“Тэрбум мод” хөдөлгөөний хүрээнд 41.5 сая мод тарьжээ
Монгол Улсын Ерөнхийлөгчийн санаачилгаар “Ой 9+” уриан дор ойн салбарын үндэсний II чуулганыг өчигдөр Төрийн ордонд зохион байгуулав. “Тэрбум мод” үндэсний хөдөлгөөн болон “Алсын хараа 2050” урт хугацааны хөгжлийн бодлогод тусгасны дагуу Монгол Улсын ойгоор бүрхэгдсэн талбайн хэмжээг 2030 он гэхэд есөн хувьд хүргэх, ойн салбар дахь ололт амжилтаа дүгнэх, цаашдын зорилт, бодлогоо тодотгох нь энэхүү чуулганы зорилго байжээ. Чуулганыг нээж Ерөнхийлөгч У.Хүрэлсүх үг хэлсэн. Дээрх зорилтод хүрэхийн тулд ойн салбарын бодлого, эрх зүйн орчин, бүтэц, зохион байгуулалт, хөрөнгө оруулалт, санхүүжилт, шинжлэх ухаан, технологийн чадавхыг сайжруулахад чиглэсэн дэс дараатай арга хэмжээ хэрэгжүүлэх шаардлагатайг тэрбээр онцлов
2024-03-06
УИХ-ын дарга Г.Занданшатарын Унгар Улс дахь айлчлал эхэллээ
УИХ-ын дарга Г.Занданшатар Унгар Улсад албан ёсны айлчлал хийхээр өчигдөр эх орноосоо мордсон байна. Тэрбээр тус улсын Үндэсний ассамблейн дарга Көвер Ласлогийн урилгаар энэ сарын 5-9-нд Унгарт айлчилж буй юм. Айлчлалын үеэр талууд албан ёсны хэлэлцээ хийнэ
2024-03-06
Автобусны хүртээмжийг нэмэгдүүлэхээр төлөвлөсөн ажил дарга нарт алга
Нийтийн тээврийн салбарт парк шинэчлэл хийж, хүртээмжийг нэмэгдүүлнэ хэмээн хотын захирагч амлаж байв. Гэвч тэрхүү шинэчлэлийн хүрээнд автобусны хүртээмж сайжирсангүй, бодит байдалд төдийлөн өөрчлөлт гарахгүй байгааг иргэд хэллээ. Түгжрэлийг бууруулж, автобусны хүрэлцээг сайжруулах тухай жил бүр ярьсаар ирсэн ч аль ч дарга нь шийдэл олоогүй л байна. Парк шинэчлэл хийснээс хойш хүртээмж сайжирсан, эсэхийг уржигдар сурвалжиллаа. Нийтийн тээврийн оргил ачааллын үе нь 07.30-09.00, 16.30-20.00 цаг байдаг. Энэ үеэр ажил, хичээлдээ, гэр лүүгээ яарсан иргэд автобусанд амжиж суухаар уралдан гүйх дүр зургийг аль ч буудлаас харж болно. МУИС-ийн хойд талын автобусны буудалд 16.30 цаг гэхэд оюутнууд голдуу байв. Зарим нь таксинд суухаар гараа өргөнө. Адил зорилготой цөөнгүй хүн зогсож байгаа тул өрсөж таксинд суухын тулд олны хөлөөс зайдуу очин, гараа өргөх нь ч харагдана
2024-03-06
АРАЙ Ч ДЭЭ!!!: Цагдаагийн байгууллага үзэл бодлыг ч цагдана гэв үү
Үүнтэй холбоотойгоор “ЦЕГ ёстой галзуурчээ. Үзэл бодлоо нийтэлж болохоо байх нь”, “Хууль хэрэгжүүлдэг газар нь хувь хүний бодлыг Эрүүгийн хуулийн 13.14-т заасан “Нэр төр, алдар хүндэд халдсан” гэж үзэх нь өөрөө эмгэнэл юм аа. Хувь хүний бодлыг шүүх эрх хэнд ч байхгүй”, “ЦЕГ-ынхан уйдаад, иргэдийн бодлыг худал, үнэн гэж тамгалдаг болжээ”, “Ардчилсан Монгол Улсад хүний үзэл бодлоо илэрхийлэх эрхийг хэзээ хязгаарласан бэ” гэх мэтээр иргэд бухимдаж, шүүмжилж, зарим нь хэлэх үгээ олж ядан байв. Цаашлаад “Би ч гэсэн Ч.Лодойсамбуутай адил бодолтой байна. ЦЕГ газар миний бодлыг залруулж өгнө үү” гэсэн хошигнол ч газар авах шалтгаан боллоо.
