хатуу хог хаягдлыг дахин боловсруулах үйлдвэр" НӨААТҮГ байрыг буулгаж байна. Өнөөдрийн байдлаар барилгыг нураах ажил зургаадугаар давхартаа буюу 70 хувьтай үргэлжилж байна. Иргэдийг хохиролгүй болгох үүднээс барилгыг буулгах хөрөнгийг эхлээд нийслэлийн төсвөөс гаргаж, шүүхийн шийдвэр гарч, гэм буруутай этгээдийг тогтоосны дараа гэм буруутай этгээдээр төлүүлэх юм.
2025-11-18
Шатахууны нийлүүлэлт тасралтгүй явагдаж байгаа бөгөөд үнэ нэмэгдэхгүй гэв
АҮЭБЯ–ны Төрийн нарийн бичгийн дарга Б.Дашпүрэв: Иргэдэд хандаж хэлэхэд өмнө нь шатахуун хомсодсон нөхцөл байдлын талаар тодорхой зүйлсийг хэлсэн билээ. Мөн Монополын эсрэг газрын дүгнэлт нь хэдэн компани хоорондоо үгсэн хуйвалдаж нэгэн зэрэг үнэ нэмсэн асуудал нь шүүхийн шатанд явж байна. Улс төрийн нөхцөл байдалтай уялдуулаад шатахууны үнэ нэмэгддэг, хомсдол үүсдэг гэх асуудал Монгол Улсад үеийн үед тодорхой хэмжээнд яригддаг. Өнөөдөр 3.8 сая иргэн аюулгүй найдвартай байдлаа хангаж амьдрах ёстой.
2025-11-18
Б.Жавхлан: Багш, эмч нарын цалингийн 874 тэрбумын нэмэгдэл нь инфляцид бага зэрэг л нөлөөлнө
2026 оны улсын төсөв батлагдсантай холбогдуулан сайд нар мэдээлэл өглөө. Энэ үеэр Сангийн сайд Б.Жавхлан багш, эмч нарын цалингийн нэмэгдэлтэй холбоотойгоор дараах байр суурийг илэрхийллээ. Тэрбээр "Багш, эмч нарын цалингийн 874 тэрбумын нэмэгдэл нь инфляцид бага зэрэг л нөлөөлнө. Тухайлбал, Монгол Улсын 2026 оны төсвийн алдагдал анх ДНБ-ийн 1.5 их наяд төгрөг байсан, УИХ алдагдлыг 1.1 их наяд болгон бууруулж, баталлаа. Төсвийн тэнцвэржүүлсэн орлого 31.9 их наяд бол урсгал зардал 24.9, хөрөнгийн зардал 8.6 гээд том тоонууд өөрчлөгдөөгүй.
2025-11-14
Цасан шуурга шуурч, эрс хүйтрэхийг анхааруулж байна
Арваннэгдүгээр сарын 13-14-нд шилжих шөнө Увсын зүүн, Завханы баруун болон хойд хэсгээр, 14-ний өдөр Завханы зүүн, Хөвсгөл, Булганы өмнөд хэсэг, Орхон, Дархан-Уул, Сэлэнгийн нутгаар цасан шуурга шуурна. Говь-Алтай, Баянхонгорын өмнөд,Өвөрхангайн зүүн болон өмнөд, Дундговь, Өмнөговийн баруун хэсгээр салхи секундэд 18-20 метр, зарим үед секундэд 24 метр хүрч ширүүснэ.
2025-11-13
