Үерийн дараах ариутгал, халдваргүйжүүлэлтийн ажил эзэнгүйдэв
Үерийн дараа ариутгал, халдваргүйжүүлэлтийг тогтмол, сайн хийх нь чухал. Учир нь үерийн ус тархсан газруудад өвчин үүсгэгч бичил биетэн үржих тохиромжтой орчин бүрддэг аж. Улмаар хүн амын эрүүл мэндэд сөрөг нөлөө учруулдаг. Халдварт нян хөрсөнд удаан хугацаагаар амьдарч халдварт өвчин гарах нөхцөл бүрдүүлдэг юм байна
2024-07-26
Төрийн байгууллагынхан амарч байна
Төрийн албаныхны амралт үргэлжилсээр байна. “Би мэдэхгүй, амрах гэж байгаа”, “Би мэдэхгүй, хүн нь амарсан”, “Би мэдэхгүй, амраад орсон” гэдэг үе нь таарчихлаа” гэж иргэд энэ үеийг тодорхойлдог. Яг одоо ийм сэтгэгдлийг нийгмийн сүлжээнээс олноор харж болно. Учир нь төрийн зарим байгууллагын ажил “тэг зогсож”, тэр хэрээр иргэд хоосон хаалга “мөргөж” буйгаа ийн илэрхийлж байна. Бас аль ч байгууллага руу холбогдож, мэдээлэл хүсэхэд “Хариуцсан хүн нь амарсан” гэдэг жижүүрийн үгийг нь сонссоор
2024-07-26
Саудын Араб и-спортын анхдугаар олимпыг зохион байгуулах эрх авав
Олимпын наадам эхлэхийн өмнө Олон улсын олимпын хороо (ОУОХ)-ны 142 дугаар чуулган Парист болж байна. Чуулганы хоёр дахь өдөр 2025 онд и-спортын анхдугаар олимпыг зохион байгуулах эрхийг Саудын Араб улсад өгчээ. ОУОХ-ны ерөнхийлөгч Томас Бах “Энэ бол ОУОХ-ны шинэ эриний эхлэл юм. И-спортын төрлөөр олимпын наадам зохиосноор бид дижитал хувьсгалын хурдыг дагаж байна
2024-07-25
Уулын дугуйн уралдаануудыг нэгтгэжээ
Монголын дугуйн холбоо уламжлал болсон уулын дугуйн уралдаануудыг нэгтгэж, цуврал тэмцээн болгон, олон улсын тамирчдыг урьж оролцуулахаар төлөвлөжээ. Үүнд энэ сард болох “Даагаа нэхэх” багтаж байна. Түүнчлэн ирэх сард “Дархан-88” төвийн бүсийн АШТ, есдүгээр сард “Говь гурван сайхан” говийн бүсийн АШТ зохион байгуулах юм. Сүүлийн тэмцээнд нийлбэр дүнгээр түрүүлсэн тамирчин аваргын цамц өмсөж, медаль гардах нь.
2024-07-25
Улсын аваргуудаа тодрууллаа
Монголын триатлоны холбооны 20 жилийн ойн нэрэмжит УАШТ-ийг Хэнтий аймгийн Цэнхэрмандал сумын нутаг Баянцогтын нуурт зохион байгуулсан. Тэмцээнд оролцогчдоос эрэгтэйчүүдийн элит ангилалд залуучуудын шигшээ баг, “Виста” клубийн тамирчин Т.Мөнх-Ундарга аварга боллоо. Тэрбээр 500 метрийн сэлэлт, 15 км-ийн дугуй, таван км-ийн гүйлтийн тэмцээнд нэг цаг гурван минут 21 секунд зарцуулсан. Т.Мөнх-Ундарга эл тэмцээнээс өмнө дасгалжуулагч Х.Одгэрэлийн хамт Малайзын Кампар хотыг зорьж, Азийн залуу триатлончидтой хамтарсан бэлтгэл хийжээ.
2024-07-25
Ө.Баярсайхан жагсаалтыг тэргүүлж эхлэв
Монголын авто мастеруудын холбооны шинэчилсэн дүрмээр оны шилдэг залуу тамирчныг тодруулах онооны системийг энэ оноос нэвтрүүлсэн. Зургаан уралдааны дараах байдлаар 12 тамирчин хүснэгтийн эхэнд бичигдэж буй. Тэднээс 136 дугаартай Ө.Баярсайхан “БАХА150” уралдаанд 107 дугаартай Ч.Батчулууныг нэхэн гүйцэж, медаль зүүснээр жагсаалтын эхэнд бичигдлээ
2024-07-25
Тамирчид Сена мөрнөөр завьтай “аялна”
“Парис-2024” олимпын наадмын нээлтийн ёслол Монголын цагаар долоодугаар сарын 26-27-нд шилжих шөнийн 01.30 цагт эхэлж, гурван цаг үргэлжилнэ. Энэ үеэр Сена мөрний дагуу завьт парад хийхээр болсон нь Францад хөл тавьсан үзэгчдийг догдлуулж буй гэнэ. Тамирчид цэнгэлдэхийн замыг тойрч алхахын оронд Францын Сена мөрнөөр завьтай хөвөн явахаараа онцлог юм байна. Усан онгоцны зогсоолууд үзэгчдийн байрлах хэсэг болох нь. 600 мянга гаруй үзэгч хамруулах тооцоо гаргажээ.
