Монгол Улсад коронавирусийн анхны тохиолдол бүртгэгдсэн талаар бид мэдээлсэн. Халдвар авсан гэгдэх Франц улсын иргэн 120 хүнтэй уулзсан гэж УОК мэдээлсэн. Иймд иргэн та нийслэлийн Эрүүл мэндийн газраас гаргасан дараах зөвлөмжийг дагаж, өөрийгөө болон гэр бүлээ хамгаалаарай.
- Гараа сайтар савандаж угаах, халдваргүйжүүлэгч хэрэглэх;
- Ханиах, найтаах үедээ ам хамраа таглах, амны алчуур хэрэглэх;
- Мах, өндөгийг гүйцэд болгож идэх;
- Амьсгалын замын өвчний шинж тэмдэг илэрсэн хүнтэй ойр байхаас зайлсхийх;
- Мал, тэжээвэр болон зэрлэг амьтантай хүрэлцэхгүй байх;
- Шүүрхий мах, махан бүтээгдэхүүн идэхгүй байх;
- Түүхий ус уухгүй байх;
- Далайн гаралтай хүнсний бүтээгдэхүүнийг сайтар буцалгаж хэрэглэх;
- Арьс, салстаа гэмтээхгүй байх;
- Мал, амьтны зах, аж ахуйгаар орохгүй байх;
- Халдварын эрсдэлтэй бүс нутагт аль болох зорчихгүй, зочин урихгүй байх;
- Хүн ихээр цугларсан газарт аль болох очихгүй байх;
- Зэрлэг амьтдын мах, эд эрхтэнг хүнсэнд хэрэглэхгүй байх;
- Нус, цэрээ ил задгай хаяхгүй байх.
