Анхны 126 гишүүнтэй парламентыг “стратегич”-аар удирдуулсан нь
Монгол Улсын ес дэх парламент бүрдэж, анхны 126 гишүүн тангаргаа өргөөд удаагүй байна. Дөрвөн нам, нэг эвслийн төлөөллөөс бүрдсэн эл парламентад иргэд биднийг хэн хэн төлөөлж байна вэ. Ардчилсан засаглалыг бэхжүүлэх, нийгэм, эдийн засгийн амьдралд хөгжил дэвшил авчрах үүрэг, зорилгоо биелүүлэх нөөц боломж, туршлага тэдэнд бий юү. Эдгээр асуултад хариулт өгч, иргэдийн мэдэх эрхийг хангах үүднээс “Өнөөдөр” сонин “126-гийн нэг” булан нээгээд байна. Энэ удаагийн парламентын 126 гишүүний 80 нь анх удаа сонгогдсон. Мөн түүхэндээ хамгийн олон эмэгтэй гишүүнтэй парламент гэхчлэн олон тодотголтой билээ. Парламентад иргэдийг хэн хэн төлөөлж байгааг бид цувралаар танилцуулах болно.
2024-10-07
Механик эд зүйлд гэмтэж бэртэгсдийн тоо нэмэгдэв
Амьгүй, механик хүчинд өртөж, гэмтсэн хүний тоо сүүлийн жилүүдэд нэмэгдэх болсныг Гэмтэл, согог судлалын үндэсний төв (ГССҮТ)-өөс анхаарууллаа. Тус төвийн Тандалт, судалгааны албаны мэдээлснээр өнгөрсөн онд механик эд зүйлд өртсөн хүний тоо 34 000-д хүрчээ. Энэ нь 2022 оны үзүүлэлтээс 12 хувиар өссөн дүн аж. Өөрөөр хэлбэл, 10 мянган хүн тутмын 98 нь санамсар болгоомжгүйгээр гэмтэж бэртдэг байна.
2024-10-05
Эрүүл мэнд 2050 он гэхэд “супер бактери”-ийн улмаас жилд 10 сая хүн нас барах төлөвтэй
Эмийн зохисгүй хэрэглээ, тэр дундаа антибиотикийн дасал хүн төрөлхтөнд хэдийн занал учруулаад эхэлснийг ДЭМБ-аас мэдээллээ. Тус байгууллагын судалгаагаар дэлхийн 100 хүн тутмын 3-4 нь эмийн гаж нөлөөний улмаас эмнэлгийн тусламж, үйлчилгээ зайлшгүй авч буй гэнэ. Гаж нөлөөний тохиолдлын дийлэнх хувь нь урьдчилан сэргийлж болохуйц буюу иргэдийн эмийн замбараагүй хэрэглээнээс үүдэж байгаа аж.
2024-10-04
Түүхэн жүжгийн нэрийн хуудас “Тэнгэрийн хүү”
Монголын утга зохиолыг үндэслэгч Д.Нацагдоржийн амьдрал, уран бүтээлээс сэдэвлэсэн “Жаргаагүй нар”, Д.Намдагийн “Оролмаа эх”, Б.Лхагвасүрэнгийн “Тамгагүй төр”, Б.Цогнэмэхийн “Асарын өндөр” зэрэг түүхэн жүжиг олны хүртээл болоод багагүй хугацаа өнгөрчээ. Тэгвэл одоогоос 13 жилийн өмнө үзэгчдэд хүрч байсан “Тэнгэрийн хүү” жүжгийн найруулга, бүрэлдэхүүнийг шинэчилж, тайзнаа толилуулахад бэлэн болоод байна.
2024-10-04
Ирэх оны хөгжлийн төлөвлөгөөг хэлэлцэв
УИХ-ын ээлжит чуулганы пүрэв гаргийн нэгдсэн хуралдаанаар Монгол Улсын хөгжлийн 2025 оны төлөвлөгөө батлах тухай УИХ-ын тогтоолын төслийн эхний хэлэлцүүлгийг хийлээ. Чуулганы ирц 80.2 хувьтай, гишүүдийн асуултад хариулах үүрэгтэй зарим сайд, холбогдох албаны хүмүүс хуралдаанд оролцсонгүй. Засгийн газрын өргөн мэдүүлсэн, тэдний тодорхойлсон төсөл, төлөвлөгөөг хэлэлцэж буй тул гишүүдийн асуултад хариулах албаны хүмүүс УИХ-ын чуулганд хүндэтгэлгүй хандах явдал давтагдвал энэ асуудлыг хэлэлцэхээ хойшлуулахад хүрнэ гэдгийг УИХ-ын дарга анхааруулав.
2024-10-04
Үүдэл эс ашиглан чихрийн шижин өвчнийг амжилттай эмчилжээ
БНХАУ-д анх удаа чихрийн шижин өвчнийг үүдэл эс ашиглан эмчлэх туршилт амжилттай болсон талаар “Nature” сэтгүүлд мэдээлжээ. Өмнө нь дөрөвдүгээр сард Шанхай хотод амьдардаг 59 настай, хоёрдугаар хэлбэрийн чихрийн шижинтэй эрэгтэйг ийм туршилтад хамруулсан бол энэ удаа Тяньжинь хотод оршин суудаг, 25 настай, нэгдүгээр хэлбэрийн чихрийн шижинтэй эмэгтэйд мэс ажиллавар хийсэн нь амжилттай болсон аж.
