Тус наадам энэ жил 9-р сарын 12-ноос 21-ний хооронд үргэлжилж, 10 жилийн ойгоо тэмдэглэж байна. Жил бүр олон мянган хүн хүсэн хүлээдэг “Flower Piano”-д энэ удаад ойролцоогоор 60,000 орчим хүн хүрэлцэн ирсэн аж.
“Flower Piano” нь жил бүрийн намар болдог бөгөөд Golden Gate Park-ийн алдарт ботаникийн цэцэрлэгт 12 концертын рояль төгөлдөр хуурыг байрлуулж, мэргэжлийн хөгжимчид болон хөгжмийн сонирхогчдод тоглох, үзэгчдэд чөлөөтэй сонсох, хамтдаа хөгжимдөх боломж олгодгоороо АНУ-д төдийгүй олон улсад нэр хүндтэй болсон соёлын арга хэмжээ юм.
