Б.Энх-Оргил Фабрико Андрадетай тулалдах нь
Монголын холимог тулаанчдаас “Physical: Asia” шоунд улсаа төлөөлж оролцсон Б.Энх-Оргил Тайландын Бангкок хотод Бразилын тамирчин Фабрико Андрадетай ирэх сарын 5-нд аваргын бүсний төлөө тулалдана. Түүнээс гадна мэргэжлийн боксын тулаанд зургаан удаа ялалт байгуулсан Х.Энхмандах АНУ-ын Калифорни мужийн рингэнд Пуэрто Рикогийн туршлагатай тулаанч, 12 ялсан Брайан Акуино Луготой өрсөлдөх бол Э.Баярцогт дэлхийн хамгийн амаргүй тулааны төрөлд багтдаг нүцгэн гарын боксын BKFC-гийн дэвжээнд Райан Петерсений эсрэг анхны тулаанаа өрнүүлэх нь.
2025-11-21
Э.Мөнх-Эрдэнэ, М.Борхүү нар өвлийн олимпын эрхийн оноо цуглуулах тэмцээнд өрсөлдөнө
Тэшүүрийн тамирчдаас ОУХМ Э.Мөнх-Эрдэнэ “World tour” өвлийн олимпын эрхийн оноо цуглуулах тэмцээнд оролцохоор Польшийн Гданск хотод бэлтгэлээ эхлүүлсэн. Тэрбээр тус тэмцээнд дэлхийн шилдэг 53 тамирчинтай хурд сорих “Mongolian saigas short track” багийнхаа уралдааны өмсгөл дээр овог, нэрээ бичүүллээ. Түүнтэй хамт улсаа төлөөлж өрсөлдөх М.Борхүү хэдхэн хоногийн өмнө Казахстаны Астана хотод зохион байгуулсан залуучуудын “Дэлхийн цом”ын хоёр дахь цувралд оролцохдоо хамгийн ойрын зай болох 500 метрт (2) уралдаж 25 дугаар байр эзэлж, хэсэгтээ хоёрт орсон.
2025-11-21
Монголын баг гадаадад хамтарсан бэлтгэл хийв
Чөлөөт бөхийн үндэсний шигшээ багийнхан АНУ-ын Нью-Йорк хотод зохион байгуулсан “Bill farrell memorial” тэмцээнд оролцсоныхоо дараа хамтарсан бэлтгэлээ эхлүүлсэн. Эрэгтэйчүүд баг ахлах дасгалжуулагч Д.Гомбодорж, дасгалжуулагч Ж.Чулуунбат, Г.Амархүү нарын удирдлагад Филадельфи хотын Пенсильванийн болон Лихай их сургуулийн бүсийн бэлтгэлийн төвд хамтарсан бэлтгэлд хамрагдав. Харин эмэгтэйчүүдийг Ардын багш, дасгалжуулагч С.Сүхбаатар ахлан “Колорадо спрингс” олимпын бэлтгэлийн төвд бэлтгэл базаажээ. Эрэгтэй тамирчид дээрх тэмцээнээс нэг мөнгө, хошой хүрэл, эмэгтэйчүүд зургаан алт, нэг мөнгө, нэг хүрэл медаль хүртсэнийг бид өмнө мэдээлсэн билээ.
2025-11-20
Пауэрлифтингийн тамирчид ДАШТ-д анх удаа дэд байрт шалгарчээ
Румын улсад болсон пауэрлифтингийн хүчний гурван төрлийн (шахалт, суулт, таталт) насанд хүрэгчдийн ДАШТ-д Монголын таван тамирчин Гавьяат дасгалжуулагч Д.Баттулгын удирдлагад оролцлоо. Эрэгтэйчүүдийн 120 кг-ын жинд Т.Сайфолла суултын төрөлд 440 кг-ыг өргөж алт, таталтынхад 360 кг-ыг татан хүрэл медаль хүртсэн ч нийлбэр дүнгээр (1097.5 кг) дэд байрт шалгарав.
