“Баавгайн хөндий”-г үзэгчдэд хүргэнэ
Олон улсын наадмуудаас 20 гаруй шагнал авч, баримтат киноны төрөлд түүхэн дээд амжилт тогтоосон “Баавгайн хөндий”-г монгол үзэгчдэд хүргэх нь. Дэлхийн “уушги” болсон таван тивийн онгон байгаль, ойн санг хүн төрөлхтөнд өвлүүлэн үлдээхийн төлөө тэмцэж яваа байгаль хамгаалагчдын амьдралыг уг кинонд үзүүлжээ. Гол үзэл санаа нь уур амьсгалын өөрчлөлтийн эсрэг бид юу хийж чадах вэ гэсэн асуултад хариулт эрэлхийлж, хүн төрөлхтөн, ялангуяа шийдвэр гаргагчид байгаль хамгаалалд анхаарлаа хандуулах ёстойг ойлгуулахад чиглэсэн аж. Францын ARTE телевизийн найруулагч Хамид Сардар ерөнхий найруулагчаар ажилласан уг киноны гол дүрийг Байгаль орчны гавьяат ажилтан, Улаан тайгын улсын тусгай хамгаалалттай газрын байгаль хамгаалагч Ж.Төмөрсүх бүтээсэн юм. Эл бүтээлийг энэ сарын 8-нд “Шангри-Ла” дахь “Өргөө” кинотеатрт гаргах гэнэ.
2023-12-05
Э.МӨНХ-ЭРДЭНЭ: Хип хоп урлагт хүний тэрслүү сүнс оршдог
реппер Young Mo’G буюу Э.Мөнх-Эрдэнийг уншигчидтайгаа уулзуулж байна. Хип хоп, R&B уран бүтээлчдийн шилдгийг шалгаруулах “Triple X hit awards” хөгжмийн наадамд түүний “Наадъя” дуу оны шилдэг уран бүтээлээр шалгарсан юм. Түүнчлэн тэрбээр энэ жилийн Үндэсний их баяр наадмын нээлтэд оролцсон нь энэ түүхэн дэх анхны хип хоп уран бүтээлч болж тэмдэглэгдсэн бөгөөд шинэлэг өнгө төрх, хэмнэлээрээ цойлсныг уншигчид андахгүй биз. Хип хоп хөгжмийн урсгал, нийгэм, улс төрийн бодол, эх орон, хувь хүн, хайр зэрэг олон зүйлийн талаар бид ярилцлаа.
2023-12-05
“Органик бүтээгдэхүүн” гэрчилгээ олгожээ
“Юргана индастри” компанийн “Ургана” брэндийн гарын шингэн саван, үс арчилгааны бүтээгдэхүүн, хужиртай аяга, таваг угаагч, бактерийн эсрэг шал угаагч, жамц давстай шүдний оо зэрэг нь байгаль орчинд ээлтэй, хүн, амьтанд сөрөг нөлөөгүй, химийн орц найрлагагүй, органик бүтээгдэхүүн аж. Үйлдвэрлэлийн менежмент, чанарын үзүүлэлтүүд нь органик бүтээгдэхүүнд тавих шаардлагыг хангаж байгаа тул МҮХАҮТ-аас өчигдөр “Органик бүтээгдэхүүн” гэрчилгээ олгожээ. Тус компани нь 50 гаруй нэр, төрлийн бүтээгдэхүүн үйлдвэрлэж дотоодын зах зээлд нийлүүлж буй аж. Мөн зарим нэр, төрлийн бүтээгдэхүүнээ Хятад, Казахстанд нийлүүлж байгаа бөгөөд ойрын хугацаанд Европын зарим оронд худалдах гэнэ. Ташрамд дурдахад, органик бүтээгдэхүүн гэж үйлдвэрлэхэд нь орж буй орц, түүхий эдийг тарьж, ургуулах, боловсруулах явцад ямар нэг химийн гаралтай (пестицид) болон нийлэг бордоо, ионжуулах туяа, генетикийн өөрчлөлттэй организм ашиглаагүйг хэлдэг аж.
