Цахим спортын ертөнцийг цочроосон шийдвэр ба Senzu-гийн ирээдүй
Монголын цахим спортын “домог” гэгддэг “MongolZ” баг Senzu буюу М.Азбаярыг сэлгээнд суулгаж буйгаа зарласан нь дэлхий нийтийг цочроосон үйл явдал боллоо. Counter-strike тоглоомын дэлхийн аварга гэгддэг Будапештийн мэйжор эхлэхэд ердөө нэг сар ч хүрэхгүй хугацаа үлдсэн энэ үед бүрэлдэхүүндээ ийм том өөрчлөлт оруулсан нь цахим спорт сонирхогчдыг талцуулахад хүргэв. Учир нь “MongolZ”-ынхон энэ улирлын хоёрдугаар хагаст цахим спортын дэлхийн аваргад түрүүлэн, “BLAST bounty” болон “Fis-sure playground-2” тэмцээний финалын шатанд шалгарч, өөрсдийн ур чадвар, чансааг тодоор тамгалсан юм.
2025-10-27
Туул голын уснаас дөрвөн төрлийн нян илэрчээ
Туулын уснаас дээж авч, шинжилгээ хийлгэжээ. Ингэхдээ Баянзүрх, Маршал, Яармаг, Биокомбинат гэсэн дөрвөн цэгийн байршлаас дээж авч, Усны газрын итгэмжлэгдсэн лабораторид шинжлүүлсэн аж. Улмаар Баянзүрхийн гүүр орчимд химийн хэрэгцээт хүчилтөрөгчийн үзүүлэлт стандартын шалгуураас 2.8 дахин их гэсэн хариу гарчээ.
2025-10-27
Нарийн, нарийвтар ноост хонины үүлдрийг сайжруулна
ХХААХҮЯ, ADRA олон улсын байгууллага болон Малын удмын сангийн үндэсний төв хамтран Хангай, Ерөө, Орхон үүлдрийн нарийн, нарийвтар ноост хонины ашиг шим, үүлдэрлэг байдлыг сайжруулах зорилгоор дөрөв дэх жилдээ, дурангийн аргаар зохиомол хээлтүүлэг хийж буйгаа мэдээллээ. Хээлтүүлэгт мах, ноосны чиглэлийн, 18-21 микрон ноостой, Австралийн “Мерино” үүлдрийн хуцны гүн хөлдөөсөн үрийг ашиглаж байна. Ийн үржил селекц хийснээр хонины ноос илүү нарийн, атираа сайтай, ясны бүтэц том болж, мах, ноосны гарц нэмэгдсэн аж.
2025-10-27
“Багш нарын ажил хаялт үргэлжлэх тул хичээл орохгүй”
Сурагчдын бие даалтын долоо хоног энэ сарын 24-нд дуусаж, хуваарь ёсоор өнөөдөр хичээл эхлэх байв. Гэвч Засгийн газар, Боловсролын яам, Монголын боловсрол, шинжлэх ухааны үйлдвэрчний холбооныхон багш нарын цалин нэмэх асуудлаар зөвшилцөж, хэлэлцээрийн ширээний ард сууж чадсангүй.
2025-10-27
ДАН систем 2.0 хувилбарт шилжиж, царай таньдаг боллоо
Үндэсний дата төвөөс ДАНтанилт нэвтрэлтийн нэгдсэн системийн 2.0 шинэ хувилбараа танилцууллаа. Уг системийг ийнхүү нэг шат ахиулснаар царай таньдаг найдвартай баталгаажуулалттай болжээ. Ингэснээр хэрэглэгчид хурууны хээ болон банкны эрхээр нэвтрэх шаардлагагүй, илүү хялбар болсон байна.
2025-10-26
Монголын орчин үеийн уран зохиолуудыг чех уншигчдад хүргэв
Манай орон болон Бүгд Найрамдах Чех Улс хооронд дипломат харилцаа тогтоосны 75 жилийн ойг тохиолдуулан Элчин сайдын яам, “Plav” сэтгүүлийн газар, Карлын их сургуулийнхан хамтран Монголын орчин үеийн уран зохиолуудыг чех хэлээр орчуулан, уншигчдын хүртээл болгожээ. Ингэхдээ Монголын орчин үеийн уран зохиолын томоохон төлөөлөл болох Ц.Дамдинсүрэн, Д.Норов, Р.Чойном, Л.Өлзийтөгс, Г.Аюурзана нарын бүтээлүүдээс сорчлон Карлын их сургуулийн Монгол судлалын төвийн багш, оюутнууд, монголч эрдэмтэд, судлаачдын тусламжтай орчуулсан гэнэ.
