Үндсэн хуульд оруулах өөрчлөлтийн төсөлд саналаа өгөөрэй
Үндсэн хуульд нэмэлт, өөрчлөлт оруулах журмын тухай хуулийн 5.4.5-д “Төслийн талаарх иргэдийн болон тэдгээрийн хамт олон, байгууллагын саналыг УИХ-ын олон нийттэй харилцах бүх сувгаар хүлээн авч, төсөлд хэрхэн тусгасан тухай мэдээлж байх”-аар тусгасан. Үүний дагуу УИХ-ын Тамгын газраас Үндсэн хуульд оруулах өөрчлөлтийн төсөлд иргэдээс санал авч эхэлжээ. Тодруулбал, sanal@parliament.mn цахим шуудан, “УИХ-ын Тамгын газар, Монгол Улс, 14201, Улаанбаатар хот, Сүхбаатар дүүрэг, жанжин Д.Сүхбаатарын талбай 1, Төрийн ордон” шуудангийн хаяг, d.parliament цахим хуудас, 51-267302 дугаарын утсаар холбогдож саналаа өгөх боломжтой аж.
2023-05-10
Инфляцын түвшин 11.3 хувь болжээ
Улсын хэмжээнд хэрэглээний бараа, үйлчилгээний үнэ өнгөрсөн сард өмнөх жилийн мөн үеэс 11.3, 2022 оны эцсээс 4.7, өнгөрсөн сарынхаасаа 1.3 хувиар өссөнийг Үндэсний статистикийн хорооноос мэдээлэв. Инфляц өмнөх оны мөн үеэс 11.3 хувиар өсөхөд хүнсний бараа, ундаа, усны бүлгийн үнэ дүнгээрээ 17, согтууруулах ундаа, тамхиных 8.1, хувцас, бөс бараа, гутлынх 13.2, орон сууц, ус, цахилгаан, хийн болон бусад түлшнийх 6.7 хувиар дээшилсэн нь голлон нөлөөлжээ.
2023-05-10
Улстөрчийн нэр барьж өмгөөллийн үйлчилгээ үзүүлэх ёсгүй л байлтай
“Эрдэнэс Тавантолгой” ХК-д онцгой дэглэм тогтоож, гүйцэтгэх захирал Б.Ганхуяг тэргүүтэй хүмүүсийг хууль сахиулах байгууллагад шалгаад багагүй хугацаа өнгөрч байна. Гэтэл Б.Ганхуягтай хамт тус компанийн удирдлагын багт ажиллаж байсан, Монголын оюутны холбооноос гаралтай нөхөд нь бүгд шахам хэргээс зугтаж, түүнд л бүх бурууг тохож буй гэх яриа эл компанийн хуучин ажилтнуудын дунд яригдах болов. Тухайлбал, “Бүрэн эрхт төлөөлөгч томилогдохоос өмнө сард 10 гаруй сая төгрөгийн цалин авдаг байсан эрхмүүд одоо ганц хүнд бүх бурууг тохоод хариуцлагаас мултарч байгаа нь шударга явдал гэж үү. Гүйцэтгэх захирал болон түүнийг дэмжиж томилуулсан улстөрчид хариуцлагад татагдан шалгуулж байхад түүний багт багтсан МОХ-ны гаралтай нөхөд буцаад ажилдаа орно гэж явааг ойлгохгүй байна” хэмээн ярилцаж байх юм.
2023-05-10
Монгол залууг алхаар цохиж хөнөөсөн орос эрийн ялыг хэвээр үлдээв
ОХУ-ын иргэн Д.В.Тушемилов болон түүний өмгөөлөгч нар Эрүүгийн хуулийн 6.7- 1.5 дахь хэсгийн “Энэ хуулийн тусгай ангид хорих ялын дээд хэмжээг 20 жил хүртэл хугацаагаар тогтоосон ба бүх насаар хорих ял оногдуулахаар заагаагүй гэмт хэрэг үйлдсэн хүн тухайн гэмт хэргийн улмаас учруулсан хохирлоо нөхөн төлсөн бол тухайн зүйл, хэсэг, заалтад заасан ялын дээд хэмжээний дөрөвний гурваас хэтрүүлэхгүйгээр, ялын доод хэмжээний дөрөвний гурваас багагүй ял оногдуулах” гэж заасныг үндэслэл болгон давж заалдах гомдол гаргасан аж. Нийслэлийн Эрүүгийн хэргийн давж заалдах шатны шүүх уг гомдлыг нь хянаад анхан шатны шүүхийн шийтгэх тогтоолыг хэвээр нь үлдээлээ.
