Эрчим хүчний салбарын өвөлжилтийн бэлтгэл ажил 74 хувьд хүрчээ
Тодруулбал, үйлдвэр, компани тус бүр 2023 оны их засвар, техник зохион байгуулалтын арга хэмжээ, хөрөнгө оруулалтын ажлын явц, 2023-2024 оны өвлийн их ачааллыг давах бэлтгэл ажлын гүйцэтгэл, төлөвлөгөөт хугацаанаас хоцорч буй ажил зэргийн талаар мэдээлэл өгсөн байна. Салбарын хэмжээнд өвөлжилтийн бэлтгэл ажил өчигдрийн байдлаар дунджаар 74 хувьд хүрсэн нь өмнөх оныхтой ойролцоо буюу нэг хувиар нэмэгдсэн үзүүлэлт аж. Салбарын яамнаас өвөлжилтийн бэлтгэл ажлуудыг эрчимжүүлж, оргил ачаалал эхлэхээс өмнө буюу ирэх арваннэгдүгээр сарын 1 гэхэд дуусгахыг үйлдвэр, компаниудын ерөнхий инженерүүдэд үүрэг болгожээ.
2023-09-12
Арилжааны есөн банкны гомдлыг Дээд шүүх хүлээн авахаас татгалзав
Тэгвэл арилжааны банкууд Дээд шүүх хүртэл заргалдаад амжилт олсонгүй. ШӨХТГ-ын байцаагчдын шийтгэвэр хууль зүйн үндэслэлтэй нь тодорхой боллоо. Нийслэл дэх Захиргааны хэргийн анхан шатны шүүх банкуудын итгэмжлэгдсэн төлөөлөгч, тэдний өмгөөлөгч нарын гарсан гомдлыг 2023 оны дөрөвдүгээр сарын 10-нд хэлэлцээд Өрсөлдөөний тухай хуулийн 12.1.10 дахь “аж ахуй эрхлэгч өрсөлдөөнийг хязгаарлахад чиглэсэн хууль ёсны ашиг сонирхолд харшлах болон хэрэглэгчийг хууль бусаар хохироох худалдааны арга хэрэглэх хориглосон үйл ажиллагаа биш” гэж дүгнэн ШӨХТГ-ынхны шийтгэврийн хуудаснуудыг хүчингүй болгосон юм.
2023-09-12
Түрээсийн 200 дугуйг дахин ашиглахааргүй болгожээ
Тэгвэл үүнээс 200 дугуйг нь хэрэглэгчид санаатай болон санамсаргүйгээр эвдэж, дахин ашиглахааргүй болгосныг дээрх компанийнхан өчигдөр мэдээлэв. Нэг дугуйн зах зээлийн үнэлгээ нь 720 000 төгрөг бөгөөд иргэд эдгээрийг гамтай, соёлтойгоор ашиглахыг тус компанийнхан уриаллаа. Түүнчлэн иргэдийн эрэлтэд тулгуурлан цаашид Дархан-Уул, Орхон аймагт уг үйлчилгээг нэвтрүүлэхээр төлөвлөж байгаагаа мэдэгдсэн. Ташрамд дурдахад, иргэд ухаалаг утасныхаа “PlayStore” болон “Appstore”-оос “Hi sainuu” аппликэйшнийг татан авч, хэтэвчээ цэнэглэснээр дугуй унах боломж бүрдэх нь. Түрээслэх үнийн хувьд 15 минут нь 1000 төгрөг. Мөн 30 минут нь 2000, 45 минут 3000, нэг цаг нь 4000 төгрөг аж.
2023-09-12
Яармагийн замд эгнээ тусгаарлах хашлага байрлуулсан нь маргааны сэдэв болов
Үүнээс шалтгаалан өчигдөр Яармагийн зам дагуух зогсоолуудад автобус хүлээсэн иргэдийн бөөгнөрөл үүссэн юм. Зарим иргэн “Нэгдүгээр эгнээгээ чөлөөлсөн юм бол түүгээрээ автобус явуулаач ээ” хэмээн бухимдаж байсан бол нэг хэсэг нь “Тусгаарлах хашлагыг буруу байршилд буюу бараг л хоёрдугаар эгнээнд тавьснаас болоод түгжрэл үүссэн” хэмээж байв. Түүнчлэн хотын төвөөс Яармаг руу чиглэсэн замд эгнээ тусгаарлах хашлага байрлуулсан нь буруу гэдгийг ч цөөнгүй хүн хэлж байлаа.