2024-03-06
Богдхан ууланд өөртөө үйлчлэх дэлгүүр нээжээ
“Талын Монгол”-ынхон Богдхан ууланд байрлах Хэрэмхэн зогсоолд өөртөө үйлчлэх дэлгүүр нээжээ. Уг дэлгүүрт тухайн брэндийн дөрвөн төрлийн бүтээгдэхүүнийг амтлах боломжтой. Ингэхдээ бүтээгдэхүүнийг худалдагч тэнд байхгүй. Өөрөөр хэлбэл, бүтээгдэхүүний тавиурт байрлах QR кодоор дамжуулан төлбөрөө төлөх нь. Энэ бол үйлчлүүлэгчдэдээ итгэж буйн илрэл хэмээн зарим иргэд үзжээ.
2024-03-05
ХААИС-ийнхан малын эм, бэлдмэл хандивлана
Зудын эрсдэл нэмэгдэж, орон нутагт хүн хүч дутагдах болсон. Үүнтэй холбоотойгоор орон нутгаас нийслэлд ирж суралцаж буй оюутнууд гэр лүүгээ явахаар чөлөө авах нь ихэссэн байна. Тиймээс зарим их сургууль орон нутгийн харьяалалтай оюутнууддаа чөлөө олгож эхэлсэн. Тухайлбал, ХААИС-иас орон нутгийн харьяалалтай, гэр бүлдээ туслах хүсэлтэй оюутнууддаа өчигдрөөс эхлэн энэ сарын 18 хүртэл албан ёсоор чөлөө олгохоор шийдвэрлэжээ
2024-03-05
ЭХЭМҮТ-ийн төрөх тасгийг иж бүрэн засварлаж, олон улсын жишигт нийцүүллээ
ЭХЭМҮТ-ийн төрөх, төрсний дараах тасаг буюу дөрөв, тавдугаар давхрыг нь иж бүрэн шинэчилж, олон улсын жишигт нийцүүллээ. Засварын зураг төслийг “Өлзий иш” компанийнхан боловсруулж, ерөнхий гүйцэтгэгчээр “Алтайн бумбат өргөө” ХХК-ийнхан ажиллажээ. Ингэснээр амаржсан ээжүүд гэр бүлийнхээ хүнтэй хамт хүүхдээ асрах боломж бүрдүүлсэн байна. Түүнчлэн төрөх үйл явцдаа ч гэр бүлийнхээ хүнтэй хамт байх сонголтыг ээжүүдэд олгодог болжээ. Дээрх тасгуудын энгийн болон VIP өрөө бүхэн нь стандартын ор, буйдантай. Мөн хүчилтөрөгчийн шугам, эх баригч, сувилагчыг дуудах хонх, ариун цэврийн өрөө, тусгай шүршүүр зэргийг шийдэж, тав тухтай орчныг бүрдүүлсэн байна
2024-03-05
Үргэлж зунаараа байдаг Экологийн боловсролын төв
Улаанбаатар хотын төвд МУИС-ийн харьяа Экологийн боловсролын төв гэх даруухан хаягтай энгийн нэгэн барилга бий. Түм түжигнэж, бум бужигнасан нийслэлд хүйтний эрч чангарч байхад харин тус төвд зуны улирал болж байх нь сонирхолтой. Тасалгааны болон мандлын цэцэг хэрхэн тарих, яаж арчлах талаар онол, практик хосолсон сургалтыг энэ сарын 2-нд уг төвд зохион байгууллаа. Энэхүү сургалтыг 17 хүн зорин ирсэн бөгөөд хамгийн ахмад нь 70 настай. Тэтгэвэрт гарснаас хойш гэртээ цэцэг, ногоо тарьж байгаа тэрбээр анх удаа л мэргэжлийн сургалтад хамрагдаж байгаа гэнэ. Сургалтыг зорин ирэх хүмүүст нас, хүйс огт хамаагүй. Цэцэг, ургамал тарих сонирхолтой байхад л болох аж