2023-05-10
“Зэвсэгт хүчний үлгэр жишээ үлээвэр найрал хөгжимчид жагсаалд оролцоогүй”
Тэрбээр “Олон нийтийн байгууллагын төлөөлөл энэ сарын 4-нд БХЯ-нд хандаж, амь үрэгдсэн дайчдын дурсгалыг хүндэтгэх жагсаал зохион байгуулахад дэмжлэг үзүүлэн, хөгжим, хүн хүч “гаргаж” өгөхийг хүссэн. Дэлхий нийт, бүс нутгийн цэрэг, улс төрийн байдал амаргүй энэ үед тэдэнтэй хамтарч арга хэмжээ зохион байгуулах нь зохисгүй гэж бид үзсэн.
2023-05-09
Экспортолсон нүүрсний хэмжээ 20 сая тоннд дөхөв
Манай улс 2023 он гарснаас хойш өнгөрсөн пүрэв гаргийн байдлаар 19.77 сая тонн нүүрс экспортолсон дүн гарсныг УУХҮЯ-наас танилцууллаа. Энэ нь өмнөх жилийн мөн үеийнхээс 15.74 сая тонн буюу дөрөв дахин илүү үзүүлэлт гэнэ. Манай улс энэ онд 36.5 сая тонн нүүрс экспортолно хэмээн өмнө нь төсөөлсөн билээ. Мөн дээрх хугацаанд 495.1 мянган тонн зэсийн баяжмал нийлүүлсэн нь 2022 оныхтой ойролцоо буюу хоёр хувиар өсжээ. Бас 1.78 сая тонн төмрийн хүдэр, баяжмал худалдсан нь 70 хувиар нэмэгдсэн гэсэн үг. Төвбанк 3.27 тонн алт худалдан авсан байна. Монгол Улсын эрдэс бүтээгдэхүүний экспорт өдгөө дунджаар 41 хувьд хүрчээ. Тодруулбал, нүүрснийх 54.2, зэсийн баяжмалынх 35.4, төмрийнх 21.2, алтных 16.3, газрын тосных 24.9, цайрынх хамгийн өндөр буюу 69.4, хайлуур жоншных 64.3 хувьд хүрсэн аж.
2023-05-09
Ерөнхий сайд БНХАУ-д айлчилна
Ерөнхий сайд Л.Оюун-Эрдэнэ ойрын үед буюу энэ сард БНХАУ-д албан ёсны айлчлал хийнэ. Засгийн газрын тэргүүний өмнөд хөршид айлчлахтай холбоотой ажил нэлээд эртнээс эхэлсэн бөгөөд тус улсын Элчин сайд Цай Вэньруй “Монгол Улсын Ерөнхий сайдын манай улсад хийх айлчлалыг Хятадын тал чухалчилж, ач холбогдол өгсөөр ирсэн. Тохиромжтой цагт айлчлал хийхийг хоёр тал нотолж байгаа” хэмээн өнгөрсөн гуравдугаар сард хэлж байв. Тэгвэл Гадаад харилцааны сайд Б.Батцэцэг энэ сарын эхээр БНХАУ-ын Төрийн зөвлөлийн гишүүн, Гадаад хэргийн сайд Чинь Ганы урилгаар тус улсад айлчлах үеэр хоёр тал дээрх айлчлалыг ойрын хугацаанд хийхээр тохиролцжээ.
2023-05-09
Түүхий тос дамжуулах хоолойг тээвэрлэн авчирч байна
Манай улс Дорноговь аймгийн Алтанширээ сумд газрын тос боловсруулах үйлдвэр барьж буй билээ. Газрын тосыг хол замд тээвэрлэх томоохон магистрал шугам хоолойн угсралтын ажил эхлэхэд бэлэн болж, тээвэрлэн авчирч байгааг “Монгол газрын тос боловсруулах үйлдвэр” ТӨХХК-иас мэдээллээ.
