Чингис хааны шүтээн хөргийг тольдоорой
“Их шүтээн: Эзэн Чингис хаан” тусгай үзэсгэлэнг “Чингис хаан” үндэсний музейнхэн олны хүртээл болгож байна. Ирэх сарын 9 хүртэл толилуулах эл үзэсгэлэнд тус музейн 28 дэсийн үзмэр болон иргэн Б.Амарсанаагийн хувийн цуглуулгад хадгалж буй XVIII-XX зуунд хамаарах эзэн сангийн ганзай, танка зураг, сан тахилын судар тэргүүтэй 29 эд өлгийн зүйлийг анх удаа нийтэд дэлгэн үзүүлж буйгаараа онцлог аж.
2025-08-11
Бидний нүцгэн үнэн хийгээд үйлийн үрийн тойрог дахь бас бус зүйлсийн тухай
ШУА-ийн Хэл зохиолын хүрээлэнгийн Утга зохиол судлалын салбарын эрдэм шинжилгээний дэд ажилтан Б.Мөнх-Эрдэнийн кино шүүмжийг уншигчдадаа хүргэж байна. Тэрбээр урлаг, утга зохиолын салбарт ус, агаар шиг дутагдаж буй шүүмж судлалаар мэргэшсэн залуу судлаачдын нэг бөгөөд энэ чиглэлээр зохион байгуулсан томоохон уралдаануудад идэвхтэй оролцдог нэгэн юм. Б.Мөнх-Эрдэнэ хамгийн сүүлд МУИС-иас өнгөрсөн онд зохион байгуулсан “Утга зохиол, урлагийн шүүмж бичвэрийн улсын уралдаан”-д “Г.Аюурзанын фатализм” бүтээлээрээ дэд байр эзэлсэн.
2025-08-11
Сансарт атгалцсан гар салж, нийлсэн тухай түүх
Хагас зууны өмнө 1975 оны долоодугаар сарын 15-нд ЗХУ “Союз-19” сансрын хөлгөө хөөргөсөн юм. Хоёр хоногийн дараа уг хөлөг Америкийн “Аполлон”-той залгагдсан байдаг. Манай гаргийг хоёр лагерьт хуваасан хүйтэн дайн тэгэхэд хэдэн цаг мартагдсан гэдэг. Энэ нь ердөө л техникийн туршилт төдий биш, итгэл найдварын бэлгэ тэмдэг, хоёр ертөнцийн хоорондын гүүр, агааргүй орон зайд атгалцсан гар байсан юм.
2025-08-11
Монгол хүүхдүүд олон улсын хиймэл оюуны олимпиадаас хос хүрэл медаль хүртлээ
Олон улсын хиймэл оюуны II олимпиадад эх орноо төлөөлөн хоёр багийн найман сурагч оролцсоноос хос хүрэл медаль хүртлээ. Тодруулбал, дэлхийн 61 улсын 284 сурагч хоёр өдрийн турш машин сургалт, хиймэл оюуны зургаан бодлого бодож, оюун ухаанаа уралдуулан өрсөлджээ. Тэмцээний нийлбэр оноогоор “Эрхэт эрдэм” сургуулийн XII ангийн сурагч Ч.Ирмүүн, “Оюунлаг” сургуулийн XI ангийн сурагч С.Хангэрэл нар хүрэл медаль хүртсэн бол “Хобби” сургуулийн X ангийн сурагч Ү.Эрхэс тусгай байрт шалгарсан байна. Өнгөрсөн жил болсон, хиймэл оюуны анхдугаар олимпиадаас манай улсын сурагчид алт, хүрэл медаль хүртэж байв.
2025-08-11
Мэргэжлээс шалтгаалсан өвчин судлалын эмнэлгийг энэ сард ашиглалтад оруулах үүрэг өгөв
Засгийн газрын 2023 оны арваннэгдүгээр сарын 8-ны хуралдааны шийдвэрийн дагуу Мэргэжлээс шалтгаалсан өвчин судлалын эмнэлгийн барилгын шавыг тавьж байв. Найман давхар тус барилгын ажлын гүйцэтгэл өдгөө 95 хувьтай ч хөрөнгө оруулалт саатсанаар ашиглалтад оруулах хугацаа нь хойшилсоор буй гэнэ. Тиймээс шаардлагатай үлдэгдэл хөрөнгийг шийдвэрлэх, тоног төхөөрөмжийн тээвэрлэлт, ашиглалт, хамгаалалтад анхаарч ажиллахыг, мөн барилгыг энэ сард багтаан ашиглалтад оруулах үүргийг салбарын сайд нь холбогдох албаныханд өгчээ.
