Хятадаас хамгийн олон жуулчин хүлээн авчээ
Манай улсад энэ жил БНХАУ-аас хамгийн олон жуулчин иржээ. 2025 он гарснаас хойш Монгол Улс 483 609 жуулчин хүлээж авсны 30 орчим хувь буюу 141 мянга гаруй нь өмнөд хөршийн иргэн байна. Өнгөрсөн онд нийт жуулчний зонхилох хувийг солонгосчууд бүрдүүлж, хятад, оросууд удаалж байв. Харин одоогийн байдлаар хятад аялагчид тоогоороо тэргүүлж, орос, солонгосчууд ард нь “нэхэж явна”.
2025-08-05
Монгол судлалын зуны сургуульд 14 оюутан хамрагдаж байна
МУИС-ийн харьяа Монгол судлалын хүрээлэн манай улсад монгол судлалаар суралцаж буй гадаадын оюутан залууст зориулсан жил бүрийн наймдугаар сард зуны сургууль хичээллүүлдэг. Өнөө жилийн зуны сургуульд Америк, Герман, Франц, Чех, Ирланд, Хятад, Японы 14 оюутныг хамруулан энэ сарын 3-нд хичээллүүлж эхэлснийг дээрх хүрээлэнгээс мэдээлэв.
2025-08-05
Д.БЯМБАЦОГТ: Би одоо л жүжигчин мэргэжилдээ эзэн болж байна
Энэ удаа Монгол Улсын Гавьяат жүжигчин Д.Бямбацогттой хийсэн ярилцлагаа та бүхний өмнө дэлгэж байна. Тэрбээр эл цолыг хүртсэнээс хойших анхны дэлгэрэнгүй ярилцлагаа манай сонинд өгсөн юм. Түүнтэй уран бүтээлийн халуун яриа өрнүүлснийг хүлээн авна уу.
2025-08-05
Гонгорын бумба тахих ёслол энэ сарын 7-нд эхлэх нь
Сэлэнгэ аймгийн Баруунбүрэн сумын нутаг дахь Амарбаясгалант хийдэд Гонгорын бумба тахих ёслол энэ сарын 7-9-нд болно. Гонгор бурхныг цагаан өнгөтэй гэж үздэг учир түүнд зориулсан бумбыг цалин цагаан мөнгөөр бүтээж, дотор нь есөн эрдэнэ, ховор эмийн ургамал, арц, хүж, цай зэргийг хийж аравнайлан тахидаг.
2025-08-05
Ихэнх нутгаар энэ сарын 13-ныг хүртэл түр зуурын усархаг бороо орох нь
Аадар бороо өчигдрөөс эхлэн энэ сарын 13-ныг дуустал ихэнх нутгаар үргэлжлэн орох төлөвтэй байгааг цаг уурын байгууллагаас сэрэмжлүүллээ. Тухайлбал, өчигдөр нийслэл төдийгүй баруун аймгуудын хойд, төв, зүүн бүсийн ихэнх говийн хойд хэсгээр аадар бороо орсон юм. Цаг уурын энэ нөхцөл байдалтай холбогдуулан болзошгүй үер усны аюулаас сэрэмжлэх, бэлэн байдлыг хангах чиглэлээр Ерөнхий сайд Г.Занданшатар нийслэлийн Онцгой комиссын шуурхай штабынхантай цахимаар хуралдаж, үүрэг, чиглэл өгөв. Тухайлбал, Туул, Дунд, Сэлбэ голын эрэг дагуух айл өрх, албан байгууллагын аюулгүй байдлыг хангах, болзошгүй аюулаас сэргийлэх, мэдээ мэдээллийг шуурхай, хүртээмжтэй зохион байгуулах, үүссэн нөхцөл байдлын хариу арга хэмжээг яаралтай авах, шаардлагатай тохиолдолд ажиллах хүн хүч, техник хэрэгсэл, удирдлага зохион байгуулалтаар хангах, мэргэжлийн байгууллагууд уялдаа холбоотой ажиллахыг чиглэл болгов.
2025-08-05
Говь-Алтайд тарваган тахлын сэжигтэй тохиолдол бүртгэгдэж, хэсэгчилсэн хөл хорио тогтоолоо
Говь-Алтайаймгийн Есөн булаг сумд уржигдар тарваган тахлын сэжигтэй тохиолдол бүртгэгджээ. Тодруулбал, Бугат сумд очиж, тарваганы мах идсэн иргэн Есөнбулагт ирсний дараа бие нь муудаж, эмнэлэгт хүргэгдсэн бөгөөд түүнд уг өвчний эмнэл зүйн шинж тэмдэг илэрсэн байна. Үүнтэй холбогдуулан аймгийн Онцгой комиссоос шинжилгээний сорьцыг Зоонозын өвчин судлалын үндэсний төвд илгээж, Бугат болон Есөнбулаг сумд орох, гарах хөдөлгөөнийг хязгаарлан, өнөөдрийн 17.00 цаг хүртэл хэсэгчилсэн хөл хорио тогтоолоо.
