“Төрийн байгууллагын 70.5 хувь нь халдлагад өртөж буй, эсэхээ мэддэггүй”
Олон улсын кибер аюулгүй байдлын индексээр Монгол Улс 194 орноос 103-т буюу бэхжиж буй шатандаа явж байгааг Кибер халдлага, зөрчилтэй тэмцэх нийтийн төвөөс мэдээлэв. Тодруулбал, тус үзүүлэлтийг хууль, эрх зүйн орчин, техникийн үзүүлэлт, бүтэц, зохион байгуулалт, чадавхыг бэхжүүлэх, хамтын ажиллагаа гэсэн таван шалгуураар хэмжиж, нэгдсэн дүнгээр байр эзлүүлдэг юм. 2020 онтой харьцуулахад өнгөрсөн онд манай улс хууль, эрх зүйн орчин, бүтэц зохион байгуулалт шалгуурт 20 онооноос 13-19 гэсэн өндөр үнэлгээ авчээ. Харин техникийн үзүүлэлт, хамтын ажиллагаанд хамгийн бага буюу 6.4-6.6 оноо авсан байна. Эдгээр үзүүлэлтэд үндэслэн улс орнуудыг кибер аюулгүй байдлын түвшнээр нь үлгэрлэж, дэвжиж, бэхжиж, бойжиж, бүрэлдэж буй гэж ангилдаг аж.
2025-10-27
Өнгөрсөн арав хоногт сүүлийн 44 жилд тохиогоогүй хүйтэн өдрүүд өнгөрчээ
Аравдугаар сарын дунд арав хоногт агаарын дундаж температур нэмэх хоёр хэмийн дулаан байдаг бол энэ жил хасах 4.9 хэмийн хүйтэн байжээ. Энэ нь өнгөрсөн оны мөн үеийнхээс 6.9 хэмээр хүйтэрсэн гэсэн үг. Өөрөөр хэлбэл, өнгөрсөн арав хоног буюу энэ сарын 11-20-нд агаарын дундаж хэм 4.9 байсан нь 1981 оноос хойш тохиосон хамгийн хүйтэн хоногууд болжээ. Харин энэ сарын 22-25-нд нийт нутгаар цаг агаар тогтуун, өдөртөө бага зэрэг дулаарсан юм.
2025-10-27
Соёл, спортын арга хэмжээнд хүүхэд оролцуулах журам боловсрууллаа
Соёл урлагийн болон Хүүхэд, гэр бүлийн хөгжил, хамгааллын ерөнхий газар, Биеийн тамир, спортын улсын хороо, Боловсролын ерөнхий газар, Цагдаагийн ерөнхий газрынхан хамтраад Соёл, спортын үйл ажиллагаанд хүүхэд оролцуулах, эрхийг хамгаалах журмыг шинэчлэн боловсруулснаа мэдээллээ. Хүүхэд хамгааллын тухай хуулийн 27.8 дахь хэсэгт “Соёл, спортын үйл ажиллагаанд хүүхдийг оролцуулах, хүүхдийн эрхийг хамгаалах журмыг соёл, биеийн тамир, спортын болон хүүхэд, гэр бүлийн асуудал хариуцсан төрийн захиргааны байгууллага хамтран баталж, мөрдүүлнэ” гэж заасны дагуу ийнхүү ажил хэрэг болгожээ.
2025-10-27
Зүүний үзэлт төвийг сахигч
Ирланд улсад Ерөнхийлөгчийн сонгууль 10 дахь удаагаа болсон бөгөөд одоогийн Төрийн тэргүүн Майкл Хиггинс халаагаа ирэх сарын 11-нд өгнө. Сонгуулийн дүнг зарласны дараа Коннолли үг хэлэхдээ “Би сонсдог, боддог, шаардлагатай үед хэлдэг Ерөнхийлөгч байх болно. Би энхийн дуу хоолой, манай төвийг сахисан бодлогыг түшиг тулгуураа болгосон, цаг уурын өөрчлөлтөөс учирч болох аюулыг хэлдэг дуу хоолой чинь байна” гэжээ.
2025-10-27
Цахим спортын ертөнцийг цочроосон шийдвэр ба Senzu-гийн ирээдүй
Монголын цахим спортын “домог” гэгддэг “MongolZ” баг Senzu буюу М.Азбаярыг сэлгээнд суулгаж буйгаа зарласан нь дэлхий нийтийг цочроосон үйл явдал боллоо. Counter-strike тоглоомын дэлхийн аварга гэгддэг Будапештийн мэйжор эхлэхэд ердөө нэг сар ч хүрэхгүй хугацаа үлдсэн энэ үед бүрэлдэхүүндээ ийм том өөрчлөлт оруулсан нь цахим спорт сонирхогчдыг талцуулахад хүргэв. Учир нь “MongolZ”-ынхон энэ улирлын хоёрдугаар хагаст цахим спортын дэлхийн аваргад түрүүлэн, “BLAST bounty” болон “Fis-sure playground-2” тэмцээний финалын шатанд шалгарч, өөрсдийн ур чадвар, чансааг тодоор тамгалсан юм.
