Эмэгтэйчүүд С, эрэгтэйчүүд F хэсэгт тоглоно
Азийн хөл бөмбөгийн холбооноос зохион байгуулдаг 17 хүртэлх насны эмэгтэйчүүдийн тивийн аварга шалгаруулах тэмцээний урьдчилсан шатны тоглолт Мьянмар улсад аравдугаар сарын 9-16 хүртэл үргэлжилнэ. Өмнөд хөршид ирэх жил зохион байгуулах тус тэмцээний С хэсгийн тоглолтын сонгон шалгаруулалтын сугалаа явагдаж, Монгол Улсын баг хэсэгтээ Мьянмар, Индонез, Макаогийн багтай өрсөлдөхөөр болжээ.
2025-08-11
Х.Дөлгөөнсайхан аварга төлөө тулалдана
Сонирхогчийн боксын 19, 22 насныхны Азийн АШТ Тайландын Бангкок хотод найм дахь өдрөө үргэлжилж байна. Энэ сарын 12-нд өндөрлөх тус тэмцээнд Монголын тамирчид Үндэсний шигшээ багийн дасгалжуулагч Т.Ганзориг, А.Бат-Очир, Б.Оюунболд, Д.Баасандорж нарын удирдлагад оролцож буй билээ. Эрэгтэйчүүдээс 22 насныхны ангилалд 55 кг-ын жинд Х.Дөлгөөнсайхан шигшээ наймд Энэтхэгийн тамирчныг буулган авч, 65 кг-д Д.Пүрэвдоржтой тулалдах Саудын Арабын тамирчин жингээр хасагдсан тул ялалтыг нь авав. Хагас шигшээд Х.Дөлгөөнсайхантай Филиппиний боксчин тоглохоор учраа таарсан ч эмчийн магадлагаагаар хасагдсанаар аваргын төлөө тоглохоор шалгарлаа
2025-08-08
Монголын таван шатарчин чансаагаараа эхний 100 байрт багтав
Дэлхийн шатрын холбооноос шинэчилсэн чансааг танилцууллаа. Эл спортоор хичээллэдэг 20 хүртэлх насныхны шилдэг 100 тамирчны чансаанд манай улсын эмэгтэй таван тоглогч багтав. Энэ удаа Олон улсын их мастер Б.Мөнгөнзул 18, Дэлхийн шатрын холбооны мастер Х.Баясгалан 52, Олон улсын их мастер Б.Амин- Эрдэнэ 61, Дэлхийн шатрын холбооны мастер Б.Буянхишиг 71, Дэлхийн шатрын холбооны дэд мастер Э.Эмүжин 91 дүгээр байрт жагссан байна.
2025-08-08
Б.Ачбадрах, Н.Нандинцэцэг нар “Азийн цом”-оос хүрэл медаль хүртлээ
БНСУ-ын Пёнчан хотод энэ сарын 4-6-нд зохион байгуулсан дугуйт цанын насанд хүрэгчдийн “Азийн цом”-ын аварга шалгаруулах олон улсын цуврал тэмцээнд Монголын гүйлтийн цанын шигшээ багийнхан дасгалжуулагч Д.Баттулгын удирдлагад оролцлоо. Эрэгтэйчүүдээс ОУХМ Б.Ачбадрах 15 км-ийн тэшилт техникийн зайн уралдаанд долоон орны 52, эмэгтэйчүүдээс Н.Нандинцэцэг 10 кмийн тэшилттэй зайд 24 тамирчинтай хурд сорьж хүрэл медаль хүртэв.
2025-08-07
Бразил дасгалжуулагч Монголын 23 хүртэлх насныхны багийг удирдана
Монголын хөл бөмбөгийн 23 хүртэлх үндэсний шигшээ багийн ахлах дасгалжуулагчаар Артур Феррейра томилогдон ажиллаж байна. Тэрбээр CONMEBOL-оос бүрэн хүлээн зөвшөөрөгдсөн, Бразилийн хөл бөмбөгийн холбооны про зэрэгтэй, өндөр ур чадвартай, туршлагатай, мэргэжлийн дасгалжуулагч аж.