2023-12-05
Фунтийн ханш 4400 төгрөгтэй тэнцлээ
Дээрх захад өнгөрсөн наймдугаар сарын 20-нд Британийн мөнгөн тэмдэгтийг 4400 төгрөгөөр авч, 4430-аар ч худалдаж байв. Монголбанкны зарласан ханшаар өчигдөр уг валютын ханш 4345.75 төгрөгтэй тэнцлээ. Энэ оны эхний өдөр эл тоо 4156.6 байжээ. Тэгвэл нэгдүгээр сарын 11-нд 4203.7, 23-нд нь 4318, зургадугаар сарын 19-нд 4402.91 төгрөгтэй дүйж байсныг статистикаас харж болно. Фунтийн ханш нэгдүгээр сард 4200, 4300 төгрөг давсан нь эндээс харагдаж буй. Түүнчлэн долдугаар сарын 17-нд дээрх валютын ханш 4504.13 төгрөгтэй тэнцсэн удаатай. Энэ нь 2023 он гарснаас хойших хамгийн өндөр үзүүлэлтэд тооцогдсон юм.
2023-12-05
“Ногоон автобусыг буцаах бараг боломжгүй гэж ойлгосон”
Улаанбаатар хотын авто замын түгжрэлийг бууруулах үндэсний хорооны дарга, сайд Б.Дэлгэрсайхан нийслэлийн нийтийн тээвэрт тулгамдсан асуудал, тэдгээрийг шийдвэрлэх арга замын талаар өчигдөр мэдээлэл өгөв. Юуны өмнө шинээр авах 600 автобусны тендертэй холбоотой мэдээллийг тэрбээр танилцуулсан юм. “Улаанбаатар хотод автобус худалдан авах тендертэй холбоотой гомдол, санал энэ долоо хоногт гарахгүй бол баталгаажна. Ингэснээр энэ сарын 11-нд тендерт шалгарсан компанитай гэрээ байгуулж, автобус нийлүүлэх ажлыг эхлүүлэх боломжтой” гэж “түгжрэл”-ийн сайд онцлов.
2023-12-05
“Алтыг нь аваад авдрыг нь хаяж болохгүй”
Хүнсний захад талх, нарийн боовны лангуу ажиллуулдаг эмэгтэй цахим орчинд “Орой ажлаасаа буух болж, бараагаа хураахаар урд эгнүүлж тавьсан зөөлөн боовны уут заримдаа цоорчихсон харагддаг. Ажиглаад байх нь ээ, эмээ, өвөө нар урдуур нь гарахдаа гурилан бүтээгдэхүүний уутыг сэм цоолж, ганц нэгийг сугалаад амандаа хийдэг юм билээ. Харсан ч хараагүй мэт өнгөрдөг. “Зүгээр ав аа” гээд хэлчихвэл өндөр настай эмээ, өвөө нар ичиж зовоод нүүр хийх газаргүй болох биз. Ямар аргатайдаа ингэж явах вэ дээ. Зарим залуус аав, ээжийнхээ тэтгэврийг жил, сараар нь зээлүүлж аваад, хуу хамчихдаг гэж банкныхан ярихыг сонссон. Аав, ээжийнхээ тэтгэврийн мөнгийг авдаг нь, нийтлэг тохиолдол. Ер нь залууст хэлэхэд аав, ээжийгээ баярлуулж гийгүүлдэггүй юм гэхэд дуртай амттаныг нь аваад өгчихөж байгаасай. Өтөлж, бууралтсан тэд талхны зах ч даахгүй” хэмээн бичжээ.
2023-12-04
“Алтан үзэг” наадамд давхардсан тоогоор 333 оюутан оролцов
13 дахь удаагийн “Алтан үзэг” улсын наадам уржигдар боллоо. Тус наадамд оролцох оюутнуудын бүтээлийг өнгөрсөн сарын 24 хүртэл хүлээн авсан аж. Энэ удаад ерөнхий боловсролын сургуулийн сурагчид өрсөлдсөн нь наадмын оролцогчдын хүрээ тэлж буйг харууллаа. Оролцогчид таван төрөлд өрсөлддөг билээ. Тэдгээрт давхардсан тоогоор 333 оюутан оролцсон байна. Мультмедиа нийтлэлийн төрөлд 26, радиогийнход 21, телевизийн нэвтрүүлгийн 24, нийтлэлийн 67, нийгмийн рекламын 35 бүтээл хүлээн авч, шилдгүүдээ шалгарууллаа.
