Сүхбаатар боомтоор 71 580 тонн АИ-92 бензин импортолжээ
Улаанбаатарт өнгөрсөн ням гаргаас даваа гарагт шилжих шөнөөс эхлэн шатахуун түгээх станцуудын (ШТС) гадаа дараалал нэмэгдсэнийг иргэд олон нийтийн сүлжээнд бичиж буй. Нэгэн жолооч “Манайх Баянзүрх дүүргийн V хороонд байдаг. Өнгөрсөн ням гарагт гэрийнхээ ойролцоох “Сод Монгол”, “Петровис”, “Шунхлай” ШТС-аас АИ-92 шатахуун авах гэсэн ч “Байхгүй. АИ-95 бензин авч болно” гэсэн. Харин “Магнай трейд”-ийн түгээгч “АИ-92-ыг талонтой хүмүүст л өгч байгаа гэж хэлсэн. Гэхдээ өнөөдөр (өчигдөр) “Сод Монгол”-ын ШТС-д лав АИ-92 шатахуун зарж байна лээ” хэмээв. Түүнчлэн Өмнөговийн нэгэн иргэн уржигдар “АИ-92 шатахуун дууссан гээд өгсөнгүй” хэмээн ярьсан юм
2024-01-31
Ц.Амгаланбаатар хүний эрүүл мэндийг хохироожээ
Ц.Амгаланбаатар “Тагнуулын мөрдөгч нарын дарамт шахалт, эрүү шүүлтийн улмаас Б.Содномдаржаа, Т.Чимгээ нарыг хилс хэрэгт гүтгэж, С.Зоригийн амийг бүрэлгэсэн гэж худал мэдүүлэг өгсөн. Би ч өөрөө энэ хэрэгт холбогдолгүй” гэж ярьсан байдаг. Гэхдээ өмнө үйлдсэн, хүний амь бүрэлгэсэн болон эрүүл мэндэд хүнд хор уршиг учруулсан гэсэн хоёр ч хэргийнхээ ял шийтгэлийг эдэлж буй юм. Харин түүний бусдыг гүтгэсэн үйлдлийг нь Өршөөл үзүүлэх тухай хуулийн үйлчлэлд хамруулж хэрэгсэхгүй болгосон аж.
2024-01-31
Байгаль, ан амьтны музей хүрэн баавгай “нутагшуулжээ”
Хүүхэд, залууст экологийн боловсрол олгох чиглэлээр үйл ажиллагаа явуулдаг тус төвийн музей нь хөхтөн, загас, мөлхөгч, хоёр нутагтан, шувуу, шавжийн 51 зүйлийн 150 гаруй амьтны биет үзмэртэй гэнэ. Үүнийгээ хамгийн сүүлд урлаач Д.Отгонсайханы бүтээлээр баяжуулсан нь хүрэн баавгайн чихмэл аж. Ингэснээр хүүхэд, залууст эл амьтны экологи, биологи, физиологийн онцлогийг тайлбарлан таниулах боломж бүрджээ
2024-01-30
Иргэдээрээ элс цацуулахдаа туллаа
Авто замын явган хүний гарц орчмын хэсэгт нэгэн иргэн элс цацаж байгаа дүрс бичлэг энэ сарын 27-нд олон нийтийн сүлжээнд тархлаа. ухайн иргэн 72 настай бөгөөд 21 дүгээр хорооллоос “Хархорин” зах хүртэлх авто замын явган хүний гарцуудад элс цацжээ. Тухайн замд 10 орчим гарц байдаг гэнэ. Нийслэлийн нийтийн эзэмшлийн зам, талбай мөсөн гулгуур шиг байгаа учраас арга ядсан иргэн ийнхүү арга хэмжээ авсан бололтой. Ялангуяа авто замын гарцын цагаан тэмдэглэгээнүүд илүү аюултай болчхоод буй юм. Тодруулбал, асфальтан замын цагаан тэмдэглэгээн дээр цас, мөс дагтаршиж үлдээд, хөгшин, залуу хэн боловч халтирч унаж мэдэхээр байна. Зам хөндлөн гарах иргэд нэг талаар автомашинд дайруулахгүй гэж, нөгөөтээгүүр, гарцан дээр халтирчихгүйн тулд маш их хичээл зүтгэл гаргах шаардлагатай болчхоод байгаа билээ.