2023-05-08
84 сургууль мэргэжлийн хоолзүйчтэй
Гэсэн ч өдгөө улсын хэмжээнд ерөнхий боловсролын 84 сургуульд мэргэжлийн хоолзүйч ажилладаг гэнэ. Энэ нь нийт сургуулийн дөнгөж 10 орчим хувь бөгөөд цаашид боловсролын бүх байгууллагад мэргэжлийн хоолзүйч, шим тэжээл судлаач ажиллуулж, “Үдийн хоол” хөтөлбөрийг үр дүнтэй хэрэгжүүлэх нь чухал аж. Уг нь ШУТИС-д 2020 оноос эхлэн хоол тэжээлийн мэргэжилтэн бэлтгэж эхэлсэн боловч төгсөгчдийн дийлэнх нь эмнэлэг болон уул уурхайн компаниудад ажилладаг гэнэ.
2023-05-08
“Эрдэнэ ресурс девелопмент корпорэйшн” нэмж санхүүжилт авчээ
Монгол, Торонтогийн хөрөнгийн биржид бүртгэлтэй “Эрдэнэ ресурс девелопмент корпорэйшн” нь “Монголиан майнинг корпорэйшн”-тэй (MMC) байгуулсан стратегийн түншлэлийн хоёр дахь үе шатыг эцэслэжээ. Мөн энэ оны нэгдүгээр улирлын тайлангаа танилцуулав. “Эрдэнэ ресурс девелопмент корпорэйшн”-ий ерөнхийлөгч, гүйцэтгэх захирал Петер Акерли “Нэгдүгээр улиралд “Хөндий” эрдсийн дүүргийн хайгуулын ажлыг эрчимжүүлж, молибден, зэсийн “Зуун мод” төслийн өрөмдлөгийн хөтөлбөрийг эхлүүлсэн. Эл хөтөлбөрөөр ашигт малтмалын болон гидрогеологийн нөөцийн хайгуул, геотехникийн өрөмдлөг гэсэн гурван төрлийн өрөмдлөг хийж байна” гэжээ.
2023-05-08
Монгол хэлний шалгалтад оролцогчдын 15 хувь нь босго оноог давсангүй
Засгийн газрын 2013 оны 37 дугаар тогтоолын дагуу их, дээд сургуульд элсэгчдээс жил бүр монгол хэл, бичгийн шалгалт авдаг. Энэ удаагийн шалгалтыг өнгөрсөн сарын 22-нд орон даяар зохион байгуулсан бөгөөд оролцогчдын дүнг өнгөрсөн баасан гарагт гаргажээ. Уг шалгалтад оролцохоор 32 513 төгсөгч цахимаар бүртгүүлсэн байна.
2023-05-08
Гольфын улирал “Балдорж цом”-оор эхлэв
Тэрэлж дэх “Чингис хаан” гольфын талбайд Монголын гольфын холбооны улирлын нээлт уламжлал ёсоор “Балдорж цом” тэмцээнээр энэ сарын 6-нд эхэллээ. 14 дэх удаагийн тус тэмцээнд 84 тамирчин (үүнээс эмэгтэй 14, гадаадын 12) оролцлоо. Өрсөлдөөн дундаас Д.Баяртогтох анх удаагаа “Балдорж цом”-д түрүүлэв. 2019 оны “Балдорж цом”-ын эзэн Ч.Гантөмөр аман хүзүүджээ. Эмэгтэйчүүдээс Г.Алтанбилэг түрүүлж, БНСУ-ын тамирчин Со Ое Сүүк удааллаа. Тус тэмцээнийг Монголын гольфын холбоо, “Балдорж сан”, “Заан тэрэлж” гольфын клуб хамтран зохион байгуулсан юм.
2023-05-08
Тарьсан модоо бүртгүүлэх боломжтой
“Тэрбум мод” үндэсний хөдөлгөөнийг хэрэгжүүлэгч байгууллагууд хамтран www.terbummod.mn сайт болон “Terbummod” аппликэйшн хэрэглээнд нэвтрүүлжээ. Тус хөдөлгөөний хүрээнд хэрэгжүүлж буй төсөл, хөтөлбөрийг санхүүжүүлэгчид болон төрийн захиргааны байгууллага, аж ахуйн нэгж, иргэд, олон нийтийг мэдээллээр хангах, мөн тэдний оролцоог тэгш, хүртээмжтэй байлгах, модны бүртгэл, тооллогыг үнэн, зөв хийх зорилгоор үүнийг бүтээсэн юм байна. Иргэд, аж ахуйн нэгж, байгууллагууд тарьсан модоо дээрх аппликэйшнд бүртгүүлэх боломжтой гэнэ.