2025-10-27
Туул голын уснаас дөрвөн төрлийн нян илэрчээ
Туулын уснаас дээж авч, шинжилгээ хийлгэжээ. Ингэхдээ Баянзүрх, Маршал, Яармаг, Биокомбинат гэсэн дөрвөн цэгийн байршлаас дээж авч, Усны газрын итгэмжлэгдсэн лабораторид шинжлүүлсэн аж. Улмаар Баянзүрхийн гүүр орчимд химийн хэрэгцээт хүчилтөрөгчийн үзүүлэлт стандартын шалгуураас 2.8 дахин их гэсэн хариу гарчээ.
2025-10-27
Нарийн, нарийвтар ноост хонины үүлдрийг сайжруулна
ХХААХҮЯ, ADRA олон улсын байгууллага болон Малын удмын сангийн үндэсний төв хамтран Хангай, Ерөө, Орхон үүлдрийн нарийн, нарийвтар ноост хонины ашиг шим, үүлдэрлэг байдлыг сайжруулах зорилгоор дөрөв дэх жилдээ, дурангийн аргаар зохиомол хээлтүүлэг хийж буйгаа мэдээллээ. Хээлтүүлэгт мах, ноосны чиглэлийн, 18-21 микрон ноостой, Австралийн “Мерино” үүлдрийн хуцны гүн хөлдөөсөн үрийг ашиглаж байна. Ийн үржил селекц хийснээр хонины ноос илүү нарийн, атираа сайтай, ясны бүтэц том болж, мах, ноосны гарц нэмэгдсэн аж.
2025-10-27
Эдийн засгийн эрх чөлөө: Швед яагаад чадав
Эдийн засгийн эрх чөлөөний тухай хуулийн төсөлд санал авах үйл явц ид өрнөж байна. Энэ удаад туc хуулийн төслийн зүйл, заалтыг шүүж, “шуудайд хийсэн үхрийн эвэр шиг” заалтуудыг онцолж, дутуу орхисон зүйлийг гоочлохоос илүүтэй, яагаад Монгол Улсын эдийн засгийн эрх чөлөөний үзүүлэлтийг сайжруулах ёстой, үүний тулд Шведийн туршлагаас юу суралцаж болох тухай өгүүлэхийг зорилоо.
2025-10-27
“Багш нарын ажил хаялт үргэлжлэх тул хичээл орохгүй”
Сурагчдын бие даалтын долоо хоног энэ сарын 24-нд дуусаж, хуваарь ёсоор өнөөдөр хичээл эхлэх байв. Гэвч Засгийн газар, Боловсролын яам, Монголын боловсрол, шинжлэх ухааны үйлдвэрчний холбооныхон багш нарын цалин нэмэх асуудлаар зөвшилцөж, хэлэлцээрийн ширээний ард сууж чадсангүй.
2025-10-27
Тогтолцоогоо өөрчлөхгүй бол “Темасек”-аас үлгэр аваад ч нэмэргүй
“Эрдэнэс Монгол”, “Эрдэнэс Тавантолгой”, “Эрдэнэт үйлдвэр”, МИАТ, “Улаанбаатар төмөр зам”, “Хөдөө аж ахуйн бирж” зэрэг төрийн өмчит компанийн удирдлагын сарын цалин 20-30 сая төгрөг байдаг тухай Төрийн өмчийн бодлого, зохицуулалтын газрын дарга Б.Цэнгэл мэдэгдсэн билээ. Тэрбээр “Төрийн болон орон нутгийн өмчит компаниудыг ашигтай ажиллуулах, алдагдалтайг нь татан буулгах, нэгтгэх, мөн үргүй зардал, захирал, удирдлагуудын цалин хангамжийг бууруулах, ашигт ажиллагаанд нийцсэн цалингийн тогтолцоог боловсруулж Засгийн газрын хуралдаанд яаралтай танилцуулж, батлуулах чиглэл авсан.
2025-10-27
Ирэх оноос эрүүл мэндийн салбарын хөрөнгө оруулалтыг анхан шатны тусламж, үйлчилгээ рүү чиглүүлэх нь
“Өрхийн эрүүл мэндийн тусламж, үйлчилгээний хөгжил, шинэчлэл-25 жил” үндэсний чуулганыг өнгөрсөн баасан гарагт Төрийн ордонд зохион байгууллаа. Монголд өрхийн анагаах ухааны шинэ тогтолцоо, өрхийн эмнэлэг үүсэж хөгжсөний 25 жилийн ой энэ өдрүүдэд тохиож буй. Улсын хэмжээнд өнгөрсөн оны байдлаар Өрхийн эрүүл мэндийн 227 төв үйл ажиллагаа явуулсны 151 нь Улаанбаатарт, үлдсэн нь орон нутагт тусламж, үйлчилгээ үзүүлжээ. Өрхийн эмнэлгүүдэд ажиллаж буй 3867 эмч, мэргэжилтэн 2024 онд 7.1 сая үзлэг хийсэн аж. Үүнийг сүүлийн 10 жилийн дундажтай харьцуулахад сая гаруйгаар, 2023 оныхоос 616 мянгаар нэмэгдсэн үзүүлэлттэй байна.