2025-08-05
Архангай, Сэлэнгэ аймгаас дэлхийн аварга тодорлоо
Мас-рестлингийн (модон барилдаан) өсвөр үе, насанд хүрэгчдийн долоо дахь удаагийн ДАШТ-ийг Архангай аймгийн Цэцэрлэг сумын “Ара комплейкс” цогцолборт өнгөрсөн сарын 31- нээс энэ сарын 2 хүртэл зохион байгууллаа. Тус тэмцээнд 33 улсын 300 гаруй тамирчин өрсөлдөж, олон улсын зэрэглэлтэй гадаад, дотоодын 45 шүүгч ажиллав. Эзэн орны давуу эрхийн дагуу манай улсаас хамгийн олон тамирчин өрсөлдсөн.
2025-08-04
Б.Энхжин Зүүн Aзийн АШТ-ээс иж бүрэн медаль хүртжээ
БНХАУ-ын Фужянь мужийн Фүжөү хотод үргэлжилж буй хүндийн өргөлтийн насанд хүрэгчдийн Зүүн Aзийн АШТ-ээс Монголын баг аваргатай болов. Найман орны баг оролцсон эл тэмцээнд манайхаас 12 тамирчин, дөрвөн дасгалжуулагчийн удирдлагад өрсөлдлөө. Тэмцээний сүүлийн өдөр эмэгтэйчүүдийн 86 кг-ын жинд ОУХМ Б.Энхжин огцом өргөлтөөр 99 кг-ыг өргөж алт, түлхэлтээр 121 кг-ыг өргөн хүрэл, нийлбэр дүнгээр 220 кг-ыг өргөн мөнгөн медаль хүртлээ
2025-08-04
Чөлөөт бөхийн ДАШТ-д оролцох тамирчдын нэр тодорлоо
Хорват улсын Загреб хотод насанд хүрэгчдийн ДАШТ ирэх сарын 13-нд эхэлнэ. Тус хотод ес хоног үргэлжлэх тэмцээнд өрсөлдөх шигшээ багийн тамирчдыг сонгон шалгаруулах сорил барилдааныг зохион байгуулж, жин тус бүрд түрүүлсэн тамирчдад эрх олгов. Эмэгтэйчүүдээс 57 кг- ын жинд Б.Мөнх- Эрдэнэ, 61 кг-д Т.Түвшинтулга, 65 кг-д Б.Гантулга, 70 кг-д Т.Тулга, 74 кг-д Э.Төгсжаргал, 79 кг-д О.Сүлдхүү, 86 кг-д Н.Батбилгүүн, 92 кг-д Т.Дэмчигдорж хүч сорихоор боллоо.
2025-08-01
Э.Ууганбаяр “Оддын гараа” авто спортын уралдаанд түрүүлэв
Монголын автомашин мастеруудын холбооныхон“Ара” фестивалийнбагтайхамтран олны танил эрхмүүдийн дунд УАЗ ангилалд “Celebrity race” уралдаан анх удаа зохион байгууллаа. Мэргэжлийн тамирчдын автомашин, дүрмээр өрсөлдсөн тус уралдаанд жүжигчин, хөтлөгч, “Power” клубийн тамирчин Э.Ууганбаяр түрүүлэв. Түүнтэй тэргүүн байрын төлөө хурд сорьсон оролцогчдоос Монгол Улсын Гавьяат багш, “Төмөр хүлэг” клубийн Х.Хатанбаатар мөнгө, комедиан, циркийн жүжигчин, “Аваргууд” клубийн М.Баяржаргал хүрэл медаль хүртлээ.
2025-08-01
Монголд таеквондогийн Азийн АШТ зохион байгуулах нь
Малайзын Кучинг хотод Азийн таеквондогийн холбооны Удирдах зөвлөлийн гишүүдийн чуулганд Монголын таеквондогийн холбооны ерөнхий нарийн бичгийн дарга Н.Эрдэнэбаатар оролцлоо. Тус хурлаар ирэх жилийн олимпын наадмын оноо олгох насанд хүрэгчдийн тивийн аварга шалгаруулах тэмцээнийг зохион байгуулах эрхийг Монгол Улсад олголоо.