2023-12-04
Байршлаас шалтгаалж махны үнэ кг нь 10.500 төгрөгийн зөрүүтэй байв
Өнгөрсөн сарын дөрөв дэх долоо хоногийн байдлаар Улаанбаатарт үхрийн цул мах кг нь дунджаар 17 989, үхрийн ястай мах 15 554 төгрөгийн үнэтэй байсныг нийслэлийн Статистикийн газраас баасан гарагт мэдээллээ. Энэ нь өмнөх долоо хоногийнхоосоо үхрийн ястай махны үнэ 0.3, үхрийн цул махных 0.4 хувиар хямдарсан дүн аж. Дээрх хугацаанд үхрийн ястай мах “Хар хорин” захад хамгийн хямд буюу 11 500, харин “Саруул” худалдааны төвд хамгийн өндөр буюу 22 000 төгрөгийн үнэтэй байжээ. Өөрөөр хэлбэл, хаана борлуулж буйгаас хамаарч 10 500 төгрөгийн зөрүүтэй байсан гэсэн үг. Тэгвэл хонины ястай мах “Хар хорин”-д хамгийн хямд буюу кг нь 8800, “Саруул” төвд хамгийн өндөр үнэтэй буюу 18 000 төгрөгийн ханштай байсан гэнэ.
2023-12-04
Шар хадны эцэст автобусны дулаан буудалтай боллоо
Шар хадны эцэст автобусны дулаан буудалтай болжээ. Ингэснээр иргэд автобус хүлээхдээ өвлийн хүйтэнд даарахгүй байх боломж бүрдэв. Дулаан буудал нь гар утас, “U-money” карт цэнэглэх хэсэгтэй. Баянзүрх дүүрэгт хэрэгжүүлж буй “Дэмжье” аяны хүрээнд уг дулаан байрыг тохижуулжээ. Жишиг тохижилтыг цаашид 14, 20, 23 дугаар хороонд хийх гэнэ. Автобусны буудлыг тохижуулах ажлыг өнгөрсөн дөрөвдүгээр сараас эхлүүлжээ. Улсын комисс энэ сарын 2-нд уг дулаан зогсоолыг хүлээн авсан байна. Баянзүрх дүүргийн хэмжээнд анх удаа автобусны дулаан буудалтай болсон нь энэ гэнэ.
2023-12-04
Амьтдын асрамжийн газруудад “асаргаа” хэрэгтэй байна
Гэрийн тэжээвэр амьтны асрамжийн газар манай улсад тун цөөн. Энэ талаар сонсоогүй хүн ч байж мэдэх юм. Нөгөө талаар амьтдад яагаад асрамжийн газар хэрэгтэй болов гэдэг асуулт урган гардаг. Гудамжинд хөсөр хаягдсан, автомашины осолд өртөн нүдээ ч аньж чадахгүй тарчлах амьтад замын хажууд олон таардаг. Тэдгээр амьтныг хүлээн авч, асардаг газрууд хэрхэн үйл ажиллагаа явуулдгийг сурвалжиллаа.
2023-12-01
Усны газар “Монгол Ураниум Ресурс”-т гаргаж өгсөн дүгнэлтээ эргэж харах уу
Сүхбаатар аймгийн Эрдэнэцагаан суманд уран хайж явсан “Монгол Ураниум Ресурс” ХХК нүүрс олсон. Энэ нь Эрээн толгойн хүрэн нүүрсний орд юм. Шүүхийн шийдвэрийн дагуу тэрхүү ордыг ашиглаж эхэлсэн. Гэвч “...“Монгол Ураниум Ресурс” ХХК-ийн олборлолтын улмаас тус сумын Хулстай, Эрээн, Тохой, Хонгор, Цагаан эргийн голын усны ундарга багасч, эх нь ширгэх аюул нүүрлэсэн. Түүнчлэн тус компани олборлолт явуулж байхдаа усны судлыг гэмтээсний улмаас одоог хүртэл гүний ус сул асгарч, арга хэмжээ авахгүй байгаа” гэсэн гомдол нутгийн иргэдээс гарсаар байгаа юм.
2023-12-01
Б.ГАНСҮХ: Монгол Улсад 367 хүн ХДХВ-ийн халдвар авсныг илрүүлсэн
-ЭМЯ болон холбогдох бусад байгууллага хамтран “Олон нийтийн манлайллыг дэмжье” уриатай арга хэмжээг Дорнод аймагт төвлөрүүлэн зохион байгуулж байна. Мөн иргэдийн эрүүл мэндийн боловсролыг дэмжих, ХДХВ, бэлгийн замаар дамжих халдваруудаас сэргийлэх, тархалтыг зогсоох, илрүүлэг шинжилгээг нэмэгдүүлэх зорилгоор ЭМЯ, ХӨСҮТ-ийн санаачилгаар “Харамсахгүйн төлөө хамтдаа” аяныг ирэх оны хоёрдугаар сар хүртэл зохион байгуулна.