2025-10-27
Б.Энхбаярыг ХЗДХ-ийн сайдаар томилсон шийдвэр баталгаажив
УИХ-ын баасан гаргийн нэгдсэн чуулганы үдээс хойших хуралдаанд Ерөнхий сайд Г.Занданшатар Хууль зүй, до¬тоод хэргийн сайдын албан тушаалаас Л.Мөнхбаатарыг чөлөөлж, Б.Энхбаярыг томилох тухай шийдвэрээ танилцуулав. Тэрбээр уг шийдвэрээ танилцуулахаар энэ сарын 1-нд УИХ-д хүргүүлсэн нь 24 хоногийн дараа сая нэг ажил хэрэг болжээ.
2025-10-27
ДАН систем 2.0 хувилбарт шилжиж, царай таньдаг боллоо
Үндэсний дата төвөөс ДАНтанилт нэвтрэлтийн нэгдсэн системийн 2.0 шинэ хувилбараа танилцууллаа. Уг системийг ийнхүү нэг шат ахиулснаар царай таньдаг найдвартай баталгаажуулалттай болжээ. Ингэснээр хэрэглэгчид хурууны хээ болон банкны эрхээр нэвтрэх шаардлагагүй, илүү хялбар болсон байна.
2025-10-26
Монголын орчин үеийн уран зохиолуудыг чех уншигчдад хүргэв
Манай орон болон Бүгд Найрамдах Чех Улс хооронд дипломат харилцаа тогтоосны 75 жилийн ойг тохиолдуулан Элчин сайдын яам, “Plav” сэтгүүлийн газар, Карлын их сургуулийнхан хамтран Монголын орчин үеийн уран зохиолуудыг чех хэлээр орчуулан, уншигчдын хүртээл болгожээ. Ингэхдээ Монголын орчин үеийн уран зохиолын томоохон төлөөлөл болох Ц.Дамдинсүрэн, Д.Норов, Р.Чойном, Л.Өлзийтөгс, Г.Аюурзана нарын бүтээлүүдээс сорчлон Карлын их сургуулийн Монгол судлалын төвийн багш, оюутнууд, монголч эрдэмтэд, судлаачдын тусламжтай орчуулсан гэнэ.
2025-10-26
М.Зулькафильд МУИС-ийн Эмерит профессор цол олгов
Соёлын гавьяат зүтгэлтэн, профессор, шинжлэх ухааны доктор М.Зулькафильд МУИС-ийн Эмерит профессор цол өчигдөр олголоо. МУИС-ийн Эрдмийн зөвлөлөөс Монголын сэтгүүл зүйн салбарт түүний оруулсан жинтэй хувь нэмэр, бүтээл туурвилыг нь өндрөөр үнэлэн ийнхүү Эмерит профессор цол олгохоор шийдвэрлэжээ. Ёслолын үйл ажиллагаанд МУИС-ийн удирдлага, Эрдмийн зөвлөлийн гишүүд, гэр бүл, найз нөхөд, оюутан залуусын төлөөлөл оролцож, тэрбээр хүндэтгэлийн лекц уншсан юм.
2025-10-26
Хязгаар нь хаана вэ
Дэлхий гараг, түүний оршин буй нарны аймгийн хязгаар хаана хүрээд “хаагддаг”- ийг мэдэхээр эрт үеэс эрдэмтэн, судлаачид сансар, огторгуй руу “өнгийсөөр” иржээ. Галилео Галилей 1610 онд тэнгэрийн эрхсийг тольдох дуран бүтээснээр Сүүн зам хэмээх зурваст “нуугдсан” тоо томшгүй оддын бөөгнөрлийг илрүүлсэн. Энэ нээлтийн ачаар эрдэмтдийн таамаглал шинэ баримт, мэдлэгт суурилан тэлж, сансрын орон зай төсөөлж, тооцоолж байснаас нь өргөн уудам болохыг мэдэж авав. Тэр цагаас хойш тэсрэлт болсон олон нээлт хийж, орчлон, од эрхсийг таних их аян хүрээгээ тэлсээр.
2025-10-26
Дэлхийн цоохор ирвэсийн дөрөвний нэг нь Монголд бий
НҮБ-ын Ерөнхий Ассамблейн 79 дүгээр чуулганаар жил бүрийн аравдугаар сарын 23-ныг олон улсын цоохор ирвэсийн өдөр болгон зарласан. Эл өдрийг дэлхийд нэн ховорд тооцогдох цоохор ирвэсийн экологийн ач холбогдлыг олон нийтэд таниулж, хайрлан хамгаалах зорилгоор тэмдэглэн өнгөрүүлдэг билээ.
2025-10-26