2025-08-11
Францад сүүлийн 80 жилд бүртгэгдээгүй ой, хээрийн түймэр гарав
Францын өмнөд хэсэг болох Окситани мужид гарсан ой, хээрийн түймрийн улмаас өнгөрсөн бямба гарагт нэг иргэн нас барж, 25 хүн гэмтэж бэртсэний 19 нь гал сөнөөгч байв. Энэ нь сүүлийн 80 жилд бүртгэгдээгүй, томоохон хэмжээний гамшиг байсан аж.
2025-08-11
Улаанбаатар-Даланзадгад-Мандалговь чиглэлийн авто замыг хэсэгчлэн хаав
Улаанбаатар-Даланзадгад-Мандалговь чиглэлийн улсын чанартай авто зам уул уурхайн тээвэрт талхлагдан эвдэрч, осол гарах нөхцөл үүсээд багагүй хугацаа өнгөрч буй. Харин тус замыг засаж эхэлсэн бөгөөд зарим хэсэгт тээврийн хэрэгслийн хөдөлгөөнийг хэсэгчлэн хааж, түр замаар зорчуулах болсныг Зам, тээврийн яамнаас мэдээлэв. Тухайлбал, А0201 дугаартай УлаанбаатарМандалговь чиглэлийн авто замын 198-203 км хоорондох хэсгийг есдүгээр сарын 15-наас аравдугаар сарын 1 хүртэл хаах гэнэ. Мөн 207-210 км-ийг нь энэ сарын 15-наас ирэх сарын 15 хүртэл хааж, түр замаар зорчуулах нь.
2025-08-11
Шувуун фабрикт 13 сая ам.долларын хүлэмжийн аж ахуйн төсөл хэрэгжүүлнэ
Хан-Уул дүүргийн XIII хороо буюу Шувуун фабрикт 13 сая ам.долларын хүлэмжийн аж ахуйн төсөл хэрэгжүүлэх гэнэ. Тодруулбал, тус төслийг Хан-Уул дүүрэг БНСУ-ын КОИКА олон улсын байгууллагатай хамтран хэрэгжүүлэх ба үүний хүрээнд орчин үеийн хүлэмжийн аж ахуй, хүнсний хадгалалтын зоорь бүхий дэд бүтэц байгуулах аж.
2025-08-11
Ам бардам, гуя шалдан Д.Ганбат
Монгол Улсын ес дэх парламент бүрдэж, анхны 126 гишүүн тангаргаа өргөөд удаагүй байна. Дөрвөн нам, нэг эвслийн төлөөллөөс бүрдсэн эл парламентад иргэд биднийг хэн хэн төлөөлж байна вэ. Ардчилсан засаглалыг бэхжүүлэх, нийгэм, эдийн засгийн амьдралд хөгжил дэвшил авчрах үүрэг, зорилгоо биелүүлэх нөөц боломж, туршлага тэдэнд бий юү.
2025-08-11
Мидокалм тарилгын уусмалыг зах зээлээс яаралтай буцаан татаж байна
Унгар Улсын “Гедеон рихтер” компанийн Монгол дахь төлөөлөгчийн газраас ирүүлсэн албан мэдэгдлийн дагуу А45009А цувралын мидокалм 100мг+2.5мг/мл тарилгын уусмалыг зах зээлээс эргүүлэн татах болсныг Эм, эмнэлгийн хэрэгслийн хяналт, зохицуулалтын газар (ЭЭХХЗГ)-аас өнгөрсөн баасан гарагт мэдээллээ.
2025-08-11
Уур амьсгалын өөрчлөлтөд тэсвэртэй шинэ сортын какао тариалах нь
АНУ-ын чихэр үйлдвэрлэгч “Mars” биотехнологийн “Pairwise” компанитай хамтран ажиллах болжээ. Ингэснээр ургамлын ген засварлах технологийг нь ашиглан, шинэ сортын какао гаргаж авах боломж тэдний өмнө нээгдэх юм байна. CRISPR бол ген засварлах орчин үеийн арга хэрэгсэл бөгөөд ургамлын ДНХ-д богино хугацаанд үр дүнтэй өөрчлөлт оруулдгаараа давуу талтай аж.
