2024 оны хамгийн баян уран гулгагчдыг тодрууллаа
Харин финалын тэмцээний шагналын хэмжээ ялимгүй өндөр буюу 25-3 мянган доллар байдаг. Тэгвэл Европын АШТ, дөрвөн тивийн АШТ-д тэргүүн байр эзэлбэл 21 мянга (хосын төрөлд 30 мянга), удаах байрын шагналтнуудад 16, 11 мянган доллар олгодог журамтай. “Japan оpen” тэмцээнд тамирчид багт хуваагдаж өрсөлддөг. Эхний гурван байрын багууд 80, 60, 40 мянган доллар хүртсэн. “Shanghai trophy” тэмцээний шагналтнууд 25, 18, 12 мянган долларооршагнууллаа. Харин улсын АШТ-ий шагналыг эл тооцоонд оруулсангүй. К.Сакамото энэ улиралд оролцсон бүх тэмцээндээ түрүүлснээр эл жагсаалтыг тэргүүлэв. Хэрэв тэрбээр дөрвөн тивийн тэмцээнд оролцож, өндөр амжилт үзүүлсэн бол шагналынх нь хэмжээ бүр ч нэмэгдэх байлаа.
2024-04-03
Хүний эрх, эрх чөлөөний байдлын талаарх 23 дахь илтгэлийг УИХ-д өргөн барив
Тухайлбал, “Эрүүл аюулгүй орчинд амьдрах эрхийн хэрэгжилтийн зарим асуудал”, “Боловсролын салбар дахь хүний эрхийн нөхцөл байдал”, “Хүүхдийн эрхийн зарим асуудал”, “Гэр бүлийн харилцаан дахь жендерийн эрх тэгш байдал, хүний эрхийн зарим асуудал”, “Иргэний болон байгаль орчны чиглэлээр хүний эрх хамгаалагчдын эрхийн хэрэгжилт”, “Хорих ял эдлээд суллагдсан хүмүүсийн нийгэм, эдийн засаг, соёлын эрх”, “Хөгжлийн бэрхшээлтэй хүний улс төрийн оролцооны асуудал” гэсэн сэдвээр 23 дахь илтгэлийг боловсруулжээ. Илтгэлийг эхлээд Хууль зүйн байнгын хорооны хуралдаанаар, дараа нь УИХ-ын хаврын ээлжит чуулганаар хэлэлцүүлнэ.
2024-04-03
Олон улсын аялал жуулчлалын Залуучуудын чуулган зохион байгуулна
БОАЖЯ, Аялалжуулчлалын мэргэжлийн холбоо хамтран “Монголд зочлох жил” санаачилгын хүрээнд энэ сарын 15-21-нд “Аялал жуулчлалын долоо хоног” арга хэмжээ зохион байгуулахаар төлөвлөж буйгаа мэдээллээ. Уг нэгдсэн арга хэмжээг “Go Mongolia” үндэсний брэндийг сурталчлах чуулганаар нээж, бизнес эрхлэгчид, хөрөнгө оруулагчид, зочлох үйлчилгээний газрууд, тур оператор компаниудад зориулсан салбар хуралдаанаар үргэлжлүүлэх нь. Гурав дахь өдөр нь 21 аймгийнханд Улаанбаатар хотын аялал жуулчлалын шинэ бүтээгдэхүүн, үйлчилгээг танилцуулах өдөрлөг, зургаа дахид нь Олон улсын аялал жуулчлалын залуучуудын чуулга уулзалт хийхээр товложээ. Түүнлэн өдгөө манай улсын зорилтот зах зээл болоод буй Япон, Солонгос, Хятад, Оросоос жуулчин хүлээж авдаг аяллын компанийнхныг хамруулсан үйл ажиллагаануудыг ч зохион байгуулах гэнэ.
