Ургац хураалт 7-10 хоногоор хоцорчээ 

2026 оны намар 497.1 мянган тонн улаан буудай, 168.2 мянган тонн төмс ху­раан авч дотоодын хэрэгцээгээ бүрэн хан­гана гэж ХХААХҮЯ-наас мэдээлсэн билээ. Тэгвэл эл таамаглал өдгөө цөөн­гүй шалтгаанаар 70 хувь болж буур­чээ. Тус яамны Газар тариалангийн бод­ло­гын хэрэгжилтийг зохицуулах газрын дарга Д.Есөн-Эрдэнэ “Улсын хэм­жээнд үр тарианы хураалт 20 гаруй, төмс, хүнсний ногооных 35-55 хувьтай үргэл­жилж байна. Өнөө жилийн тухайд ургац хураалт 7-10 хоног хоцорч эхэлсэн” гэж мэдэгдэв. Түүнчлэн Ургамал, газар та­риа­лангийн эрдэм шинжилгээний хү­рээ­лэнгээс таримлын болц аль эрт жиг­дэр­сэн байхад ургац хураалтыг хугацаа алдаж эхлүүлснийг шүүмжлээд, богино ху­гацаанд хураан авах технологийн зөв­лөмж гаргажээ. 

Улсын хэмжээн дэх ургацын урьд­чилсан балансаар 555.3 мянган тонн үр тариа, 218.4 мянган тонн хүнсний но­гоо, 50.4 мянган тонн тосны ургамал, 201.8 мянган тонн малын тэжээл ху­раан авах төлөвтэй ч баланс дээр дурд­санч­лан бага зэрэг буураад буй юм. Манай улс улаан буудай, төмс, хүнсний ногооны хан­гамжийг сайжруулах, үнэ тогтвор­жуулах зорилгоор энэ намрын ур­гацаас 100 мянган тонн улаан буудай, 12 мянган тонн төмс, хүнсний ногооны нөөц бүр­дүү­лэхээр санхүүжилтийг тө­сөвт тус­гаад байгаа. 

Гэвч ургац хураалт эдүгээ зорилтот хэмжээнд төдийлөн хүрээгүй атал Цаг уур, орчны шин­жилгээний газраас энэ сарын сүүлчээр ихэнх нутгаар, ялан­гуяа газар тариалангийн бүсэд цочир хүйт­рэхийг сэрэмжлүүлсэн билээ. Тод­руулбал, 26-29-нд Хөвсгөл, Бул­ган, Сэ­лэнгэ, Дархан, Төв, Хэнтий, Дор­но­дын газар тариалангийн бүс нут­гаар нойтон цас орох тул ургац, тариа но­гоо хураах ажлыг цаг ал­далгүй эр­чим­жүү­лэхийг зөвлөв. Мөн техник, то­ног төхөөрөмжийн бэлэн байдлыг хангах, хураасан үр тариаг чийг авах, муу­дахаас сэргийлж стандартын да­гуу ха­таах, хадгалах, тээ­вэрлэх яв­цад хүйтнээс хамгаалах арга хэм­жээ ава­хыг санууллаа.

О.Ундрах