Эмийн зохистой хэрэглээг сануулах 10 хоног эхэллээ 

Дэлхийн эрүүл мэндийн байгууллагаас жил бүрийн есдүгээр сард зохион байгуулахыг уриалдаг “Эмийн зохистой хэрэг­­лээний 10 хоногийн аян”-ыг өчигдөр эх­лүүллээ. Энэ сарын 27-ныг хүртэл эл аян үргэлжлэх бөгөөд олон улс “Safe care for life” буюу “Насан туршийн аюул­гүй тус­ламж” уриан дор тэмдэглэн өн­гө­рүүлэх юм. Үүний хүрээнд хүүхдэд эм уулгахад анхаарах зүйлсийн талаар эрүүл мэндийн байгууллагынхан зөвлөгөө хүргэв. Тодруул­бал, хүүхдэд эмөгөхдөө нас, жин, өвчний явц болон эмийн онцлогийг харгалзан үзэх ёстой. Насанд хүрсэн хүний уух эмийг хүүхдэд дур мэдэн хувааж, таллаж өгч болохгүй. Эмийн хүчинтэй хугацаа бо­лон үйлдвэрлэгчийн зааврын дагуу хад­галахыг анхааруулав. Мөн чихэр, ун­даа, хоолтой хольж өгөхгүй, жоргүй ан­ти­­биотик дур мэдэн хэрэглүүлэхгүй байх, шингэн эмийг зориулалтын хэмжээст халбага, аяга, эсвэл тариур ашиглаж хэвшихийг санууллаа. Хүүхдэд эм уулгас­ны дараа тууралт гарах, нүүр, уруул хавдах, амьсгал давчдах, бөөлжих зэрэг шинж илэрвэл эмнэлэгт хандахыг зөв­лөсөн юм.