2025-11-19
Э.Цолмон дрифтийн цуврал тэмцээний салхийг хагалж түрүүлэв
Монголын мэргэжлийн спорт автомашины холбооноос “Mongolian virtual drift series 2025” таван цуврал тэмцээн зохион байгуулж буй. Нээлтийн эхний гарааны тэмцээнд 21 тамирчин авьяас, ур чадвараа сорьсноос Э.Цолмон тэргүүллээ. Тэрбээр энэ онд тус холбооны SDS ангилалд чансаагаараа VI байрт жагсаж, ирэх жил MDS ангилал руу оролцох эрхээ авсан юм. Тэгвэл түүнтэй тэргүүн байрын төлөө өрсөлдсөн оролцогчдоос А.Тамир мөнгө, Ө.Энхтайван хүрэл медаль хүртлээ. А.Тамир “Redline” клубийн сим уралдааны тамирчин бол Ө.Энхтайван найман настай, өсвөр үеийнхний төлөөлөл. Түүний аав мэргэжлийн уралдаанч, MDS ангиллын улсын хошой аварга О.Өсөхбаяр.
2025-11-19
Эмэгтэйчүүд алтан цом гардахын төлөө “Аса арена”-г доргиож байна
“Үндэсний дээд лиг”-ийн тэмцээн “Аса арена”-д үргэлжилж, Монголын волейболчид 30 дахь жилийнхээ ойгоор үзэгчдэд сонирхолтой, гал гарсан, өрсөлдөөнтэй тоглолтыг үзүүлж байна. Эрэгтэй, эмэгтэйчүүдийн баг дотоодын ямар тамирчдыг эгнээндээ нэгтгэж, аль улсаас легионер тоглогчдоо урьж, хүчээ зузаатгасныг талбай дээрх өрсөлдөөнөөс харсан биз ээ. Энэ удаагийн лигт ч гэсэн эмэгтэйчүүдийн багийг бэлтгэл хийлгэсэн туршлагатай дасгалжуулагчид авьяас, ур чадвар, ухаанаа уралдуулах нь эргэлзээгүй.
2025-11-18
Монголын жүдочид тив, дэлхийн тэмцээнд түрүүлж, үзүүрлэлээ
Казахстаны Астана хотод зохион байгуулж буй пара жүдогийн Азийн АШТ-д дасгалжуулагч А.Мөнхбат, С.Ядамдорж нарын удирдлагад зодоглосон манай улсын тамирчдаас эмэгтэйчүүдийн J1 ангилалд 52 кг-ын жинд Т.Сувд-Эрдэнэ хүрэл медаль хүртэж, Монголын багийн шагналын салхийг хагалав. Түүний амжилтыг үргэлжлүүлж 70 кг-д ОУХМ Л.Туруунаа түрүүлж, тивийн аваргаар тодорлоо.
2025-11-12
Т.Мөнхдэмбэрэл мөнгөн медаль гардав
Австралийн Канберра хотод болсон “World boccia challenger 2025” олон улсын тэмцээнд оролцсон Монголын пара бочигийн Үндэсний шигшээ багийн тамирчин, спортын мастер Т.Мөнхдэмбэрэл эрэгтэйчүүдийн BC1 ганцаарчилсан төрөлд хэсэгтээ таарсан эзэн орны болон Тайванийн тамирчныг ялсан юм. Улсын зургаан удаагийн аварга, дэлхийн хошой мөнгөн медальт тэрбээр аваргын төлөөх өрсөлдөөнд Сингапурын тамирчинд ялагдаж, мөнгөн медаль зүүлээ.
2025-11-12
Жүдочид мастерсын ДАШТ-д медалийн хур буулгав
Францын Парис хотод зохион байгуулж буй жүдо бөхийн ахмадын ДАШТ-д хүч сорьсон Монголын багаас эхний өдөр шагналын салхи хагалж, M1 ангиллын 60 кг-ын жинд Б.Сайнтөр, М2 ангилалд Б.Энхтөр хүрэл медаль хүртэв. Тэднийамжилтыг үргэлжлүүлж, M2 ангиллын 66 кг-д П.Амаржаргал, 73 кг-д Д.Алтансүх, 81 кг-д-Р.Анхбаатар III байрт шалгаран медалийн тавцанд зогссон.