2024-01-30
Нийтийн тээвэр хувийн амьдралаа дэлгэдэг газар биш
Цаашид эдгээр асуудлыг дуугүй өнгөрөөмөөргүй байна. Аль ч оронд бусдад саад учруулахгүй, оршихуйд нь халдахгүй байх соёл хүчтэй дэлгэрч буй. Тэртэй, тэргүй хүмүүс стресс, бухимдал дүүрэн орчинд ажиллаж, амьдарч байгаа. Тиймээс ядаж олон нийтийн газар, ялангуяа нийтийн тээвэр нь хүний стресс, бухимдлын шалтгаан болох ёсгүй гэсэн бичигдээгүй хууль ч зарим улсад үйлчилж байна.
2024-01-30
УАШТ-үүдийг олон улсын жишигт нийцүүлэн зохион байгууллаа
Монголын спортын корпорацаас гурав дахь жилдээ зохион байгуулсан холбоодын нэгдсэн улсын аварга шалгаруулах тэмцээнийг фото сурвалжилгаараа онцолж байна.
Цомхон бүрэлдэхүүнтэй ч сагсан бөмбөгийн болон хөл бөмбөгийн лиг гэх мэт олон тэмцээнийг мэргэжлийн түвшинд, олон улсын жишигт нийцүүлэн зохион байгуулж буйгаар нь Монголын спортын корпорацыг спорт сонирхогчид сайн мэднэ.
Холбоодын нэгдсэн УАШТ-ийг зохион байгуулахад олон залуус сайн дураар оролцдог болсон нь харагдлаа.
2024-01-30
Архангайн Ихтамир сумд гурван удаа газар хөдөллөө
Архангай аймгийн Ихтамир сумд энэ сарын 26-наас эхлэн гурван удаа газар хөдөллөө. Сүүлийн тохиолдол нь өчигдөр 05.27 цагт бүртгэгдсэн байна. Газар хөдлөлтийн хүч 3.5 магнитуд байжээ. Үүнээс өмнөх хоёр тохиолдол нь илүү хүчтэй буюу 4.3, 4.4 магнитуд байсан аж. Тодруулбал, дээрх байршилд энэ сарын 26-ны 08.12, 23.15 цагт газар хөдөлсөн. Тухайн үед чичирхийлэл нь ойр орчимд нь оршин суудаг иргэд болон нийслэлийн зарим хэсэгт ч мэдрэгдсэн бөгөөд ямар нэгэн хохирол учраагүй гэнэ
2024-01-30
Гурван сурагч тутмын нэг нь үе тэнгийнхний дээрэлхэлтэд өртжээ
“Боловсролын орчин дахь хүүхдийн эрх, хамгаалал, эрүүл мэндийн зан үйлийн судалгаа-2023”-ын дүнг өчигдөр олон нийтэд танилцууллаа. Хөдөлмөр, нийгмийн хамгааллын болон Эрүүл мэндийн яам, Нийгмийн эрүүл мэндийн үндэсний төв, НҮБ-ын Хүүхдийн сан зэрэг төрийн болон олон улсын байгууллагынхан хамтран үндэсний хэмжээнд, түүврийн аргаар уг судалгааг хийжээ. Олон улсад хүлээн зөвшөөрөгдсөн аргачлалаар хийсэн уг судалгаанд ерөнхий боловсролын сургуульд суралцдаг 13-17 насныхныг хамруулсан байна. Судалгаанд оролцсон дөрвөн хүүхэд тутмын нэг нь сургуулийн орчин аюултай хэмээн дүгнэсэн гэнэ
2024-01-30
Аврагчдын аюулгүй байдлыг хангаагүй дарга нар арьсаа хамгаалахыг урьтал болгов
ОБЕГ-ын одоогийн удирдлага аврагч, гал сөнөөгч дутагдалтай байгаа талаар өнгөрсөн онд хэвлэлд ярилцлага өгч байж. Хүний нөөцийн хангамж нь 82.5 хувьтай байгаа гэж тус газрын албан ёсны цахим хуудсанд бичжээ. Хэрэв эл албаныхны үнэлэмжийг сайжруулж, хангамж, аюулгүй байдалд нь анхаарахгүй бол, хариуцлагатай, туршлагатай хүнээр удирдуулахгүй аваас боловсролын салбар шиг ажиллах хүчний гүн хямралд орж мэдэхээр байна.
