Энэ удаагийн Ерөнхий санал шүүмжлэлд 130 гаруй орны төр, засгийн тэргүүн оролцож, “Итгэлцлийг сэргээн тогтоож , шилжилтийг удирдан чиглүүлж , бүгдэд хүртээмжтэй НҮБыг цогцлоох нь ” сэдвээр зохион байгуулж буй. Үүнээс гадна “Бүс нутгийн мөргөлдөөн ба геополитик”, “Уур амьсгалын өөрчлөлтийн эсрэг арга хэмжээ ба тогтвортой хөгжил”, “Дэлхий нийтийн эрүүл мэнд ба шинээр гарч ирж буй сорилтууд”, “Хиймэл оюун ухааны засаглал”, “Хүний эрх ба нийгмийн оролцоо” зэрэг сэдвээр өндөр түвшний хуралдаан, хэлэлцүүлэг хийж, шийдвэр гаргах төлөвтэй байна.
Мөн анхаарал татаж буй бас нэг асуудал бол НҮБ-ын дараагийн Ерөнхий нарийн бичгийн дарга хэн байх тухай юм. Антонио Гутеррешийн бүрэн эрхийн хугацаа энэ оны сүүлчээр дуусгавар болно. Тиймээс уг албан тушаалд Мишель Бачелет, Рафаэль Гросси, Ребека Гринспан, Маки Саль, Мария Фернанда Эспиноса нар нэр дэвших талаар олон улсын хэвлэл мэдээллийн байгууллагууд мэдээлж байна. Нэр дэвшигчийг НҮБ-ын Аюулгүйн зөвлөл санал болгосны дараа Ерөнхий Ассамблей батална.
Ерөнхий Ассамблейн 81 дүгээр чуулганыг Бангладеш Улсын Гадаад хэргийн сайд Халилур Рахман даргалж байгаа бөгөөд Монгол Улсаас НҮБ-ын дэргэд суугаа Байнгын төлөөлөгч Н.Анхбаяр 15 орлогч даргын нэгээр ажиллаж байна.
С.Уул