2025-11-07
Г.Ган-Орхон шигшээ наймд шалгарлаа
Австралийн Брисбэн хотод эхэлсэн хэйбол биллиардын хоёр дахь удаагийн ДАШТ-д манай улсаас эрэгтэй, эмэгтэй тус бүр гурван тамирчин 35 орны 128 тоглогчтой өрсөлдөж байна.
2025-11-06
Хөл бөмбөгийн домог К.Роналду тун удахгүй зодог тайлах нь
Португалын шигшээ баг болон Саудын Арабын “Аль наср” клубийн тамирчин Криштиану Роналду мэргэжлийн карьераа тун удахгүй өндөрлүүлж, зодог тайлах гэж буйгаа албан ёсоор зарлалаа. Тэрбээр өдгөө 40 настай бөгөөд карьерынхаа туршид нийт 937 гоол оруулснаас гадна дэлхийн хөл бөмбөгийн түүхэн дэх хамгийн олон шагнал хүртсэн тоглогчдын нэг юм. Тэрбээр “Piers morgan uncensored” нэвтрүүлгийн үеэр “Хөл бөмбөг тоглож байгаад гоол оруулах мөчид ялгардаг адреналиныг юутай ч зүйрлэх аргагүй. Гэхдээ бүх зүйлд эхлэл бас төгсгөл байдаг. Тиймээс карьераа дуусгавар болгосныхоо дараа гэр бүлийнхэндээ илүү их анхаарал хандуулна” гэжээ. Мөн тэрбээр хөл бөмбөггүйгээр амьдарч чадна гэдэгтээ итгэлтэй байгаа бөгөөд зодог тайлсныхаа дараа хөл бөмбөгт дуртай хөвгүүдээ дэмжиж, тэдэнд цаг зарцуулахыг хүсэж буйгаа энэ үеэр онцолсон юм.
2025-11-06
Монголын багийн хоёр хүн стандарт төрөлд алтан медаль хүртэв
Улаанбаатар хотод зохион байгуулж буй сурагчдын Ази тивийн аварга шалгаруулах шатрын тэмцээнд Монголын тамирчид зургаан насны ангилалд оюунаа сорьж байна. Долоо дахь өдрийн тэмцээний стандарт төрөлд өрсөлдсөн оролцогчдоос аваргууд тодров. Хөвгүүдээс долоо хүртэлх насны ангилалд Б.Бат-Эрдэнэ хүрэл, ес хүртэл насныхад Б.Болдбаатар, 11 хүртэлх насныхад Л.Тулга хүрэл медалийн эзэн боллоо.
2025-11-05
Волейболын дээд лигт оролцож буй легионеруудын ур чадварыг Монголын үзэгчид тоглолтоос нь харна
Монголын волейболын холбооноос зохион байгуулдаг “Үндэсний дээд лиг”-ийн тэмцээнийг 1995 онд анх зохион байгуулснаар 30 дахь жилийнхээ ойтой золгож буй. Үзэгчид “Аса арена”-д өчигдөр эхэлсэн 2025-2026 оны улирлын лигийн тоглолтоос баг бүр ямар тамирчдаар хүч сэлбэж зузаатгасан, аль улсаас легионер тоглогч урьсныг харсан биз ээ. Багийн спортын тэр дундаа волейболын хорхойтнуудыг догдлуулж, тэмцээн гал гарсан тоглолтуудаар өрнөх нь. Багууд дээд лигт анхны өдрөөс эхний гурван байрт шалгарч, цаашлаад аваргын цом гардахын төлөө хүчирхэг өрсөлдөгчтэй таарч байна.
2025-11-04
