Гол, нуурын мөс хангалттай бэхжээгүйг анхааруулав
Өнгөрсөн сарын сүүлчээр Монгол орны нийт нутгаар цаг агаар эрс дулаарсан, олон жилийн дунджаас дулаан өвөл тохиож буй зэргээс үүдэн гол, нуурын мөсний зузаан харилцан адилгүй, хангалттай хэмжээнд бэхжээгүй байгаа аж. Мөн зарим нутгаар ойрын өдрүүдэд эрс дулаарах төлөвтэй буй. Иймд зам товчлох, хугацаа хожих зорилгоор мөсөн дээгүүр зорчиж, эрсдэл үүсгэхгүй байхыг холбогдох байгууллагуудаас анхаарууллаа.
2024-01-10
Таксины үйлчилгээг ирэх аравдугаар сараас тусгай зөвшөөрөлтэй болгоно
“Зөвшөөрөлгүйгээр таксины үйлчилгээ эрхэлбэл хувь хүнийг тав, хуулийн этгээдийг 50 сая төгрөгөөр торгоно” гэх мэдээлэл өчигдөр цахим орчинд тархсан нь маргааны сэдэв боллоо. Тодруулбал, нийтийн тээврийн үйлчилгээ хангалтгүй, хүртээмж багатай үед ийм шийдвэр гаргасан нь буруу гэж зарим иргэн шүүмжилж байв. Харин зарим нь дээрх шийдвэр нь таксины үйлчилгээг сайжруулах, стандартыг мөрдүүлэхэд чухал алхам болохыг онцолсон. Тэгвэл ямар шалтгаан, үндэслэлээр ийнхүү шийдвэрлэсэн талаар нийслэлийн Засаг даргын төсөл, хөтөлбөр хариуцсан зөвлөх Ч.Батзориг өчигдөр тайлбар өглөө.
2024-01-10
Ц.ОТГОНСҮРЭН: Буриад түмний өв соёлд хүндэтгэлгүй хандлаа
Монгол Улсад 43 мянга гаруй буриад угсаатан амьдардаг. Тэдний дуу хуур, өв соёлоо хадгалан хамгаалах зорилгоор зохион байгуулдаг “Алтаргана” наадам ирэх долоодугаар сард болох аж. Уг наадмын зохион байгуулах багт ажиллаж буй, “Лагшин тэнгэр” бөөгийн төвийн тэргүүн Ц.Отгонсүрэнтэй цөөн хором ярилцлаа. Буриад зон олны өв соёлыг хүндэтгэхийг тэрбээр онцолсон юм.
2024-01-09
“Цагаан зээрийн амьдралын жим” уралдаанд 276 хүүхэд оролцлоо
Харин гуравдугаар байрт Сүхбаатар аймгийн Сүхбаатар сумын ерөнхий боловсролын сургуулийн наймдугаар ангийн сурагч Ц.Ирмүүн шалгарсан байна. Цагаан зээрийн амьдрах орчин, хүрээлэн буй орчинд үзүүлэх нөлөө, хамгааллын асуудлыг олон нийтэд сурталчлан таниулах зорилготой уг уралдааныг эл амьтны тархац нутаг бүхий Хэнтий, Дорнод, Сүхбаатар аймгийн ерөнхий боловсролын сургуулийн сурагчдын дунд зарласан юм. Уралдаанд гурван аймгийн нийт 276 хүүхэд бүтээлээ ирүүлснээс сэдэв, агуулга, бүтээлч байдал зэргийг нь харгалзан шилдгүүдийг тодруулжээ.
2024-01-09
“Ид шидийн уут”-ын тухай өгүүлэх үзэсгэлэн нээнэ
“Лантуун дохио” ТББ-аас уламжлал болгон зохион байгуулдаг“Ид шидийн уут” аяны хүрээнд “Болохсон” баримтат гэрэл зургийн үзэсгэлэн гэнэ сарын 10-14-нд олон нийтэд сонирхуулах нь. Уг үзэсгэлэнг “Лантуун дохио” ТББ болон гэрэл зургийн “Гудам фото”, “Тусгал” клуб, “Батзориг” сан, “Amygdala film” хамтран зохион байгуулах гэнэ. “Ид шидийн уут” аян нь нийгмийн эмзэг бүлгийн айл өрхүүдэд хүрч, тэдэнд аз жаргал бэлэглэхийн зэрэгцээ судалгаа хийж, хүүхэд хамгааллын чиглэлээр үйл ажиллагаа явуулдаг билээ. Өнгөрсөн сарын 17-24-ний амралтын өдрүүдэд уг аяныг өрнүүлсэн юм.
