“Алт-3” тусгай хамгаалалттай газар нутгийн хэмжээг тэлэх бус, хязгаарлах нь
Монголын байгаль орчны иргэний зөвлөлөөс “Алт3” хөтөлбөртэй холбогдуулан өчигдөр мэдээлэл өглөө. Манай улс Гол, мөрний урсац бүрэлдэх эх, усны сан бүхий газрын хамгаалалтын бүс, ойн сан бүхий газарт ашигт малтмал хайх, ашиглахыг хориглох тухай хуулийн үр дүнд Монгол Улс газар нутгийнхаа 21 хувийг тусгай хамгаалалтад авсан байдаг. Харин 2030 он гэхэд 30 хувьд хүргэх зорилтыг “Алсын хараа-2050” бодлогын баримт бичигт тусгасан.
2025-07-08
Ч.ХАНТҮМЭН: Татвар төлж, шударгаар бизнес эрхэлбэл дампуурах зам л хүлээж байна
Комедиан Хану буюу Ч.Хантүмэн бол стэнд-апын тайзнаас гадна бизнесийн салбарт дуу хоолойгоо хүргэж, ил тод шүүмжилдэг нэгэн. Түүнтэй хийсэн эл ярилцлага нь зөвхөн нэг компанийн бус, Монголын хувийн хэвшлийнхэнд тулгамдаж буй татварын дарамт, нийгмийн даатгалын үр ашиггүй байдал, түүнийг тойрсон шударга бус тогтолцоо зэрэг өргөн хүрээний сэдвийг хамрах болно. Энэ нь түүний тогтмол хэвлэл дэх анхны ярилцлага юм. Ингээд түүнтэй хөөрөлдсөнөө хүргэе.
2025-07-08
Баянзүрхчүүд ногоон байгууламжаа аврах хөдөлгөөн өрнүүлж байна
Баянзүрх дүүргийн I, III хорооны иргэд Оросын шинжлэх ухаан, соёлын төв (РЦНК)-ийн баруун урд талд, Сэлбэ гол дагуу орших ногоон байгууламж бүхий талбайг авлигачид, барилгачдаас хамгаалах хөдөлгөөн өрнүүлж эхэлжээ. Тус хэсгийг нийтийн эзэмшлийн цэцэрлэгт хүрээлэн болгох талаар 10 гаруй жилийн өмнөөс ярьсан ч хэрэгжүүлж чадалгүй өнөөдрийг хүрсэн бөгөөд ойр хавьд нь олон тооны барилга, байгууламж барьж, хэдэн талаас нь хавчиж хашсаар алга дарам газар үлдсэн гэнэ. Мөн барилгын компаниуд хог хаягдлаа үдэш оройн цагаар, хулгайгаар асгадаг болоод уджээ.
2025-07-08
Сайжруулсан түлшний үйлдвэрүүдийг хагас коксын “агуулах” болгож царцаах замыг засжээ
“Хятадаас 226 тэрбум төгрөгөөр ганцхан өвөл хэрэглэх түлш худалдан авч байхаар хагас коксын үйлдвэр барьсан нь дээргүй юү” гэх байр суурийг цөөнгүй хүн илэрхийлж байна. Инженер, технологийн салбарт ойр гэгдэх УИХ-ын нэр бүхий гишүүд ч ингэж ярьж буй. Мөн “Тавантолгой түлш”-ийн үйлдвэрийн нөөц, хүчин чадалд тулгуурлаад шинэ төрлийн бүтээгдэхүүнийг дотооддоо үйлдвэрлэх боломжтойг ч сануулах, зөвлөх хүн олон. Биднийг ийн буруу, зөвийг хэлэлцэж, элдэв санал, шүүмжлэл дэвшүүлэх зуурт хагас коксын үйлдвэр байгуулах ажлыг холбогдох байгууллагууд хэдийн эхлүүлжээ.
2025-07-08
Мэйрэн Дорж
Богд хаант Монгол Улсын хошууны мэйрэн, Богд хаанд зөвлөх эрх бүхий Улсын Доод хурлын гишүүн, Богд хаант Монгол Улсын Гадаад хэргийг бүгд эрхлэн шийтгэгч яамны түшмэл, Монгол Ардын Засгийн газрын улс орныхоо алтан сан хөмрөгийг бүрдүүлэх комиссын дарга, Эдийн засгийн үндсэн бодлого боловсруулах комиссын гишүүн, МАН-ын Төв хорооны гишүүн, Сангийн явдлын яамны тэргүүн сайд, зөвлөх, Монгол банкны үүсгэн байгуулагч, Банкны хорооны гишүүн бөгөөд нарийн бичгийн дарга, Хоршоодын ерөнхий хорооны дарга, гишүүн, Шинжлэх ухааны хүрээлэнгийн жинхэнэ гишүүн зэрэг монгол төрийн ийм өндөр албан тушаалууд хашиж байсан эрхэм хүмүн бол олноо Мэйрэн бөгөөд сайд хэмээн алдаршсан Бунибазарын Дорж абугай билээ.
