Багш эмэгтэйг орцонд олон удаа хутгалжээ
Эмэгтэй хүнийг орцонд хутгаар олон удаа гэмтээсэн хэрэг Сэлэнгэ аймагт гарчээ. Тус аймгийн Сүхбаатар сумын нутаг дахь нэгэн орон сууцын орцонд хутгалуулсан хүн байна гэсэн мэдээлэл цагдаагийн байгууллагад ирсний дагуу шалгахад 49 настай Н гэх эмэгтэй нуруу, гар, хүзүү зэрэг газраа олон удаа хутгалуулж, шархадсан байсан аж. Хохирогч эмэгтэйгээс тухайн хэргийг үйлдсэн этгээдийн талаарх мэдээллийг Сэлэнгэ аймгийн Цагдаагийн газрын ажилтнууд авч, эрлийг зохион байгуулснаар сэжигтэн эрийг Алтанбулаг боомтод очсон байхад нь саатуулсан гэнэ
2024-02-19
Бөхчүүдийн дотоод чансааг тогтоов
Чөлөөт бөхийн насанд хүрэгчдийн дотоодын чансаа тогтоох, тивийн аварга шалгаруулах, ДАШТ болон олимпын эрх олгох, мөн олимпын наадамд оролцох тамирчдыг сонгон шалгаруулах журмыг батлаад буй билээ. Уг журмын дагуу энэ жилийн УАШТ-д үзүүлсэн амжилтаар нь жин тус бүрийн эхний зургаан тамирчны чансааг тодорхойлжээ
2024-02-19
Төр хайхардаггүй, төрсөн нь ч тоодоггүй ахмадууд
Монголчууд сар шинийн баяраа өргөн дэлгэр тэмдэглэж, бүгд л ахмад настнаа “эрэн хайхад” хүрлээ. Цагаан сарыг угтан байгууллага бүр ахмадуудаа хүлээн авч, хүндэтгэл үзүүлэх нэрээр ул боов, гарын бэлэг тараадаг уламжлалтай. Ялангуяа удахгүй болох сонгуульд нэр дэвших горилогчид эл баярыг далимдуулан өндөр настнуудыг баярлуулсан нэр зүүж, далд сурталчилгаа хийгээд ч амжлаа. Монголчуудын ахмад настнууддаа үзүүлдэг хүндэтгэл, хүндлэл, нийгмийн үйлчилгээ нь энэ мэтхэнээр л хязгаарлагдаж байгаа гэхэд буруудахгүй
2024-02-19
Комплайнсын эрсдэлийн үнэлгээ хийх аргачлал батлав
Комплайнс нь хууль тогтоомжийг дагаж мөрдөх, түүнд нийцүүлэн үйл ажиллагаагаа явуулж буй, эсэхийг баталгаажуулдаг. Тэгвэл комплайнсын эрсдэлийн үнэлгээ хийснээр нөхцөл байдлыг тодорхойлж, үүнээс урьдчилан сэргийлж, үнэлгээнд үндэслэн аливаа эрсдэлтэй үйл ажиллагааг олж илрүүлэх ач холбогдолтой гэнэ. Мөн эрсдэлээс сэргийлэх арга хэмжээний хөтөлбөр боловсруулж, хэрэгжүүлэх боломжтой аж
2024-02-19
хүүхдүүдэд зориулсан сургалтын танхим нээлээ