2024-01-09
Сэлбэ голын мөсийг сэтэлж, далан босгож байна
Бүтээн байгуулалтын улирал эхлэхээр юуны түрүүнд Сэлбэ голын далангуудыг хүчитгэнэ” хэмээв. Мөн “Геодез, усны барилга байгууламжийн газар” ОНӨААТҮГ-ын ерөнхий инженер С.Батсайхан үүссэн нөхцөл байдалтай холбогдуулан “Халиа, тошинтой байршилд усны түвшин 14 хоногт ойролцоогоор 10-20 см-ээр нэмэгдэж байна. Дулааны шугамтай хэсгүүдэд ус бүрэн хөлдөхгүй байгаагаас шалтгаалан усны түвшин бага багаар нэмэгдэж буй. Дэнжийн мянга орчим, 39 дүгээр сургуулийн урд хэсэгт нөхцөл байдал хүндрэх төлөвтэй. Тиймээс Сүхбаатар дүүргийн Онцгой байдлын, Сонгинохайрханы Тохижилтын хэлтсийнхэн газар дээр нь ажиллаж, арга хэмжээ авч байгаа. Өөрөөр хэлбэл, голын мөсийг техникээр хагалж, сэтлэн, суваг гаргаж буй гэнэ. Мөн гаргасан мөсөөр нь далан босгох зэрэг арга хэмжээ авч байна” гэв.
2024-01-09
Химийн аюултай бодис ашиглаж байсан “Хангайн Ган-Эрдэнэ” ХХК-д яллах дүгнэлт үйлдэв
Уг нь Байгаль орчин, ногоон хөгжил, аялал жуулчлалын болон Эрүүл мэнд, спортын сайдын 2015 оны А/356/396 хамтарсан тушаалын гуравдугаар хавсралтаар баталсан “Химийн хорт болон аюултай бодисын жагсаалт”-ын 448-д аммонийн персульфат, 881-т этаноламин, 854-т этанол, 506-д калийн гидроксид, 114-т азотын хүчлийг багтаасан байдаг. “Хангайн Ган-Эрдэнэ” ХХК-д прокуророос Эрүүгийн хуулийн 24.3-3 дахь хэсгийн “Химийн хорт, аюултай бодисыг хууль бусаар ашиглан үйл ажиллагаа явуулсан, хадгалсан хэргийг хуулийн этгээдийн нэрийн өмнөөс, хуулийн этгээдийн ашиг сонирхлын төлөө үйлдсэн” гэх заалтын дагуу яллах дүгнэлт үйлдэн Багахангай дүүргийн Эрүүгийн хэргийн анхан шатны шүүхэд шилжүүлжээ.
2024-01-09
Хотын татварын 32 тэрбум төгрөгөөр юу хийх вэ
Бид энэ онд 32 тэрбум төгрөгийг хотын албан татварт төлнө. Ийм хэмжээний мөнгөөр бид нийслэлийн үйл ажиллагааг санхүүжүүлнэ гэсэн үг юм. Гэсэн ч улаанбаатарчууд төлсөн татварынхаа хэрээр үйлчилгээ авч, эрүүл, ая тухтай амьдрах нөхцөлөөр хангагддаг бил үү. Харин ч хамаг эрхээ хориулж, цагдуулж, аюулгүй орчинд тааваараа амьдрах боломжоо улам л хязгаарлуулсаар байна. Үндсэндээ хотын хэмээх тодотголтой албан татвар бидний амьдралд төдийлөн нэмэр болдоггүй, үр өгөөж нь мэдэгддэггүй гэж хэлж болно. Гэтэл нийслэлийн удирдлага уг татварыг хоёр дахин нэмэх шийдвэрийг өнгөрсөн оны сүүлчээр гаргаж, энэ сарын 1-нээс мөрдүүлж эхэллээ.