2024-07-25
Зарим яамны бүтэц, орон тооны хязгаарыг баталжээ
УИХ-ын 2024 оны долоодугаар сарын 10-ны анхдугаар чуулганы нэгдсэн хуралдаанаар Засгийн газрын бүтцийн тухай хууль, Засгийн газрын бүрэлдэхүүний тухай хууль болон түүнтэй хамт өргөн мэдүүлсэн холбогдох бусад хууль тогтоомжийн төслийг хэлэлцэж баталсан. Үүний дагуу Засгийн газрын бүтэц, бүрэлдэхүүнийг шинэчлэн баталж, зарим яамны нэр, эрхлэх асуудалд өөрчлөлт оруулсан юм. Засгийн газрын тухай хуулийн 12.4 дэх хэсэгт заасны дагуу Зарим яамны зохион байгуулалтын бүтэц, орон тооны хязгаар батлах тухай Засгийн газрын тогтоолын төслийг өчигдөр хэлэлцэж баталлаа.
2024-07-25
Хогийн цэгийн 27 га талбайг нөхөн сэргээлээ
Нарангийн энгэрийн хогийн цэгийн 27 га талбайг нөхөн сэргээснийг Улаанбаатар хотын Захирагчийн ажлын алба (УБЗАА)-наас мэдээлэв. Уг цэгт хогийг ландфилл технологиор дарж, булдаг байна. Харин 2020 оноос тус хогийн цэгийн ландфиллийн талбайг хэсэгчлэн хааж, нөхөн сэргээх ажлыг эхлүүлжээ.
2024-07-25
Байгалийн нөөц газруудад тарвага нутагшуулав
Дэлхийн байгаль хамгаалах сан (WWF)-гийн Монгол дахь хөтөлбөрийн газраас Баян цагааны тал болон Хар ямаат байгалийн нөөц газар болон Матад ууланд тус бүр 50 тарвагыг өчигдөр нутагшууллаа. Тэдгээр тарвагыг Хустайн байгалийн цогцолборт газраас барьжээ. Тус байгууллагынхан 2021 оноос хойш 400 гаруй тарвага сэргээн нутагшуулсан юм байна.
2024-07-25
Цахим “цагдаа” ажиллаж байна
Хог хаяж буй хүмүүсийн бичлэг, зураг бүхий баримттай мэдээллийг иргэд фэйсбүүк дэх“Цахим эко цагдаа” хуудсанд оруулж болох нь. Цагдаагийн байгууллагынхан уг мэдээллийн мөрөөр шалгаж, буруутай этгээдэд хариуцлага тооцох юм байна. Уг цахим хаягт иргэд нийслэлийн нутаг дэвсгэрт үүссэн зөрчил буюу зөвшөөрөлгүй газарт хог хаясан, тээврийн хэрэгслийг зориулалтын бусаар унаж байгаа зэрэг мэдээллийг зураг, бичлэгээр баримтжуулан илгээх ёстой. Цагдаагийн байгууллага үүнийг шалган, шуурхай арга хэмжээ авсны дараа тухайн иргэнд хариу мэдэгдэх аж.
2024-07-25
Нийслэлийн дөрвөн байршилд авто замын хөдөлгөөнийг хэсэгчлэн хязгаарлалаа
Тухайлбал, Дэлхийн банкны санхүүжилтээр Эрчим хүчний яамнаас хэрэгжүүлж буй “Улаанбаатар хотын дулаан хангамжийн үр ашгийг нэмэгдүүлэх” төслийн хүрээнд 350 мм-ийн голчтой, 0.95 км хос шугамыг 500 мм-ийн голчтой болгон өргөтгөх ажлыг “Рутан” компанийнхан энэ сарын 1-нээс эхлэн хийж байна. Үүнтэй холбогдуулан С.Жамъян гүний гудамжны авто замын хөдөлгөөнийг хязгаарлажээ
2024-07-25
Сурагчийн дүрэмт хувцсыг дотоодын найман компани үйлдвэрлэнэ
Хичээлийн шинэ жил удахгүй эхлэх гэж байна. Дэвтэр, үзэгнээс эхлээд сурагчийн дүрэмт хувцасны эрэлт, хэрэгцээ нэмэгддэг. Манай улс 2012 оноос эхлэн ерөнхий боловсролын сургуулийн сурагчдыг нэгдсэн загварын дүрэмт хувцастай болгох шийдвэрийг гаргаж, хэрэгжүүлсэн байна. Монголын оёдлын холбооны гишүүн компаниуд сурагчийн дүрэмт хувцсыг 2013 оноос оёж буй аж
2024-07-25
Байгаль орчин, уур амьсгалын өөрчлөлтийн сайд С.Одонтуяад бодлого, шийдэл байна уу
МАН парламентын ес дэх удаагийн сонгуульд 68 суудал авч, олонх болсон ч хамтарсан Засаг байгуулах саймшралаар аль хэл ам, хэрүүл тэмцэл ихтэй, үймээн бужигнаантай, дангаар засагласан жилүүддээ чинээнд нь тултал дордуулж, “сэхээнд оруулсан” хүнд салбаруудаа АН, ХҮН намд бэлэг болгон өглөө хэмээх олон нийтийн хардлага, шүүмжлэл дагуулсан томилгооны гол цөмд байгаль орчны салбар зүй ёсоор багтаж байна. Ерөнхий сайд Л.Оюун-Эрдэнэ энэ удаа шинэ танхим бүрдүүлэхдээ зарим яамны нэрийг өөрчилж, нэгдсэн удирдлага, бодлогод зангидагдаж ирсэн салбаруудыг нааш цааш болгож, “хөдөлгөөнд оруулсан”-ы нэг нь байгаль орчин болов
2024-07-25
Зуны олимпын зарим тэмцээн эхэллээ
Хүн төрөлхтний цэнгэлийн манлай болсон зуны олимпын наадам эхлэхэд ердөө хоёр хоног үлдлээ. “Парис-2024”-тэй холбоотой сонирхолтой мэдээллээс хүргэе.
