Аялал жуулчлалын сургалтын төвийг энэ сарын сүүлчээр нээнэ
Монгол, БНСУ-ын Засгийн газар хоорондын хэлэлцээрийн хүрээнд аялал жуулчлалын салбарын хүний нөөцийг чадавхжуулах зорилгоор Хан-Уул дүүргийн 23 дугаар хорооны нутаг, Арцатын аманд байгуулж буй сургалтын төвийг энэ сарын сүүлчээр нээхээр төлөвлөснийг Аялал жуулчлалын мэргэжлийн холбооноос мэдээлэв. Уг төв нь нийт 2800 орчим ам метр талбайтай бөгөөд 250 хүний багтаамжтай сургалтын танхим, хоол үйлдвэрлэл, үйлчилгээ, тогоочийн сургалт явуулах иж бүрэн тоног төхөөрөмжтэй өрөөнүүдээс бүрдэх аж.
2025-05-26
Манай улсын их, дээд сургуулийн дипломыг БНХАУ хүлээн зөвшөөрлөө
БНХАУ-аас манай оронд суралцаж буй оюутнуудын боловсролын чанар, сургалтын нөхцөлийн талаар тус улсын Боловсролын солилцооны үйлчилгээний төв (CSCSE) өнгөрсөн онд шалгалт хийсэн байна. Шалгалтын дүнд үндэслэн дээрх төвөөс Монгол Улсын их, дээд найман сургуулийн сургалтын чанар сайжирсан буюу “хэвийн” ангилалд багтааснаа өнгөрсөн долоо хоногт албан ёсоор мэдэгдлээ. Тодруулбал, нэр бүхий их, дээд сургуулиудын дипломыг Хятадын тал албан ёсоор хүлээн зөвшөөрч, оюутнууд нь өөрийн улсад боловсролын зэргээүнэлүүлэхэд асуудалгүй болж буй юм.
2025-05-26
Улаанбаатарыг аврахаар, урилга заллагаар ирсэн архитектороо нийслэлчүүд хайж байна
Улаанбаатар хот энэ хавар урьд жилүүдийнхээс илүү хөл хөдөлгөөн, үймээн бужигнаантай байна. Нийслэлийнхэн энд ч элдэв өдөрлөг, арга хэмжээ зохион байгуулаад, тэнд ч зам хааж, газар шороо малтан, барилга, байгууламж буулгаад амгалан тайван амьдрах байтугай аюулгүй зорчих боломж ч олгохгүй хотынхныг стресстүүлэх боллоо. “20 минутын хот”, “2040 төлөвлөгөө”, “24 мега төсөл” зэрэг сүржин нэртэй бодлогын баримт бичиг, хөтөлбөрийг албаны хүмүүс аманд орж, чихэнд хоногштол ярьж, үүнийхээ хүрээнд хааж боох, нураан сүйтгэх, буулган “цэвэрлэх” кампанит ажлыг хот даяар өрнүүлж буй энэ цагт нийслэлчүүд нэг л хүнийг хэн бүхнээс илүү “үгүйлж”, эрж хайжбайна. Тэр бол Улаанбаатар хотын ерөнхий архитекторын албан тушаалд томилогдоод есөн сар орчмын нүүр үзэж буй Ч.Төгсдэлгэр.
2025-05-26
Будилаантай Х.Булгантуяа
Монгол Улсын ес дэх парламент бүрдэж, анхны 126 гишүүн тангаргаа өргөөд удаагүй байна. Дөрвөн нам, нэг эвслийн төлөөллөөс бүрдсэн эл парламентад иргэд биднийг хэн хэн төлөөлж байна вэ. Ардчилсан засаглалыг бэхжүүлэх, нийгэм, эдийн засгийн амьдралд хөгжил дэвшил авчрах үүрэг, зорилгоо биелүүлэх нөөц боломж, туршлага тэдэнд бий юү. Эдгээр асуултад хариулт өгч, иргэдийн мэдэх эрхийг хангах үүднээс “Өнөөдөр” сонин “126-гийн нэг” булан нээгээд байна. Энэ удаагийн парламентын 126 гишүүний 80 нь анх удаа сонгогдсон. Мөн түүхэндээ хамгийн олон эмэгтэй гишүүнтэй парламент гэхчлэн олон тодотголтой билээ. Парламентад иргэдийг хэн хэн төлөөлж байгааг бид цувралаар танилцуулах болно.