2025-10-26
М.Зулькафильд МУИС-ийн Эмерит профессор цол олгов
Соёлын гавьяат зүтгэлтэн, профессор, шинжлэх ухааны доктор М.Зулькафильд МУИС-ийн Эмерит профессор цол өчигдөр олголоо. МУИС-ийн Эрдмийн зөвлөлөөс Монголын сэтгүүл зүйн салбарт түүний оруулсан жинтэй хувь нэмэр, бүтээл туурвилыг нь өндрөөр үнэлэн ийнхүү Эмерит профессор цол олгохоор шийдвэрлэжээ. Ёслолын үйл ажиллагаанд МУИС-ийн удирдлага, Эрдмийн зөвлөлийн гишүүд, гэр бүл, найз нөхөд, оюутан залуусын төлөөлөл оролцож, тэрбээр хүндэтгэлийн лекц уншсан юм.
2025-10-26
Хязгаар нь хаана вэ
Дэлхий гараг, түүний оршин буй нарны аймгийн хязгаар хаана хүрээд “хаагддаг”- ийг мэдэхээр эрт үеэс эрдэмтэн, судлаачид сансар, огторгуй руу “өнгийсөөр” иржээ. Галилео Галилей 1610 онд тэнгэрийн эрхсийг тольдох дуран бүтээснээр Сүүн зам хэмээх зурваст “нуугдсан” тоо томшгүй оддын бөөгнөрлийг илрүүлсэн. Энэ нээлтийн ачаар эрдэмтдийн таамаглал шинэ баримт, мэдлэгт суурилан тэлж, сансрын орон зай төсөөлж, тооцоолж байснаас нь өргөн уудам болохыг мэдэж авав. Тэр цагаас хойш тэсрэлт болсон олон нээлт хийж, орчлон, од эрхсийг таних их аян хүрээгээ тэлсээр.
2025-10-26
“Монгол абилимп-2025” ур чадварын улсын уралдааны шилдгүүд дэлхийд өрсөлдөнө
“Хөгжлийн бэрхшээл нь оролцох, бүтээх, бахархах эрхийг хязгаарлахгүй” гэсэн уриан дор “Монгол абилимп-2025” ур чадварын улсын уралдааныг ирэх сарын 6-7-нд Улаанбаатар хотод зохион байгуулах гэж байна. Тусгай хэрэгцээт иргэдийн ур чадвар, хөдөлмөр эрхлэлтийг дэмжих зорилготой энэхүү арга хэмжээгээр “Абилимп-2025” дэлхийн уралдаанд Монгол Улсаа төлөөлөх шилдэг оролцогчдыг тодруулах юм.
2025-10-25
Хламидын эсрэг вакциныг дэлхийд анх удаа коала баавгайд хийжээ
Австралид коала баавгайн тоо толгойг хамгаалах зорилгоор тэднийг олноор нь үхэлд хүргэж буй хламид өвчний эсрэг вакциныг дэлхийд анх удаа хийж эхэллээ. Нарны эргийн их сургуулийн (UniSC) эрдэмтэд 10 гаруй жил судалгаа хийсний дүнд коала баавгайг үхэлд хүргэдэг хламид өвчнөөс хамгаалах нэг удаагийн вакцин гарган авсан аж. Учир нь коала баавгайн үхлийн бараг тал хувь нь хламидын халдвараас үүдэлтэй гэнэ.
2025-10-25
Ангарагийн жалга хэрхэн үүссэнийг тогтоов
Ангараг дээрх ороомог хэлбэртэй, урт сунаж тогтсон жалга эрдэмтдийг удаан хугацаанд “гижигдэж” буй. Ус, салхи, эсвэл өөр ямар нэг хүчин зүйлээс болж ийм өвөрмөц хэлбэртэй жалга үүссэн үү гэдгийг тайлбарлахаар Нидерландын Утрехт их сургуулийн хоёр судлаач элс ашиглан Их Британи дахь “Ангарагийн тасалгаа” лабораторид загварчлал гаргажээ.