2024-04-03
Үйлдвэрлэлийн ослоор 57 хүн нас баржээ
Монголын үйлдвэрчний эвлэлийн холбооноос дөрөвдүгээр сарыг “Хөдөлмөрийн аюулгүй байдал, эрүүл ахуйн сар” болгон зарлаж, аян өрнүүлж буй талаараа өчигдөр мэдээлэв. Сүүлийн жилүүдэд орчны аюулгүй байдал болон байгаль, цаг уурын гамшигт үзэгдлээс шалтгаалсан осол нэмэгдсээр буй аж. Тухайлбал, өнгөрсөн жил гамшигт үзэгдлийн улмаас 320 хүн нас барсан бол энэ оны эхний хоёр сарын байдлаар 47 хүн амиа алдсан байна. Түүнчлэн улсын хэмжээнд үйлдвэрлэлийн 408 осол гарч, 57 хүн нас баржээ
2024-04-03
Мөс цөмрөх аюулаас сэрэмжлүүлэв
Манай орны ихэнх гол, мөрөн, нуурын мөсний зузаан эрчимтэй буурсан, өнгөрсөн оны мөн үеийнхээс болон олон жилийн дунджаас 10-60 см-ээр бага байгааг Цагуур, орчны шинжилгээний газраас мэдээлэв. Иймд орон нутгийн иргэд, малчид, тээвэрчдийг гол, нууран дээгүүр зорчихгүй, баталгаат гүүр, гармаар явахыг анхаарууллаа. Түүнчлэн цас, мөс эрчимтэй хайлж байгаагаас гол, нуурын усны түвшин эрс нэмэгдэж, сайр,гуу жалга бүхий хэсгүүдээр үер буух эрсдэл орон нутагт хаа сайгүй нүүрлэснийг сануулсан юм. Иймд малчдыг голын эрэг, хөвөөнөөс зайдуу суурьшиж, аюулгүй байдлаа хангахыг зөвлөв
2024-04-03
Сургууль, орон сууцын зоорь, айл өрх усанд автав
Өвөлжилт, хаваржилтын нөхцөл байдлын талаарх ээлжит мэдээллийг Улсын онцгой комиссын нарийн бичгийн дарга, хурандаа Т.Баярхүү өчигдөр өгөв. Түүний мэдээлснээр энэ сарын 1-ний байдлаар нийт нутгийн 30 хувь нь цасан бүрхүүлтэй байгаа гэнэ. Цасны зузаан долоон см байгаа нь зудын эрсдэлийг бууруулжээ. Харин шар усны үер нэмэгдэх төлөвтэйг анхааруулав. Нийслэл болон орон нутгийн хэмжээнд уржигдар шар усны үерийн 16 дуудлага онцгой байдлын байгууллагад иржээ. Тодруулбал, орон сууцын барилгын зоорийн давхар, төмөр замын дагуух үерийн далан, сургууль, цахилгаан дамжуулах дэд станц, авто замын зорчих хэсэг үерт автсан бөгөөд далан босгох, усны голдирлыг өөрчлөх зэргээр аюулгүй байдлыг хангасан байна
2024-04-03
Хятадын иргэний захиалгаар нутаг нэгтэнд нь халдсан этгээдүүдэд ял шийтгэлээ
Үүний дараа Г.Билгүүний хамаарал бүхий Ш гэдэг хүнийг бусдаас зээлсэн мөнгөө өгөхийг шаардан барьцаалж, Налайх дүүргийн нутагт аваачин хутга тулган эрүүл мэндэд нь халдаад зогсохгүй хууль бусаар хорьж, хэд хэдэн дүүргийн нутаг дэвсгэрээр дамжуулан авч яван хүчээр алга болгох хэрэг үйлдсэн байна. Тэд үүнээс өмнө 2021 онд Гандантэгчэнлин хийдийн гадаа, Баянгол дүүргийн 22 дугаар хорооны нутаг дахь зочид буудал, баар, караоке бүхий үйлчилгээний төвийн дэргэд нэг бус иргэнд халдаж, олон нийтийн амгалан тайван байдлыг алдагдуулсан хэрэгт холбогджээ. Бас тэдний нэг нь архины онцгой албан татварын хуурамч тэмдэгт их хэмжээгээр хадгалж, ашигласан хэрэг өдүүлсэн гэнэ.
