Олон улсын физикийн олимпиадаас хоёр мөнгө, гурван хүрэл медаль хүртэв
Францын Парист болсон олон улсын физикийн 55 дугаар олимпиадад Монгол Улсаа төлөөлөн оролцсон сурагчид хоёр мөнгө, гурван хүрэл медаль хүртжээ. Өөрөөр хэлбэл, оролцсон бүх сурагч медальт байрт шалгарсан бахдам амжилт үзүүлсэн байна. Тэд Улаанбаатарын цагаар өчигдөр 20.00 цагт шагналаа гардан авчээ.
2025-07-25
Увсын тариаланчууд 12 хүүхдийн амиар наадах шахав
Аймаг, сумуудын ойн баяр хавтгайрч, зохион байгуулалт нь задгайрч, тэр хэрээр аюулгүй байдал нь алдагдсаныг Увсын Тариалан сумын 100 жилийн наадам гэрчлэв. Тус сумын түүхт ойн баяр энэ сарын 21, 22нд болсон бөгөөд нийт 10 насны 350 орчим морийг 80 гаруй уралдаанч хүүхэд хурдлуулсан байна. Энэ үеэр 12 хүүхэд мориноос унаж бэртжээ. Тэдний найм нь соёолон насны морьдын уралдааны үеэр унасныг албаныхан хэлсэн. Учрыг тодруултал 48 соёолон гараанаас гарахад зам чиглүүлж хөтлөх үүрэгтэй комиссынхны машин эхэнд нь яваагүй аж. Үүнээс болоод гарааны зурхайгаас дөнгөж 500 метрийн зайд морьд үргэлжилсэн том гуу жалганд бүдэрцгээж, олон хүүхэд унасан харамсалтай үйл явдал болжээ. Өөрөөр хэлбэл, Увсын тариаланчууд 12 хүүхдийн амиар наадах шахаж.
2025-07-25
Монголын Бурхны шашны тэргүүн, Богд Жавзандамба хутагтын цол хийгээд алтан тамгын учир
Гэвч Дээрхийн уг эхэд “Хорин нэгдүгээр он (Тэнгэрийн тэтгэсний 21 дүгээр он-1756) мөн Хүрээний газарт цанид номын сургууль байгуулж судар тарнийн шашныг зэргээр ихэд бадруулж зах хязгаарын олон амьтныг бурхны соёлд жолоодож гайхамшигтай эрдэм дөрвөн этгээдэд нэвтэртэл дуурсгаж шарын шашны итгэл болов. Мөн Хотгойдын ван Цэнгүнжав дэмий цуу үг зохиож халхчуудыг бачимдуулан цуугуулж явсан тухайд Жавзандамба хутагт даруй “Цэнгүнжавын алдаршуулсан цуу үгийг итгэвээс болохгүй” хэмээн нийтээр ухуулан зарласан бөгөөд, бас дөрвөн аймгийн хан, ван, гүн, тайж нарыг цуглуулж чуулган нийлж олон бүхнийг амар жимрээр тохинуулан суулгасан учирт Гозун Төгсгөлт хуанди хишиг хүртээж урьдын бүх “шашныг мандуулах” цолын дээр, “амьтныг жаргуулагч” хэмээх цол нэмж өргөмжлөөд дотоод сангийн зүйл бүр торгын зэрэг юмыг тусгайлан хиа гаргаж шагнасан” гэсэн тэмдэглэл оржээ.
2025-07-24
Н.УЧРАЛ: Хөгжлийн төслүүдийг эрэмбэлж, зураг төсөвгүй, санхүүжилтгүйг нь хасна
Засгийн газрын 2024-2028 оны үйл ажиллагааны хөтөлбөрт туссан Хөгжлийн төслүүдийн хэрэгжилтийг эрчимжүүлэх, ач холбогдол, үр нөлөөгөөр нь эрэмбэлэх талаар авч хэрэгжүүлэх зарим арга хэмжээний тухай тогтоолыг баталлаа. Тогтоолоор хөгжлийн төслүүдийн эдийн засаг, нийгмийн ач холбогдол, хэрэгжих боломж, санхүүжилтийн эх үүсвэр зэргийг харгалзан эрэмбэлж, заримыг нь хойшлуулж, улсын төсөвт дарамт учруулахгүйгээр хэрэгжүүлэхийг Ерөнхий сайд үүрэг болгов.