2024-01-29
Мөсөн хотхон, шувуулахуйн отогтой “Улаанбаатарын өвлийн наадам-2024
Өвлийн аялал жуулчлалыг хөгжүүлэхээр “Монголд зочлох жил” санаачилгын хүрээнд цөөнгүй арга хэмжээ зохион байгуулж байна. Тэдгээрийн нэг нь 12 дахь удаагийн “Улаанбаатарын өвлийн наадам” байлаа. Өнгөрсөн амралтын өдрүүдэд буюу энэ сарын 27-28-нд болсон энэхүү арга хэмжээг “Скай ресорт”, Үндэсний цэцэрлэгт хүрээлэн, Цонжин болдогийн ойролцоо байрлах “Уухайн дуу” амралтын газар гэсэн гурван байршилд зохион байгуулсан. Гэр бүл, найз нөхдөөрөө хөгжилдөх, нэгэн өдрийг үр бүтээлтэй өнгөрүүлэх боломжийг олгосон “Улаанбаатарын өвлийн наадам-2024”-ийг сурвалжиллаа
2024-01-29
Монгол Улсыг эрчим хүчний шилжилт хийх шаардлагатай гэжээ
НҮБ-ын Хөгжлийн хөтөлбөрөөс “Цэвэр эрчим хүч Монгол Улсын хөгжил дэвшилд” сэдэвт хэлэлцүүлгийг өнгөрсөн баасан гарагт зохион байгууллаа. Эл хэлэлцүүлэг нь Тогтвортой хөгжлийн долоо дахь буюу “Сэргээгдэх эрчим хүчийг нэвтрүүлэх” зорилгын хэрэгжилтийг дэмжих хүрээнд энэ оноос эхлэн жил бүр тэмдэглэхээр болсон “Олон улсын цэвэр эрчим хүчний өдөр”-ийн хүрээнд зохион байгуулснаараа онцлог байв. Бодлого боловсруулагч, хөгжлийн түнш, иргэний нийгмийн байгууллага, судлаачдын төлөөлөл, хувийн хэвшлийн мэргэжилтнүүд оролцсон уг хэлэлцүүлгийн үеэр Монгол Улсын цэвэр эрчим хүчний салбарын өнөөгийн нөхцөл байдал, тулгамдаж буй сорилт, боломжит шийдлүүд, сэргээгдэх эрчим хүч рүү шилжих шилжилтийг бүгдэд эрх, тэгш хүртээмжтэй байлгах нь яагаад чухал зэргийг ярилцсан юм
2024-01-29
Авлигын эсрэг тэмцэлд ард түмэн алга ташиж байна
Монгол Улсыг дэлхий дахинаа муухай харагдуулж, олон улсад үнэлэмжийг нь доош нь татах болсон авлига хэмээх хорт үзэгдэлтэй Ерөнхий сайд Л.Оюун-Эрдэнийн тэргүүлсэн Засгийн газар эрчимтэй тэмцэхээ зарласан нь олон түмнээс талархал хүлээж буй. Төрийн албан тушаалыг баяжих хэрэгсэл болгодог, ойр тойрныхон, танил нөхдөдөө давуу байдал олгодог дээд, дунд шатны авлигачидтай хийх тэмцлийн үр дүн гэхдээ өнөө, маргаашдаа харагдахгүй нь лавтай. Авлигын төсөөллийн индексийг бодож боловсруулдаг “Транспэрэнси интернэшнл” байгууллага өнгөрсөн жилүүдийн дүгнэлтээ танилцуулахад манай улс нэлээд хэдэн байраар ухарчихсан. Энэ нь гадаадын хөрөнгө оруулалтын орчин муудаж, улс орны эдийн засаг хямрахад ч нөлөө үзүүлснийг Засгийн газар ойлгосон биз
2024-01-29
Улаан-Уул сумын сурагчдын сурах эрхийг зөрчсөн гэж дүгнэв