Эх, хүүхдийн эрүүл мэндийн үндэсний төв (ЭХЭМҮТ)-ийнхөн НҮБ-ын Хүүхдийн сангийн дэмжлэгтэйгээр хавдартай хүүхдүүдэд зориулсан сургалтын танхим байгуулжээ. Тус танхимыг өнгөрсөн баасан гарагт нээсэн юм. Хавдраар өвчилсөн хүүхдүүд удаан хугацаанд эмчлүүлэх шаардлагатай байдаг тул хичээлээс завсардах, хоцрох, үүнээс үүдэн гадуурхалд өртөх тохиолдол цөөнгүй гардаг. Тиймээс уг сургалтын танхимыг байгуулсан бөгөөд Баянгол дүүргийн Насан туршийн суралцахуйн төвийнхөн хүүхдүүдэд хичээл заахаар болсныг ЭХЭМҮТ-ийн Цусны эмгэг, хавдар судлалын тасгийн эрхлэгч Б.Батдулам нээлтийн үеэр онцлов
2024-02-19
Орон нутгийн замыг нээж эхэлжээ
Цасан шуурганд үзэгдэх орчин хязгаарлагдаж, авто замын халтиргаа гулгаа ихэссэнтэй холбоотойгоор Зам, тээврийн хөгжлийн яамны дэд сайд Л.Халтарын тушаалаар нийслэлээс гарах хөдөлгөөнийг түр хугацаагаар хязгаарласан. Тодруулбал, энэ сарын 17-ны 18.00 цагаас маргаашийнх нь 11.00 хүртэл тээврийн хэрэгслийн хөдөлгөөнийг хязгаарласан юм. Түүнчлэн орон нутагт ч цаг агаарын байдал хүндэрсэнтэй холбоотойгоор зарим аймаг, сумын төвөөс гарах хөдөлгөөнийг зогсоожээ
2024-02-19
Цаг агаарын аюулт үзэгдлийн улмаас ганцхан хоногийн дотор 100 000 гаруй мал хорогдлоо
Өвөлжилт, хаваржилтын нөхцөл байдал хүндэрсэнтэй холбогдуулан улсын хэмжээнд гамшгаас хамгаалах өндөржүүлсэн бэлэн байдлын зэрэгт шилжүүлэх шийдвэрийг Засгийн газраас энэ сарын 14-нд гаргасан. Учир нь энэ сарын 10-ны байдлаар манай орны нийт нутгийн 80 гаруй хувьд цасан бүрхүүл тогтож, талаас илүү хувь нь зудад өртсөн байв. Гэтэл энэ сарын 16-наас цаг агаар дахин муудсанаас өвөлжилт, хаваржилтын нөхцөл байдал улам хүндэрлээ. Үүнтэй холбоотойгоор орон нутгийн нөхцөл байдлыг сурвалжиллаа
2024-02-19
Сэлбэ голын мөсийг зөөж эхэллээ
Нийслэлийн хэмжээнд 33 байршилд халиа, тошин бий болж, шар усны үер болох эрсдэл үүссэнийг холбогдох албаныхан мэдээлсэн билээ. Тэр дундаа Сэлбэ гол дагуух газрууд шар усны үерт өртөх эрсдэл хамгийн өндөр байгаа. Тус голын халиа нь даландаа тулж, зарим хэсгээрээ давж хөлджээ. Тиймээс эрсдэл учрахаас урьдчилан сэргийлэхийн тулд голын мөсийг гаргаж, зөөх ажлыг эхлүүлсэн байна
2024-02-16
“Voice kids” шоу нэвтрүүлгийг ирэх ням гарагт эхлүүлэх нь
Дэлхийн алдартай “Voice” нэвтрүүлгийг Нидерландын продюсер Жонде Мол 2010 онд санаачлан анх олны хүртээл болгожээ. Түүнээс хойш олон орон албан ёсоор эрх аван, өөрийн улсад зохион байгуулсан. Үүний дунд Монгол Улс багтсан юм. Тодруулбал, “Монгол HD” телевиз 2018 оноос “Voice of Mongolia”-г олонд хүргэсэн билээ.
