42 м урт шат бүхий хоёр автомашиныг аврах ангиудад хүлээлгэн өгөв
Монгол Улсын Засгийн газар, БНФУ-ын Засгийн газар хооронд байгуулсан санхүүгийн хэлэлцээрийн хүрээнд хэрэгжүүлж буй Онцгой байдлын байгууллагын агаараас эрэн хайх, аврах ангийг чадавхжуулах, гал түймэр унтраах автомашин нийлүүлэх II шатны төслийн хүрээнд гал түймэр унтраах 42м болон 31м урттай автомеханик шат бүхий нийт дөрвөн автомашиныг өнгөрсөн есдүгээр сард хүлээн авсан. Тэгвэл 42м урттай автомеханик шаттай хоёр автомашиныг өнгөрсөн пүрэв гарагт Чингэлтэй дүүрэг дэх Гал түймэр унтраах аврах 10, Баянзүрх дүүргийн Онцгой байдлын хэлтсийн Гал түймэр унтраах, аврах 63 дугаар ангид тус тус хүлээлгэн өгөв.
2025-11-03
Иргэдийг хэдий болтол туршилтын харх шиг байлгах вэ
Унтаад сэрэхгүй байх вий гэх айдастай амьдарч буй иргэд арга ядахдаа түүхий нүүрсээ түлье гэх саналыг холбогдох газруудад ихээр ирүүлсэн гэнэ. Харамсалтай нь, хариу нь түүхий нүүрс биш, мидлинг. Үүнийгээ арваннэгдүгээр сарын 15 хүртэл борлуулах гэнэ лээ. Тэгээд цаашид сонголтгүйгээр хагас коксыг “шахах” аж. Тийм юм бол, иргэдэд сонголт өгсөн мэтээр тохуурхах сонирхол хэнд байна вэ.
2025-11-03
Газрын тос боловсруулах үйлдвэрийн ажлын явц 50 хувьд хүрчээ
Ерөнхий сайд Г.Занданшатар өнгөрсөн ням гарагт Дорноговь аймгийн Алтанширээ сумын нутаг дахь “Монгол Улсад газрын тос боловсруулах үйлдвэр байгуулах төсөл”-ийн явцтай танилцжээ. БНЭУ-ын 1.7 тэрбум ам.долларын зээлийн санхүүжилтээр хэрэгжүүлж буй Газрын тос боловсруулах үйлдвэрийн төсөл дөрвөн багц ажлаас бүрддэг.
2025-11-03
Ааваараа замчлуулж улс төрд хөл тавьсан Б.Жаргалан
Манай парламентад улс төрч аавыгаа залгамжилж орж ир¬сэн цөөн хэдэн гишүүн бий. Тэдний нэг нь Б.Жаргалан юм. Түүний аав Н.Батбаяр УИХ-д 2004 оноос хойш тасралтгүй гурван удаа сонгогдож, Барилга, хот байгуулалтын болон Эдийн засгийн хөгжлийн сайдаар ажиллаж байсан туршлагатай улс төрч билээ. 1990-1992 онд АИХ-ын төлөөлөгчөөр ч сонгогдож байв. Олон нийт “Фортуна” хэмээх “хоч”-оор нь түүнийг илүү мэддэг. ТиймээсБ.Жаргалан эцгийнхээ нэ¬рээрулс төрийн хүрээлэлд таниг¬дан орж ирсэн гэхэд болно.
2025-11-03
“Дэлгэцгүй долоо хоног”-т нэгдээрэй
Д.Нацагдоржийн нэрэмжит Улаанбаатар хотын нийтийн төв номын сан энэ долоо хоногийг дуустал “Дэлгэцгүй долоо хоног” аяныг эхлүүлээд байна. Хичээл сургалт завсардсан эдгээр өдрүүдэд хүүхдүүдийн цахим хэрэглээг зохистой болгох, бүтээлч сэтгэлгээг хөгжүүлэх, унших соёлыг дэмжих зорилгоор уг аяныг зохион байгуулж буй гэнэ.