2024-03-05
Өвөрхангайн Төв номын сан хүний эрхийн булантай болов
Өвөрхангай аймгийн Төв номын сан “Хүний эрх, бидний мэдлэг” төрөлжсөн булантай болжээ. Олон нийтийн хүний эрхийн боловсролыг дээшлүүлэх, энэ чиглэлээрх эрдэм шинжилгээ, судалгааны ажил, тайлан илтгэл, ном, гарын авлагыг нийтийн хүртээл болгох нь уг ажлын зорилго юм байна. Хүний эрхийн үндэсний комисс (ХЭҮК)-оос хүний эрх, эрх чөлөөг хүндэтгэх, хамгаалах зорилгоор “Хүний эрх, эрх чөлөөг орон даяар цаг ямагт, хүн бүрд” уриатай арга хэмжээг Улаанбаатар хот болон 21 аймагт зохион байгуулж буй аж
2024-03-05
Төрийн ордны А танхимд хаврын чуулганыг нээнэ
Уг засварын ажил хаврын чуулганы үеэр амжиж дуусахааргүй байгаа тул ийнхүү дээрх танхимыг тохижуулсан гэнэ. Өөрөөр хэлбэл, А танхимд 70 гаруй гишүүнийг багтаахын тулд ширээ, сандал нэмж байрлуулан бэлэн болгожээ. Ц.Нямдоржийг УИХ-ын даргаар ажиллаж байх үед тэнд чуулганы хуралдааныг зохион байгуулж байсан туршлага Тамгын газарт бий. Харин жижиг танхимд хуралдах учраас хаврын чуулганы нээлтийн арга хэмжээнд хэвлэл мэдээллийнхнийг оруулах боломжгүй болсон байна. 2024 оны төсөвт УИХ-ын даргын багцад суулгасан 22 тэрбум төгрөгөөр дээрх засварыг хийхээс гадна гишүүдийн санал өгдөг төхөөрөмжийг шинэчлэхээр төлөвлөжээ.
2024-03-05
АН-ынхан сонгуулийн мөрийн хөтөлбөртөө санал авч эхэлжээ
СЕХ-ноос баталсан УИХ-ын сонгуулийн үйл ажиллагааны хуваарийн дагуу улс төрийн нам, эвслүүд энэ сарын 25-наас өмнө мөрийн хөтөлбөртөө дүгнэлт гаргуулахаар төрийн аудитын дээд байгууллагад хүргүүлэх учиртай. Тиймээс Ардчилсан намаас сонгуулийн мөрийн хөтөлбөртөө иргэд, олон нийтээс санал авах хэлэлцүүлгийг 21 аймаг, есөн дүүрэгт зохион байгуулж эхэлсэн байна. Эхний ээлжид тэд нийслэлийн Баянгол, Хан-Уул дүүрэгт “Бүтэн ардчилал” сэдэвт бүсчилсэн хөгжлийн бодлогын хэлэлцүүлэг явуулжээ. Тус намын сонгуулийн мөрийн хөтөлбөр ийм нэртэй байх аж. Уг хөтөлбөртөө тэд улс орны эдийн засаг, нийгмийн амьдралыг хэрхэн сайжруулахтай холбоотой олон зорилго, агуулга багтаасан гэнэ.
