Таван жилийн хугацаанд гэрлэлт 29 хувиар буурч, салалт таван хувиар өсчээ

Монгол гэр бүлийн харилцааны өнөө­гийн бай­дал, өөрчлөлт судалгааг Гэр бүл, хөдөл­мөр, нийг­мийн хамгааллын яамны захиалгаар Хүн ам, хөдөлмөр, нийг­мийн хамгааллын сур­галт, су­дал­гааны хүрээлэн­гийн­хэн гүй­цэтгэ­сэн байна. Уг су­далгааны үр дүнг тус хү­рээ­лэн­гийн­хэн сал­барын яамны удирдлагуудад өчиг­дөр та­нил­цуу­лав. 2019 оныг 2024 оныхтой харь­цуу­ла­хад гэр­лэлт 29 хувиар буурсан бол гэр бүл цуц­лал­тын тоо эс­рэгээрээ таван хувиар өссөн байна. Гэр бү­лийн хү­рээнд үүсэж буй зөрчил, мар­гаан нь олон хүчин зүй­лээс шалтгаалж байгааг эл су­дал­гаа харуулж буй юм. Ту­хайлбал, су­дал­гаанд орол­цогч­дын 29.2 хувь нь үзэл бод­лын зөрч­лөөс, 24.4 хувь нь сог­тууруулах ун­даа хэтрүү­лэн хэ­рэг­лэснээс, 22.8 хувь нь ха­рил­цан ойл­гол­цох­гүй­гээс, 21.5 хувь нь мөнгө, сан­хүү­гийн хомс­до­лоос гэр бү­лийн зөр­чил, мар­гаан үүс­дэг гэжээ. Гэр бү­лийн ха­рил­цаа­ны өнөө­гийн бай­дал, өөрчлөлтийг суд­лах­даа олон ул­сад түгээ­мэл ашиг­ладаг онол арга зүй, аргач­ла­лын дагуу боловсруулсан бөгөөд нийт 2184 өрх хамрагдсаны 40.4 хувь нь нийс­лэл, 59.6 хувь нь орон нутгийнх байжээ.

Гэр бүл төлөвлөлт нь орчин үед маш чухал асуудал болсон төдийгүй хүүхдийн эндэгдэл, үр хөн­дөлт буурах, эх, үрсийн эрүүл мэнд сайж­рах, үр­гүйд­лээс урьдчилан сэргийлэх ач хол­бог­дол­той гэж мэр­гэ­жилтнүүд үздэг. 2010 онд хий­сэн су­далгааны дүн­гээр гэр бү­лийн амьд­ралд мөн­гө, санхүүгийн бо­лон орон байрны асуудал тул­гамдаж байсан бол энэ удаа ч мөн адилхан гарчээ. Өөрөөр хэлбэл, су­дал­гаанд орол­цог­чид гэр бүлийн амьдралд тохиолдож буй бэрх­шээлийг мөнгө, санхүүгийн гачигдал, байр, орон сууцын асуудал гэж онцолсон байна.

Ч.Болор