2024-02-16
Менделеевийн нэрэмжит шагналын шалгаруулалтыг зарлав
Менделеевийн нэрэмжит шинжлэх ухааны олон улсын шагналын энэ оны шалгаруулалтыг ЮНЕСКО-гоос зарлажээ. Суурь шинжлэх ухааны боловсрол, судалгаа болон олон улсын хамтын ажиллагаанд хувь нэмэр оруулсан эрдэмтдийг урамшуулах зорилгоор 2021 оноос эл шагналыг олгож эхэлсэн. Уг шагналыг жил бүр хоёр эрдэмтэнд олгож буй юм байна
2024-02-16
Хувийн эмнэлгүүд даатгалаар үйлчлэхгүй бол ЭМДЕГ-т хандаарай
Хувийн хэвшлийн зарим эмнэлэг Эрүүл мэндийн даатгалын ерөнхий газар (ЭМДЕГ)-тай гэрээ байгуулан, иргэдэд хөнгөлөлттэй үнээр тусламж, үйлчилгээ үзүүлдэг. Гэвч эрүүл мэндийн даатгалаар үйлчлэх ёстой зарим эмнэлэг эл үүргээ биелүүлэхгүй байна гэсэн гомдол байнга гардаг. Манай сонины нэгэн уншигч өчигдөр “Нэгэн хувийн эмнэлэг даатгалын цахим систем ажиллахгүй байна гэсэн шалтгаанаар хөнгөлөлттэй үнээр үйлчлэхгүй байна. Ямар учиртай вэ” гэсэн асуултыг бидэнд тавьсан юм
2024-02-16
Элсэлтийн ерөнхий шалгалтын хураамжийг нэмжээ
Элсэлтийн ерөнхий шалгалтын өмнөх монгол хэл, бичгийн шалгалтыг ирэх дөрөвдүгээр сарын6-ны 10.00-11.40 цагт авах товыг Боловсролын үнэлгээний төвөөс гаргаад буй юм. Тэгвэл энэ оны эхний элсэлтийн ерөнхий шалгалтын бүртгэлийг ирэх даваа гаргаас орон даяар эхлүүлэхээр товлосон байна. Шалгалтад оролцогчдыг eyes.eec.mn цахим хуудсаар бүртгэх нь
2024-02-16
Бангладешийн “ТӨМӨР ХАТАГТАЙ”
Дэлхий дахинд энэ оныг “сонгуулийн жил” гэж нэрлээд байна. Өмнөд болон зүүн Өмнөд Азийн исламын шашинтай, 700 сая хүн амтай гурван улсад оны эхний сард сонгууль нь боллоо. Эхнийх нь нэгдүгээрсарын 7-нд Бангладешт, хоёр дахь нь 8-нд Пакистанд, гурав дахь нь 14-нд Индонезид болов
2024-02-16
Цасан нурангид дарагдсан малчныг гурав дахь өдрөө хайж байна
Баян-Өлгий аймгийн Дэлүүн сумын Хүйтэн буйр багийн Төгрөг хэмээх газарт энэ сарын 12-нд цаг агаарын аюулт үзэгдэл болсны улмаас хоёр малчин уулын цасан нурангид дарагдсан. Тус сум дахь эрэн хайх, аврах бүлгийн алба хаагчид ослын талаарх дуудлагыг хүлээн авснаас зургаан цаг гаруйн дараа 29 настай малчин залууг нурангин доороос эсэн мэнд олж, орон нутгийн эрүүл мэндийн байгууллагад хүргэсэн юм
2024-02-16
Төрийн томилогдох албан тушаалд жендерийн квотыг хангажээ
Жендерийн үндэсний хорооны ээлжит хуралдаан өчигдөр болж, хүйсийн тэнцвэрт байдлын тайлан, өнгөрсөн оны төлөвлөгөөний хэрэгжилтийн талаар хэлэлцжээ. Томилогдох албан тушаалтан болох дэд сайд, Төрийн нарийн бичгийн болон агентлаг, яамдын газар, хэлтсийн дарга, аймаг, нийслэл, сум, дүүргийн ЗДТГ-ын хэлтэс, албадын дарга нарын хувьд хуульд заасан квотыг хангасан гэнэ
