АА хэмээх “дарга ангийнхан” төсөв цөлмөж байна
Хоёр жилийн өмнө 20-иод хүнтэй байсан Шүүхийн ерөнхий зөвлөлийн ажлын албаны орон тоо гэнэт 5.5 дахин нэмэгдэж, өдгөө 109 болтлоо данхайсныг УИХ-ын Хууль зүйн байнгын хорооны хуралдааны үеэр дэлгэж, хурцаар шүүмжлэв. Монгол Улс 500 гаруй шүүгчтэй. Гэтэл ШЕЗ-ийн ажлын алба нь шүүгчдээсээ дутахгүй шахам олон орон тоотой байж болохгүй гэсэн гишүүдийн шүүмжлэл, шаардлагын хариуд Шүүхийн ерөнхий зөвлөлийн дарга Н.Мөнгөнцэцэг “Тамгын газрын орон тоог өмнө нь батлахдаа ажлын албаны бүтцийг 159 болгон нэм¬сэн юм билээ. Гэхдээ одоо ажлын албанд 109 хүн ажиллаж байгаа. Та бүгдийн хэлж байгаа шиг арай ч 200 хүрчхээгүй байна” гэж “түлээрэв”. Н.Мөнгөнцэцэгийн хувьд 2021 онд Шүүхийн ерөнхий зөвлөлийн гишүүнээр Н.Баасанжав, Д.Зүмбэрэллхам, Р.Онончимэг, Н.Отгончимэг нарын хамт томилогдсон нэгэн.
2025-06-05
Улаанбурхан орон нутагт дэгдэх эрсдэл нэмэгдэв
Улаанбурхан өвчний тохиолдол буурахгүй, нэмэгдэх эрсдэлтэй байгааг Халдварт өвчин судлалын үндэсний төв (ХӨСҮТ)-өөс анхаарууллаа. Өчигдрийн байдлаар лабораторийн шинжилгээгээр нийт 5309 тохиолдол батлагдсан бөгөөд үүнээс 3527 нь эдгэрчээ. Харин 617 хүн эмнэлэгт, 1163 нь гэртээ эмчлүүлж буй аж. Уг өвчин дэгдсэнээс хойш хоёр хүүхэд нас барж, хавьтлын тоо 36 307-д хүрээд байгаа юм.
2025-06-05
Ц.Дашням залуучуудын оноогоор тэргүүллээ
Монголын авто мастеруудын холбооноос жил бүр зохион байгуулдаг авто машин, мотоциклын бартаат замын олон төрөлт уралдаанаас “Баха 150”, “Баха 250” өрсөлдөөнтэй болдог. Энэ удаагийн “Баха 150”-д залуучуудын ангилалд 22 тамирчин хурд сорьсноос 12 нь амжилтын оноо хүртэв. Тэднээс 03 дугаартай Ц.Дашням түрүүлж, 33 оноо хүртсэн бол 128 дугаартай Х.Амартүвшин дэд байрт шалгарсан. Баха уралдаанд суурь буюу идэвхийн 10 оноо өгдөг. Этап 1-д эхний 36, этап 2-т 18, нийлбэр цагаар 10-т багтсан тохиолдолд цагийн үзүүлэлтээр нь эзэлсэн байрлалд хамаарах оноог амжилтын оноо болгон олгодог юм.
2025-06-04
ДАШТ-д оролцох тамирчид бэлтгэлээ базааж байна
Монгол Улсад зохион байгуулах 3x3 сагсан бөмбөгийн гурван томоохон тоглолтын эхнийх нь “FIBA 3x3 women’s series-Ulaanbaatar-2025” (Эмэгтэйчүүдийн цуврал) Сүхбаатарын талбайд энэ сарын 18-19-нд, дараагийнх нь “FIBA 3x3 grand slam” (Их дуулга) 20-21, сүүлийнх нь “FIBA 3x3 world cup 2025” (ДАШТ) 23-29-нд болно. Улаанбаатар хотод анх удаа өрнөх эмэгтэйчүүдийн цуврал тэмцээнд манайхаас “Ulaanbaatar Аmazons”, “Amgalan U24”-ийн тамирчид ХБНГУ, Канад, Франц, Австралийн багтай тоглох юм. Харин “Их дуулга”-д оролцох мэргэжлийн түвшний дэлхийн хамгийн өндөр чансаатай 12 багтай “Улаанбаатар энержи”, “Завхан сайнскор” багийнхан өрсөлдөх аж.