2025-05-26
Шатахууны үнийг үндэслэлгүй нэмсэн аж ахуйн нэгжүүдийг шалгана гэв
Нийслэлд шатахууны үнэ өнгөрсөн баасан гаргаас 200 төгрөгөөр нэмэгдэж, иргэд энэ талаар бухимдлаа илэрхийлсээр байна. Тодруулбал, жижиглэнгийн худалдаа эрхлэгч зарим аж ахуйн нэгж, байгууллага АИ-92 шатахууны үнийг Улаанбаатарт 2590 төгрөг болгоод буй. Үүнийгээ тэд ам.долларын ханш болон үйл ажиллагааны зардал өссөнтэй холбон тайлбарласан.
2025-05-26
Монгол Улс цайны замыг ЮНЕСКО-д бүртгүүлэх баримт бичгийг өргөн барина
Монгол, БНХАУ, ОХУ-ын нутаг дэвсгэрийг хамран 14 мянган км үргэлжилдэг “Цайны их зам”-ын түүх, соёлыг ЮНЕСКО-гийн Дэлхийн өвд бүртгүүлэх баримт бичгийг манай улс өргөн барихаар зэхэж байгааг Соёл, спорт, аялал жуулчлал, залуучуудын яамнаас мэдээллээ. Ази, Европын эдийн засаг, соёлын солилцооны гол суваг болсон энэхүү замыг Дэлхийн өвийн жагсаалтад нэр дэвшүүлэх, бүртгүүлэх талаар 2014 оноос ярьж эхэлсэн бөгөөд үүний хүрээнд өнгөрсөн хугацаанд өмнөд хөрштэй хэд хэдэн удаа уулзалт, хэлэлцүүлэг зохион байгуулж, холбогдох баримт бичгийг Монголын талаас өргөн барихаар харилцан зөвшилцөлд хүрсэн юм.
2025-05-25
Г.Мандахнаран, Ц.Оюунболд нар өсвөр үе, залуучуудын багийг дасгалжуулна
Чөлөөт бөхийн 15, 17, 20 хүртэлх насныхны УАШТ-ий дараа хойч үеэ бэлдэх, тэдний бэлтгэл сургуулилалтад анхаарал хандуулах зорилгоор өсвөр үе, залуучуудын шигшээ багийг бүрдүүлэхээр болсон. Тэднийг гавьяат тамирчин Г.Мандахнаран, ОУХМ Ц.Оюунболд нар дасгалжуулна. Сонирхуулахад, 15 хүртэлх насныхны УАШТ-ий хүрэл медальт, “Цаст тайга” дэвжээний тамирчин Б.Бум-Эрдэнэ нь АНУ-ын Вашингтон хотод болсон мужийн аварга шалгаруулах чөлөөт бөх, сонгомол (Грек-Ром) бөхийн төрөлд 62 кг-ын жинд тус бүр таван тойрог барилдан, өрсөлдөгчдөө ялж түрүүлжээ.
2025-05-24
Монголын марафончдоос дөрөв нь ДАШТ-д oрсoлдoх нь
Спортын хатан хаан хэмээгддэг хoнгoн атлетикийн ДАШТ-ийг хо ̧р жил тутамд зохион байгуулдаг уламжлалтай. Япон Улсад “Токио-2025” 20 дахь удаагийн тэмцээн есдүгээр сарын 13-21-нд болно. Дэлхийн хoнгoн атлетикийн холбооноос ДАШТ-д оролцох тамирчдын нэрийг зарлаж, чансааны жагсаалтыг танилцуулсан. Монголын хoнгoн атлетикийн шигшээ багийн тамирчдаас дoрoв нь дасгалжуулагч Б.Доржпалам, О.Оюунтуяа нарын удирдлагад Токиог зорих нь. Эмэгтэйчүүдээс ОУХМ Г.Хишигсайхан 37, (138-д, 1199 оноо), Б.Мoнхзаяа 39, (155-д, 1192 оноо), эрэгтэйчүүдээс Гавьяат тамирчин Б.Сэр-Од 66, (396-д, 1139 оноо), ОУХМ Ц.Бямбажав 82 дугаар байрт бичигдэж (522-т, 1115 оноо) тив, дэлхийн шилдгүүдтэй мoр зэрэгцэн хурд сорихоор боллоо.
2025-05-24
