Бээжинд төмөр замын чиглэлээр мэргэжилтэн бэлдэх нь
Зам, тээврийн яамныхан БНХАУ-ын Бээжингийн зам харилцааны их сургуультай хамтран төмөр замын салбарт чадварлаг боловсон хүчин бэлтгэхээр болжээ. Талуудын хамтын ажиллагаа 2012 онд эхэлсэн бөгөөд өнгөрсөн хугацаанд манайхаас 60 оюутан тус сургуульд тэтгэлгээр сурч, тэд өдгөө төмөр замын салбарт мэргэжлээрээ ажиллаж буй юм байна.
2025-10-31
Г.Занданшатар: Багш нарын цалинг 1000 долларт хүргэх бодлого хэрэгжүүлнэ
УИХ-ын чуулганы ээлжит хуралдаан боллоо. Хуралдаанаар багш нарын цалинг нэмэх, эсэх асуудлаа Ерөнхий сайд Г.Занданшатар мэдээлэл өглөө. Тэрбээр, "Бид боловсролын салбарын шинэчилэл дээр анхааран ажиллаж байна. 1 сая гаруй цалинтай багш нарын шаардлагыг зүй ёсны гэж бид хүлээн авч байгаа. Багш нарын цалинг 1000 долларт хүргэх бодлого хэрэгжүүлнэ.
2025-10-31
Өвлийн улирлын нислэг ноднингоос 42.7 хувиар нэмэгдэх төлөв гарчээ
Дөрвөн улирлын, тэр дундаа өвлийн аялал жуулчлал нэмэгдэхийн хэрээр Монголын иргэний нисэхийн салбар ч сүүлийн жилүүдэд үлэмж тэлж, өсөлттэй байгаа аж. Тухайлбал, сүүлийн хоёр жилд манай улсын хөөрч, буух нислэгийн тоо эрчимтэй нэмэгдэж, 2024 онд л гэхэд 2.2 сая зорчигч тээвэрлэсэн байна. Энэ нь 2019 оныхтой харьцуулахад даруй нэг сая зорчигчоор олширч, бараг хоёр дахин өссөн үзүүлэлт аж. Тэгвэл өнөө жил нисэхийн салбарын зорчигч урсгал 2.5 саяд хүрэх төлөвтэй байгаа гэнэ.
2025-10-31
Зарим гол, мөрөн олон жилийн дунджаас оройтож мөстөх төлөвтэй
Монгол орны гол, мөрөн аравдугаар сарын сүүл, арваннэгдүгээр сарын эхээр зайрмагтаж, эл үзэгдэл сарын турш идэвхтэй үргэлжилдэг аж. Үндсэндээ арванхоёрдугаар сарын 10 гэхэд мөсөн бүрхүүл тогтож, бэхэждэг. Тэгвэл өнөө жил зарим гол, мөрний хөлдөх хугацаа цаг агаарын байдлаас шалтгаалж 5-15 хоногоор хойшлох төлөвтэйг Цаг уур, орчны шинжилгээний газраас сэрэмжлүүллээ.
2025-10-31
Монгол Улс өрсөлдөх чадварын үзүүлэлтээр эхний 50-д багтах боломжтой гэв
Тэргүүн шадар сайд бөгөөд Эдийн засаг, хөгжлийн сайд Н.Учрал өчигдөр “Монгол Улсыг 2026-2030 онд хөгжүүлэх таван жилийн үндсэн чиглэл батлах тухай” тогтоолын төслийг УИХ-ын дэд дарга Б.Пүрэвдоржид өргөн мэдүүллээ. Тодруулбал, ирэх таван жилд зохистой хөдөлмөр эрхлэлтийг нэмэгдүүлэх, үндэсний нэгдмэл үнэт зүйлсийн үзүүлэлтийг 55 хувьд хүргэх, эдийн засгийн өсөлтийг зургаан хувиас буулгахгүй байх, Монгол Улсыг өрсөлдөх чадварын үзүүлэлтээр дэлхийн шилдэг 50 орны нэг болгох зорилтыг хэрэгжүүлэх боломжтой гэж тооцжээ
2025-10-31
Сүнсний баяраар чанарын шаардлага хангасан амттан өгөхийг уриаллаа
Сүнсний баяр буюу хэллоуин өнөөдөр тохиож байна. Жил бүрийн аравдугаар сарын 31-нд эл баярыг дэлхийн олон улсад тэмдэглэн өнгөрүүлдэг заншилтай. Манай улсад ч сүүлийн жилүүдэд өргөнөөр тэмдэглэж, хүүхдүүд айлын хаалга тогшин чихэр цуглуулах болсон. Тухайлбал, АНУ, Канад, Ирланд, Франц зэрэг улсад хүүхдүүд айлуудын хаалга тогшиж “Дайл, эсвэл хуур” гэж хэлээд чихэр цуглуулдаг уламжлалтай.
2025-10-31
Өвлийн саруудын цаг агаарын ерөнхий төлөв
Цаг уурын байгууллагаас гаргасан мэдээллээр өвлийн саруудад нутгийн хойд хэсгээр олон жилийн дунджаас хүйтэн, харин нутгийн баруун өмнөд хэсгээр олон жилийн дунджаас дулаан, бусад нутгаар дунджийн орчим байх төлөвтэй байна.
