Венец нэг өдрийн жуулчдын хураамжийг 30 евро хүртэл нэмэгдүүлнэ 

Италийн Венец хот нэг өдрийн аяллаар ирэх жуулчдаас авдаг хураам­жаа 2027 оноос 30 евро хүртэл нэмэгдүүлэхээр төлөв­лөж байна. Одоогоор уг хураамж 5-10 евро байгаа бөгөөд шинэ тарифыг хэрэгжүүлэхийн тулд Италийн Засгийн газар­тай зөвшилцөх шаардлагатай юм. Эл хураамж нь хотод хоноглохгүй, зөвхөн өдрөөр аялж буй жуулчдад хамаарна. Харин зочид буудал, байрлах газартаа тусгай татвар төлдөг жуулчид болон 14-өөс доош насны хүүхдүүдэд хамаарахгүй. Венец хотын Төсөв, татварын асуудал эрхэлсэн зөвлөх Микеле Зуин одоогийн 5-10 еврогийн хураамж нь жуулчдын хэт их урсгалыг сааруулахад хангалттай нөлөөлөхгүй байгааг онцоллоо. Түүний мэдээлснээр хураамжийг 50 евро хүртэл нэмэх санал гарсан ч эцэст нь 30 евро байхаартогтжээ. Хотынэрхбаригчидэнэхүү арга хэмжээг зөвхөн орлого олох бус, аялал жуулчлалын хэт төвлөрлийг бууруулах зорилготой гэж үзэж байна. Жуулчдын хэт их урсгал болон нутгийн иргэдийн шилжилт, хө­дөл­гөөний улмаас хүн ам цөөрөх нь Ве­нецийн тулгамдсан асуудал болоод байгаа аж.

У.Сүрэн