2025-11-01
Залуус цалингаас илүүтэй байгууллагын соёл, ажиллах орчныг чухалчлах болжээ
“Залуучуудын хөдөлмөр эрхлэлтийн форум YEF-2025”-ыг өчигдөр зохион байгуулав. Энэхүү форумын хүрээнд Гэр бүл, хөдөлмөр, нийгмийн хамгааллын яам болон Азийн хөгжлийн банкныхны хамтран хэрэгжүүлсэн “Монгол залуучуудын боловсролоос хөдөлмөрт шилжих үйл явц” судалгааны урьдчилсан үр дүнг танилцууллаа. Судалгаагаар залуучуудын олонх нь танилын хүрээгээрээ дамжуулан ажилд зуучлуулах нь түгээмэл болохыг тогтоожээ.
2025-11-01
Бээжинд төмөр замын чиглэлээр мэргэжилтэн бэлдэх нь
Зам, тээврийн яамныхан БНХАУ-ын Бээжингийн зам харилцааны их сургуультай хамтран төмөр замын салбарт чадварлаг боловсон хүчин бэлтгэхээр болжээ. Талуудын хамтын ажиллагаа 2012 онд эхэлсэн бөгөөд өнгөрсөн хугацаанд манайхаас 60 оюутан тус сургуульд тэтгэлгээр сурч, тэд өдгөө төмөр замын салбарт мэргэжлээрээ ажиллаж буй юм байна.
2025-10-31
“Хавраас хамтдаа аюулгүй зорчъё” аян эхлүүллээ
ХЭҮК-ынхон цахилгаан дугуй, скүүтер болон мотоциклтой холбоотой ослоос урьдчилан сэргийлэх, эрх зүйн зохицуулалтыг сайжруулах зорилгоор “Хавраас хамтдаа аюулгүй зорчъё” аяныг өчигдөр эхлүүллээ.
2025-10-31
Манай улсын халдварт өвчний үед хариу арга хэмжээ авах чадавх бэхжиж буй түвшинд үнэлэгдэв
Гамшиг, осол, нийгмийн эрүүл мэндийн ноцтой байдалд хүргэж болзошгүй халдварт өвчний үед мэдээлэл солилцох, эрсдэлийн үнэлгээ хийх, тохиолдлын удирдлагын тогтолцоогоор хангах тухай тушаалыг шинэчлэх үндэсний хэлэлцүүлгийг өнгөрсөн өдрүүдэд зохион байгууллаа. Манай улс өнгөрсөн хугацаанд улаанбурхан, тарваган тахал, боом, менингит, “Ковид-19”-ийн халдвар, химийн бодисын болон хоолны хордлого зэрэг нийгмийн эрүүл мэндийн ноцтой 100 гаруй тохиолдлын үед уг журмыг баримтлан тухайн нөхцөл байдалд эрсдэлийн үнэлгээ хийж, хариу арга хэмжээ авч хэрэгжүүлжээ.
2025-10-31
Өвлийн улирлын нислэг ноднингоос 42.7 хувиар нэмэгдэх төлөв гарчээ
Дөрвөн улирлын, тэр дундаа өвлийн аялал жуулчлал нэмэгдэхийн хэрээр Монголын иргэний нисэхийн салбар ч сүүлийн жилүүдэд үлэмж тэлж, өсөлттэй байгаа аж. Тухайлбал, сүүлийн хоёр жилд манай улсын хөөрч, буух нислэгийн тоо эрчимтэй нэмэгдэж, 2024 онд л гэхэд 2.2 сая зорчигч тээвэрлэсэн байна. Энэ нь 2019 оныхтой харьцуулахад даруй нэг сая зорчигчоор олширч, бараг хоёр дахин өссөн үзүүлэлт аж. Тэгвэл өнөө жил нисэхийн салбарын зорчигч урсгал 2.5 саяд хүрэх төлөвтэй байгаа гэнэ.