2023-09-12
Иргэдийг айлган сүрдүүлдэг зохион байгуулалттай бүлгийнхний шүүх хурлыг товлов
Э.Сумъяажаргалын захиалгаар иргэн Б-г зочид буудалд аваачиж айлган сүрдүүлж, улмаар эд хөрөнгөө шилжүүлж өгөхийг шаардсан хэргийг Эрүүгийн цагдаагийн албаны Зохион байгуулалттай гэмт хэрэгтэй тэмцэх хэлтсийнхэн илрүүлэн шалгасан. 2022 оны арванхоёрдугаар сард дээрх хүмүүс хохирогчийг зодон биед нь гэмтэл учруулж, бэлгийн дур хүслээ ёс бусаар хангаж, өөрт нь болон түүний ойр дотны хүнд хүч хэрэглэхээр заналхийлсэн нь шалгалтаар тогтоогдсон байдаг.
2023-09-11
Италийн тамирчид монгол хүүхдүүдэд хөлбөмбөг заахаар ирлээ
Уг сургалтыг удирдан явуулах дэлхийн аварга, алдарт хөлбөмбөгчин Ж.Замбротта Италийн шигшээ багийн дасгалжуулагч болон олны танил бусад тамирчны хамт манай улсад хэдийн ирсэн байна. Сургалтад хамрагдсан хүүхдүүдээс 3-5-ыг нь сонгож, Олон улсын хөлбөмбөгийн баярт оролцуулах аж. Ж.Замбротта болон түүнтэй хамт ирсэн Сванн Ритозза нар нь спортын ертөнцөд өөрсдийн орон зайг эзэлсэн, нийгмийн сүлжээнд олон сая дагагчтай нөлөө бүхий хүмүүс тул манай орныг олон улсад сурталчлах гүүр болно хэмээн аялал жуулчлалын салбарынхан сайшааж байна.
2023-09-11
Гадаадын банкны салбар, нэгжийг дотоодын санхүүгийн салбарт оруулахад дэмжлэг үзүүлнэ
Энэ нь дунд хугацаанд инфляцыг 6+/-2 нэгж хувийн интервалд байлгах зорилтыг хэрэгжүүлэх, инфляцын хүлээлтийг аргамжих, Төвбанканд итгэх олон нийтийн итгэл, үйл ажиллагааны хараат бус байдал дээшлэх зэрэгт дэмжлэг үзүүлнэ хэмээв. Мөн гадаадын банкны бие даасан салбар, нэгжийг дотоодын санхүүгийн салбарт оруулахад дэмжлэг үзүүлэх, ногоон зээлийн үр дүнг хэмжих, тайлагнах, баталгаажуулах, их өгөгдөлд суурилсан нэгдсэн системийг хөгжүүлэх зорилтыг тусгасан байна. Эл хэлэлцүүлгийг анх удаа Төрийн мөнгөний бодлогын үндсэн чиглэлийн төслийг УИХ-д өргөн барихаас өмнө зохион байгуулсан юм.
2023-09-11
“Степпе Арена” нэршүүлэх эрхээ өгсөн анхны компани боллоо
Энэ дээрх практикийг Монголд нэвтрүүлсэн анхны тохиолдол болов. Нэрших эрхийг авсан баярынхаа хүрээнд амралтын өдрөөр “AIC Степпе Арена” нээлттэй өдөрлөг зохион байгууллаа. Мөн гадна талбайдаа воллейбол болон 3х3 сагсан бөмбөгийн, хиймэл зүлгэн талбай байгуулжээ. Өдөрлөгийн үеэр талбайн нээлтээ хийж хүүхэд залуусын дунд 3х3 сагсан бөмбөг болон воллейболын тэмцээн зохиолоо. Бас энэ үеэр “Open mic”-ийн хамт олон хүрэлцэн ирж тэдний ажилчид болон үзэгчдийн дундаас шилдэг дуучныг шалгаруулсан юм.
2023-09-11
Хэлмэгдэгсдийн дурсгалыг хүндэтгэх өдөрт зориулсан тусгай үзэсгэлэн нээлээ
Тус үзэсгэлэнг зохион байгуулж буй “Чэжү 4.3 Энхтайвны сан”-гийн тэргүүн Ко Хи Бум “1948 оны дөрөвдүгээр сарын 3-нд болсон түүхийн үйл явдлын үнэнийг марталгүй хойч үедээ үргэлж сануулж байх хэрэгтэй” хэмээсэн юм. Цагаатгалын улсын комиссын ерөнхий нарийн бичгийн дарга Г.Төгөлдөр “Зүүн Азид улс төрийн хэлмэгдүүлэлт болсон хоёр орон байдаг нь Монгол болон БНСУ. Монгол Улстай ижил төстэй гашуун үйл явдал БНСУ-д 1948 онд болсон. Солонгосын ард иргэд төрийн бодлогын эсрэг бослого гаргаж, түүнийг нухчин дарсан гашуун түүхтэй.