2023-12-01
Эрүүл мэндийг дэмжих санг тав дахин “томруулна” гэв үү
Уг нь монгол иргэдээ гадаад руу явуулах бус, дотооддоо зардал чирэгдэл багатайгаар эмчлэх, цаашлаад өвчлөлийг бууруулах замаар эрүүл мэндийн салбарынхаа ачааллыг хөнгөлөх бодлого боловсруулж, хэрэгжүүлэх шаардлагатай. Гэтэл манай улс үүний эсрэг бодлогыг хуулийн түвшинд батлан хэрэгжүүлэхээр парламентаараа хэлэлцэж суугаа нь харамсалтай. Нөгөө талаар хулгай хэдийн нүүрлэсэн сангаа цэгцлээгүй байж эрх мэдлийг нь нэмж, татвар төлөгчдийн мөнгийг салхинд хийсгэх ёсгүй.
2023-12-01
К.РОНАЛДУГИЙН бишрэм үйлдэл
Тоглолтын хоёр дахь минутад К.Роналду эсрэг багийн торгуулийн талбайд өрсөлдөгчтэйгөө мөргөлдөж унасан байна. Шүүгч тэр даруй торгуулийн цохилт заасан ч португал тоглогч торгуулийн цохилтыг болиулахаар талбайн шүүгчийг ятгаж эхэлсэн байна. Шүүгч түүний хүсэлтийг харгалзан үзээд бичлэг ухрааж үзсэний эцэст үнэхээр алдаа байгаагүй учир шийдвэрээ өөрчилжээ. Сонирхолтой нь, баг нь илт давуу ялаагүй, тоглолтын хувь заяа хаашаа эргэх нь тодорхойгүй мөчид К.Роналду ийм үйлдэл гаргасан юм. “Персеполис” баг Ираны лигт зургаадугаарт байрт бичигдэж буй ч дутуу тоглолтууддаа хожвол хоёрдугаарт орох боломжтой. Тус баг өнгөрсөн улиралд улсынхаа аваргаар шалгарсан юм.
2023-11-30
“Сүхбаатар” киноны Янжмаа 100 нас хүрлээ
Ингээд би эхийг нь эргэж, сэтгэл санааны дэмжлэг үзүүлж орж гарч явахад минь Ө.Рэнцэнноров маань миний сэтгэлийг хүлээн авч сэтгэл нийлэн 1943 онд гэр бүл болж, өрх гэрээ төвхнүүлж билээ. Энэ бид хоёр Сүх-Очир, Дашдулам (Ардын жүжигчин) хоёроосоо охин, хүүг нь үрчлэн авч, өсгөн бойжуулж, сэтгэлээ дэвтээх үр хүүхэдтэй болцгоосон” гэж бичсэн байдаг.
2023-11-30
Гал зогсоох эцсийн хугацаа 10 хоног байх нь
Гал зогсоохоор тохиролцсон эхний хугацааг сунгаж болох бөгөөд барьцааны 10 хүнийг суллахад энэ хугацааг нэг өдрөөр уртасгана гэж Израилын Ерөнхий сайдын Тамгын газар мэдээлж байлаа. Түүнчлэн хулгайлагдсан бүх хүнээ буцааж автал, ХАМАС-ыг устгах хүртэл, Газын зурвасын зүгээс Израилд ямар нэг аюул занал учруулахаа байтал Засгийн газар, арми, аюулгүй байдлын хүч нь дайнаа үргэлжлүүлнэ гэж мөн мэдэгдсэн байна.