2024-01-09
Дизелийн түлшний 75 000, АИ-92 шатахууны 30 000 тоннын нөөцтэй байжээ
Улсын хэмжээнд өнгөрсөн долоо хоногийн эцсийн байдлаар дизелийн түлшний 75, АИ-92 шатахууны 30 мянган тоннын нөөцтэй байсныг АМГТГ-аас мэдээлэв. Мөн хойд хөршийн үйлдвэрээс 14 340 тонн АИ-92 бензин ачсан бөгөөд нутаг дэвсгэр дээр нь тээвэрлэж буй гэнэ. Түүнчлэн манай улсын нутаг дэвсгэр дээр 163 вагон АИ-92 тээвэрлэж байгааг дурдлаа. Үүнээс гадна ОХУ-аас 30 060, өмнөд хөршөөс 2520 тонн дизель түлш тээвэрлэн авчирч байгаа төдийгүй Монголын нутаг дэвсгэр дээр 2840 тонныг зөөж буйг мэдээлээд, газрын тосны бүтээгдэхүүний нийлүүлэлт хэвийн гэв.
2024-01-08
Тэнцвэртэй, олон талт гадаад бодлого хэрэгжүүлэв
Ерөнхий сайд Л.Оюун-Эрдэнэ өнгөрсөн наймдугаар сард АНУ-д албан ёсны айлчлал хийсэн бөгөөд манай хоёр улсын стратегийн гуравдагч хөршийн түншлэлийн тухай хамтарсан мэдэгдэл гаргаж, Агаарын тээврийн тухай Засгийн газар хоорондын хэлэлцээр байгуулснаар Монгол, Америкийн хооронд шууд нислэг үйлдэх, худалдаа, бизнес, аялал жуулчлалын салбарт шинэ боломж нээгдэх, зорчигч болон карго тээврийг өргөжүүлэхэд түлхэц үзүүлэх эрх зүйн үндэс бий болов. Цаашлаад эл хэлэлцээрийн хүрээнд АНУ-аас зохих дэмжлэг авч, нислэг үйлдэх чадвар, чадамжийг сайжруулах, аюулгүй байдал, хүний нөөцийн төлөвлөлт, олон улсын стандартад нийцсэн иргэний нисэхийн салбартай болох нөхцөлийг бүрдүүллээ. Мөн Стратегийн гуравдагч хөршийн түншлэлийн эдийн засгийн хамтын ажиллагааны тухай замын зураглалыг байгуулсан нь хоёр улсын худалдаа, эдийн засаг, хөрөнгө оруулалтын эргэлтийг нэмэгдүүлэхэд чухал ач холбогдолтой.
2024-01-08
Оюутнуудыг энэ он дуустал автобусаар үнэгүй зорчуулна
Тэгвэл нийслэлийн Нийтийн тээврийн газрын дарга Д.Отгонжаргал өнгөрсөн бямба гарагт мэдээлэл хийж, оюутнуудыг энэ он дуустал автобусаар үнэгүй зорчуулна хэмээн мэдэгдэв. Тэрбээр “2024 он дуустал оюутнуудыг нийтийн тээврээр хөнгөлөлттэй зорчуулах зохицуулалтыг хэвээр үргэлжлүүлэхээр боллоо. Энэ оны төсөвт оюутнуудын нийтийн тээврийн зардалд 12.3 тэрбум төгрөг төсөвлөснийг үндэслэн уг шийдвэрийг гаргасан” хэмээсэн юм.
2024-01-08
Урт цагааны барилгыг нураахаар түрээслэгчдийг нь албадан гаргажээ
Түрээслэгчдийг албадан нүүлгэхээр НОБГ, нийслэлийн Өмчийн харилцааны газрын төлөөлөл иржээ. Цагдаагийн бүрэлдэхүүн барилгыг “бүсэлсэн” байв. Барилга руу ороход эргэн тойрон ундуй сундуй, үүдэнд нь том оврын ачааны 2-3 машин зогсчихсон, түрээслэгчид ачаа бараагаа зөөж байлаа. Барилгын зүүн захын хэсэгт үйлчилгээ эрхлэгчид ачаа бараагаа зөөж байхад алт, мөнгөний дархан “Энэ хэсэг хувийн өмч учраас нураах ёсгүй. Тиймээс манайх нүүхгүй. Ер нь юу болоод буйг ойлгохгүй байна” гэсэн юм.
