Бамбай булчирхайн мэс заслын шинэ аргыг Монголд нэвтрүүллээ
Улсын нэгдүгээр төв эмнэлгийн М.Баярмагнай эмчээр ахлуулсан дотоод шүүрлийн мэс заслын багийнхан TOETVA (Transoral endoscopic thyroidectomy vestibular approach) буюу амны хүрцээр бамбай булчирхайн зангилаа авах дурангийн мэс заслыг анх удаа амжилттай хийжээ.
2025-05-22
Европын морин хуурын II наадамд 50 хүн бүртгүүлжээ
ХБНГУ-ын Бавари мужийн Ингольштатт хотод ирэх сарын 14, 15-нд болох Европын морин хуурын II наадмын сонирхогчийн олон улсын уралдаанд Америк, Япон, Чех, Нидерланд, Швед, Ирланд зэрэг улсаас 50 орчим хүн оролцохоор бүртгүүлжээ. “Европ дахь морин нуурын наадам” төрийн бус байгууллага, “Морин хуурын өв” сангаас зохион байгуулдаг уламжлалт наадмын энэ жилийн ерөнхий ивээн тэтгэгчээр Монгол Улсын соёлын элч С.Бадамхорол, аялал жуулчлалын элч С.Бадамханд нар ажиллахаар болсон байна.
2025-05-21
Нисэх хүчний 100 жилд зориулсан шинэ марк худалдаанд гарлаа
Монгол Улсад нисэх хүчин үүсэж хөгжсөний 100 жилийн ойд зориулан шуудангийн марк, дугтуй гарган, нээлтийг нь өчигдөр хийлээ. ЗХУ-аас манайд бэлэглэсэн ачаа тээврийн “Ю-13” онгоц Монголд газардсан 1925 оны тавдугаар сарын 25-ныг нисэх хүчин байгуулагдсан өдөр хэмээн үздэг.
2025-05-21
Э.Отгонбаяр Газар дундын тэнгист Монголыг “хүргэв”
“Валлеттад сонирхолтой, өнгөлөг үзэсгэлэн дэлгэлээ. Энэ нь Монголын гүн ухаан, Берлиний урлаг, уран бүтээлийн эрч хүчийг Мальтагийн өнгө аястай нийцүүлсэн нэгтгэл юм” гэж 90 жилийн түүхтэй, өдөр тутмын “Times of Malta” сонинд бичжээ. “A colourful Cabinet of Curiosities opens in Valletta” хэмээх гарчигтай тус нийтлэлд өгүүлсэн үзэсгэлэн нь монгол зураач OtGO нэрээр алдаршсан Э.Отгонбаярынх. Газар дундын тэнгисийн төв хэсэгт орших Мальта улсын нийслэл Валлетта хотод зохион байгуулж буй энэхүү соёлын арга хэмжээг онцлох олон шалтгаан бий. Юуны түрүүнд тус улсад Монголын уран бүтээлчийн, тэр дундаа монгол зургийн аргаар туурвидаг зураачийн бие даасан үзэсгэлэн анх удаа болж буй.
2025-05-21
Т.Халибөртоний сайхан сэтгэл
NBA-ийн “Дорнод” бүсийн финалд “НьюЙорк никс”, “Индиана пэйсерс” баг шалгараад байна. Хоёр багийн өрсөлдөөнийг олон зүйл чимж буйн дотор нэгэн содон хөгжөөн дэмжигч нэмэгдэв. Х.Перес хэмээх тэрхүү фэнийг өнгөрсөн бямба гарагт Нью-йорк хотод “Индиана”-гийн жерситэй явж байхад нь гудамжинд таарсан “Никс”- ийн хөгжөөн дэмжигчид өдөж, хогийн сав шидэн хэл амаар доромжилсон юм.
2025-05-21
“Тоттенхэм”-“Манчестер юнайтед”: Нэр төрөө аврах тулааны өмнө
Европа лигийн аваргын төлөөх тоглолт өнөөдөр Испанийн Бильбао хотын “СанМамес” цэнгэлдэх хүрээлэнд болно. Энэ улирлыг тун тааруухан амжилттай үдэж буй Английн “Тоттенхэм”, “Манчестер юнайтед” багийн аль нэг нь цомын эзэн болж, нэр төрөө аврах юм.
2025-05-21
Дөрвөн лабораторийг нэгтгэж, цаг уурын байгууллагын харьяанд шилжүүлэв
Байгаль орчин, уур амьсгалын өөрчлөлтийн сайд С.Одонтуяагийн тушаалаар тус салбарт үйл ажиллагаа явуулж буй хэд хэдэн лабораторийг нэгтгэхээр болжээ. Тодруулбал, салбарын яамны харьяа Байгаль орчны судалгаа шинжилгээний төв лаборатори, Засгийн газрын хэрэгжүүлэгч агентлаг Усны газрын болон Ус, цаг уур, орчны судалгаа, мэдээллийн хүрээлэнгийн дэргэдэх Усны лаборатори, “Цэнгэг усны нөөц, байгаль хамгаалах төв” УТҮГ-ын Усны шинжилгээний лабораторийг Байгаль орчин, хэмжил зүйн төв лабораторид нэгтгэхээр шийдвэрлэсэн байна.