2024-02-16
Иргэд 18 телевизэд хураамж төлдөг зохицуулалтыг хүчингүй болгох өргөдөл гаргав
“Өргөн нэвтрүүлгийн тухай хуулийн холбогдох заалтууд Үндсэн хууль зөрчсөн” гэх асуудлаар нэр бүхий иргэд Цэцэд хандсан талаар бид өмнө нь мэдээлж байв. Гэхдээ Цэц УИХ-ын бүрэн эрхэд хамаарах асуудал гэсэн шалтгаанаар дээрх асуудлыг хэлэлцээгүй талаар иргэн Б.Пүрэв өчигдөр мэдээлсэн юм. Тиймээс нийтийн өргөдлийн petition.parliament.mn цахим хуудсанд Өргөн нэвтрүүлгийн тухай хуулиар иргэд 18 телевизэд хураамж төлж буй зохицуулалтыг хүчингүй болгох өргөдөл гаргасан байна
2024-02-16
Таван бүсэд хамаарах 13 тойрог байгуулав
УИХ-ын 2024 оны ээлжит сонгуулийн тойрог байгуулах, тойргийн мандатын тоо, дугаар, нутаг дэвсгэр, төвийг тогтоох тухай тогтоолыг парламентаар баталж, таван бүсэд хамаарах нийт 13 тойрогтой байхаар тусгасан. Ингэхдээ Үндсэн хуульд 2019, 2023 онд оруулсан өөрчлөлтийг хэрэгжүүлэх, хот, хөдөөгийн хөгжлийн тэнцвэрийг хангах, төвлөрлийг бууруулах зэрэг зорилтыг үндэслэл болгожээ
2024-02-16
Энэ онд 1826 км төмөр замын барилгын ажлыг эхлүүлнэ
ЗТХЯ-наас 2024 оныг “Бүсчилсэн хөгжлийг дэмжих, бүтээн байгуулалтын жил” болгон зарлажээ. Төмөр замын салбарт 2.5 сая зорчигч, 45.5 сая тонн ачаа тээвэрлэхээр төлөвлөсөн байна. Мөн Зүүнбаян-Ханги чиглэлийн 227 км, Шивээхүрэн-Сэхэ чиглэлийн хил холболтын төмөр замыг байнгын ашиглалтад оруулна гэлээ
2024-02-16
“Монгол Улс авлигаар тоталитар дэглэмтэй орнуудтай зэрэгцлээ”
АН-ын “4-11” мэдээллийн цаг өчигдөр болж, тус намын дэд дарга Ж.Баярмаа, Ардчилсан эмэгтэйчүүдийн холбооны тэргүүн Б.Жаргалан нар цаг үеийн сэдвээр байр сууриа илэрхийлэв. Б.Жаргалан “Сар шинийн баяраар ширээ засах зардал 46 хувиар өссөн байна. Мөн хүн амын 27 хувь нь ядуугаас доод түвшинд амьдарч байгаа тухай судалгаа гарчээ. Өргөн хүрээнд судалгаа хийвэл энэ тоо 50 хувь хүрнэ. Орлого буурч, амьжиргааны өртгөө дийлэхээ больж буй учраас насанд хүрсэн хүн амын 87 хувь нь хэрэглээний зээл авч байна гэсэн судалгаа бий
2024-02-16
Өнгөрсөн онд 48 740 удаа газар хөдөлжээ
Манай орны нутаг дэвсгэрт өнгөрсөн онд 48 740 удаа газар хөдөлжээ. Шинжлэх ухааны академийн Одон орон, геофизикийн хүрээлэнгээс мэдээлснээр тэдгээрийн ихэнх нь хүнд мэдрэгдэхээргүй буюу 3.5 магнитудаас бага хүчтэй байж. Харин 3.5 магнитудаас дээш хүчтэй газар хөдлөлт 42 удаа бүртгэгджээ. Хөвсгөлд хоёр, Дорнод аймагт нэг удаа 4.8 магнитудын хүчтэй газар хөдөлсөн нь өнгөрсөн жилийн дээд үзүүлэлт болсон аж.
2024-02-16