2025-08-05
Монгол Улс шинжлэх ухааны судалгааны нөлөөллийн индексээр 221 орноос 137-д жагсав
Манай улс шинжлэх ухааны судалгааны үнэ цэн, нөлөөллийн индексээр дэлхийн 221орноос 137,Азид 39 дүгээр байрт жагсжээ. Энэхүү эрэмбийг Туркийн эрдэмтэн Мурад Алпер, Чихан Догерын хамтран байгуулсан, Британид төвтэй “AD scientific index” үнэлгээний байгууллага шинжлэх ухааны нээлт, инновацын бүтээгдэхүүний баталгаажуулалт, хувь судлаач, эрдэмтний гүйцэтгэлийн индекс, эрдэм шинжилгээний байгууллага, судалгааны хүрээлэнгийн идэвхтэй үйл ажиллагаа зэрэгт үндэслэн 2021 оноос гаргаж эхэлсэн байна.
2025-08-05
АН, МАН-ын Их хурал есдүгээр сард болно
Улс төрийн намын тухай шинэчлэн найруулж баталсан хуулийг дагаж мөрдөх журмын тухай хуулийн дагуу намууд энэ онд багтаан дүрэм, хөтөлбөр, бүтцээ өөрчлөн Дээд шүүхэд бүртгүүлэх ёстой. Үүний дагуу АН, МАН-ынхан үндсэн дүрмийн өөрчлөлтөө боловсруулж буй юм.
2025-08-05
Эхийн сүүгээр хооллохыг дэмжих долоо хоног эхэллээ
Эхийн сүүгээр хооллохыг дэмжих дэлхийн долоо хоног өнөөдөр эхэлж байна. “Нэн тэргүүнд эхийн сүүгээр хооллолт: Тогтвортой дэмжлэгт орчин бүрдүүлье” уриан дор олон улс энэ долоо хоногийг өнгөрүүлэх бөгөөд хүүхдээ зургаан сар хүртэл нь дагнаж, хоёр нас хүрэхэд нь бусад нэмэлт хоол өгөхийг ДЭМБ-ынхан зөвлөж байна.
2025-08-04
Хубилай хааны хөлөг онгоцны үлдэгдлүүдийг олны хүртээл болгож байна
Чингис хаан үндэсний музейнхэн Дэлхий дахин ба монголчууд: Монгол бахархлын танхимын үзмэрүүдээ шинэчлэн дэглэжээ. Үүний хүрээнд Японы Цүшима, Ики, Такашима зэрэг арлаас олдсон, Хубилай хааны усан флотын хөлөг онгоцны үлдэгдлүүдийг олны хүртээл болгож буй гэнэ.
2025-08-04
“Франц зурагчны нүдээр 1912-1913 оны монголчууд”-ыг тольдоорой
“Франц зурагчны нүдээр 1912-1913 оны монголчууд” гэрэл зургийн үзэсгэлэнг “Улаан гэр” галерейд толилуулж байна. Эл үзэсгэлэнд дэлгэсэн гэрэл зургууд нь өнгөрсөн зууны эхэн буюу хувьсгалын өмнөх үеийн монголчуудын амьдралыг харуулах ховор баримт гэдгээрээ онцлогтой аж. Мөн тухайн үеийн улс төрийн донсолгоог харуу лахаас гадна газар нутгийн олон өнгө төрх, нүүдэлчдийн амьдралын хэв маяг, шашин шүтлэг, хувцаслах соёл, уламжлалын талаарх гэрэл зургуудыг дэлгэсэн байна. Тухайлбал, “Монгол айл”, “Нийслэл хүрээний өндөр тушаалтан”, “Шоронгийн хоригдлууд”, “Халх эхнэр” зэрэг тухайн үеийн нийгмийн өнгө төрхийг эл үзэсгэлэнгээс тольдож болох нь.