2025-08-10
Долоодугаар сард хамгийн бага хур тунадас оржээ
Өнгөрсөн долоодугаар сард Монгол орны хэмжээнд дунджаар 47.3 мм хур тунадас орсон нь өмнөх жилийнхээс 26, олон жилийн дунджаас 7.9 хувиар бага байжээ. Энэ нь 1940 оноос хойш тохиолдолж буй 27 дахь бага тунадастай сар болж өнгөрснийг цаг уурын байгууллагаас мэдээлэв. Тодруулбал, долоодугаар сарын агаарын дундаж температур өнгөрсөн жилийнхээс 0.6 хэмээр хүйтэн, олон жилийн дунджаас 1.1 хэмээр дулаан байжээ.
2025-08-10
Уран зохиол, танин мэдэхүйн “Мэдлэгийн арал” хөтөлбөрийг хэрэгжүүлнэ
“Egshin artger” урлангаас хүүхдийн унших дур сонирхлыг хөглөж, мэдлэгийн хүрээг тэлэх, сэтгэхүйг нь хөгжүүлэх зорилготой “Мэдлэгийн арал” нэртэй уран зохиол, танин мэдэхүйн шинэ цогц хөтөлбөр хэрэгжүүлэхээр болжээ. Уншиж, бичих сонирхолтой, адал явдал, мэдлэгт дурлагч 6-12 насны хүүхдүүд болон тэдний эцэг, эх, асран хамгаалагч, багш, сурган хүмүүжүүлэгч нарт зориулсан энэхүү хөтөлбөрийн танилцуулах өдөрлөг энэ сарын 10, 12-нд “Egshin аrtger” урлангийн байранд зохиогдох нь.
2025-08-10
Өвлөн уламжлагч, суралцагчдыг холбох “Монгол бий биелгээ”
ЮНЕСКО-гийн Соёлын биет бус өвийн сан, ССАЖЗЯ, СУИС-иас хамтран хэрэгжүүлж буй “Монгол бий биелгээг өвлүүлэн уламжлуулж, оршин тогтнох чадварыг бэхжүүлэх нь” төслөөс Увс аймгийн Улаангом сумд энэ сарын 16-17-нд “Монгол бий биелгээ” наадам зохион байгуулах нь.
2025-08-10
Дэлхийн спортын наадамд Монголын есөн тамирчин өрсөлдөнө
“Хязгааргүй спортууд, хэмжээлшгүй гайхамшиг” уриатай Дэлхийн спортын наадам БНХАУ-ын Чэндү хотод өнөөдөр эхэлж байна. Монголын баг тамирчдыг үдэн гаргах ёслол уржигдар Биеийн тамир, спортын улсын хороонд болж, Төрийн далбааг гардуулан өгсөн юм.
2025-08-09
Олон улсын уулчдын холбоо “Цэвэр овоо” төслийг шилдэг санаачилгаар нэрлэв
“Улаанбаатар аялагч” клубээс санаачлан хэрэгжүүлэхээр төлөвлөж буй “Цэвэр овоо” төслийг Олон улсын уулчдын холбоо (UIAA) шилдэг санаачилгаар нэрлэжээ. Уулын спортыг сурталчлан таниулж, хөгжүүлэхээс гадна байгаль хамгааллыг дэмжих чиглэлээр ажилладаг тус холбоо “Уул хамгаалах хөтөлбөр”-ийн хүрээнд энэ чиглэлийн клуб, нэгдлүүлээс дэвшүүлсэн шилдэг санаачилгуудыг шалгаруулсаар ирсэн юм.
2025-08-09
30 жилийн өмнө хөлдөөсөн үр хөврөлөөс хүүхэд мэндэлжээ
АНУ-ын Охайо мужид 1994 оны тавдугаар сард хөлдөөсөн үр хөврөлөөс хүүхэд төрүүлж, дэлхийн дээд амжилтыг шинэчилжээ. 35 настай Линдси, 34 настай Тим Пирс нар хүүхэдтэй болохоор шийдэн, улмаар үр хөврөл суулгуулах үйлчилгээ санал болгодог Nightlight christian adoptions байгууллагын “Open hearts” хөтөлбөрт хамрагдсан байна.
2025-08-09