2023-09-11
Лаосын парламентаас УИХ-д улаан зандан модон ширээ, сандал дахин бэлэглэнэ
УИХ-ын дарга Монгол Улсын Ази, Номхон далайн бүс нутагт чиглэсэн гадаад бодлогод Зүүн өмнөд Азийн улс орнуудтай хөгжүүлж буй харилцаа, хамтын ажиллагаа чухал байр суурь эзэлдгийг онцлов. Талууд цаашид хоёр улсын парламент хоорондын хамтын ажиллагааг гүнзгийрүүлэн, найрамдлын бүлгүүдийн харилцан айлчлалыг тогтмолжуулж, мэдээлэл, туршлага солилцох арга хэмжээг эрчимжүүлэхийн төлөө нягт хамтран ажиллахаа нотолж, олон улс, бүс нутгийн түвшинд харилцан нэгнээ дэмжиж ажиллахаа илэрхийллээ.
2023-09-11
Гааль, хилийн цэргийн албан тушаалтнууд “нүүрсний” гэх хэрэгт ял шийтгүүлэв
Дээрх албан тушаалтнуудад хахууль өгсөн хэрэгт холбогдсон Б.Мөнхбилэгийн нийтийн албанд томилогдох эрхийг хоёр жил хасаж, 3.5 сая, А.Ганболд, О.Нэргүй, Х.Түмэнжаргал, Л.Батболор, Т.Лхагвадорж, Т.Баттулга, Д.Ууганбаяр, Б.Дашдорж, О.Ууганбаатар, Ц.Батгэрэл, Б.Баярбаатар, Ү.Тогообаатар, Д.Түвшинбаяр, Б.Гүндсамбуу, Э.Алтангэрэл нарыг тус бүр гурван сая төгрөгөөр торгох ял шийтгэжээ.
2023-09-11
“Дугуйтай гэр бүлийн өдөрлөг”-тэй
Унадаг дугуй нь хүрээлэн буй орчинд хамгийн ээлтэй, эрүүл мэнд, эдийн засагт ашигтай тээврийн хэрэгсэлд тооцогддог. Тиймээс хүн ам олон, хөдөлгөөний ачаалал ихтэй улс орнуудад үүнийг нийтийн хэрэглээ болгосон жишиг цөөнгүй. “Дугуйтай гэр бүлийн өдөрлөг”-ийн гол зорилго нь энэ ач холбогдлыг сурталчлах замаар дугуйн хэрэглээг нэмэгдүүлэх аж. Уг арга хэмжээг 12.00-16.00 цагт “Үндэсний цэцэрлэгт хүрээлэн”-гийн Дугуйн талбайд зохион байгуулна.
2023-09-08
Улаанбаатар хотын бонд гаргах андеррайтеруудтай хамтран ажиллах гэрээ байгууллаа
Улаанбаатар хот дотоодын зах зээлд 500 тэрбум төгрөг хүртэлх дүнтэй бонд гаргах зөвшөөрлөө Сангийн яам, Монголбанк, Санхүүгийн зохицуулах хорооноос аваад буй. Тодруулбал, Нийслэл Улаанбаатар хотын эрх зүйн байдлын тухай хуулийг 2021 онд шинэчлэн баталснаар Улаанбаатар хот санхүүгийн зах зээлд бонд гаргах эрхтэй болсон билээ. Ингэснээр Улаанбаатар хот дэлхийн томоохон хотуудын жишгийг дагаж санхүүжилтийн илүү үр ашигтай арга хэрэгсэл ашиглан дэд бүтцийн томоохон хөрөнгө оруулалтуудыг шийдэх, санхүүгийн хувьд бие даан ажиллах боломж бүрдэж байгаа юм.
2023-09-08
Багануур дүүргийн авто замыг шинэчлэх, спорт хороог засварлах шаардлагатай байна
Нийслэлийн Засаг дарга бөгөөд Улаанбаатар хотын захирагч Д.Сумъяабазар Багануур дүүрэгт ажиллалаа. Дүүргийн хэмжээнд хатуу хучилттай авто зам 27.6 км бий. Гэвч ихэнх нь 10-30 жилийн насжилттай. Мөн борооны ус зайлуулах шугамгүй тул эвдэрч, шинээр тавих шаардлага тулгарчээ. Жил бүр зам арчлалтад зориулж дүүрэгт 500 сая орчим төгрөг олгодог байна. Гэвч энэ мөнгөөр урсгал засвар хийгээд дуусдаг, зам шинээр тавихад хүрэлцдэггүй аж. Иймээс 22 байршилд зам засвар, таван байршилд авто зогсоолын ажил хийхээр төлөвлөж, үүнд нийт 6.3 тэрбум төгрөг шаардлагатайг дүүргийн удирдлагууд хэллээ.