Хөвсгөл аймагт үйл ажиллагаа явуулж буй төрийн болон хувийн хэвшлийн сургуулиудад Хүний эрхийн үндэсний комисс (ХЭҮК)-ын гишүүн Ж.Хунангаар ахлуулсан ажлын хэсгийнхэн хяналт шалгалт хийжээ. Үүний хүрээнд Улаан-Уул сумд хүүхдүүдийн сурч боловсрох эрх зөрчиж байгааг илрүүлсэн байна. Тус сумын сургуулийн барилгыг шинэчлэх ажлыг 11 жилийн өмнө буюу 2013 онд эхлүүлсэн аж. Гэсэн ч өдий хүртэл ашиглалтад оруулалгүй “царцаажээ”. Энэ нь хүүхдийн сурч боловсрох эрхийг зөрчлөө гэсэн гомдол хүлээн авсны дагуу ХЭҮК-ынхон газар дээр нь ажилласан гэнэ
2024-01-29
Ерөнхийлөгчийн хууль зүйн бодлогын зөвлөхөөр Р.Батрагчааг томилжээ
Шүүхийн ерөнхий зөвлөлийн гүйцэтгэх нарийн бичгийн дарга Р.Батрагчааг Ерөнхийлөгчийн хууль зүйн бодлогын зөвлөхөөр томилжээ. Тэрбээр 1999 онд “Отгонтэнгэр” их сургуулийг олон улсын эрх зүйч мэргэжлээр төгсөж, 2002 онд МУИС-ийн Хууль зүйн сургуульд магистрын зэрэг хамгаалсан байна. Р.Батрагчаа нь 1999- 2000 онд Сэлэнгэ аймгийн Зүүнхараа дахь Сум дундын прокурорын газарт хяналтын прокурор, 2001-2003 онд “Түшээ” дээд сургуульд багш, 2005-2006 онд Их Британийн “Берримен” хуулийн фирмд туслах хуульч, 2007- 2008 “Датамо”, “Кью жи экс Монгол” ХХК-д хуульч, 2008- 2009 онд “Монголиан энд глобал лоёорс”, 2010-2014 онд “Эй энд Эй глобал” хуулийн фирмийн захирал, 2016-2019 онд “Төрийн орон сууцын корпорац” ТӨҮГ-ын Захиргаа, санхүүгийн газрын дарга, 2019-2020 онд нийслэлийн Засаг даргын Тамгын газрын дарга, 2020-2022 онд Эрчим хүчний яамны Төрийн захиргааны удирдлагын газрын даргаар ажиллаж байгаад 2022 онд Шүүхийн ерөнхий зөвлөлийн гүйцэтгэх нарийн бичгийн даргаар томилогдсон аж
2024-01-29
Шадар сайд С.Амарсайханыг огцруулахыг шаардлаа
“Цогц хөгжлийн үндэсний төв” ТББ-аас Ерөнхий сайд Л.Оюун-Эрдэнэд хаягласан цахим өргөдөлд иргэдээс гарын үсэг цуглуулж, Шадар сайд С.Амарсайханд хариуцлага тооцохыг шаардаж эхэлжээ. Тус өргөдөлд “Монгол Улсын иргэн бүр Үндсэн хуулиар олгогдсон эрхийнхээ дагуу улсынхаа нутаг дэвсгэрт эрүүл, аюулгүй амьдрах эрхтэй бөгөөд үүнийг нь төр баталгаатай хангах үүрэгтэй. Аливаа улс орон, тэр дундаа нийтийн эрх ашгийн төлөө ажилладаг эмч, онцгой байдлын ажилтан, цагдаа нарыг хувцас хэрэглэлээр хангах, онцгой нөхцөл байдалд бэлэн байх бүх эрсдэлийг тооцож, аюулгүй байдлыг хангах үүрэгтэй
2024-01-29
Хий дэлбэрсэн ослын улмаас эмчлүүлж байсан нэг хүн эндэв