2025-07-24
Чонжү-Мөрөнгийн чиглэлийн шууд нислэгийг энэ сарын 28-наас эхлүүлнэ
БНСУ-ын Чонжү хотоос Хөвсгөлийн Мөрөн чиглэлд энэ сараас эхлэн шууд нислэг үйлдэхээр төлөвлөж буйг тус аймгийн ЗДТГ-аас мэдээлж байв. Тэгвэл шууд нислэгийг ирэх долоо хоногийн даваа гарагт буюу долоодугаар сарын 28-наас эхлүүлэхээр бэлтгэлээ базааж, зохих зөвшөөрлөө авсныг “Хүннү эйр” компаниас өчигдөр зарлалаа. Үүний үр дүнд манай улсын иргэд болон солонгос жуулчид заавал Улаанбаатар хотоор дамжихгүйгээр цаг хугацаа, зардал мөнгөө хэмнэн Монгол орны хоймор нутагт очих боломж бүрдэж байна.
2025-07-24
Ц.Амгалан, Т.Пүрэвлоов нар “Дэлхийн цом”-д өрсөлдөх нь
БНСУ-ын Сөүл хотод Дэлхийн дартсын холбооны 24 дэх удаагийн “Дэлхийн цом” тэмцээнийг зохион байгуулна. Тус тэмцээнд эх орноо төлөөлж оролцох шигшээ багийн бүрэлдэхүүнд багтах эрэгтэй, эмэгтэй тамирчин сонгон шалгаруулалтболсон. Эмэгтэйчүүдээс Ц.Амгалан, эрэгтэйчүүдээс Т.Пүрэвлоов шалгарч тив, дэлхийн шилдгүүдтэй өрсөлдөх нь.
2025-07-24
Б.ЖАНЧИГ: Төрийн шагналын тогтолцоог өөрчлөх цаг болсон
Увс аймгаас ирсэн Б.Жанчиг гуай манай сонины редакцад зочиллоо. Монгол Улсын тэргүүний авто замчин түүнтэй автозамын салбарт оруулсан хувь нэмэр болоод амьдралын замналынх нь талаар ярилцлаа. Б.Жанчиг гуай халуунд халж, хүйтэнд хөрж, цас, бороог үл ажран эх орныхоо хөгжилд чимээгүйхэн хувь нэмрээ оруулж, автозамын салбарт бүхий л амьдралаа зориулсан нэгэн аж.
2025-07-24
Охид, хөвгүүд Зүүн Азийн тэмцээнд оролцож байна
Азийн теннисний холбооноос зохион байгуулдаг 12 хүртэлх насныхны тивийн аварга шалгаруулах багийн тэмцээний Зүүн Азийн шалгаруулалт БНХАУ-д энэ сарын 21-25-нд болсон. Шалгаруулалтад зургаан орны баг оролцож, гурав нь аваргын төлөө эрхээ авах юм. Монголын эмэгтэй тамирчид Хонконг, Тайвань, хөвгүүд БНСУ-ын болон эзэн орны багтай тоглоно.