2024-03-05
Э.Амартүвшин “Макбет”-аар эргэн ирнэ
Э.Амартүвшин олон жилийн дараа театртаа ирэхэд ДБЭТ-ын ажиллах хүч залуужиж, илүү хүчирхэг болсныг хараад баярлах сэтгэл төрсөн тухайгаа дурдлаа. Энэхүү дуурийн найруулагчаар ДБЭТ-ын ерөнхий найруулагч С.Баттулга, удирдаачаар Ц.Тэлмүүн-Очир, хөтлөх найруулагчаар Б.Цэрэндаваа, зураачаар О.Баярмагнай нар ажиллаж, тус театрын гоцлол дуучид, симфони найрал хөгжимчид болон найрал дуучид оролцох юм.
2024-03-05
“Эрдэнэт үйлдвэр” ТӨҮГ-ын инженерт яллах дүгнэлт үйлдүүлэх нь
Тэрбээр “Эрдэнэт үйлдвэр” ТӨҮГ-аас зарласан, нурууны хамгаалах бүс нийлүүлэгчийг сонгон шалгаруулах тендерийн үнэлгээний хорооны гишүүнээр ажилласан юм байна. Ингэхдээ албан тушаалаа урвуулан ашиглаж бусдад давуу байдал бий болгосон хэрэгт буруутгагдаж буй гэнэ. АТГ-ын Мөрдөн шалгах хэлтсийнхэн өнгөрсөн долоо хоногт эрүүгийн 882 хэрэгт мөрдөн байцаалт явуулснаас 10-т нь яллах дүгнэлт үйлдүүлж шүүхэд шилжүүлэх саналаа илэрхийлэн прокурорын байгууллагад хүргүүлсэн юм. Тэдний дунд “Эрдэнэт үйлдвэр” ТӨҮГ-ын дээрх албан тушаалтны хэрэг багтжээ.
2024-03-05
Үндсэн хуулийн цэцийн тухай хуулийн шинэчилсэн найруулгын төслийг өргөн барив
Тухайлбал, Цэцийн гишүүнийг нэр дэвшүүлэх, томилох хугацааг бүрэн эрхийн хугацаа дуусах өдрөөс 45-аас доошгүй хоногийн өмнө эрх бүхий байгууллага, албан тушаалтан нь нэр дэвшүүлж, саналаа УИХ-д хүргүүлэхээр заажээ. Мөн Цэцийн гишүүн маргааныг хянан шийдвэрлэх явцдаа нөлөөллийн мэдүүлэг хөтлөхөөр тусгаж, хориглох, хязгаарлах зүйлийг тодорхой тусгасан байна. Үүний сацуу Цэцийн гишүүний бүрэн эрхийг түдгэлзүүлэх, эгүүлэн татах үндэслэл, журмыг нарийвчлан хуульчлах гэнэ. Үндсэн хуулийн цэцэд маргаан хянан шийдвэрлэх тухай хуулиар маргаан хянан шийдвэрлэх бүрэлдэхүүнийг томилох, өргөдөл, мэдээлэл, хүсэлтийг гишүүнд хуваарилах эрхийг Цэцийн дарга хэрэгжүүлж байгааг болиулах зэрэг олон заалт оруулсан байна.
2024-03-05
Намаасаа нэр дэвшихэд Трампад саад болох юм байна уу
АНУ-ын Ерөнхийлөгчид нэр дэвшигчдийг тодруулах үйл явц урт хугацааных юм шиг байвч үнэн хэрэгтээ хоёр сарын дараа гол хоёр нам нь хүмүүсээ гаргаад ирнэ. Энэ ажлын эрч хүч гуравдугаар сарын эхээр суларч 15 муж улсад нь урьдчилсан санал хураалт болсноор идэвхтэй кампанит ажил шувтарч ялагчид тодорхой болох юм.
