Уг халдварын тохиолдлын тоо буурсан ч өвчлөл бүртгэгдсээр байгаа тул эрсдэлийг бууруулах, халдварын тархалтыг таслан зогсоохзорилгоор дүүрэг бүрд дархлаажуулалтыг эрчимжүүлэх бичил төлөвлөгөөг хэлэлцэн, санал солилцсон байна. Ингэснээр халдвараас сэргийлэх вакцинжуулалтыг эрчимжүүлж, ирэх арваннэгдүгээр сарын 25 гэхэд хамрагдалтыг 95 хувьд хүргэх зорилт тавьжээ. Үүний хүрээнд тухайн хугацаанд хэрэгжүүлэх ажлын төлөвлөгөө боловсруулан, үүрэг, чиглэл өгсөн байна. Улаанбурхны халдвараар өчигдрийн байдлаар нийслэлд гурван хүн эмчлүүлж байсан бөгөөд хичээл, сургалтын үйл ажиллагаа эхлэхээр өвчин дахин дэгдэж болзошгүйг сэрэмжлүүллээ.
Ч.ТУЯА