2025-05-21
Орон нутаг руу хүүхдийн вагон аялуулахаар зэхжээ
“Улаанбаатар төмөр зам” хувь нийлүүлсэн нийгэмлэг үйлчилгээний чанар, хүртээмжээ сайжруулах зорилгоор хүүхэд багачуудад зориулсан тусгай галт тэргийг орон нутгийн зарим чиглэлд аялуулж эхлэхээр бэлтгэл, судалгаа хийж байгаагаа мэдээлэв. Тус байгууллагын Зорчигчийн вагон депогийнхон НҮБ-ын Хүүхдийн сантай хамтран бага насны зор¬ чигчдын тав тух, аюулгүй байдал, эрэлт хэрэгцээг хангаж, ээлтэй орчин бүрдүүлэх зорилгоор нэгэн галт тэргийг тоноглож, тохижуулсан юм байна.
2025-05-21
Том оврын тээврийн хэрэгслүүдийг шалгаж, зөрчлийг арилгуулжээ
Налайхаас шороо, блок, цемент ачсан бүх автомашиныг Баянзүрхийн товчоогоор нэвтрүүлээгүйн улмаас жолооч нар бухимдаж, том оврын тээврийн хэрэгслүүд урт цуваа үүсгэсэн талаарх мэдээлэл өчигдөр цахим орчинд тархсан. Учир байдлыг Тээврийн цагдаагийн албанаас тодруулахад “Иргэд, олон нийттэй харилцах 11-11 төв”-д “Улаанбаатар хотын замаар даац хэтрүүлэн элс, хайрга ачсан автомашин ихээр явж байна. Эдгээр нь зам эвддэг. Даац хэтрүүлэн тээвэрлэж буй зөрчлүүдэд арга хэмжээ авч өгнө үү” гэх санал, хүсэлт олон иржээ.
2025-05-21
Их сургуулиудыг нүүлгэн шилжүүлэхтэй холбоотой “бичиг цаас”-ны ажилд 1.6 тэрбум төгрөг төсөвлөжээ
Үе үеийн Засгийн газрын гишүүд, тэр дундаа боловсролын асуудал эрхэлсэн сайд нар их, дээд сургуулийг хотын төвөөс нүүлгэн шилжүүлж, түгжрэл, төвлөрлийг бууруулах талаар ёс юм шиг ярьж, өнгөрсөн хугацаанд элдэв санаачилга гаргаж ирсэн байдаг. Энэ уламжлалыг гурван намын төлөөлөл бүхий хамтарсан Засгийн газар ч үргэлжлүүлж, төрийн өмчийн их сургуулиудын хоёр салбарыг “нутаг заах”-аар шийдвэрлэснээ танилцуулсан билээ.
2025-05-21
Жуулчдын аюулгүй байдал тоглоом биш байлтай
Манай улсад ирсэн нэгэн солонгос жуулчин мориноос унасандаа уйлах шахам гомдоллож суугаа бичлэг уржигдар олон нийтийн сүлжээнд тренд боллоо. Шороо болсон нүүрээ арчих ч сөхөөгүй, шалбарсан өвдгөө харж тэвдэх эмэгтэйг монголчууд бахтай нь аргагүй шоолж, “Морь ингэж унадаггүй юм” гэх зэргээр доог тохуу хийлээ. Уг бичлэгийг хэсэгчлэн оруулахдаа ч “Ийм үстэй байхаар морь, мал байтугай буг чөтгөр ч үргэнэ” гэсэн тайлбар зүүсэн нь эхнээсээ түүнийг шүүмжлэх, тохуурхах зорилготой байв.
2025-05-20
Хүүхдүүдийн хүсэл сонирхлыг “оношилж”, мэргэжлээ зөв сонгоход тусалж байна
Ерөнхий боловсролын сургуулиа төгсөж буй сурагчид болон мэргэжлээ дахин сонгох гэж буй залууст зориулсан “3L” нэртэй боловсролын өдөрлөгийг төв талбайд өчигдөр нээлээ. Гурав хоног үргэлжлэх тус яармагт боловсролын салбарын мэргэжилтнүүд, төрийн өмчийн болон хувийн хэвшлийн их, дээд сургуулиуд, сургалтын төвүүдийн төлөөлөл оролцож, төгсөгчдөд мэргэжлээ зөв сонгоход нь тусалж байна. Ингэхдээ тэдний хүсэл сонирхлыг сонсож, “оношилж”, мэргэжлээ эрт сонгохын давуу тал, онцлог, хөдөлмөрийн зах зээлийн одоо ба ирээдүйн төлөв, цалин, урамшууллын нөхцөл байдал зэргийг танилцуулж, зөвлөгөө, мэдээлэл өгч буй аж. Мөн гадаад, дотоодын сургуулиудын тэтгэлэгт хөтөлбөрт хэрхэн хамрагдах боломжуудын талаар ч сурталчилж байгаа гэнэ. Улс орны ирээдүй хүний хөгжлөөс, хувь хүний хөгжил чанартай боловсролоос эхэлдэг жамтай.
2025-05-20
Халдварт саа тархах эрсдэл өндөр байна гэв
Халдварт саа нь полиовирусээр үүсгэгддэг, хүнээс хүнд дамжин, мэдрэлийн тогтолцоог гэмтээдэг аюулт өвчин юм. Тэр дундаа тархи, нугасны эсүүдийг гэмтээж, саажилт үүсгэн хөгжлийн бэрхшээлтэй болох, цаашлаад аминд ч халтай. Монгол улс халдварт саагийн эсрэг вакциныг 1962 онд нэвтрүүлснээр уг өвчнийг 15 жилийн өмнө бүрмөсөн устгасан байдаг.
2025-05-20