2025-10-31
Музейн хулгайг илрүүлэхэд хүндрэлтэй ч “наймаалцах” арга бий
Харуул хамгаалалт чангатай, дэлхийд нэртэй музейн хамгийн үнэтэй үзмэрүүд хадгалдаг танхимд гэгээн цагаан өдөр дээрэмчид “найрласан” явдал энэ сарын 19-нд болсон нь олон улсын янз бүрийн салбарын мэргэжилтнүүдийн “хүлхэх” сэдэв болов. “Сайн эрчүүд” ажлаа ердөө долоон минутад амжуулж, 102 сая ам.долларын үнэ бүхий эрдэнэс авч одсон. Ер нь 10 хүрэхгүй минутад музей тоносон явдал олон улсын түүхэнд өөр байна уу. Дэлхийн музейнүүдээс хулгайлагдсан үнэт эдлэл, уран зургуудын “тавилан” хэрхэн өрнөдөг бол? Ийм хэргүүд музейн ажилтнуудтай холбоотой юу?
2025-10-31
Монгол тамирчид "Physical: Asia"-г доргиож байна
“Netflix”-ийнхэн “Physical: Asia” шоу нэвтрүүлгийг энэ сарын 28-наас олны хүртээл болголоо. Уг шоунд Монгол, Австрали, БНСУ, Япон, Тайланд, Турк, Индонез, Филиппин улсын тамирчид эр бяраа сорьж, эх орныхоо нэр хүндийн төлөө өрсөлдөж буй бөгөөд тэмцээнд түрүүлсэн баг нэг тэрбум воны шагнал хүртэх юм.
2025-10-31
“Тэнүүн-Огоо”-гийн А.Ганхуягийн ялыг гурван жил болгон багасгажээ
Нийслэлийн Эрүүгийн хэргийн давж заалдах шатны шүүх “Ногоон автобус”-ны гэх тодотголтой, 24 хүнд холбогдох хэргийг шүүгдэгч, хохирогч, иргэний хариуцагч, тэдгээрийн өмгөөлөгч нарын гаргасан давж заалдах гомдол болон прокурорын бичсэн эсэргүүцлийг үндэслэн хянан хэлэлцэж, өчигдөр магадлалаа танилцууллаа. Энэ хэргийг Баянзүрх, Сүхбаатар, Чингэлтэй дүүргийн эрүү¬ гийн хэргийн анхан шатны тойргийн шүүх өнгөрсөн дөрөвдүгээр сард хэлэлцэж, Д.Мөнх-Эрдэнэ, Г.Энхтайван, Г.Мишээлт, Ж.Сүхбаатар, Б.Алтаншагай, Ч.Мөнхбаяр, Ц.Болортуяа, БНСУ-ын иргэн Ли Жон Соб, Ким Кэа Баум нарыг цагаатгасан.
2025-10-31
Зарим гол, мөрөн олон жилийн дунджаас оройтож мөстөх төлөвтэй
Монгол орны гол, мөрөн аравдугаар сарын сүүл, арваннэгдүгээр сарын эхээр зайрмагтаж, эл үзэгдэл сарын турш идэвхтэй үргэлжилдэг аж. Үндсэндээ арванхоёрдугаар сарын 10 гэхэд мөсөн бүрхүүл тогтож, бэхэждэг. Тэгвэл өнөө жил зарим гол, мөрний хөлдөх хугацаа цаг агаарын байдлаас шалтгаалж 5-15 хоногоор хойшлох төлөвтэйг Цаг уур, орчны шинжилгээний газраас сэрэмжлүүллээ.