2025-07-07
Занабазарын ховор үзмэрүүдийг дэлгэв
Өндөр гэгээн Занабазарын мэлмий гийсний 390 жилийн ойд зориулсан “БатОршил ба ховор цуглуулгууд” үзэсгэлэнг өнгөрсөн баасан гарагт дэлгэлээ. Эл үзэсгэлэнг Богд хааны ордон музейнхэн, уран бүтээлч, өв соёл судлаач С.Чулуунбаатартай хамтран зохион байгуулж буйгаараа онцлог хэмээв. Үүнд монгол төрийн Бат-Оршил өргөх ёслол, даншиг наадмын түүхийг өгүүлэх үзмэрүүд, Богд хааны сэнтий, дэнгав, таван хандны хувцас, мөнгөн Аюуш бурхан, суварга, мөнгөн бумба тэргүүтэй бүтээлүүдийг нэг дор дэлгэжээ.
2025-07-07
Монгол, Японы найрамдлын концерт боллоо
“Монголд эгшиглэх Өрнө, Дорнын хослол” концерт өнгөрөгч бямба гарагт боллоо. Тодруулбал, Японы Эзэн хаан Нарүхито, хатан Масако нар Монгол Улсад төрийн айлчлал хийж буйг тохиолдуулан Монгол, Японы харилцааг дэмжих “Түншийн холбоо” нийгэмлэгээс хоёр орны найрамдалт харилцаа, соёлын хамтын ажиллагааг дэмжих зорилгоор Японы төгөлдөр хуурч Канно Жүн, шанз хөгжимчин Токивазү Можибэй нарын хамтарсан эл тоглолтыг үзэгчдэд хүргэсэн аж. Хамтран зохион байгуулагчаар УИХ дахь Монгол, Японы парламентын бүлэг, Японд төгсөгчдийн ЖУГАМО нийгэмлэг, дэмжигч байгууллагаар МУИС ажиллажээ.
2025-07-07
Хуудуутай баримтаар төсвөөс мөнгө авсан захиралд торгох ял шийтгэлээ
Говь-Алтай аймгийн төв Есөнбулаг сумд авто зам барьсан “Пи си эф” ХХК-ийн удирдлага Зам, тээврийн яамны харьяа “Зам, тээврийн хөгжлийн төв” төрийн өмчит үйлдвэрийн газар (ТӨҮГ)-т хуудуутай тайлан хүргүүлж, төсвөөс их хэмжээний мөнгө авсан хэрэгт холбогджээ. Тус компани 2021 онд эл сумд зам барьж, арванхоёрдугаар сард нь гүйцэтгэлийн тайлангаа “Зам, тээврийн хөгжлийн төв”-д хүргүүлсэн аж. Энэ үедээ хийж гүйцэтгээгүй ажлаа хийсэн мэтээр баримт бүрдүүлж өгсөн бөгөөд түүнийг нь уг ТӨҮГ-ын Барилга угсралтын хэлтсийн хяналтын инженер Л.Лувсансугар хянан баталгаажуулснаар “Пи си эф” ХХК-д төсвөөс 90.8 сая төгрөг шилжүүлсэн байна.
2025-07-07
Бонд хэмээх бодлогогүй “тоглоом”
Нийслэл хот 2024 онд дотоодын зах зээлээс 1.5 жилийн хугацаатай, дунджаар 13 хувийн хүүтэй нийт 798.3 тэрбум төгрөгийн бонд босгоод, түүгээрээ зам засвар, арчилгаа, батарей хуримтлалын станц барих төсөлд зарцуулахаар төлөвлөсөн нь Өрийн удирдлагын тухай хуультай нийцээгүй гэж Үндэсний аудитын газар дүгнэжээ. Дээрээс нь өнгөрсөн жилийн сүүлчээр гадаадын зах зээлээс босгосон 500 сая ам.долларын үнэт цаасаа арилжааны банкуудад байршуулж, бондын эх үүсвэрээ ашиглаж ч амжаагүй байтал 5.7 тэрбум төгрөгийн хүүгийн алдагдалд орсон тухай мэдээллийг аудитынхан илчлэв. Хотын захирагч Х.Нямбаатар энэ мэтийг “Худал мэдээлэл” гэж нийгмийн сүлжээгээрээ уйгагүй няцааж буй ч өнөөх “худал” мэдээллийг нь сэтгүүлчид бид биш, УИХ-ын гишүүд, Үндэсний аудитынхан дэлгээд байна.
2025-07-07
Техасын үерийн улмаас 43 хүн амиа алджээ
АНУ-ын Техас мужийн төв хэсэгт энэ сарын 4-ний шөнө хүчтэй аадар бороо орсны улмаас гэнэтийн үер бууж, 43 хүн амиа алдсан тухай “Ройтерс” агентлаг өчигдөр мэдээллээ. Золгүйгээр нас барсан иргэдийн 15 нь хүүхэд байсан бөгөөд өчигдрийн байдлаар 30 орчим хүн сураггүй болсон байв.