2025-10-25
“НДШ нөхөн төлнө” гэх хуурамч мэдээлэлд автахгүй байхыг анхаарууллаа
Сүүлийн үед фэйсбүүк болон цөөнгүй сошиал сувгаар хувь хүмүүс “Нийгмийн даатгалын шимтгэл нөхөн төлж өгнө. Цахимд шивж оруулна” гэх залилангийн шинж чанартай хуурамч зар, мэдээлэл тараах болжээ. Энэ нь нийгмийн даатгалын хууль, тогтоомж, бусад эрх зүйн дүрэм журмыг зөрчсөн үйлдэл төдийгүй хувь иргэн төрийн байгууллагын цахим системд нэвтрэх, даатгуулагчийн мэдээллийг шинэчлэх, шивж оруулах ямар ч боломжгүй гэдгийг Гэр бүл, хөдөлмөр, нийгмийн хамгааллын яамнаас өчигдөр сэрэмжлүүллээ. Иймд ажил олгогч, даатгуулагч, иргэд, харилцагчид дээрх агуулга бүхий хуурамч мэдээлэлд автахгүй байхыг анхааруулсан юм.
2025-10-25
Шорт трекчид “Дэлхийн цом”-д бөхөнгийн дүрс бүхий логотой оролцоно
Олон улсын тэшүүрийн холбооноос зохион байгуулдаг “Дэлхийн цом”-ын цуврал тэмцээнийг англи хэл дээр “World tour short track speed skating” гэж нэрлэхээр боллоо. Эл цувралд оролцох эрх бүхий багууд (32 улсын) өөрийн орны хэв шинжийг агуулсан амьтны дүрс бүхий логог бүтээх даалгавар авсан.
2025-10-25
Саран дээр хөрсний гулгалт идэвхжиж байна
Хятадын эрдэмтэд дэлхийн дагуул дээрх 41 удаагийн хөрсний гулгалтыг шинээр бүртгэсэн талаараа өнгөрсөн сарын сүүлээр мэдээлсэн. Энэ нь сарны геологийн идэвхжил төсөөлж байснаас илүү байгаагийн нотолгоо. Эрдэмтдийн мэдээлснээр 2009 оноос хойш 41 удаа хөрсний гулгалт болсныг өөр өөр цаг үед хиймэл дагуулын авсан 74 талбайн 562 хос зургийг (нарийвчлал <1 м/пиксел) харьцуулснаар тогтоожээ.
2025-10-24
“Багануур” багт АНУ-ын алдарт хоккейчин Мэтт Болди тоглох нь
Монголын хоккейн холбооноос жил бүр зохион байгуулдаг лигийн аварга шалгаруулах тэмцээнд таван багийн тамирчид оролцож байна. Дотоодын өвлийн спортын тэмцээнийг эхлүүлж буй энэ удаагийн лигт “Степпе-Монстерс” багийнхан өнгөрсөн жилийн аварга “Дархан” клубийнхнийг I тойргийн тоглолтод 12:3-аар буулган авч, анхны хожлоо байгуулав.
2025-10-24
Хүн ам ихтэй хороонд түлш борлуулах хоёр цэг байгаа нь хангалтгүй гэв
Нийслэлийн айл өрхүүд энэ сарын 1-нээс хагас коксон түлш хэрэглэж эхэлсэн. Иргэдийн гомдол, саналын дагуу ХЭҮК-ын дарга Д.Сүнжидээр ахлуулсан ажлын ржигдар түлш борлуулах төвүүдийн үйл ажиллагаатай танилцаж, хүртээмж, хэрэглээний бодит нөхцөлд дүн шинжилгээ хийжээ.
2025-10-24
Сүхбаатар аймгийнхан өдөрт нэг тонн сүү боловсруулах үйлдвэртэй боллоо
Өдөрт нэг тонн сүү боловсруулж, жилийн дөрвөн улиралд үйл ажиллагаа явуулах хүчин чадалтай сүүний үйлдвэрийг Сүхбаатар аймагт ашиглалтад орууллаа. Ингэснээр орон нутгийн иргэдийг эрүүл, стандартын шаардлага хангасан сүү, сүүн бүтээгдэхүүнээр хангах, малчдыг дэмжих, ерөнхий боловсролын сургуулиудад “Сүү” хөтөлбөр хэрэгжүүлэх нөхцөл бүрдсэн байна. Одоогоор цэвэршүүлсэн сүү, өрөм, элгэн тараг, зөөхий зэрэг бүтээгдэхүүн үйлдвэрлэж буй бөгөөд цаашид нэр, төрлийг нь нэмэгдүүлэх аж.
2025-10-24