2025-10-31
Монгол Улс өрсөлдөх чадварын үзүүлэлтээр эхний 50-д багтах боломжтой гэв
Тэргүүн шадар сайд бөгөөд Эдийн засаг, хөгжлийн сайд Н.Учрал өчигдөр “Монгол Улсыг 2026-2030 онд хөгжүүлэх таван жилийн үндсэн чиглэл батлах тухай” тогтоолын төслийг УИХ-ын дэд дарга Б.Пүрэвдоржид өргөн мэдүүллээ. Тодруулбал, ирэх таван жилд зохистой хөдөлмөр эрхлэлтийг нэмэгдүүлэх, үндэсний нэгдмэл үнэт зүйлсийн үзүүлэлтийг 55 хувьд хүргэх, эдийн засгийн өсөлтийг зургаан хувиас буулгахгүй байх, Монгол Улсыг өрсөлдөх чадварын үзүүлэлтээр дэлхийн шилдэг 50 орны нэг болгох зорилтыг хэрэгжүүлэх боломжтой гэж тооцжээ
2025-10-31
Сүнсний баяраар чанарын шаардлага хангасан амттан өгөхийг уриаллаа
Сүнсний баяр буюу хэллоуин өнөөдөр тохиож байна. Жил бүрийн аравдугаар сарын 31-нд эл баярыг дэлхийн олон улсад тэмдэглэн өнгөрүүлдэг заншилтай. Манай улсад ч сүүлийн жилүүдэд өргөнөөр тэмдэглэж, хүүхдүүд айлын хаалга тогшин чихэр цуглуулах болсон. Тухайлбал, АНУ, Канад, Ирланд, Франц зэрэг улсад хүүхдүүд айлуудын хаалга тогшиж “Дайл, эсвэл хуур” гэж хэлээд чихэр цуглуулдаг уламжлалтай.
2025-10-31
“Гахай давуу эрхтэй байх” саналыг дэмжих, эсэхийг өнөөдөр шийднэ
УИХ-ын чуулганы өчигдрийн хуралдаанаар гишүүн С.Ганбаатарын санаачилсан Үндсэн хуулийн цэцэд санал гаргах тухай асуудлыг үргэлжлэн хэлэлцэх байв. Бүрэн эрхийнхээ дөрвөн жилд ямар ч хэргээр хууль, хяналтын байгууллагад гишүүдийг шалгадаггүй байх агуулга үүний ард бий юм. УИХ-ын тухай хуулийн 45.2, 45.3 дахь гишүүнд холбогдуулан эрүүгийн хэрэг үүсгэж, түүнийг албадан саатуулах, баривчлах, цагдан хорих зайлшгүй шаардлагатай гэж үзсэн, мөн яллах дүгнэлт үйлдэн шүүхэд шилжүүлэх гэж буй бол ерөнхий прокуророос бүрэн эрхийг нь түдгэлзүүлэх тухай саналыг парламентад оруулах заалт
2025-10-31
30 гаруй эмнэлгийн эмч, ажилтнууд ажил хаяхад бэлэн гэдгээ илэрхийлжээ
Эмч, ажилтнуудын үндсэн цалинг 3.5 сая төгрөгт хүргэхийг шаардаж, ажил хаях шийдвэр гаргасан талаараа Монголын эрүүл мэндийн ажилтны үйлдвэрчний эвлэлийн холбооноос мэдэгдээд буй. Тодруулбал, тус холбооноос “Эмч, ажилтнууд олон жил тэвчсэн. Одоо тэгж чадахгүй. Эрүүл мэндийн салбар бол онцгой гэж их анхааруулсан. Гэвч цалин нэмэх асуудлаар тодорхой шийдэл гаргаагүй тул ажил хаяхад бэлэн байна.
2025-10-31
Макро зохистой бодлогын хэмжээнд өөрчлөлт оруулахгүй гэв
Монголбанкны Мөнгөний бодлогын хорооноос макро зохистой бодлогын асуудлыг тусгайлан хэлэлцсэн анхны хурлаа өчигдөр хийлээ. Уг хурлаар гадаад, дотоод нөхцөл байдал, банк, санхүүгийн салбарт үүсэж болзошгүй эрсдэлийг тооцон макро зохистой бодлогын арга хэрэгслүүдийн хэмжээнд өөрчлөлт оруулахгүй гэж шийдвэрлэжээ.
2025-10-31