2025-08-04
Еврей нарын “хэрэг”
1952 оны наймдугаар сарын 12-нд Еврейн фашизмын эсрэг хорооны 12 гишүүнийг Москвад буудаж хороов. ЗХУ-д гадаадаас тусламж авхуулах зорилгоор уг хороог Эх орны дайны үед байгуулсан ч нацист Германыг ялсны дараа Зөвлөлтийн Засгийн газрын байр суурь өөрчлөгдсөн байна. Сталин зөвлөлтийн сэхээтнүүдийг Өрнөдийн өмнө бөхөлзлөө хэмээн 1946 онд хатуу ширүүн шүүмжлэв. Фашизмын эсрэг еврейн хороо ч хэлмэгдүүллийн шинэ давлагаанд өртөж, гишүүдийг нь еврейн үндсэрхэг үзэл гаргалаа, АНУ-ын талд тагнуулын үйл ажиллагаа явууллаа гэж буруутгав. Тэднийг байцаахдаа зэрлэгээр зодож, хийгээгүй хэргийг хүчээр хүлээлгэх гэж оролдсон байна. Тус хорооны эсрэг өдөөсөн энэ хэрэг бүхэлдээ зохиомол болохыг нь 1955 онд хүлээн зөвшөөрч амийг нь золиослосон бүх гишүүнийг нэхэн цагаатгасан аж. Энэ явдлыг түүхэнд “Цаазлуулсан яруу найрагчдын шөнө” гэх болсон аж.
2025-08-04
“Зэс боловсруулах цогцолбор” төслийг хэрэгжүүлснээр жилд 56.8 сая ам.долларын ашигтай ажиллах боломжтой
Аж үйлдвэр, эрдэс баялгийн сайд Г.Дамдинням “Цемент шохой” ХХК, “Эрдэнэт үйлдвэр” ТӨҮГ болон Дарханы төмөрлөгийн үйлдвэрт ажиллалаа. Энэ үеэр “Цемент шохой” ХХК-д гэнэтийн шалгалт хийхэд түүхий эд хомсдож, нүүрс нийлүүлэлтийн доголдлоос шалтгаалан үйлдвэрлэл саатсан байжээ. Иймд тэрбээр холбогдох байгууллагуудтай хамтран тулгамдсан асуудлуудыг шийдвэрлэж, үйлдвэрийн үйл ажиллагааг хэвийн үргэлжлүүлэхийг үүрэг болгосон.
2025-08-04
Авто болон дугуй засвар, угаалгын газруудыг шалгаж байна
Нийтийн эзэмшлийн зам, талбай буюу зориулалтын бус газарт авто болон дугуй засвар, машин угаалгын үйл ажиллагаа явуулж, хоёрдогч түүхий эд худалдаалж буй нийт 188 байршилд нийслэлийн Хяналт шалгалтын газрынхан төлөвлөгөөт бус шалгалт хийж эхэлсэн байна.
2025-08-04
Шинжлэх ухааны нэгдсэн цогцолборын барилгуудыг хэсэгчлэн ашиглалтад оруулж эхлэв
Баянзүрх дүүргийн нутаг дэвсгэрт барьж буй Шинжлэх ухааны нэгдсэн цогцолборын гол барилгуудыг энэ сард ашиглалтад оруулсан бол оффисын зориулалттай байгууламжийнх нь ажлыг 2025 онд багтаан дуусгахаар төлөвлөснийг Эдийн засаг, хөгжлийн яамнаас мэдээллээ. Тус яамны болон Барилгын хөгжлийн төвийн мэргэжилтнүүд өнгөрсөн долоо хоногийн сүүлчээр цогцолборын барилгын явцтай танилцаж, үлдсэн ажлыг нь төлөвлөсөн хугацаанд дуусгах чиглэл өгчээ.
2025-08-04
Ерөнхий сайд НӨАТ-ын буцаан олголтыг таван хувь болгохоо мэдэгдэв
Ерөнхий сайд Г.Занданшатар НӨАТ-ын буцаан олголтыг таван хувь болгоно хэмээн мэдэгдлээ. Тэрбээр Засгийн газрын үйл ажиллагаа, төсөв, татварын асуудлаар баримталж буй бодлого, чиглэлээ танилцуулсан богино хэмжээний видео контентынхоо үеэр хоёр сайн мэдээ дуулгасны нэг нь 2026 оны улсын төсвийг иргэд, олон нийтийн оролцоотой боловсруулах байсан бол нөгөөх нь НӨАТ-ын буцаан олголтыг дээрх хэмжээнд хүргэх байв.
2025-08-04
Чанга дуу, чимээтэй тээврийн хэрэгслийг шалгаж, хоногт 349 зөрчил илрүүлжээ
Тээврийн цагдаагийн алба (ТЦА)-наас мотоцикл болон чанга дуу чимээтэй тээврийн хэрэгслийг шалгаж буй юм. Тодруулбал, тээврийн хэрэгслийн яндангаас гарах дуу чимээ зохих стандартын дагуу байгаа, эсэхийг хянаж, Зөрчлийн тухай хуулийн дагуу арга хэмжээ авч байна. Тухайлбал, энэ сарын 2-3-нд шилжих шөнө нийт 431 тээврийн хэрэгслийг шалгаж, 191-т нь арга хэмжээ авчээ.
2025-08-04