2023-05-05
Улаанбаатарт төрийн үйлчилгээний 18 “ХурДан” цэг байгуулжээ
Цаашид нийт 61 цэг байгуулахаар төлөвлөсөн. Төрийн үйлчилгээг иргэдэд ойртуулж, иргэдийн тоон гарын үсгийн хэрэглээг нэмэгдүүлснээр түгжрэл, төвлөрлийг бууруулахад тодорхой хэмжээгээр нөлөөлнө гэж үзэж байна. Төрийн үйлчилгээг гар утас, нэг цэгийн үйлчилгээний төв, оператор, ТҮЦ, киоск машин зэрэг бүх төрлөөр авах боломж бүрдүүлнэ” гэв.
2023-05-05
Оюутан солилцооны хөтөлбөрүүдийн хамрах хүрээг тэлэхэд анхаарах нь
УИХ-ын дарга Г.Занданшатарын урилгаар Унгар Улсын Үндэсний ассамблейн дарга Көвер Ласло манай улсад айлчилж байна. Парламентын дарга нар өчигдөр албан ёсны хэлэлцээ хийв. Энэ үеэр УИХ-ын дарга “Хоёр улсын хууль тогтоох байгууллага хоорондын идэвхтэй хамтын ажиллагаа нь талуудын харилцааг өргөжүүлэх, харилцан ашиг сонирхол бүхий салбарт хамтын ажиллагааг баяжуулах, түүнийг дэмжсэн эрх зүйн таатай орчныг бий болгоход чухал ач холбогдолтой” гээд Тамгын газрын ажилтнуудыг солилцож, туршлага хуваалцах чиглэлд хамтран ажиллахыг хүсэв.
2023-05-05
Түймэрт өртсөн хоёр хүний биеийн байдал хүндэрчээ
Дорнод аймгийн Чойбалсан сумын нутагт энэ сарын 1-нд хээрийн түймэр дэгдэж, улмаар Гурванзагал, Чулуунхороот сумын нутгийг дамнан тархжээ. Уг түймэрт хоёр иргэн, хилийн цэргийн найман алба хаагч өртсөн байна. Тухайлбал, Чойбалсан сумд хоёр иргэн түймрээс гэрээ хамгаалах гээд галд өртжээ. Тэд 6-8 хувийн түлэгдэлтэй, биеийн байдал нь хөнгөн, эрүүл мэндийн анхан шатны тусламж, үйлчилгээ авсан гэнэ.
2023-05-05
Гаалийн албан тушаалтнуудад торгох ял оноов
НПГ-аас Б.Оюундэлгэрт Эрүүгийн хуулийн хуулийн 22.4-4, Ц.Батбилэг, Г.Эрдэнэбаатар, Ж.Баттогтох, .Оргилмаа нарт мөн хуулийн 22.5-2 дахь хэсэгт зааснаар яллах дүгнэлт үйлдсэн бөгөөд дээрх шүүх хэргийг гурван өдрийн турш хэлэлцсэн байна. Шүүхээс Б.Оюундэлгэрийг албан тушаалтан хээл хахууль өгөгчийн ашиг сонирхлын үүднээс албан үүргийн хувьд гүйцэтгэх ёсгүй үйлдлийг хийхээр урьдчилан амлах буюу амлахгүйгээр бусдаар дамжуулан хээл хахууль авсан гэм буруутайд тооцож, төрийн албанд томилогдох эрхийг хоёр жил хасаж, 12 сая 480 мянган төгрөгөөр торгожээ. Улмаар түүнээс гэмт хэрэг үйлдэж олсон орлого болох 1.5 саяыг гаргуулж улсын төсөвт шилжүүлэхээр шийдвэрлэсэн байна.
2023-05-05
Үндсэн хуульд оруулах өөрчлөлтийн төслийг УИХ-д өргөн барилаа
Засгийн газраас боловсруулсан Үндсэн хуульд оруулах өөрчлөлтийн төслийг өчигдөр Хэрэг эрхлэх газрын дарга, сайд Д.Амарбаясгалан УИХ-ын дарга Г.Занданшатарт өргөн барилаа. Уг төсөлд УИХ-ын гишүүдийн тоог 152 болгож, тэдний 50 хувийг мажоритар, 50 хувийг пропорциональ аргаар сонгохоор тусгажээ.
2023-05-04