2025-07-07
Япон Улсын Эзэн хаан Нарүхито, гэргийн хамт Монгол Улсад морилон ирлээ
Ерөнхийлөгч У.Хүрэлсүхийн урилгаар Япон Улсын Цог жавхлант Эзэн хаан Нарүхито, Эрхэм дээд хатан Масако нар Монгол Улсад өчигдөр 15.00 цагийн үед морилон ирлээ. Гадаад харилцааны сайд Б.Батцэцэг тэргүүтэй албаны хүмүүс угтан авав. Эзэн хааны хувиар Монголд хийж буй төрийн анхны айлчлал бөгөөд 2007 онд угсаа залгамжлагч хунтайж байхдаа манай улсад ирж байсан юм.
2025-07-07
Хэлсэн нь ч, хийсэн нь ч бүдэг Г.Ганбаатар
Монгол Улсын ес дэх парламент бүрдэж, анхны 126 гишүүн тангаргаа өргөөд удаагүй байна. Дөрвөн нам, нэг эвслийн төлөөллөөс бүрдсэн эл парламентад иргэд биднийг хэн хэн төлөөлж байна вэ. Ардчилсан засаглалыг бэхжүүлэх, нийгэм, эдийн засгийн амьдралд хөгжил дэвшил авчрах үүрэг, зорилгоо биелүүлэх нөөц боломж, туршлага тэдэнд бий юү.
2025-07-07
Зам засах нэрээр явган зорчигчдыг хохироож байна
Энэ оны авто зам засвар, шинэчлэлтийн төлөвлөгөөт ажлуудыг албан ёсоор эхлүүлснийг өнгөрсөн дөрөвдүгээр сард нийслэлийн Засаг дарга Х.Нямбаатар мэдэгдэж байв. Мөн энэ жил 41 байршилд 70 гаруй километр зам засаж, шинэчилнэ хэмээсэн. Урьд жил хичээл, сургууль эхлэхтэй зэрэгцүүлэн хөдөлгөөн хааж, хэдэн сар дамнан энхэл донхол замаар явуулснаасаа сургамж авсан уу, ямартай ч хотын хөдөлгөөн сийрэгжсэн энэ үед засварын ажлаа амжуулж буй нь сайшаалтай. Гэвч энэ зунжингаа овоолсон шороотойгоо, зам харгуй нь хариуцсан эзэн ч үгүй өнжих эрсдэл нийслэлчүүд бидэнд байсаар. Шинэчлэх шаардлагагүй хэсгийг хуулж, явган хүний замын хэсгээр битүү шороо тоос босгож буйг цахим орчинд шүүмжлэх хүн олон байна.
2025-07-07
Хуульчийн мэргэжлийн шалгалтын бүртгэлийг ирэх сарын 8-нд эхлүүлэх нь
Хуульчийн мэргэжлийн шалгалтын товыг хуулийн дагуу 75 хоногийн өмнө тогтоож, олон нийтэд мэдээлэх ёстой. Үүний дагуу Монголын хуульчдын холбооны зөвлөлөөс энэ жилийн хуульчийн мэргэжлийн шалтгалтын талаар өчигдөр мэдээлэл өгөв. Шалгалтыг ирэх аравдугаар сарын 22-24-ний өдөр Улаанбаатар хотод зохион байгуулах юм байна. Эл шалгалт нь хуульчийн мэргэжлийн үйл ажиллагаа эрхлэх зөвшөөрөл авахыг хүссэн этгээдийн шүүх эрх мэдлийг хэрэгжүүлэх, шүүн таслах ажиллагаанд оролцох, хууль зүйн туслалцаа үзүүлэх хангалттай мэдлэг, чадвар эзэмшсэн, эсэхийг тогтоох зорилготой бөгөөд эрх зүйч мэргэжлээр бакалаврын боловсрол эзэмшиж, хоёр жилийн хугацаанд мэргэжлийн дадлага хийсэн хүмүүс оролцох эрхтэй юм.
2025-07-06
Нийт нутгийн 51 хувь нь гантай, гандуу байна
Цаг уур, орчны шинжилгээний байгууллагынхан бэлчээрийн ургамлын төлөв байдлыг үнэлэхэд ийм үр дүн гарсныг танилцууллаа. Өдгөө Монгол орны нийт нутгийн 51 хувь нь гангийн эрсдэлтэй байгаа бол үлдсэн хувьд нь зуншлага хэвийн, бэлчээрийн ургамлын гарц жигд сайн буй гэнэ. Тодруулбал, Баян-Өлгий, Увс, Говь-Алтай, Төв аймгийн зарим, Ховд, Өвөрхангай, Өмнөговь, Сэлэнгэ, Дархан-Уул, Хэнтий, Сүхбаатарын цөөн сумд бэлчээрийн ургамал тааруу байна. Харин Говьсүмбэрийн нийт, Архангайн ихэнх, Завхан, Хөвсгөл, Баянхонгор, Өвөрхангай, Төв, Сэлэнгэ, Өмнөговь, Говь-Алтай, Булган, Дорноговийн зарим, Баян-Өлгий, Увс, Ховд, Дундговь, Хэнтий, Сүхбаатар, Дорнодын цөөн сумын нутагт бэлчээрийн ургамлын гарц хэвийн, бусдад нь дунд зэрэг гарсан аж.
2025-07-06