2024-03-04
Ногдол ашиг хуваарилснаас хойш 15 өдрийн дотор тайлангаа ирүүлэхийг үүрэг болголоо
Санхүүгийн зохицуулах хороо (СЗХ)-ны өнгөрсөн сарын 23-ны 49 дүгээр тогтоолоор хувьцаат компаниуд ногдол ашиг хуваарилах, тайлагнахтай холбоотой 2020 оны 28 дугаар тогтоолд өөрчлөлт оруулсан. Үүний хүрээнд “Монголын хөрөнгийн бирж” (МХБ)-д бүртгэлтэй компаниуд ногдол ашгаа санхүүгийн жил дууссанаас хойш дөрвөн сарын дотор хувьцаа эзэмшигчдэдээ олгож, хуваарилалтын тайлангаа нийг тарааж дууссан өдрөөс хойш ажлын 15 хоногийн дотор ЗХ-нд хүргүүлэхийг үүрэг болгосныг дээрх биржээс мэдээллээ
2024-03-04
Тонн зэсийн ханш 8393 ам.доллар болж хямдрав
Зэсийн хэрэглээгээр дэлхийд тэргүүлдэг БНХАУ-ын аж үйлдвэрлэл таван сар дараалан багассанаас шалтгаалж эл таваарын үнэ хямдарсныг “Reuters” уламжиллаа. Тухайлбал, Лондоны металлын биржид гурван сарын дараа нийлүүлэх шаргал металлын ханш 0.5 хувиар доошлон, тонн нь 8461 ам.доллартой тэнцсэн юм
2024-03-04
Улиран одсон үеийн эр зоригийн түүх
“Шадар гурван цэрэг”-ээр гуравдугаар сарын үзвэр эхэллээ. Цаашид ч үзвэрүүд хөврөхөөр буй. Энэ сарын 1 буюу өнгөрөгч баасан гарагт Оросын шинжлэх ухаан, соёлын төвийн тайзнаа “Про” театрынхан улирлын нээлтийн тоглолтоо уг жүжгээр хийсэн юм
2024-03-04
Дэлхийн хэмжээний охидын хамтлагт нэгдэх боломж нээгдлээ
32 улсад хэрэгжүүлэх “Click the star” төсөлд оролцогчдын бүртгэл эхэллээ. Уг төслөөр дэлхийн 32 улсаас дуулах, бүжиглэх авьяастай, 13-18 насны охидын хамтлаг бүрдүүлэх аж. Үүгээрээ улс орон бүрд “Bling оne” нэртэй, долоон гишүүнтэй 32 хамтлаг байгуулах юм байна. Одоогоор Перу улсаас охидын хамтлагт оролцох шилдгүүдийг шалгаруулжээ. Ингээд төсөл хэрэгжүүлэх хоёр дахь улсаар Монголыг нэрлэж, бэлтгэл ажлыг хангасан гэнэ
2024-03-04
МУИС оюутнуудаа цалинжуулж эхэллээ
Монгол Улсын их сургууль оюутнуудыг номын сандаа цагаар ажиллуулж эхэлжээ. Ингэснээр оюутнууд хичээлийн бус цагаараа бие даалтаа хийнгээ цалин авах боломж бүрдсэн байна. Оюутнууд номын сангийн үйлчилгээний ачаалал өндөр байдаг 11.00-17.00 цагт ажиллана. Ингэхдээ уншигчдад хэрэгтэй номоо олоход туслах, шүүх, онлайн номын сан ашиглах талаар заавар, зөвлөгөө өгөх, зохиогчийн эрхийн зөвшөөрөл авсан цаасан бүтээлийг цахим хэлбэрт шилжүүлэх зэргийг хариуцах нь. Мөн сан хөмрөгийн эмх цэгц, хадгалалт, хамгаалалтын хэвийн нөхцөлийг хангахад анхаарах, ном сэлбэн засахад туслах аж
2024-03-04