2024-01-08
“Монголын ипотекийн корпорац ОССК” ам.долларын бондоо шинээр солих санал тавилаа
Гуравдугаарт, эзэмшиж буй бондыг ирэх сарын 7 хүртэл үргэлжлүүлэн “барих” буюу бонд солих саналаас татгалзах гэдгийг дурджээ. Эл бондын санал авах хугацаа энэ сарын 10-нд Монголынхоор 00.00 цагт дуусах аж. Мөн шинээр солих бондын дэлгэрэнгүй мэдээллийг энэ сарын 8-нд зарлах гэнэ. 212 сая ам.долларын бондын багаар бодоход 75 хувиас дээш дүнтэйг нь эзэмшигчид өрийн бичиг солих саналын аль нэгийг хүлээн зөвшөөрсөн тохиолдолд уг бондыг солих юм байна. “Монголын ипотекийн корпорац ОССК” ХХК-ийн зүгээс уг саналыг өөрийн хүсэлтээр цуцлах боломжтой аж.
2024-01-05
20 аймгийн 166 сумд өвөлжилт хүндэрчээ
Энэ сарын 3-4-нд шилжих шөнө ихэнх нутгаар цас орж, хүйтний эрч өмнөх өдрүүдийнхээс бага зэрэг чангарчээ. Үүний улмаас Баян-Өлгий, Говь-Алтай, Баянхонгор, Өмнөговийн өмнөд хэсэгт цасан бүрхүүлийн зузаан нэмэгдсэн гэнэ. Өчигдрийн байдлаар Увс аймгийн Малчин сумд 37, Хяргаст 35, Давстад 31 см-ийн зузаан цасан бүрхүүл тогтсон нь одоогоор дээд үзүүлэлт аж. Өвөлжилтийн нөхцөл байдал ийнхүү хүндэрсэнтэй холбоотойгоор УОК-ын Шуурхай штабынхан 21 аймгийн Онцгой комиссын гишүүдтэй цахим хурал хийсэн бөгөөд зудын эрсдэлийг даван туулах нэгдсэн төлөвлөгөө боловсруулахаар шийдвэрлэсэн гэнэ.
2024-01-05
Оюутнуудын автобусаар үнэгүй зорчих эрхийг түр хязгаарлалаа
Өмнө нь хэрэгжүүлж байсан Боловсролын тухай хуулийн 43.2.5-т “Нийтийн тээврийн хэрэгслээр хичээлдээ явах зайлшгүй шаардлагатай сурагч, оюутны нийтийн тээврийн хэрэгслээр зорчих зардлын 50 хүртэл хувьтай тэнцэх хэмжээний нөхөн олговрыг аймаг, нийслэлийн Иргэдийн төлөөлөгчдийн хурлаас тогтоосон журмын дагуу олгох” гэж заасан байв. Үүний дагуу оюутнууд автобусаар хөнгөлөлттэй зорчдог байсан юм. Харин уг хуулийн шинэчилсэн найруулгыг өнгөрсөн оны долоодугаар сарын сарын 7-нд батлахдаа дээрх заалтыг хасжээ. Тиймээс хуулийн шинэчилсэн найруулгын дагуу энэ оноос эхлэн оюутнууд хөнгөлөлттэй зорчих боломжгүйд хүрсэн гэж “Улаанбаатар смарт карт” компанийнхан тайлбарласан юм.