2023-11-30
“Эрдэнэс Тавантолгой”-д дахин онцгой дэглэм тогтоолоо
“Эрдэнэс Тавантолгой” ХК-ийн үйл ажиллагааг жигдрүүлэх шаардлагын үүднээс Засгийн газрын хяналтад дахин авч, зургаан сарын хугацаагаар онцгой дэглэм тогтоолоо. Онцгой дэглэмийн хугацаанд Засгийн газрын онцгой бүрэн эрхт төлөөлөгчөөр Сангийн яамны Төрийн нарийн бичгийн дарга Ж.Ганбатыг ажиллуулахаар өчигдөр Засгийн газрын ээлжит хуралдаанаас томилов. Онцгой дэглэм тогтоосон нэг жилийн хугацаанд 3.3 тэрбум ам.долларын үнэлгээтэй 32.8 сая тонн нүүрс борлуулан, төсөвт гурван их наяд төгрөгийн татвар, хураамж төвлөрүүлснийг Засгийн газрын Хэрэг эрхлэх газрын дарга, сайд Д.Амарбаясгалан мэдээлэлдээ онцоллоо.
2023-11-30
Ойн салбарт хиймэл оюун ухаанд суурилсан программ нэвтрүүлэх нь
Олон улсын байгаль хамгаалах нийгэмлэг, БОАЖЯ, Ойн газар зэрэг байгууллага “Тэрбум мод” үндэсний хөдөлгөөний хүрээнд хиймэл оюун ухаанд суурилсан “EarthRanger” программыг хортон шавж устгах ажлын үр дүнг нэмэгдүүлэх, ойн тогтвортой менежментийг хэрэгжүүлэхэд ашиглахаар хамтран хөгжүүлж байна. Энэ нь тухайн газар нутгийг хамгаалахад шаардлагатай мэдээллийг цаг алдалгүй дамжуулах, хуваалцах, дүн шинжилгээ хийх чадвартай, хиймэл оюун ухаанд суурилсан систем аж. Дээрх байгууллагууд үүнийг боловсронгуй болгож, ойн хөнөөлт шавжийн тархалт, өвчний судалгаа, тэмцлийн ажлыг цаг тухай бүрд дамжуулдаг, үр дүнг нь нэгтгэж, хяналт шинжилгээ хийдэг болгохоор зорьж байгаа гэнэ.
2023-11-30
Монгол Улсын мөнгө угаах, терроризмыг санхүүжүүлэх эрсдэл буурсан гэв
Уг индексийг 2012 оноос хойш жил бүр гаргаж буй бөгөөд Санхүүгийн хориг арга хэмжээ авах байгууллага (ФАТФ), “Транспэрэнси интернэшнл”, Дэлхийн банк, Дэлхийн эдийн засгийн форум зэрэг байгууллагын олон нийтэд нээлттэй 18 төрлийн өгөгдөлд үндэслэн тооцдог гэнэ. Ингэхдээ эрсдэлийг тодорхой аргачлалаар тооцдог бөгөөд дэлхийн дундаж 5.31 гэж үнэлэгджээ. Манай улсын хувьд индексийн үзүүлэлт 2021 онд 6.09, өнгөрсөн жил 5.86, энэ онд тав болсон байна. 2019 онд ФАТФ-ын саарал жагсаалтад орсон үед Базел индексийн 20 дугаарт жагссан бол энэ жил эрсдэлийн үзүүлэлт буурч, 152 улсаас 83 дугаарт бичигджээ.
2023-11-30
Хүүхдийн мэс заслын эмчилгээнд хоёр шинэ технологи нэвтрүүлжээ
Эх, хүүхдийн эрүүл мэндийн үндэсний төв (ЭХЭМҮТ)-ийнхөн энэ онд хүүхдийн мэс заслын тусламж, үйлчилгээнд шинээр хоёр төрлийн эмчилгээ, технологийг амжилттай нэвтрүүлжээ. Үүний нэг нь цөсний ерөнхий сувгийн төрөлхийн эмгэгтэй хүүхдэд дурангийн аргаар мэс засал анх хийсэн нь аж. Мөн улаан хоолой нь төрөлхийн битүү эмгэгтэй нярайд дурангийн аргаар мэс засал анх удаа хийсэн байна. Эмчилгээ хийлгэсэн хүүхдүүдийн биеийн байдал сайжирч, мэс засал амжилттай болсон гэх үр дүн гарчээ. Ингэснээр цаашид эдгээр эмчилгээг тогтмол хийх боломж бүрдүүлжээ. Шинэ технологийг ЭХЭМҮТ-ийн Хүүхдийн эмнэлгийн Ерөнхий болон Цээжний мэс заслын, Нярайн эмгэг судлалын, Нярайн эрчимт эмчилгээний зэрэг долоон тасгийн эмч, мэргэжилтнүүд хамтран нэвтрүүлсэн аж.
2023-11-30