2024-04-03
Эзэнгүй, стандартгүй отоглох цэгүүд
Байгалийн үзэсгэлэнт, түүхэн дурсгалт газар, улсын тусгай хамгаалалттай бүсэд аялагчид хаа дуртай газраа асар барьж, хоноглодог явдлыг манай улс таслан зогсоохоор “тэмцэж” буй. Дундговийн Цагаан суварга, Хэнтийн Цэнхэрмандал дахь Хар зүрхний хөх нуур, Өмнөговийн Ёлын ам, төрийн тахилгат Их богд уул, алхагч, авирагчдын жим гарсан Асралт хайрхан, жил болгон гадаад, дотоодын олон мянган аялагчийн хөлд дарагддаг Хөвсгөл, Өгий, Хяргас, Буйр зэрэг үзэсгэлэнт нуурыг зорин очвол сандал, сүүдрэвч, асар барих талбай, хогийн сав, ариун цэврийн байгууламжтай тусгай цэг угтах вий
2024-04-03
Таны ажлын байр эрүүл үү, хортой юу
Ажлын байран дахь хортой уур амьсгал гэх ойлголт олон улсад эрчимтэй тархаж байна. Энэ нь химийн идэвхт нэгдэлтэй орчинд ажиллах тухай ойлголт огт биш. Харин ажлын байран дахь хүн хоорондын таагүй уур амьсгалаас үүдэлтэй асуудлыг хэлдэг байна. Стэнфордын их сургуулийн профессор Жеффри Префер “Цалингийн төлөөх үхэл” номдоо ажлын байран дахь хортой уур амьсгал нь нас баралтын тэргүүлэх шалтгааны тавд “жагсдаг”-ийг дурджээ. Тэрбээр судалгаагаараа ажиллах хүчний буруу менежмент, ажлын байрны хортой уур амьсгал нь АНУ-д жилд 120 000 гаруй хүний аминд хүрдгийг тогтоосон гэнэ.
2024-04-02
Хамтдаа эвлүүлцгээе” аянд нэгдээрэй
Аутизмыг таниулах дэлхийн өдөр өнөөдөр тохиож байна. НҮБ-ын Ерөнхий ассамблейн шийдвэрээр 2007 онд бүх гишүүн орныг аутизмын хүрээний эмгэгтэй хүмүүсийг ойлгуулж, таниулах арга хэмжээ авахыг уриалсан юм. Үүнтэй холбогдуулан 2008 оноос эхлэн жил бүрийн дөрөвдүгээр сарын 2-ныг Аутизмыг таниулах дэлхийн өдөр болгон тэмдэглэж иржээ. Энэ өдөр “Монголын аутизмын холбоо” ТББ сургууль, цэцэрлэгүүдийг “Хамтдаа эвлүүлцгээе” аянд нэгдэхийг уриаллаа. Өөрөөр хэлбэл, уг аяны хүрээнд дөрөвдүгээр сарыг аутизмыг таниулах сар болгон, сургууль, цэцэрлэг төдийгүй бүхий л аж ахуйн нэгж, байгууллагыг энэ талаарх мэдлэг, ойлголтыг нэмэгдүүлэх, хандлагаа өөрчлөхийг хүсэв.
2024-04-02
Нийслэлийн Засаг дарга асан Ц.Батбаяр, НТГ-ын дарга байсан Ч.Сайханбаяр нарыг шалгаж дуусав
УИХ-ын гишүүн, нийслэлийн Засаг дарга бөгөөд Улаанбаатар хотын захирагч зэрэг өндөр албан тушаал хашиж байсан Ц.Батбаяр, нийслэлийн Нийтийн тээврийн газар (НТГ)-ын дарга асан Ч.Сайханбаяр нарт холбогдох хэргийг АТГ-ын Мөрдөн шалгах хэлтсийнхэн шалгаж дуусжээ. Тэднийг хойшлуулшгүй ажиллагааны хүрээнд 2023 оны аравдугаар сарын 31-ний шөнө ШШГЕГ-ын харьяа Цагдан хорих 461 дүгээр ангид албадан саатуулсан талаар бид цаг тухайд нь мэдээлж байв. Ц.Батбаяр эцсийн өмчлөгчөөр нь бүртгэлтэй “Улаанбаатар капитал санхүүгийн групп” ХХК-ийн хөрөнгө оруулалттай “Сити бааз консалтинг” компанийнхан төсвөөс их хэмжээгээр мөнгө авч байсан хэмээн шалгаж эхэлсэн юм.