2024-01-05
“Баянмонгол” чуулга “Movie swing” тоглолтоо хийнэ
Тус тоглолтоор “Оскар”-ын шагналт болон дэлхийн шилдэг кинонуудын хөгжмийг олон нийтийн сонорт хүргэх нь. Соёлын яамнаас зарлаад буй, гэр бүлийн гишүүдэд зориулсан “Happy january” аяны хүрээнд уг тоглолтыг зохион байгуулах аж. Тус чуулгынхан киноны хөгжмийн тоглолтыг жил бүр хийдэг. Энэ удаад “Оскар”-ын наадмын шагналт киноны хөгжмүүдийг толилуулахаараа өмнөх жилүүдийнхээс ялгаатай юм байна. Мөн монгол киноны хөгжмүүдээс ч тоглох гэнэ. Тоглолтод Н.Наранбаатар, Б.Дэлгэрбаяр, Б.Энхжаргал нарын уран бүтээлч ая дуугаа өргөх аж. Уг тоглолт Улсын филармонийн концертын танхимд болно.
2024-01-04
Монголд мөсний загасчлалын ДАШТ болно
Тэмцээнд 14 багийн 80 гаруй тамирчин өрсөлдөв. Хамгийн том загас барьсан тамирчид олгодог шагналыг “Донпабло” багаас Ө.Ганзориг 811 гр алгана загас барьснаараа хүртсэн байна. Хувийн дүнгээр “Про-40” клубийн Б.Мөнхтөр аварга боллоо. “Хангай” клубийнхнээс Б.Түвшинбаяр энэ удаа удаалж мөнгө, “Дархан”-аас Д.Амгалан хүрэл медалийн эзэн болжээ. Багийн дүнгээр “Дархан”-ыхан тэргүүлж, “Чоно” клубийнхэн удаалан, “Хөх тул”-ынхан III байрт шалгарав.
2024-01-04
Сурагчдад зориулсан цахим сорилын систем нэвтрүүлэх нь
Уг системийг өнөөдөр 09.00 цагаас ажиллуулж эхлэх юм байна. Сурагчид үүнийг ашигласнаар 2023-2024 оны хичээлийн жилийн эхний хоёр улиралд үзсэн хичээлийн мэдлэг, чадварын түвшнээ тогтоох боломжтой. Түүнчлэн суралцагчид цахим сорилд хамрагдах үед эцэг, эх, асран хамгаалагчид нь хяналт тавьж, хамтран оролцохыг дээрх төвийнхөн зөвлөжээ. Цахим системд одоогоор монгол хэл, математикийн сорилыг багтаагаад буй бөгөөд цаашид бусад хичээлийнхийг үе шаттайгаар нэмэхээр төлөвлөсөн гэнэ. Мөн цаашид улирал бүрийн төгсгөлд тухайн хугацаанд үзсэн хичээлүүдийн сорилыг нэмж оруулах аж. Уг системийг сурагчид үнэ төлбөргүй ашиглах боломжтой.
2024-01-04
24 иргэн хүндэт донор болов
Цусаа бэлэглэх үндэсний өдрийг тохиолдуулан Цус сэлбэлт судлалын үндэсний төвөөс хүндэт доноруудаа өчигдөр шагналаа. Мөн цус цуглуулах хүмүүнлэгийн үйлсэд идэвхтэй оролцсон МҮИС, “Этүгэн”, ХААИС, “Ач” анагаах ухааны их сургуулийнханд талархлын бичиг гардуулав. Уг арга хэмжээг Монголын улаан загалмай нийгэмлэг, Цус сэлбэлт судлалын үндэсний төв хамтран зохион байгуулсан. Монголын улаан загалмай нийгэмлэгээс өнгөрсөн онд цус цуглуулах үйл ажиллагааг 150 удаа зохион байгуулжээ. Үүнд идэвхтэй оролцсон Б.Уранзул тус нийгэмлэгийн “Энэрэл” алтан медалийг хүртсэн юм. “Нигүүсэл” алтан медалиар Э.Бат-Өлзий шагнууллаа. Дээрх төвийн “Хүндэт донор” тэмдгийг өчигдөр 24 иргэнд хүртээлээ. Цус цуглуулах үйлсэд идэвхтэй оролцсон Д.Жавзмааг “Алдрын хүндэт” тэмдгээр шагнав. Ташрамд дурдахад, “Хүндэт донор” тэмдгийг 1962 оноос хойш 1789 иргэн авчээ.
2024-01-04