2025-10-31
Завханчууд 10 гаруй жил барьсан шинэ теартаа ашиглалтад оруулж, анхны бүжгэн жүжгээ толилууллаа
Завханчууд 10 гаруй жил барьсан хөгжимт жүжгийн шинэ театраа ашиглалтад оруулж, анхны бүжгэн жүжгээ 400 гаруй үзэгчид толилууллаа. Л.Ванганы нэрэмжит, 800 хүний суудалтай энэхүү театрыг улсын төсвийн 15 тэрбум төгрөгөөр барьжээ. Шав тавьсан 2011 оноос хойш олон жил царцаад байсан барилгын санхүүжилтийг сүүлийн таван жилийн төсөвт тасралтгүй суулгасны үр дүнд ийнхүү анхны жүжгээрээ нээлтээ хийгээд байна.
2025-10-31
“Хөрсний тогтвортой менежментийн чадавхыг хөгжүүлэх” төслийг хэрэгжүүлнэ
“Дэлхийн өмнөд бүсийн хөрсний тогтвортой менежментийн чадавхыг хөгжүүлэх” буюу (SSC Soil) төслийн Монгол дахь албан ёсоор нээлт өчигдөр боллоо. Үүний хүрээнд манай оронд хөрсний зураглал боло нлабораторийн чадавхыг сайжруулах, тариалангийн тогтвортой менежментийн сайн туршлагыг нутагшуулах, бүс нутгийн хамтын ажиллагааг нэмэгдүүлэх боломж бүрдэхийг ХХААХҮЯ-наас мэдээллээ.
2025-10-30
Холоос эхтэй хориг
АНУ-ын Ерөнхийлөгч Дональд Трамп хоёр дахь бүрэн эрхээ хэрэгжүүлж эхэлснээс хойш анх удаа ОХУ-ын эсрэг хориг тавилаа. Украины эсрэг Оросын өдөөсөн дайныг санхүүжүүлэгч гэж үзэж буй нефтийн “Роснефть”, “Лукоил” гэдэг хоёр компанийн үйл ажиллагааны эсрэг энэ хориг чиглэсэн, хэрэв Путин сэхээрвэл хоригийг даруй цуцлахаа тэрбээрбас хэлсэн байна. Уг хориг сарын дараа хэрэгжиж эхлэх юм. Хоёрдугаарт Оросын нефтийн эсрэг Европын Холбооны тавьж буй хоригийг дэмжихгүй, Өрнөдөд байгаа Оросын алтан валютын нөөцийг царцаах шийдвэрийг АНУхуваалцахгүй аж. Гуравдугаарт Украинд зэвсэг нийлүүлэх тухайд байр сууриа өөрчлөхгүй байгаа.
2025-10-30
Э.Эрхэс мөнгөн медаль хүртэж, Монголын усан спортын түүхэнд шинэ хуудас нээв
Бахрейн улсад зохион байгуулж буй Азийн залуучуудын III наадам өндөрлөх дөхжээ. Тус наадамд оролцож буй манай улсын багаас усанд сэлэлтийн тэмцээнд эрэгтэйчүүдээс ОУХМ Э.Эрхэс 50 метрийн араар даллах төрөлд 25.98 секундийн амжилтаар мөнгөн медаль хүртэж, Монголын усан спортын түүхэнд нэгэн шинэ хуудас нээв. АНУ-ын Охайо мужийн “Spire academy”-д суралцдаг тэрбээр Малайзын Куала-Лумпур хотод өнгөрсөн хоёрдугаар сард зохион байгуулсан тэмцээнд амжилттай оролцож, Сингапурт долоодугаар сард болсон ДАШТ-д улсаа төлөөлсөн билээ.
2025-10-30
Говийн бүсэд гэр бүл төлөвлөлтийг дэмжих хүн амын цогц бодлого хэрэгжүүлэх нь
Гэр бүл, хөдөлмөр, нийгмийн хамгааллын яам, НҮБ-ын Хүн амын сантай хамтран Хүн төвтэй хөгжил: Говийн бүсийн хүн амын тогтвортой бодлого боловсруулснаа мэдээллээ. Бүсийн хүн ам зүйн судалгаанд үндэслэн боловсруулсан уг бодлогын баримт бичгийг говийн аймгуудын ИТХ-ындарга, Засаг дарга, холбогдох яам, агентлаг, Элчин сайдын яамд, олон улсын хөгжлийн түншүүд, иргэний нийгмийн байгууллагынхнаар хэлэлцүүлсэн юм.
2025-10-30
Идэр голын хиймэл нуурт цэнгэг усны индикатор зэвэг, хадран загас үржүүлж эхэллээ
Идэр голын сав газрын захиргаа, “Чулуут тул” төрийн бус байгууллагынхантай хамтран цэнгэг усны индикатор зэвэг, хадран загасны 50 000 жарамгайг “Тосонцэнгэл” усан цахилгаан станцын хиймэл нуурт үржүүлж эхэллээ. Эхний ээлжид хиймэл нуурын цутгах хэсэгт 12 000 жарамгай тавьсан байна. Ойрын хугацаанд үлдсэнийг нь нутагшуулах аж. Ингэснээр гол, нуурын цэвэр цэнгэг байдлыг хадгалах, цаашид агнуурын нөөц бий болгох ач холбогдолтой гэнэ.
2025-10-30
Үндэсний кибер эрсдэлийг анх удаа тодорхойлох гэж байна
Цахим хөгжил, инновац, харилцаа холбооны яам (ЦХИХХЯ), Британийн Засгийн газартай хамтран Монгол Улсын кибер аюулгүй байдлын эрсдэлийг тодорхойлох судалгааг энэсарын28-наасорон даяар эхлүүллээ. Үүний хүрээнд онц чухал мэдээллийн дэд бүтэц бүхий төр, хувийн хэвшлийн байгууллагуудад кибер эрсдэлийг таних, үнэлэх, эрсдэлээс үүдэх хор хохирлыг тодорхойлох болон судалгааны ач холбогдлыг таниулах сургалт зохион байгуулсан байна.
2025-10-30