2025-07-30
Г.Тэнгүүндалай, Б.Хулан нар Зүүн Азийн аваргаар шалгарлаа
БНХАУ-ын Жухай хотод энэ сарын 30 хүртэл үргэлжлэх шатрын өсвөр үеийнхний Зүүн Азийн АШТ-д Монголын 51 тамирчин зургаан насны ангилалд өрсөлдөж байна.Тэднээс хөвгүүдийн 15-16 насны ангилалд “Босоо ноён” клубийн тамирчин Г.Тэнгүүндалай медалийн салхи хагалж, эхний долоонөрөгт өрсөлдөгчдөө нэг ч хожигдолгүй түрүүллээ.
2025-07-29
Ч.Гандаваа: Нутаг минь уудам болохоор харваачдынх нь хараа хурц, сэтгэл нь уужуу байдаг
Дорнын цэлгэр, уудам талаас нэгэн бүсгүй улсын баяр наадмын харваанд түрүүлж, Монгол Улсын мэргэн цол хүртсэн нь Ч.Гандаваа байлаа. Баяндун сумаар овоглож, сурын талбайд цэц сорьдог түүнийг нутгийнхан нь алтан шар зурхайг амжилтаар хэзээ мялаах бол гэж олон жил харсан. Түрүү байрын төлөө товхонд цөөнгүй боссон тэрбээр мэргэн тодрох шийдвэрлэх харваанд сум алдалгүй харваж, зурхайдаа талархан баярын нулимс унагасан юм. Ийм л торгон агшныг харах гэж наадамчин олон амьсгаа даран хүлээв. Тэрбээр олны хайр хүндлэл, итгэл найдвар даасан шилдэг харваач гэдгээ батлан харуулж, нутгийнхаа уулсыг хэдэнтээ өндөлзүүлэн 40 сумнаас 38 онож түрүүлсэн билээ.
2025-07-25
“Торгоны зам” раллид П.Мөрөн түрүүлж, цом гарджээ
“Торгоны зам” 15 дахь удаагийн уралдааны хаалтын ажиллагаа ОХУ-ын Алтайн Бүгд найрамдах улсын Горно-Алтайск хотод өндөрлөж, шилдгүүдээ тодруулав. Дээрх уралдаанд 12 орны 837 тамирчин Буриадын Эрхүү хотоос гараагаа эхлүүлж, автомашин, мотоциклын төрөлд хурд сорихдоо Улаанбаатар, Баянхонгор, Говь-Алтай, Ховд аймгийн нутгаар дайран өнгөрч, нийт 5500 км замыг туулсан юм. 11 өдөр үргэлжилсэн тус уралдааны “Motor rally 450” ангилалд Монголын тамирчин, ОУХМ П.Мөрөн KTM 450 rally replica загварын мотоциклоор уралдан түрүүлж, “Цагаан арслан” цомын эзэн боллоо.
2025-07-24
Ц.Гүнбилэг, Б.Энхтамир нар гараандаа III байрт шалгарчээ
ХБНГУ-ын Рейн-Рур хотын бүс нутагт үргэлжилж буй 32 дахь удаагийн оюутан залуусын дэлхийн универсиад наадамд Монголын баг өрсөлдөж байна. Тэднээс таеквондогийн төрөлд Д.Чинзориг эхний тулаандаа Финландын Отто Сусилуотог 2:0-ээр ялж, дараагийн шатанд Бразилын тамирчин Гильерме Дос Сантос Морайстай тулалдах нь.
2025-07-23
Х.ХҮРЭЛТУЯА: Сүүлийн нэг сум улсын цол хүртэх, эсэхийг минь шийдсэн
Баян-Өлгий аймгийн Буянт сумын уугуул, “Алдар” спорт хороо, Мэдээлэл сүлжээний холбоо, “Жем” интернейшнл ХК-ийн харваач, Х.Хүрэлтуяа Тулгар төрийн 2234, Их Монгол Улс байгуулагдсаны 819, Үндэсний эрх чөлөө, тусгаар тогтнолоо сэргээн мандуулсны 114, Ардын хувьсгалын 104, Ардчилсан хувьсгалын 35 жилийн ойн Үндэсний их баяр наадмын халх сур харваанд түрүүлж, наадамчин олныг баясган Монгол Улсын мэргэн цол хүртсэн билээ.Тэрбээр хүүхэд байхдаа урианхай харваагаар хичээллэж, үндэсний спортод хөл тавьжээ.
