Говь-Алтай аймгийн Тонхил суманд өнөөдөр 06:47:40 цагт дахин газар хөдөллөө. Тус аймгийн Тонхил сумаас урд зүгт 32 км-ийн зайд өргөргийн 46.04, уртрагийн 94.03-д 4.5 магнитудын хүчтэй газар хөдлөлт болсон бөгөөд давтан хөдлөлтүүд болж байна хэмээн Одон орон геофизикийн хүрээлэнгийн "Алтай" салбараас мэдээлэв.
Он гарснаас хойш Тонхил суманд тав дахь тохиолдол ийнхүү бүртгэгдээд байгаа юм. Өмнө нь гуравдугаар сарын 20-нд 11:03:11-12:08:55 цагийн хооронд нийт дөрвөн удаагийн газар хөдлөлт бүртгэгдсэн бөгөөд 3.6-5.8 магнитудын хүчтэй хөдөлсөн байна.