2025-06-04
Монгол Улс хүнсний хэрэгцээт ургамлын тосоо дотоодоос бүрэн хангах боломжтой
Монгол оронд газар тариалангийн үйлдвэрлэл, судалгааны ажил эрчимтэй өрнөж ирсэн сүүлийн 60 гаруй жилд тосны таримлуудын судалгаа нэлээд өргөн хүрээтэй явагдаж, тариалах бүс нутгийг тогтоох, тохиромжтой таримлын төрөл, сортыг сонгон шалгаруулах зорилт үндсэндээ хэрэгжиж эхэлсэн. 1980-аад оны сүүлчээс манайд тосны ургамлыг тариалж, ургамлын тос дотооддоо үйлдвэрлэх талаар төр, засгийн олон тогтоол, шийдвэр гарч хэрэгжүүлж байлаа.
2025-06-04
“Дотоод ардчилалгүй болсон ХҮН нам тарах хэрэгтэй”
УИХ-ын гишүүн Б.Мөнхсоёл Монгол Улсын Ерөнхий сайдад итгэл хүлээлгэх тухай тогтоолын төслийг УИХ-ын чуулганаар хэлэлцэх үеэр ХҮН намын дотоод зөрчил, гишүүддээ үзүүлдэг дарамт шахалтын талаар олон нийтэд мэдээллээ.
2025-06-04
Улаанбаатарын түгжрэл жуулчдыг залхаан цээрлүүлж байна
Улаанбаатар хотын авто замын түгжрэл жуулчдын хувьд хамгийн том шийтгэл, залхаан цээрлүүлэлт болж буйг Соёл, спорт, аялал жуулчлал, залуучуудын яамны аялал жуулчлалын бодлогын зөвлөх Ким Гю Вон анхааруулжээ. Тэрбээр БНСУ-аас манай улсад ирж буй жуулчдын дунд ажиглалт, судалгаа хийсний дүнд ингэж “оношилсон” аж. Солонгос зөвлөх “Монголд ирсэн жуулчид түгжрэлээс болж дөрвөн төрлийн хохирол амсаж байна.
2025-06-04
“Хар жагсаалт” хэмээх хадны мангаанаас хагацах цаг айсуй
Зээлийн мэдээллийн тухай хуульд нэмэлт, өөрчлөлт оруулах тухай хуулийн төслийг парламентын гишүүд арав гаруй хоногийн өмнө хэлэлцэн баталлаа. Хууль санаачлагч УИХ-ын гишүүн Э.Батшугарын энэ үед хэлсэн “Иргэнийг зургаан жилээр ялладаг хар жагсаалт гэдэг зүйл үгүй болно” хэмээх үг нийгэмд хүлээлт үүсгээд байна. Энэ хууль чухам хэдийнээс хэрэгжиж, Монголбанк Зээлийн мэдээллийн сангаа шинэчлэхийг асууж сураглаж буй хэсэг байхад банк санхүүгийн байгууллагууд хэзээнээс шинэ хуулийн хүрээнд, уян хатан нөхцөлөөр иргэдэд зээл олгодог болох вэ хэмээн чих тавих хүн нөгөө талд нь үүнээс олон байх аж. Фэйсбүүк дэх “Зээлийн мэдээллийн сан-Хар жагсаалт”, “Хар жагсаалтад багтсан иргэд” зэрэг 20-30 мянган гишүүнтэй бүлгэмүүдэд үүнтэй холбоотой асуулт, хариулт, сураг ажиг төдий баталгаагүй мэдээлэл өдөр тутам хөвөрсөөр. Эдгээрт хариулт болох, хуулийн шинэчлэл, өөрчлөлт тойрсон мэдээллээс хүргэе.
2025-06-04
Жагсах соёлыг үлгэрлэх “хичээл”
Үндсэн хуулиар олгогдсон “итгэл үнэмшилтэй байх, үзэл бодлоо чөлөөтэй илэрхийлэх, үг хэлэх, хэвлэн нийтлэх, тайван жагсаал, цуглаан хийх” эрх чөлөөгөө эдлэн, монгол залуус Сүхбаатарын талбайд тасралтгүй 22 хоног тайван жагслаа. “Монгол Улсад засгийн бүх эрх ард түмний мэдэлд байна”, “нийгмийн болон өөрсдийн ашиг сонирхол, үзэл бодлын үүднээс нам, олон нийтийн бусад байгууллага байгуулах, сайн дураараа эвлэлдэн нэгдэх эрхтэй” гэсэн заалттай анхны ардчилсан Үндсэн хууль батлагдах үед болон түүнээс хойш төрсөн шинэ цагийн залуус эрх зүйт төрийнхөө бүрдүүлж өгсөн эрхийг бодитоор, бас соёлтойгоор эдэлж чадаж байна.
2025-06-04