2024-04-02
Л.Номин “Боинг 737” загварын агаарын хөлгөөр нислэг үйлдсэн анхны эмэгтэй нисгэгч боллоо
МИАТ ТӨХК-ийн зургаа дахь эмэгтэй нисгэгч Л.Номин өнгөрсөн сарын 29-нд анхны бие даасан нислэгээ Улаанбаатар-Сөүл-Улаанбаатар чиглэлд үйлдсэн юм. Ингэснээр тэрбээр хамгийн том тийрэлтэт агаарын хөлөг буюу “Боинг 737” загварын агаарын хөлгөөр нислэг үйлдсэн Монголын анхны эмэгтэй нисгэгч боллоо. Л.Номин нь 2018 онд Канад улсад нисгэгчээр сургууль төгсжээ. Тэрбээр бие даасан нислэг үйлдэхээс өмнө багш нартайгаа 200 цаг бэлтгэл хийсэн байна. Мөн өвөө, аавынхаа мэргэжлийг өвлөн авсан гурав дахь үеийн нисгэгч аж.
2024-04-01
Сагсан бөмбөгчид Сингапураас хүрэл медальтай ирэх нь
Сингапурт энэ сарын 27-31 болсон сагсан бөмбөгийн “FIBA 3х3 Asian cup-2024” Ази тивийн аварга шалгаруулах тэмцээнд манай улсаас эрэгтэй, эмэгтэйчүүдийн шигшээ багийнхан өрсөлдлөө. Эрэгтэйчүүд хэсгээ тэргүүлэн эхний тоглолтдоо Шри Ланкийн багийг 15:13-аар хожиж, хоёр дахьдаа Тайландын тоглогчдыг 20:19-өөр илүүрхэн шилдэг наймд шалгарав. Хасагдах шатны тоглолтод Катарын шигшээг 19:11-ээр хожиж, шилдэг дөрөвт үлдэн хагас шигшээд Австралийн багт 11:21-ээр ялагдсан юм
2024-04-01
Монголд анх удаа цутгамал ул үйлдвэрлэв
“Best shoes” компанийнхан Монголд анх удаа цутгамал ул хийх технологи нэвтрүүллээ. Ингэснээр олон улсын стандартад нийцсэн гутал үйлдвэрлэж эхэлсэн байна. Түүнчлэн үйлдвэрлэлийн технологио өргөжүүлсэн тул эдгээр гутлаа гадаадын улс орнуудад нийлүүлэх боломж бүрджээ. Цутгамал гутлын ул нь эх биед резинийг шууд цутгадаг, оёдолгүй гэдгээрээ давуу талтай аж. Тус компанийнхан монгол малын арьсыг үйлдвэрлэлдээ ашигладгаараа онцлогтой.
2024-04-01
Шувуудын гэрэл зургийн уралдаан зарлалаа
“Монгол орны жигүүртэн-2024” гэрэл зургийн уралдааныг “Мишээл” байгаль орчин, танин мэдэхүйн хүрээлэнгээс зарлалаа. Оролцогчдын бүтээлийг энэ сарын 7 хүртэл хүлээн авах гэнэ. Энэхүү уралдааныг Монголын шувуу ажиглагчдын клубийн ес дэх удаагийн уулзалтын хүрээнд зохион байгуулж байна. Уулзалтын үеэр мэргэжлийн шувуу судлаачид, туршлагатай ажиглагч болон гэрэл зурагчдыг хамруулсан хэлэлцүүлгийг өрнүүлэх нь. Шувуудын амьдрах орчныг танин мэдэх, тэднийг хамгаалахад иргэдийг уриалах зорилгыг зохион байгуулагчид тавьжээ.