2025-07-22
СТИВ СИР: Тэд яг одоо тоглох багийг хэрхэн ялах вэ гэдэгт илүү анхаарсан
Сүхбаатарын талбайд өнгөрсөн сарын сүүлчээр зохион байгуулсан 3х3 сагсан бөмбөгийн ДАШТ-д манай улсын эмэгтэйчүүдийн шигшээ баг дэд байрт шалгарч, дэлхийн медальтнуудтай мөр зэрэгцэх болсон. Улаанбаатарт анх удаа хөл тавьсан Ази, Европын шилдгүүдийг буулган авч, Монголд багийн спорт эрчимтэй хөгжиж буйг харуулав.
2025-07-15
Ш.БАТСҮХ: Шагайн ахмадхарваачид “Хасааг зурхайднь, сумыг эзэнднь” гэж сургадаг
Хасаа, сумны хийцээрээ Халхад нэрээ цуурайтуулсан Монгол Улсын гарамгай мэргэн Ш.Батсүхийг шагайн харваачид “Мэргэн Баваа” хэмээн авгайлан ихэд хүндэлдэг. Тэрбээр шагайн харвааны бүхий л эд хэрэгслийг хийхдээ тухайн хүний биеийнх нь онцлогт тааруулж, донжийг нь олж урладгаараа алдартай нэгэн. Баваагаар нутаг нутгийн харваачид баяр наадмын шагайн хашлага, сумаа хийлгэхээр зорьж ирэх нь олон. Түүний хүү Монгол Улсын дархан мэргэн Б.Баатарбат хүүхэд байхаасаа аавынхаа шагай харвахыг харж, энэ спорттой нөхөрлөхийн зэрэгцээ аравч, зурхай, сэнтий, хашлага, сум урлах өвөрмөц ур хийцийг нь ч бас өвлөсөн гэдэг. Монгол түмний түүхт наадгай болох шагайн харвааг сурталчлан таниулж, хөгжүүлэхэд үнэтэй хувь нэмэр оруулсан “Мэргэн Баваа”-г “Наадам айсуй” буланд зочноор урьж ярилцлаа.
2025-07-10
И.Цэлмүүн “Дэлхийн цом”-оос хүрэл медаль хүртэв
Дэлхийн шатрын холбоо 100 жилийн ойн хүрээнд бага насны буюу 8, 10, 12 хүртэлх насныхны “Дэлхийн цом”-ын тэмцээнийг өнгөрсөн жилээс санаачлан зохион байгуулах болсон. Өсвөр үеийн тамирчдын чансаа өндөр, шигшээ тэмцээнийг зохион байгуулах болсон нь шинээр төрөн гарч буй ур чадвартай тоглогчдод туршлага солилцох, амжилтаа ахиулах боломжийг олгож буй. Эл тэмцээнд олон улс, тив, дэлхийн шилдэг тамирчид зохих шалгуур, квотоор оролцох эрхтэй байдгаараа онцлог юм.
2025-07-07
Г.Лундаа Астанагийн дэвжээнд аваргын төлөө тулалдана
Казахстан улсад зохион байгуулж буй сонирхогчдын боксын “Дэлхийн цом”-ын тэмцээнд Монголын шигшээ багийнхан дасгалжуулагч Ж.Энхтөр, О.Батхүү нарын удирдлагад 30 орны 400 гаруй тамирчинтай орол¬цож байна. Жилд дөрвөн удаа болдог тус тэмцээнд эрэгтэйчүүдээс 60 кг-д ОУХМ Г.Лундаа хүрэл медалийн төлөөх тулаанд Киргизийн тамирчин Мирзохид Имамназаровтай таарсан.
2025-07-07