2023-09-08
Сурагчдыг 35 минутын унтлагын цагтай болгожээ
Америк, Солонгос, Хятад зэрэг өндөр хөгжилтэй орнуудад ажлын бүтээмжийг нэмэгдүүлэх, сурагчдын өсөлт, хөгжлийг дэмжих зорилгоор аж ахуйн нэгж, сургалтын байгууллагуудад унтлагын цаг хөтөлбөр хэрэгжүүлдэг жишиг цөөнгүй гэнэ. Тус сургууль олон улсад сайн туршлага болж буй эл санаачилгыг өнгөрсөн хавраас туршиж, 15 минут байсан унтлагын цагаа энэ намраас 20 минутаар сунгажээ. “Күнз” сургуулийн удирдлага “Унтаахай” төслийг орон даяар хэрэгжүүлэх нь олон талаар ач холбогдолтойг дурдаад, туршлагаасаа хуваалцахад бэлэн гэдгээ илэрхийлэв.
2023-09-08
Өвөрхангай аймгийн “Мэргэд” сургуулийн сурагчид гуравдугаар ангиасаа япон хэл үзэж байна
“Хархорум”-ын барилга нь олон улсын стандартад нийцсэн Монголын анхны музей гэдгээрээ онцлогтой юм билээ. 1400 гаруй үзмэр байнгын сан хөмрөгт. Судалгааны сан хөмрөгтэй нийлбэл 4000 гаруй үзмэртэй гэнэ. Мөн “Монголын уламжлалт тоглоом наадгайн төв” байгуулан, хүүхэд, залуучуудад боловсрол олгох үйл ажиллагаа явуулдаг. Байнгын болон түр үзэсгэлэнгийн танхимд мэлхий чулуун нуруун дээр босгож байсан гэрэлт хөшөөний хэсэг, барилгын материал шатаасан зуухны үлдэгдэл, сүмийн шалан доорх халаалтын системийн үлдэгдэл, Чингис, Өгэдэй, Гүюг хааны хийлгэсэн мөнгөн зооснууд гэх мэт олон чухал олдворыг дэлгэн үзүүлсэн байлаа.
2023-09-08
Цахимжилт, шилэн, ил тод байдал олон улсад үнэлэгдлээ
Тус зөвлөх үйлчилгээний хүрээнд УИХ-аас цахим хөгжлийг дэмжих дөрвөн хууль баталж, “Хур” болон “Дан” системийг шинэчлэн, “И-Монголиа” төрийн үйлчилгээний нэгдсэн системийг ашиглалтад оруулсан юм. Эл системийн хамгийн сүүлд танилцуулсан 3.0 хувилбарт төрийн 1000 гаруй үйлчилгээг нэгтгэн, НҮБ-аас гаргадаг цахим засаглалын индексээр Монгол Улс 18 байраар урагшилсан. Мөн Засгийн газраас хэрэгжүүлж буй “Шил” ажиллагааны үр дүнд Нийтийн мэдээллийн ил, тод байдлын хуульд заасан 68 төрлийн мэдээллээс 750 мянга гаруй мөр өгөгдөл shilen.gov.mn-д нээлттэй болоод байна.
2023-09-08
“Шивээ-Овоо” ХК-ийн санхүүгийн алдагдлыг бууруулахыг даалгав
Ерөнхий сайд дараа нь Говьсүмбэр аймаг дахь политехникийн коллежийн үйл ажиллагаатай танилцлаа. Боловсролын багц хуулийн өөрчлөлтийн дагуу энэ хичээлийн жилээс МСҮТ-өөс коллеж болон өөрчлөгджээ. Барилга, уул уурхай, хөдөө аж ахуйн үйлдвэрлэл, үйлчилгээний чиглэлээр 1-3 жилээр сургалт явуулж буй тус коллежийг жилд 250 гаруй суралцагч төгсөж, 70-80 хувь нь ажлын байртай болдог аж.
2023-09-08
Хөвсгөл нуурт далайн шилэн кабель суурилуулав
Түүнчлэн уг ажил нь Монгол Улсад анх удаа шилэн кабелийг усан доогуур суурилуулснаараа онцлогтой аж. ОБЕГ, “Монголын цахилгаан холбоо”, БОАЖЯ-ны Тусгай хамгаалалтын газар, Монгол Улсын Далайн захиргаа болон Японы KDDI сан, OCC компанийнхантай хамтран энэхүү ажлыг гүйцэтгэжээ. Шилэн кабель суурилуулах санхүүжилтийг ЦХХХЯ- -наас Ази, Номхон далайн цахилгаан холбооны байгууллагатай хамтран хэрэгжүүлж буй “FM өргөн нэвтрүүлгийн сүлжээ ашиглан гамшгийн үеийн мэдээ, мэдээлэл дамжуулах EWBS систем нэвтрүүлэх” төслийн хүрээнд шийдвэрлэжээ. Төслийн ерөнхий санхүүжүүлэгч нь Япон Улсын KDDI сан юм байна.
2023-09-08