2024-07-24
Бүжиглэх нь тархины үйл ажиллагаа, ой санамжийг сайжруулдаг
Бүжиглэх нь тархины үйл ажиллагаа, ой санамжийг сайжруулдаг болохыг хэд хэдэн судалгаагаар баталсан. Альберт Эйнштейний нэрэмжит Анагаах ухааны коллежийн судлаачид бүжиглэх нь оюун санааны хямралыг 76 хувь хүртэл бууруулдгийг тогтоожээ. Тодруулбал, идэвхтэй дасгал хөдөлгөөн, бүжгийн ашиг тус нь амьдралын чанар болон хүмүүстэй харилцах чадварыг дээшлүүлдэг. Бас сэтгэл хямарч, түгших эмгэгийг бууруулдаг гэнэ. Түүнчлэн бүжгийн эмчилгээ нь альцгеймерийн өвчин болон сэтгэцийн эмгэгтэй хүмүүст өөрийгөө хөгжүүлэх боломж олгодог аж
2024-07-24
Хүүхдийн тоо хүрээгүй тохиолдолд сонгон судлах хичээлийг цахимаар заана
Ерөнхий боловсролын сургуулийн ахлах ангийн сонгон судлах 16 хөтөлбөрийг цахимаар хэрэгжүүлэх багш бэлтгэх сургалтын бүртгэл эхэллээ. Багш нарыг энэ сарын 31-ний 12.00 цаг хүртэл бүртгэх бөгөөд бүртгүүлсэн и-мэйл хаягт сургалтад хамрагдах ангийн урилгыг илгээх гэнэ. Сургалтыг ирэх сарын 5-9-ний хооронд цахимаар зохион байгуулах ажээ. Хичээл заах багш нар forms.office.com хаягаар бүртгүүлэх юм байна.
2024-07-24
М.ДАРХАНЧИМЭГ: Ямпай хаалгыг 1961 оноос хойш засварлаагүй
Чойжин ламын сүм музейн урд талбайд байрлах Ямпай хаалгыг засах нэрээр сүйтгэж байгаа талаарх мэдээлэл энэ сарын 21-нээс эхлэн олон нийтийн сүлжээнд тархсан. Тухайлбал, иргэд цахим орчинд “Чойжин ламын музейн нөхөн сэргээлтийг ямар аймшгийн хийсэн юм бэ. Ингэж эрэмдэглэснээс зүгээр орхисон нь дээр биш үү”, “Сэргээн засварлах ч мэргэжилтэн байхгүй юм чинь өөр юу хүлээх вэдээ. Нарийн мэргэжлийн хүмүүсээ бодлогоор бэлтгэж, хангалттай цалин өгч байж л аливаа салбар хөгжинө”, “Гадаадаас авах ажиллах хүчний квотоо эргэж харахгүй бол манай улс хүний нөөцийн дутагдалд орж, энд тэнд ундуй сундуй ажлууд гацсаар л байна” гэх зэргээр шүүмжилсэн байв.
2024-07-24
Ц.БАТ-ОЮУН: Уур амьсгалын өөрчлөлтийн нөлөөгөөр малын бие давжаарч, ашиг шим нь буурч байна
2023 оны мал тооллогын дүнгээр улсын хэмжээнд 64.7 сая толгой мал бүртгэжээ. Зудын улмаас энэ жил дөрөвдүгээр сарын 11-ний байдлаар л гэхэд 6.6 сая мал хорогдсоныг албаныхан мэдээлсэн. Жил ирэх тусам гамшигт үзэгдлийн давтамж нэмэгдэж, хаврын улиралд бэлчээрийн ургамал оройтож цухуйн, мал ногоонд цадаж, тэвээргээ хангалттай авч чадахгүй нөхцөл байдал орон нутагт үүсээд байна.
2024-07-24