2025-07-24
Хар тамхи, мансууруулах бодистой холбоотой гэмтэтгээдэд хүлээлгэх ялыг чангатгах нь
Засгийн газрын ээлжит хуралдаанаар хэд хэдэн асуудлыг шийдвэрлэсэн юм. Тухайлбал, хар тамхи, мансууруулах болон сэтгэцэд нөлөөлөх бодистой тэмцэх арга хэмжээний талаар дараах шийдвэрийг гаргажээ. Хар тамхи, мансууруулах эм, сэтгэцэд нөлөөт бодисын хууль бус эргэлттэй тэмцэх төрийн байгууллагуудын үйл ажиллагааны уялдаа холбоо, нэгдмэл байдлыг хангах, олон нийт, ялангуяа хүүхэд, залуучуудад хор хөнөөлийн талаар таниулах, УИХ-аас 2002 онд баталсан хуулийн шинэчилсэн найруулгын төслийг шуурхай эцэслэн боловсруулж, ирэх сард багтаан танилцуулахыг ХЗДХ-ийн сайд Л.Мөнхбаатар, Монгол Улсын сайд, Засгийн газрын Хэрэг эрхлэх газрын дарга С.Бямбацогт нарт даалгав. Энэ хүрээнд мансууруулах эм, сэтгэцэд нөлөөт бодисын хууль бус эргэлттэй холбоотой гэмт хэргийн шалтгаан, нөхцөлийг судалж, гэмт этгээдэд хүлээлгэх ял, шийтгэлийн бодлогыг чангатгах гэнэ.
2025-07-24
Монголд нөхөрсөг тоглолт хийх Барселонагийн домогт хөлбөмбөгчид
Бразилын хөлбөмбөгийн домогт тоглогч Роналдино, довтлогч Ривалдо, Испанийн алдарт хөлбөмбөгчин бөгөөд “Барселона”-гийн хамгаалагч, багийн ахлагч асан Карлес Пуйол нар манай улсад ирж, нөхөрсөг тоглолт хийх нь. Ирэх аравдугаар сард хөлбөмбөгийн нэр бүхий тоглогчид гурав хоногийн хугацаатай манайдзочлох бөгөөд тус бүрэлдэхүүн хүрээгээ тэлж магадгүй аж.
2025-07-24
Олон тооны зэрлэг амьтдыг хууль бусаар агнан, эд, эрхтнийг нь наймаалцсан байжээ
Байгаль орчин, уур амьсгалын өөрчлөлтийн яамны Салбарын улсын ерөнхий байцаагчийн баталсан 01/05 дугаартай удирдамжийн дагуу улсын хэмжээнд Амьтны тухай хуулийн хэрэгжилтэд хяналт шалгалт хийж буй. Шалгалтын явцад буюу энэ оны эхний хагас жилд 22 зүйлийн 755 зэрлэг амьтныг хууль бусаар агнасан байсныг илрүүлжээ. Улмаар тэдгээрийн түүхий эд, эрхтнийг тусгай зөвшөөрөл, гарал үүслийн тодорхойлолтгүйгээр худалдсан, худалдан авсан, тээвэрлэсэн зэрэг 168 удаагийн хууль бус үйлдлийг илрүүлж, холбогдох этгээдүүдэд хуулийн дагуу арга хэмжээ авхуулж, байгалийн нөөцөд учруулсан хохирлыг нөхөн төлүүлсэн байна.
2025-07-24
Хонконгийн “ХаоЮань групп” Туулын хурдны замыг барихаар боллоо
Улаанбаатар хотын авто замын сүлжээг өргөтгөж, түгжрэлийг бууруулах чухал төслийн нэг нь Туулын хурдны зам. Энэхүү замыг 2.3 их наяд төгрөгөөр барьж, 2027 онд ашиглалтад оруулахаар төлөвлөсөн бөгөөд гүйцэтгэгчийг сонгон шалгаруулах олон улсын нээлттэй тендерийг өнгөрсөн сарын 27-нд зарласан. Тус тендерт дөрвөн аж ахуйн нэгж оролцсоноос Хонконгийн “ХаоЮань групп” ХХК шалгарсныг нийслэлийн ЗДТГ-аас өчигдөр зарлалаа. Тендерийг нийслэлийн Худалдан авах ажиллагааны газрынхан холбогдох хууль, журмын дагуу зохион байгуулсан гэв. Ингэснээр бүтээн байгуулалтын ажлыг ирэх долоо хоногт эхлүүлэхээр боллоо.