Баянзүрх дүүргийн 26 дугаар хороонд хий тээвэрлэж явсан автомашин осолдож, улмаар дэлбэрснээс болж олон хүн хохироод буй билээ. Хохирсон иргэдийн төлөөлөл энэ сарын 27-нд мэдээлэл хийв. Тэд “Ослын улмаас амиа алдсан онцгой байдлын алба хаагчдад эмгэнэл илэрхийлье. Манай байрныхан ослын үед хүлээцтэй, зохион байгуулалттайгаар 15-20 минутад гарч амжсан. Гэр бүлийнхнээ гадаа гаргачхаад, өндөр настан, хүүхэд, эмэгтэйчүүдэд тусалсан залуусдаа баярлалаа. Энэхүү харамсалтай явдлын бурууг дэлбэрсэн автомашины жолоочид тохох хэрэггүй
2024-01-29
Үерийн эрсдэлтэй бүсийн ариун цэврийн байгууламжийг сайжруулна
НҮБ-ын Хүүхдийн сангаас энэ онд үерийн эрсдэлтэй нутаг дэвсгэрийн ариун цэврийн байгууламжийг сайжруулах төслийг манай улсад хэрэгжүүлэхээр болжээ. Япон Улсын Засгийн газрын 1.8 сая ам.долларын дэмжлэгээр уг төслийг хэрэгжүүлэх аж. Үүний хүрээнд үерийн эрсдэлтэй газруудад ариун цэврийн байгууламж бий болгон, эрүүл ахуйн байдлыг нь сайжруулах гэнэ
2024-01-29
Б.Махбалын хорих дэглэмийг чангаруулах уу
ЗТХЯ-ны Төрийн захиргаа удирдлагын газрын даргаар ажиллаж байхдаа яамныхаа Хяналт, шинжилгээ, үнэлгээ, дотоод аудитын газрын дарга Т.Г-гийн амийг хөнөөсөн хэрэгт шийтгүүлэн11 жилийн хорих ял эдэлж буй Б.Махбалын ялын дэглэмийг чангаруулж болзошгүй нөхцөл байдал үүсжээ. Тэрбээр ШШГЕГ-ын харьяа Багануур дахь 427 дугаар хаалттай хорих ангид хүмүүжиж байгаа. Тус хорих ангийн удирдлага Б.Махбалыг засрал хүмүүжлийг олсон гэсэн дүгнэлт бичиж, хугацаанаас нь өмнө тэнсэн суллуулахаар хандсаныг Багануур дүүргийн Эрүүгийн хэргийн анхан шатны шүүхийн шүүгч хүлээн аваад суллах захирамж өнгөрсөн есдүгээр сард гаргаж байв.
2024-01-29
Олон улсын тэмээн овогтын жилийг нээнэ
НҮБ-ын Ерөнхий ассамблей энэ оныг Олон улсын тэмээн овогтын жил хэмээн зарлажээ. Тэмээн овогт амьтад нь 90 гаруй улс орны олон сая өрхийн амьжиргааны тулгуур, соёлын салшгүй хэсэг болдог тул ийнхүү онцлохоор шийдвэрлэсэн байна. Үүний хүрээнд НҮБ-ын Хүнс, хөдөө аж ахуйн байгууллагаас Олон улсын тэмээн овогтын жилийн нээлтийн арга хэмжээг өнөөдөр манай улсад зохион байгуулна
2024-01-26
“Даван туулагч” олон нийтэд хүрэхэд бэлэн боллоо
Маш эмзэг сэдвийн талаар өгүүлэх “Даван туулагч” киног өчигдөр нээлээ. Япон Улсын Хүүхдийг ивээх сангийн “Охидыг хүчирхийлэл, мөлжлөгөөс хамгаалах нь” төслийн хүрээнд ХНХЯ, ЦЕГ-тай хамтран, хүүхэд хамгааллын мэргэжилтнүүдэд зориулан уг киног бүтээсэн байна. Бэлгийн хүчирхийлэлд өртсөн хохирогч хүүхдийн илаарьших үйл явц болон тэдэнд ямар дэмжлэг хэрэгтэйг эл бүтээлээр харуулахыг зорьсон байна. Киног бүтээгчид хохирогчийн сэтгэл зүйг сэргээн засах, дэмжлэг үзүүлэх гарц гаргалгааг эрэн хайж, бодит байдалд тулгуурлан хийснээрээ онцлогтой гэнэ
2024-01-26