2024-04-01
20 дахь удаагийн “Венийн вальс”-ын товыг гаргажээ
20 дахь удаагийн “Венийн вальс” цэнгүүнийг энэ сарын 27-нд “Шангри-Ла” зочид буудлын их танхимд зохион байгуулахаар товложээ. Энэхүү арга хэмжээг Монгол, Австри улсын хооронд дипломат харилцаа тогтоосны 60 жилийн ойн хүрээнд эв найрамдлын бэлгэдэл болгон зохион байгуулах гэж буй аж. Бүжгийн уг цэнгүүнийг манай улсад 2000 оноос хойш зохион байгуулж байгаа. Монголын урлагийн томоохон арга хэмжээнүүдийн нэг болон өргөжсөн уг цэнгүүнд оролцогчид хар зангиагаар жигдрэх гэнэ.
2024-04-01
Хүүхэд насны мөрөөдлөө биелүүлж, театрын тайзнаа өөрийгөө “хөглөх” боломжтой
Томоохон театрын тайзнаа жүжигт тоглож буйгаар өөрийгөө төсөөлөн, толины өмнө үгээ бэлдэж байгаагүй хүн цөөн болов уу. Тэгвэл тэрхүү мөрөөдлөө биелүүлэх боломж бүрджээ. Тодруулбал, найруулагч Л.Таванбаяр “Жаалхүү” драмын сургалтаараа дамжуулан олны хүслийг биелүүлж эхлээд байна. Тус сургалтад хамрагдсанаар стрессээс ангижрах, баг хамт олноор ажиллах, уран бүтээлч хандлагаас таашаал авах, өөрийгөө илэрхийлэх, гоо зүй болон ёс зүйн мэдрэмжээ зөв чиглүүлэх чадварт суралцах аж.
2024-04-01
Б.БАТБИЛЭГ: Найз нараа инээлгэдэг байлаа гээд үзэгчдийг инээлгэж чадна гэсэн үг биш л дээ
Өнөөдөр Олон улсын инээдмийн баярын өдөр. Уг өдрийг тохиолдуулан энэ цагийн хамгийн алдартай, нэр бүхий комедиан, олон хүний танихгүй танил, “UB Comedy” клубийг үүсгэн байгуулагч Б.Батбилэгтэй ярилцлаа. Стэнд-ап комеди урлагийг эх орондоо нутагшуулсан түүний “UB Comedy” клуб энэ жил 10 нас хүрч байна. Тэрбээр олон нийтэд хэт нээлттэй, задгай ярьдаг хэмээн шүүмжлүүлдэг ч бусад хэвлэлд хөндөөгүй агуулга, яриагүй сэдэв үй олон байсан билээ. Ярилцлагын зарим хэсэгт зочин маань хошин чадвараа эелдгээр гайхуулж, уур амьсгалыг эерүүлж байлаа. Түүний ярилцлагад уншигч та бүхэн анхаарлаа хандуулна уу.
2024-04-01
Дөрвөн удаа нэр дэвшиж зорьсондоо хүрсэн Прабово
Индонезийн Ерөнхийлөгчийн сонгууль энэ оны хоёрдугаар сарын 14-нд болж, Батлан хамгаалахын сайд байсан Прабово Субианто 96.2 сая хүний санал буюу сонгогчдын 58.6 хувийн дэмжлэг хүлээж Төрийн тэргүүн болсон юм. Тус улсын Төрийн тэргүүний нэг бүрэн эрхийн хугацаа нь таван жил байдаг. Түүнд халаагаа өгсөн Жоко Видодо 10 жил засагласан учир гурав дахь удаагаа нэрээ дэвшүүлэх боломжгүй болж сонгуульд Субиантог дэмжиж оролцсон юм. Харин түүний хүү, 36 настай Ракабуминг Рака Дэд Ерөнхийлөгчийн албыг хаших үүрэг хүлээв.
2024-04-01