2025-07-24
Чикунгунья вирусийн халдвар нэмэгдэж буйг ДЭМБ анхааруулав
Чикунгунья хэмээх вирус дахин тархаж эхэлсэн тул ДЭМБ-аас сэрэмжлүүлэг гаргалаа. Тус вирусийн дэгдэлт энэ оны эхээр Энэтхэгийн далайн бүсээс Зүүн өмнөд Ази руу тархаж, улмаар Франц, Итали зэрэг Европын оронд бүртгэгдсэн нь олон улсыг түгшээж буй аж. Одоогоор үүний эсрэг тодорхой эмчилгээ байхгүй бөгөөд денге, зика зэрэг халдвар дамжуулагчаар тархдаг тул шумуулд хазуулахаас урьдчилан сэргийлэхийг ДЭМБ-аас онцгойлон анхааруулжээ.
2025-07-24
Австри дахь монгол залуус технологийн клуб байгуулжээ
Австри улсад ажиллаж, амьдардаг монгол залуус “Технологийн эрэлд хамтдаа” клуб байгуулан, шинэ тутам бүртгэгдэж буй техник, технологийн ололт амжилт, туршилтуудын талаар чөлөөт цагаараа мэдээлэл солилцдог болжээ. Мөн дэвшилт шийдэл бүхий үйлдвэр, технологийн газруудтай клубээрээ танилцаж, эх орондоо нутагшуулах боломжтой санаачилгуудыг ч судалдаг гэнэ.
2025-07-23
Японы эрдэмтэд дауны илүүдэл хромсомыг устгажээ
Японы Миэ их сургуулийн судлаачид дауны синдромын нэмэлт хромсомыг устгах судалгаа хийж, чамгүй амжилтад хүрчээ. Тодруулбал, “PNAS Nexus” хэмээх шинжлэх ухааны сэтгүүлд уг өвчний шалтгаан болох генетикийн эмгэгийг эмчлэхдээ ДНХ-ийг өөрчлөх технологи ашиглан эсийн илүүдэл хромсомыг устгасан тухай өгүүлэл нийтэлсэн байна. Туршилтын дараах шинжилгээнүүдээр мэдрэлийн системтэй холбоотой генүүд илүү идэвхэжсэн бол бодисын солилцооных удааширсан аж. Мөн хромсомыг устгасны дараа эсүүд илүү хурдан өсөж, хуваагджээ.
2025-07-23
“Дүүрэн билигтэй түвшин жаргалтай амьдрахыг бэлгэдсэн сав бол авдар”
Үндэсний музейнхэн “Монгол авдар” хэмээх тусгай үзэсгэлэнг энэ сарын 29нийг хүртэл олны хүртээл болгох нь. Эл үзэсгэлэнд өнө эртнээс хэрэглэж ирсэн суран үдээстэй авдраас эхлээд төрөл бүрийн цоож, цуурга тэргүүтэй 100 гаруй үзмэрийг дэлгэн үзүүлж буй юм. Мөн энэхүү үзэсгэлэнд монголчуудын XVII-XX зууны үед хэрэглэж байсан бурхан тахилын болон уламжлалт үхэг, эрээлсэн, алтан цоолбор болон сийлбэр хээтэй авдруудыг дэлгэн үзүүлж буйгаараа онцлогтой.
2025-07-23
Төрийн хүнд ачааг үүрч яваа бүсгүйчүүдийн нэг
Энэ оны тавдугаар сарын 25-нд Өмнөд Америкийн хамгийн жижиг улс Суринамд болсон парламентын сонгуульд Үндэсний ардчилсан нам нь ялж, Улс төр дэх ах, дүү, эв нэгдэл, Үндэсний нам, Бүх нийтийн эрх чөлөө, хөгжлийн намтай хамтран эвсэл байгуулав. Уг эвсэл Үндэсний ассамблейн 51 суудлын 34-ийг нь бүрдүүлэх болсон нь Женнифер Гирлингс-Саймонсыг Суринам улсынхаа анхны эмэгтэй Ерөнхийлөгчөөр сонгоход хүрэлцэхүйц олонх байв.
2025-07-23