2024-10-04
Цас орж, хүйтрэхийг анхааруулав
Манай орны зарим аймгийн нутгаар энэ долоо хоногийн сүүлчээр цас орж, хүйтрэхийг цаг уурын байгууллагаас анхаарууллаа. Тухайлбал, Ховд, Архангай, Булган, Баянхонгор аймгийн нийт, Хөвсгөлийн өмнөд хэсгээр өнөөдөр цас орох төлөв гарсан байна. Түүнчлэн маргааш Өвөрхангай, Говьсүмбэр, Дундговь, Төв аймгийн нутгаар цас орж, хүйтрэх аж.
2024-10-04
Олон улсын уул уурхайн үзэсгэлэн, чуулга уулзалт эхэллээ
Олон улсын уул уурхайн үзэсгэлэн, чуулга уулзалт өчигдөр эхэллээ. Энэ сарын 5-ныг хүртэл үргэлжлэх уг арга хэмжээнд 5000 гаруй хүн оролцох гэнэ. Чуулганд оролцогчид уул уурхайн салбарт тулгамдаад буй асуудал, хэрэгжүүлэх төсөл, хөтөлбөрийн өгөөж, бусад улс оронтой хэрхэн хамтран ажиллах, салбаруудын уялдааг хангах талаар хэлэлцэж байна. 2022 оноос жил бүр зохион байгуулж буй эл чуулга уулзалтаар хариуцлагатай уул уурхай, аж үйлдвэржилт болон санхүүжилт зэрэг сэдвийн хүрээнд оролцогчид хэлэлцүүлэг өрнүүлэх юм.
2024-10-03
Д.Даваажаргал: Амьдрах орчны аюулгүй байдлын судалгааныхаа үр дүнг энэ онд багтаан нийтэд танилцуулна
Үндэсний статистикийн хорооныхон Амьдрах орчны аюулгүй байдлын судалгааг улсын хэмжээнд анх удаа хийж байна. Энэ судалгаа нь иргэдийн амар тайван, аюулгүй амьдрах таатай орчин хангагдсан, эсэх, үүнээс шалтгаалж гэмт хэрэгт өртөх эрсдэл, хүний эрхийн зөрчил болон хууль сахиулах, шүүх эрх мэдлийн байгууллагуудын үйл ажиллагаанд иргэдийн итгэх итгэл ямар түвшинд байгааг тодорхойлох зорилготой аж. Тус байгууллагынхан 21 аймаг, есөн дүүргийн 8000 орчим өрхийг санамсаргүй түүврийн аргаар сонгож, судалгаанд хамруулаад буй юм. Үүнтэй холбогдуулан Үндэсний статистикийн хорооны Нийгмийн статистикийн хэлтсийн дарга Д.Даваажаргалтай ярилцлаа.
2024-10-03
Зовлон хэмээх амь зуулга буюу “Амьдрахуй”-гаар амьсгалахуй
Ганц хүнд хэтийдсэн зовлон шаналал гэж байдаггүй. Зарим хүн зовлон даахаас жаргалыг үгүй гэнэ. Үзэх байтугай уншихад дотор харанхуйлам үхэл хагацалтай, бөөн бөөн хоосон нулимс үзүүлсэн кино, жүжиг их л байна шүү дээ. Гэхдээ зайлшгүй туулах зовлонг оргүй хоосноос орчлонд “шидэгдэж” ирээд бүдчиж яваа хөөрхий хүн хэмээх догмагаас арай өөрөөр илэрхийлж, уншигч, үзэгчдэд жинхэнэ агуулга толилуулах нь зохиогчийн утга зохиолын арга барилтай холбоотой буюу. “Ер нь ингэж амьдрахаар үхээд өгье” гэх ацан шалаанд орсон бол үхээд л өгөх нь хамгийн зөв, дардан зам баймаар. Гэхдээ нүдэн дээр амьдрал нь алга эргүүлэх шиг хөмөрч байхад хүлцэж, туулж оршино гэдэг заяагдмал эр зориг аж.
2024-10-03
Умайн хүзүүний хавдраас сэргийлэх вакциныг хэзээнээс хийх нь тодорхойгүй байна
Умайн хүзүүний хорт хавдраас сэргийлэх вакциныг энэ сарын 1-нээс улсын хэмжээнд хийж эхэлнэ гэдгийг салбарын яам, холбогдох албаныхан мэдэгдсэн билээ. Тэгвэл өсвөр насны охид, хөвгүүдэд хийх заалттай уг дархлаажуулалтыг одоо болтол эхлүүлээгүй байна. Энэ талаар ЭМЯ-ныхнаас тодруулахад “Сайдын тушаал гараагүй” гэсэн бол ХӨСҮТ-ийнхөн “Вакцинжуулалтыг аравдугаар сарын 1-нээс эхлүүлнэ гэж огт товлоогүй. Ямартай ч бид холбогдох бэлтгэл ажлуудаа хангаж байгаа. ЭМЯ-ны шийдвэрийг л хүлээж байна” гэсэн юм.
2024-10-03
Сүхбаатар дүүрэгт Ахмадын хөгжлийн төв нээлээ
Олон улсын ахмадын өдөр өчигдөр тохиолоо. Энэ өдрийг тохиолдуулан Сүхбаатар дүүрэгт Ахмадын хөгжлийн төв нээсэн юм. Тус дүүрэгт одоогоор 20 орчим мянган ахмад настан оршин суудаг аж. Тэдний нийгмийн оролцоог хангах, хөгжүүлэх, чөлөөт цагаа зөв боловсон өнгөрүүлэхэд нь уг төвийнхөн туслах нь. Ахмадын хөгжлийн төв нь 14 дүгээр хорооны нутаг дэвсгэрт байрладаг бөгөөд дүүргийн төсвийн хөрөнгө оруулалтаар барьжээ.
2024-10-02
